บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
Satullapakayikavaggo catuttho ----------- pathamam sabbhisuttam [78] Evamme sutam ekam samayam bhagava savatthiyam viharati jetavane anathapindikassa arame . atha kho sambahula satullapakayika devatayo abhikkantaya rattiya abhikkantavanna kevalakappam jetavanam obhasetva yena bhagava tenupasankamimsu upasankamitva bhagavantam abhivadetva ekamantam atthamsu. [79] Ekamantam thita kho eka devata bhagavato santike imam gatham abhasi sabbhireva samasetha sabbhi kubbetha santhavam satam saddhammamannaya seyyo hoti na papiyoti. [80] Atha kho apara devata bhagavato santike imam gatham abhasi sabbhireva samasetha sabbhi kubbetha santhavam satam saddhammamannaya pannam 1- labhati nannatoti. [81] Atha kho apara devata bhagavato santike imam gatham abhasi sabbhireva samasetha sabbhi kubbetha santhavam satam saddhammamannaya sokamajjhe na socatiti. [82] Atha kho apara devata bhagavato santike imam gatham abhasi @Footnote: 1 Ma. Yu. panna. Sabbhireva samasetha sabbhi kubbetha santhavam satam saddhammamannaya natimajjhe virocatiti. [83] Atha kho apara devata bhagavato santike imam gatham abhasi sabbhireva samasetha sabbhi kubbetha santhavam satam saddhammamannaya satta gacchanti sugatinti. [84] Atha kho apara devata bhagavato santike imam gatham abhasi sabbhireva samasetha sabbhi kubbetha santhavam satam saddhammamannaya satta titthanti satatanti. Atha kho apara devata bhagavantam etadavoca kassa nu kho bhagava subhasitanti. [85] Sabbasam vo subhasitam pariyayena apica mamapi sunatha sabbhireva samasetha sabbhi kubbetha santhavam satam saddhammamannaya sabbadukkha pamuccatiti. [1]-The Pali Tipitaka in Roman Character Volume 15 page 24-25. https://84000.org/tipitaka/read/roman_read.php?B=15&A=424&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=15&A=424&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=15&item=78&items=8 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=15&siri=31 Study Atthakatha :- https://84000.org/tipitaka/attha/attha.php?b=15&i=78 The Pali Atthakatha in Thai :- https://84000.org/tipitaka/atthapali/read_th.php?B=11&A=1413 The Pali Atthakatha in Roman :- https://84000.org/tipitaka/atthapali/read_rm.php?B=11&A=1413 Contents of The Tipitaka Volume 15 https://84000.org/tipitaka/read/?index_15 https://84000.org/tipitaka/english/?index_15
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]