|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 14 : PALI ROMAN Sutta Pitaka Vol 6 : Sutta. Ma. U.
Punnovadasuttam [754] Evamme sutam ekam samayam bhagava savatthiyam viharati jetavane anathapindikassa arame . atha kho ayasma punno sayanhasamayam patisallana vutthito yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho ayasma punno bhagavantam etadavoca sadhu mam bhante bhagava sankhittena ovadena ovadatu yamaham bhagavato dhammam sutva eko vupakattho appamatto atapi pahitatto vihareyyanti . Tenahi punna sunahi sadhukam manasikarohi bhasissamiti . Evambhanteti kho so 1- ayasma punno bhagavato paccassosi. [755] Bhagava etadavoca santi kho punna cakkhuvinneyya rupa ittha kanta manapa piyarupa kamupasanhita rajaniya tance bhikkhu abhinandati abhivadati ajjhosaya titthati tassa tam abhinandato abhivadato ajjhosaya titthato uppajjati nandi nandisamudaya dukkhasamudayo punnati vadami . santi kho punna sotavinneyya sadda ... ghanavinneyya gandha ... Jivhavinneyya rasa ... kayavinneyya photthabba ... Manovinneyya dhamma ittha kanta manapa piyarupa kamupasanhita rajaniya tance bhikkhu abhinandati abhivadati ajjhosaya titthati tassa tam abhinandato @Footnote: 1 Ma. Yu. ayam patho natthi.--------------------------------------------------------------------------------------------- page482.
Abhivadato ajjhosaya titthato uppajjati nandi nandisamudaya dukkhasamudayo punnati vadami. [756] Santi ca kho punna cakkhuvinneyya rupa ittha kanta manapa piyarupa kamupasanhita rajaniya tance bhikkhu nabhinandati nabhivadati najjhosaya titthati tassa tam anabhinandato anabhivadato anajjhosaya titthato nandi nirujjhati nandinirodha dukkhanirodho punnati vadami . santi kho punna sotavinneyya sadda ... Ghanavinneyya gandha ... jivhavinneyya rasa ... Kayavinneyya photthabba ... manovinneyya dhamma ittha kanta manapa piyarupa kamupasanhita rajaniya tance bhikkhu nabhinandati nabhivadati najjhosaya titthati tassa tam anabhinandato anabhivadato anajjhosaya titthato nandi nirujjhati nandinirodha dukkhanirodho punnati vadami . imina ca tvam punna maya sankhittena ovadena ovadito katamasmim janapade viharissasiti . iminaham bhante bhagavata sankhittena ovadena ovadito atthi sunaparanto nama janapado tatthaham viharissamiti. [757] Canda kho punna sunaparantaka manussa pharusa kho punna sunaparantaka manussa sace tam punna sunaparantaka manussa akkosissanti paribhasissanti tattha te punna kinti bhavissatiti . sace mam bhante sunaparantaka manussa akkosissanti paribhasissanti tattha me evam bhavissati bhaddaka vatime--------------------------------------------------------------------------------------------- page483.
Sunaparantaka manussa subhaddaka vatime sunaparantaka manussa yam me nayime panina paharam dentiti evamettha bhagava bhavissati evamettha sugata bhavissatiti. [758] Sace pana te punna sunaparantaka manussa panina paharam dassanti tattha pana te punna kinti bhavissatiti . Sace me bhante sunaparantaka manussa panina paharam dassanti tattha me evam bhavissati bhaddaka vatime sunaparantaka manussa subhaddaka vatime sunaparantaka manussa yam me nayime ledduna paharam dentiti evamettha bhagava bhavissati evamettha sugata bhavissatiti. [759] Sace pana te punna sunaparantaka manussa ledduna paharam dassanti tattha pana te punna kinti bhavissatiti . sace me bhante sunaparantaka manussa ledduna paharam dassanti tattha me evam bhavissati bhaddaka vatime sunaparantaka manussa subhaddaka vatime sunaparantaka manussa yam me nayime dandena paharam dentiti evamettha bhagava bhavissati evamettha sugata bhavissatiti. [760] Sace pana te punna sunaparantaka manussa dandena paharam dassanti tattha pana te punna kinti bhavissatiti . sace me bhante sunaparantaka manussa dandena paharam dassanti tattha me evam bhavissati bhaddaka vatime sunaparantaka manussa subhaddaka--------------------------------------------------------------------------------------------- page484.
Vatime sunaparantaka manussa yam me nayime satthena paharam dentiti evamettha bhagava bhavissati evamettha sugata bhavissatiti. [761] Sace pana te punna sunaparantaka manussa satthena paharam dassanti tattha pana te punna kinti bhavissatiti . sace me bhante sunaparantaka manussa satthena paharam dassanti tattha me evam bhavissati bhaddaka vatime sunaparantaka manussa subhaddaka vatime sunaparantaka manussa yam mam nayime tinhena satthena jivita voropentiti evamettha bhagava bhavissati evamettha sugata bhavissatiti. [762] Sace pana tam punna sunaparantaka manussa tinhena satthena jivita voropessanti tattha pana te punna kinti bhavissatiti . sace mam bhante sunaparantaka manussa tinhena satthena jivita voropessanti tattha me evam bhavissati santi kho bhagavato savaka kayena ca jivitena ca attiyamana harayamana jigucchiyamana 1- satthaharakam pariyesanti tam me idam apariyitthamyeva satthaharakam laddhanti evamettha bhagava bhavissati evamettha sugata bhavissatiti. [763] Sadhu sadhu punna sakkhissasi kho tvam punna imina damupasamena samannagato sunaparantasmim janapade viharitum yassadani tvam punna kalam mannasiti . atha kho ayasma punno bhagavato bhasitam abhinanditva anumoditva utthayasana bhagavantam @Footnote: 1 Po. Ma. Yu. jigucchamana.--------------------------------------------------------------------------------------------- page485.
Abhivadetva padakkhinam katva senasanam samsametva pattacivaramadaya yena sunaparanto janapado tena carikam pakkami . anupubbena carikancaramano yena sunaparanto janapado tadavasari. [764] Tatra sudam ayasma punno sunaparantasmim janapade viharati . atha kho ayasma punno tenevantaravassena pancamattani upasakasatani patidesesi 1- tenevantaravassena pancamattani upasikasatani patidesesi 2- tenevantaravassena tisso vijja sacchakasi 3- . atha kho ayasma punno aparena samayena parinibbayi. Atha kho sambahula bhikkhu yena bhagava tenupasankamimsu upasankamitva bhagavantam abhivadetva ekamantam nisidimsu . ekamantam nisinna kho te bhikkhu bhagavantam etadavocum yo so bhante punno nama kulaputto bhagavata sankhittena ovadena ovadito so kalakato tassa ka gati ko abhisamparayoti. [765] Pandito bhikkhave punno kulaputto paccapadi 4- dhammassanudhammam na ca mam dhammadhikaranam vihethesi parinibbuto bhikkhave punno kulaputtoti. Idamavoca bhagava attamana te bhikkhu bhagavato bhasitam abhinandunti. Punnovadasuttam nitthitam tatiyam. --------- @Footnote: 1-2 Yu. patipadesi . 3 Yu. sacchikasi . 4 Po. saccavadi.The Pali Tipitaka in Roman Character Volume 14 page 481-485. https://84000.org/tipitaka/read/roman_read.php?B=14&A=9609&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=14&A=9609&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=14&item=754&items=12 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=14&siri=45 Study Atthakatha :- https://84000.org/tipitaka/attha/attha.php?b=14&i=754 The Pali Atthakatha in Thai :- https://84000.org/tipitaka/atthapali/read_th.php?B=10&A=6071 The Pali Atthakatha in Roman :- https://84000.org/tipitaka/atthapali/read_rm.php?B=10&A=6071 Contents of The Tipitaka Volume 14 https://84000.org/tipitaka/read/?index_14 https://84000.org/tipitaka/english/?index_14
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]