บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
Catuttham sattavassasuttam [496] Evamme sutam ekam samayam bhagava uruvelayam viharati najja neranjaraya tire ajapalanigrodhe . tena kho pana samayena maro papima satta vassani bhagavantam anubandho hoti otarapekkho otaram alabhamano. [497] Atha kho maro papima yena bhagava tenupasankami upasankamitva bhagavantam gathaya ajjhabhasi sokavatinno nu vanasmim jhayasi vittam nu jinno uda patthayano agunnu gamasmimakasi kinci @Footnote: 1 Ma. Yu. beluvapanduvinam. 2 Yu. so. 3 Po. Ma. Yu. kaccha. 4 Ma. Yu. @tatthevantaradhayathati.--------------------------------------------------------------------------------------------- page180.
Kasma janena 1- karosi sakkhim sakkhi na sampajjati kenaci teti. [498] Sokassa mulam palikhaya sabbam anagu jhayami asocamano jetvana sabbam bhavalobhajappam anasavo jhayami pamattabandhuti. [499] Yam vadanti mamayidanti ye vadanti mamanti ca ettha cete mano atthi na me samana mokkhasiti. [500] Yam vadanti na tam mayham ye vadanti na te aham evam papima janahi na me maggampi dakkhasiti. [501] Sace maggam anubuddham khemam amatagaminim 2- apehi gaccha tvameko 3- kimannamanusasasiti. [502] Amaccudheyyam muncanti ye jana paragamino tesaham puttho akkhami yam saccam tam nirupadhinti. [503] Seyyathapi bhante gamassa va nigamassa va avidure pokkharani tatrassa kakkatako atha kho bhante sambahula kumaraka va kumarikayo va tamha gama va nigama va nikkhamitva yena sa pokkharani tenupasankameyyum upasankamitva tam kakkatakam udaka uddharitva thale patitthapeyyum yam yadeva hi so bhante kakkatako alam abhininnameyya tam tadeva te kumaraka @Footnote: 1 Ma. Yu. jane. 2 Po. Ma. Yu. amatagaminam. 3 Ma. tavameveko.--------------------------------------------------------------------------------------------- page181.
Va kumarikayo va katthena va kathalaya va sanchindeyyum sambhanjeyyum sampalibhanjeyyum evam hi so bhante kakkatako sabbehi alehi sanchinnehi sambhaggehi sampalibhaggehi abhabbo tam pokkharanim puna otaritum seyyathapi 1- pubbe evameva kho bhante yanikanici visukayitani 2- visevitani vipphanditani sabbani tani bhagavata pacchinnani 3- sambhaggani sampalibhaggani abhabbodanaham bhante puna bhagavantam upasankamitum yadidam otarapekkhoti. [504] Atha kho maro papima bhagavato santike ima nibbejaniya gathayo abhasi medavannanca pasanam vayaso anupariyaga apettha mudu vindema api assadana siya aladdha tattha assadam vayamanto 4- apakkame kakova selam asajja nibbijjapema gotamati. Atha kho maro papima bhagavato santike ima nibbejaniya gathayo bhasitva 5- tamha thana apakkamma bhagavato avidure pathaviyam pallankena nisidi tunhibhuto mankubhuto pattakkhandho adhomukho pajjhayanto appatibhano katthena bhumim vilikhanto.The Pali Tipitaka in Roman Character Volume 15 page 179-181. https://84000.org/tipitaka/read/roman_read.php?B=15&A=3480&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=15&A=3480&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=15&item=496&items=9 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=15&siri=160 Study Atthakatha :- https://84000.org/tipitaka/attha/attha.php?b=15&i=496 The Pali Atthakatha in Thai :- https://84000.org/tipitaka/atthapali/read_th.php?B=11&A=4601 The Pali Atthakatha in Roman :- https://84000.org/tipitaka/atthapali/read_rm.php?B=11&A=4601 Contents of The Tipitaka Volume 15 https://84000.org/tipitaka/read/?index_15 https://84000.org/tipitaka/english/?index_15
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]