PaliRoman Vol.14

Saccavibhangasuttam [698] Evamme sutam ekam samayam bhagava baranasiyam viharati isipatane migadaye . tatra kho bhagava bhikkhu amantesi bhikkhavoti. Bhadanteti te bhikkhu bhagavato paccassosum. [699] Bhagava etadavoca tathagatena bhikkhave arahata sammasambuddhena baranasiyam isipatane migadaye anuttaram dhammacakkam pavattitam appativattiyam samanena va brahmanena va devena va marena va brahmuna va kenaci va lokasmim yadidam catunnam ariyasaccanam acikkhana desana pannapana patthapana vivarana vibhajana uttanikammam katamesam catunnam dukkhassa ariyasaccassa acikkhana desana pannapana patthapana vivarana vibhajana uttanikammam dukkhasamudayassa ariyasaccassa acikkhana desana pannapana patthapana vivarana vibhajana uttanikammam dukkhanirodhassa ariyasaccassa acikkhana desana pannapana patthapana vivarana vibhajana uttanikammam dukkhanirodhagaminiya patipadaya ariyasaccassa acikkhana desana pannapana patthapana vivarana vibhajana uttanikammam tathagatena bhikkhave arahata sammasambuddhena baranasiyam isipatane migadaye anuttaram dhammacakkam pavattitam appativattiyam samanena va brahmanena va devena va marena va brahmuna va kenaci va Lokasmim yadidam imesam catunnam ariyasaccanam acikkhana desana pannapana patthapana vivarana vibhajana uttanikammam. {699.1} Sevatha bhikkhave sariputtamoggallane bhajatha bhikkhave sariputtamoggallane pandita bhikkhu anuggahaka sabrahmacarinam . Seyyathapi bhikkhave janeta ^1- evam sariputto. Seyyathapi jatassa apadeta evam moggallano . sariputto bhikkhave sotapattiphale vineti moggallano uttamatthe sariputto bhikkhave pahoti cattari ariyasaccani vittharena acikkhitum desetum pannapetum patthapetum vivaritum vibhajitum uttanikatunti . idamavoca bhagava idam vatvana sugato utthayasana viharam pavisi. [700] Tatra kho ayasma sariputto acirapakkantassa bhagavato bhikkhu amantesi avuso bhikkhavoti . avusoti kho te bhikkhu ayasmato sariputtassa paccasosum . ayasma sariputto etadavoca tathagatena avuso arahata sammasambuddhena baranasiyam isipatane migadaye anuttaram dhammacakkam pavattitam appativattiyam samanena va brahmanena va devena va marena va brahmuna va kenaci va lokasmim yadidam catunnam ariyasaccanam acikkhana desana pannapana patthapana vivarana vibhajana uttanikammam katamesam catunnam dukkhassa ariyasaccassa acikkhana desana pannapana patthapana vivarana vibhajana uttanikammam dukkhasamudayassa @Footnote: ¹ Yu. janetti. Ariyasaccassa acikkhana desana pannapana patthapana vivarana vibhajana uttanikammam dukkhanirodhassa ariyasaccassa acikkhana desana pannapana patthapana vivarana vibhajana uttanikammam dukkhanirodhagaminiya patipadaya ariyasaccassa acikkhana desana pannapana patthapana vivarana vibhajana uttanikammam. [701] Katamancavuso dukkham ariyasaccam . jatipi dukkha jarapi dukkha ^[1]- maranampi dukkham sokaparidevadukkhadomanassupayasapi dukkha yampiccham na labhati tampi dukkham sankhittena pancupadanakkhandha dukkha. {701.1} Katama cavuso jati ya tesam tesam sattanam tamhi tamhi sattanikaye jati sanjati okkanti nibbatti ^2- abhinibbatti khandhanam patubhavo ayatananam patilabho ayam vuccatavuso jati. {701.2} Katama cavuso jara ya tesam tesam sattanam tamhi tamhi sattanikaye jara jiranata khandiccam paliccam valittacata ayuno samhani indriyanam paripako ayam vuccatavuso jara. {701.3} Katamancavuso maranam ya tesam tesam sattanam tamha tamha sattanikaya cuti cavanata bhedo antaradhanam maccu maranam kalakiriya khandhanam bhedo kalevarassa nikkhepo jivitindriyassa upacchedo idam vuccatavuso maranam. {701.4} Katamo cavuso soko yo kho avuso annatarannatarena byasanena samannagatassa annatarannatarena dukkhadhammena phutthassa soko socana socitattam antosoko antoparisoko ayam @Footnote: ¹ Po. etthantare byadhipi dukkhati dissati . ² Ma. ayam patho natthi. Vuccatavuso soko . katamo cavuso paridevo yo kho avuso annatarannatarena byasanena samannagatassa annatarannatarena dukkhadhammena phutthassa adevo paridevo adevana paridevana adevitattam paridevitattam ayam vuccatavuso paridevo. {701.5} Katamancavuso dukkham yam kho avuso kayikam dukkham kayikam asatam kayasamphassajam dukkham asatam vedayitam idam vuccatavuso dukkham. {701.6} Katamancavuso domanassam yam kho avuso cetasikam dukkham cetasikam asatam manosamphassajam dukkham asatam vedayitam idam vuccatavuso domanassam. {701.7} Katamo cavuso upayaso yo kho avuso annatarannatarena byasanena samannagatassa annatarannatarena dukkhadhammena phutthassa ayaso upayaso ayasitattam upayasitattam ayam vuccatavuso upayaso. {701.8} Katamancavuso yampiccham na labhati tampi dukkham jatidhammanam avuso sattanam evam iccha uppajjati aho vata mayam na jatidhamma assama na ca vata no jati agaccheyyati na kho panetam icchaya pattabbam idampi yampiccham na labhati tampi dukkham jaradhammanam avuso sattanam ... byadhidhammanam avuso sattanam ... maranadhammanam avuso sattanam ... sokaparidevadukkha- domanassupayasadhammanam avuso sattanam evam iccha uppajjati aho vata mayam na sokaparidevadukkhadomanassupayasadhamma assama na ca vata no sokaparidevadukkhadomanassupayasa Agaccheyyunti na kho panetam icchaya pattabbam idampi yampiccham na labhati tampi dukkham. {701.9} Katame cavuso sankhittena pancupadanakkhandha dukkha seyyathidam rupupadanakkhandho vedanupadanakkhandho sannupadanakkhandho sankharupadanakkhandho vinnanupadanakkhandho ime vuccantavuso sankhittena pancupadanakkhandha dukkha . idam vuccatavuso dukkham ariyasaccam. [702] Katamancavuso dukkhasamudayo ^1- ariyasaccam . Yayam tanha ponobbhavika nandiragasahagata tatratatrabhinandini seyyathidam kamatanha bhavatanha vibhavatanha idam vuccatavuso dukkhasamudayo ^2- ariyasaccam. [703] Katamancavuso dukkhanirodho ^3- ariyasaccam. Yo tassayeva tanhaya asesaviraganirodho cago patinissaggo mutti analayo idam vuccatavuso dukkhanirodho ^4- ariyasaccam. [704] Katamancavuso dukkhanirodhagamini patipada ariyasaccam . Ayameva ariyo atthangiko maggo seyyathidam sammaditthi sammasankappo sammavaca sammakammanto sammaajivo sammavayamo sammasati sammasamadhi. {704.1} Katama cavuso sammaditthi yam kho avuso dukkhe nanam dukkhasamudaye nanam dukkhanirodhe nanam dukkhanirodhagaminiya patipadaya nanam ayam vuccatavuso sammaditthi. {704.2} Katamo cavuso sammasankappo nekkhammasankappo @Footnote: ^1-2 Po. Ma. Yu. dukkhasamudayam . 3-4 Po. Ma. Yu. dukkhanirodham. Abyapadasankappo avihimsasankappo ayam vuccatavuso sammasankappo. {704.3} Katama cavuso sammavaca ^[1]- musavada veramani pisunaya vacaya veramani pharusaya vacaya veramani samphappalapa veramani ayam vuccatavuso sammavaca. {704.4} Katamo cavuso sammakammanto ^[2]- panatipata veramani adinnadana veramani kamesu micchacara veramani ayam vuccatavuso sammakammanto. {704.5} Katamo cavuso sammaajivo idhavuso ariyasavako micchaajivam pahaya sammaajivena jivikam kappeti ayam vuccatavuso sammaajivo. {704.6} Katamo cavuso sammavayamo idhavuso bhikkhu anuppannanam papakanam akusalanam dhammanam anuppadaya chandam janeti vayamati viriyam arabhati cittam pagganhati padahati uppannanam papakanam akusalanam dhammanam pahanaya chandam janeti vayamati viriyam arabhati cittam pagganhati padahati anuppannanam kusalanam dhammanam uppadaya chandam janeti vayamati viriyam arabhati cittam pagganhati padahati uppannanam kusalanam dhammanam thitiya asammosaya ^3- bhiyyobhavaya vepullaya bhavanaya paripuriya chandam janeti vayamati viriyam arabhati cittam pagganhati padahati ayam vuccatavuso sammayavamo. {704.7} Katama cavuso sammasati idhavuso bhikkhu kaye kayanupassi viharati atapi sampajano satima vineyya loke abhijjhadomanassam vedanasu vedananupassi viharati .pe. citte cittanupassi viharati .pe. Dhammesu @Footnote: ^1-2 etthantare ya kho avusoti bhavitabbam . ³ Yu. asammohaya. Dhammanupassi viharati atapi sampajano satima vineyya loke abhijjhadomanassam ayam vuccatavuso sammasati. {704.8} Katamo cavuso sammasamadhi idhavuso bhikkhu vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam ... tatiyam jhanam ... catuttham jhanam upasampajja viharati ayam vuccatavuso sammasamadhi . idam vuccatavuso dukkhanirodhagamini patipada ariyasaccam. [705] Tathagatenavuso arahata sammasambuddhena baranasiyam isipatane migadaye anuttaram dhammacakkam pavattitam appativattiyam samanena va brahmanena va devena va marena va brahmuna va kenaci va lokasmim yadidam imesam catunnam ariyasaccanam acikkhana desana pannapana patthapana vivarana vibhajana uttanikammanti. Idamavocayasma sariputto attamana te bhikkhu ayasmato sariputtassa bhasitam abhinandunti. Saccavibhangasuttam nitthitam ekadasamam. ---------

The Pali Tipitaka in Roman Character Volume 14 page 449-455. https://84000.org/tipitaka/read/roman_read.php?B=14&A=8962&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=14&A=8962&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=14&item=698&items=8 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=14&siri=41 Study Atthakatha :- https://84000.org/tipitaka/attha/attha.php?b=14&i=698 The Pali Atthakatha in Thai :- https://84000.org/tipitaka/atthapali/read_th.php?B=10&A=5671 The Pali Atthakatha in Roman :- https://84000.org/tipitaka/atthapali/read_rm.php?B=10&A=5671 Contents of The Tipitaka Volume 14 https://84000.org/tipitaka/read/?index_14 https://84000.org/tipitaka/english/?index_14