|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 15 : PALI ROMAN Sutta Pitaka Vol 7 : Sutta. Saṃ. Sa.
Tatiyavaggo tatiyo ----- pathamam sambahulasuttam [478] Evamme sutam ekam samayam bhagava sakkesu viharati silavatiyam . tena kho pana samayena sambahula bhikkhu bhagavato avidure appamatta atapino pahitatta viharanti. [479] Atha kho maro papima brahmanavannam abhinimminitva mahantena jatanduvena ajinakkhipanivattho jinno gopanasivanko ghurughurupassasi udumbaradandam gahetva yena te bhikkhu tenupasankami upasankamitva te bhikkhu etadavoca dahara bhavanto pabbajita susu kalakesa bhadrena yobbanena samannagata pathamena vayasa anikkilitavino kamesu bhunjantu bhavanto manusake kame ma sanditthikam hitva kalikam anudhavitthati . na kho mayam brahmana sanditthikam hitva kalikam anudhavama kalikanca kho mayam brahmana hitva sanditthikam anudhavama kalika hi brahmana kama vutta bhagavata bahudukkha bahupayasa adinavo ettha bhiyyo sanditthiko ayam dhammo akaliko ehipassiko opanayiko paccattam veditabbo vinnuhiti . Evam vutte maro papima sisam okampetva jivham nillaletva tivisakham nalatena nalatikam vutthapetva dandamolubbha pakkami.--------------------------------------------------------------------------------------------- page173.
[480] Atha kho te bhikkhu bhagava tenupasankamimsu upasankamitva bhagavantam abhivadetva ekamantam nisidimsu . ekamantam nisinna kho te bhikkhu bhagavantam etadavocum idha mayam bhante bhagavato avidure appamatta atapino pahitatta viharama atha kho bhante annataro brahmano mahantena jatanduvena ajinakkhipanivattho jinno gopanasivanko ghurughurupassasi udumbaradandam gahetva yena mayam tenupasankami upasankamitva amhe etadavoca dahara bhavanto pabbajita susu kalakesa bhadrena yobbanena samannagata pathamena vayasa anikkilitavino kamesu bhunjantu bhavanto manusake kame ma sanditthikam hitva kalikam anudhavitthati {480.1} evam vutte mayam bhante tam brahmanam etadavocumha na kho mayam brahmana sanditthikam hitva kalikam anudhavama kalikanca kho mayam brahmana hitva sanditthikam anudhavama kalika hi brahmana kama vutta bhagavata bahudukkha bahupayasa adinavo ettha bhiyyo sanditthiko ayam dhammo akaliko ehipassiko opanayiko paccattam veditabbo vinnuhiti evam vutte bhante so brahmano sisam okampetva jivham nillaletva tivisakham nalatena nalatikam vutthapetva dandamolubbha pakkantoti. [481] Neso bhikkhave brahmano maro eso papima tumhakam vicakkhukammaya agatoti . atha kho bhagava etamattham--------------------------------------------------------------------------------------------- page174.
Viditva tayam velayam imam gatham abhasi yo dukkhamaddakkhi yatonidanam kamesu so jantu katham nameyya upadhim viditva sangoti loke tasseva jantu vinayaya sikkheti.The Pali Tipitaka in Roman Character Volume 15 page 172-174. https://84000.org/tipitaka/read/roman_read.php?B=15&A=3329&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=15&A=3329&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=15&item=478&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=15&siri=157 Study Atthakatha :- https://84000.org/tipitaka/attha/attha.php?b=15&i=478 The Pali Atthakatha in Thai :- https://84000.org/tipitaka/atthapali/read_th.php?B=11&A=4516 The Pali Atthakatha in Roman :- https://84000.org/tipitaka/atthapali/read_rm.php?B=11&A=4516 Contents of The Tipitaka Volume 15 https://84000.org/tipitaka/read/?index_15 https://84000.org/tipitaka/english/?index_15
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]