PaliRoman Vol.15

Pancamam aparaditthisuttam [573] Evamme sutam ekam samayam bhagava savatthiyam viharati jetavane anathapindikassa arame . tena kho pana samayena annatarassa brahmuno evarupam papakam ditthigatam uppannam hoti natthi so samano va brahmano va yo idha agaccheyyati. @Footnote: ¹ Ma. Yu. manussakamya. ² pamocayittha. ³ Po. Ma. itisaddo atthi. [574] Atha kho bhagava tassa brahmuno cetasa cetoparivitakkamannaya seyyathapi nama balava puriso .pe. tasmim brahmaloke paturahosi. Atha kho bhagava tassa brahmuno uparivehasam pallankena nisidi tejodhatum samapajjitva. [575] Atha kho ayasmato mahamoggallanassa etadahosi kaham nu kho bhagava etarahi viharatiti . addasa kho ayasma mahamoggallano bhagavantam dibbena cakkhuna visuddhena atikkantamanusakena tassa brahmuno uparivehasam pallankena nisinnam tejodhatum samapannam disvana seyyathapi nama balava puriso samminjitam va baham pasareyya pasaritam va baham samminjeyya evameva jetavane antarahito tasmim brahmaloke paturahosi . Atha kho ayasma mahamoggallano puratthimam disam nissaya tassa brahmuno uparivehasam pallankena nisidi tejodhatum samapajjitva nicatarakam ^1- bhagavato. [576] Atha kho ayasmato mahakassapassa etadahosi kaham nu kho bhagava etarahi viharatiti . addasa kho ayasma mahakassapo bhagavantam dibbena cakkhuna .pe. disvana seyyathapi nama balava puriso .pe. evameva jetavane antarahito tasmim brahmaloke paturahosi . atha kho ayasma mahakassapo dakkhinam disam nissaya tassa brahmuno uparivehasam pallankena nisidi tejodhatum samapajjitva nicatarakam ^2- bhagavato. @Footnote: ^1-2 Ma. Yu. nicataram. [577] Atha kho ayasmato mahakappinassa etadahosi kaham nu kho bhagava etarahi viharatiti . Atha ^[1]- kho ayasma mahakappino bhagavantam dibbena cakkhuna .pe. tejodhatum samapannam disvana seyyathapi nama balava puriso .pe. evameva jetavane antarahito tasmim brahmaloke paturahosi . atha kho ayasma mahakappino pacchimam disam nissaya tassa brahmuno uparivehasam pallankena nisidi tejodhatum samapajjitva nicatarakam bhagavato. [578] Atha kho ayasmato anuruddhassa etadahosi kaham nu kho bhagava etarahi viharatiti . addasa kho ayasma anuruddho .pe. tejodhatum samapannam disvana seyyathapi nama balava puriso .pe. tasmim brahmaloke paturahosi . atha kho ayasma anuruddho uttaram disam nissaya tassa brahmuno uparivehasam pallankena nisidi tejodhatum samapajjitva nicatarakam bhagavato. [579] Atha kho ayasma mahamoggallano ^[2]- brahmanam gathaya ajjhabhasi ajjapi te avuso sa ditthi ya te ditthi pure ahu passasi vitivattantam brahmaloke parayananti. ^3- [580] Na me marisa sa ditthi ya me ditthi pure ahu passami vitivattantam brahmaloke parayanam ^4- svaham ajja katham vajjam aham niccomhi sassatoti. @Footnote: ^1-2 Ma. Yu. etthantare tam iti dissati . 3-4 Ma. Yu. pabhassaranti. [581] Atha kho bhagava tam brahmanam samvejetva seyyathapi nama balava puriso samminjitam va baham pasareyya pasaritam va baham samminjeyya evameva tasmim brahmaloke antarahito jetavane paturahosi . atha kho so brahma annataram brahmaparisajjam amantesi ehi tvam marisa yenayasma mahamoggallano tenupasankama upasankamitva ayasmantam mahamoggallanam evam vadehi atthi nu kho marisa moggallana annepi tassa bhagavato savaka evammahiddhika evammahanubhava seyyathapi nama ^1- bhavam moggallano kassapo kappino anuruddhoti . evam marisati kho so brahmaparisajjo tassa brahmuno patissunitva ^2- seyyathapi nama balava puriso .pe. evameva tasmim brahmaloke antarahito ayasmato mahamoggallanassa purato paturahosi. [582] Atha kho so brahmaparisajjo ayasmantam mahamoggallanam abhivadetva ekamantam atthasi . ekamantam thito so brahmaparisajjo ayasmantam mahamoggallanam etadavoca atthi nu marisa .pe. Anuruddhoti. [583] Atha kho ayasma mahamoggallano ^[3]- brahmaparisajjam gathaya ajjhabhasi tevijja iddhipatta ca cetopariyayakovida khinasava arahanto bahu buddhassa savakati. @Footnote: ¹ Po. Ma. Yu. namasaddo natthi . ² Ma. Yu. patissutva. ³ Ma. Yu. etthantare @tam iti dissati. [584] Atha kho so brahmaparisajjo ayasmato mahamoggallanassa bhasitam abhinanditva anumoditva yena so brahma tenupasankami upasankamitva tam brahmanam etadavoca ayasma marisa mahamoggallano evamaha tevijja iddhipatta ca cetopariyayakovida khinasava arahanto bahu buddhassa savakati. [585] Idamavoca so brahmaparisajjo attamano ca so brahma tassa brahmaparisajjassa bhasitam abhinanditi.

The Pali Tipitaka in Roman Character Volume 15 page 211-215. https://84000.org/tipitaka/read/roman_read.php?B=15&A=4118&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=15&A=4118&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=15&item=573&items=13 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=15&siri=176 Study Atthakatha :- https://84000.org/tipitaka/attha/attha.php?b=15&i=573 The Pali Atthakatha in Thai :- https://84000.org/tipitaka/atthapali/read_th.php?B=11&A=5235 The Pali Atthakatha in Roman :- https://84000.org/tipitaka/atthapali/read_rm.php?B=11&A=5235 Contents of The Tipitaka Volume 15 https://84000.org/tipitaka/read/?index_15 https://84000.org/tipitaka/english/?index_15