|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 13 : PALI ROMAN Sutta Pitaka Vol 5 : Sutta. Ma. Ma.
Maghadevasuttam [452] Evamme sutam ekam samayam bhagava mithilayam viharati maghadevambavane 1- . atha kho bhagava annatarasmim padese sitam patvakasi . atha kho ayasmato anandassa etadahosi ko nu kho hetu ko paccayo bhagavato sitassa patukammaya na akaranena tathagata sitam patukarontiti . atha kho ayasma anando ekamsam civaram katva yena bhagava tenanjalimpanametva bhagavantam etadavoca ko nu kho bhante hetu ko paccayo bhagavato sitassa patukammaya na akaranena tathagata sitam patukarontiti. [453] Bhutapubbam ananda imissayeva mithilayam raja ahosi maghadevo 2- nama dhammiko dhammaraja dhamme thito maharaja dhammam carati brahmanagahapatikesu negamesu ceva janapadesu ca uposathanca upavasati catuddasim pancadasim atthamim ca pakkhassa . atha kho ananda raja maghadevo bahunam vassanam bahunam 3- vassasatanam bahunam vassasahassanam accayena kappakam amantesi yada me samma kappaka passeyyasi sirasmim palitani 4- jatani atha me aroceyyasiti . evam devati kho ananda kappako ranno maghadevassa paccassosi . addasa kho ananda kappako bahunam @Footnote: 1 Si. Yu. makhadevambavane . 2 Si. Yu. makhadevo. 3 Yu. bahunnam. @4 Yu. sabbattha phalitaniti dissati.--------------------------------------------------------------------------------------------- page416.
Vassanam bahunam vassasatanam bahunam vassasahassanam accayena ranno maghadevassa sirasmim palitani jatani disvana rajanam maghadevam etadavoca patubhuta kho devassa devaduta dissanti sirasmim palitani jataniti . tenahi samma kappaka tani palitani sadhukam sandasena uddharitva mama anjalismim patitthapehiti . evam devati kho ananda kappako ranno maghadevassa patissutva tani palitani sadhukam sandasena uddharitva ranno maghadevassa anjalismim patitthapesi. {453.1} Atha kho ananda raja maghadevo kappakassa gamavaram datva jetthaputtam kumaram amantapetva etadavoca patubhuta kho me tata kumara devaduta dissanti sirasmim palitani jatani bhutta kho pana me manusaka kama samayo dibbe kame pariyesitum ehi tvam tata kumara imam rajjam patipajja aham pana kesamassum oharetva kasayani vatthani acchadetva agarasma anagariyam pabbajissami tenahi tata kumara yada tvam passeyyasi sirasmim palitani jatani atha kappakassa gamavaram datva jetthaputtam kumaram sadhukam rajje samanusasitva kesamassum oharetva kasayani vatthani acchadetva agarasma anagariyam pabbajeyyasi yena me idam kalyanam vattam nihitam anuppavatteyyasi ma kho me tvam antimapuriso ahosi yasmim kho tata kumara purisayuge vattamane evarupassa kalyanassa--------------------------------------------------------------------------------------------- page417.
Vattassa samucchedo hoti so tesam antimapuriso hoti . tantaham tata kumara evam vadami yena me idam kalyanam vattam nihitam anuppavatteyyasi ma kho me tvam antimapuriso ahositi. [454] Atha kho ananda raja maghadevo kappakassa gamavaram datva jetthaputtam kumaram sadhukam rajje samanusasitva imasmimyeva maghadevambavane kesamassum oharetva kasayani vatthani acchadetva agarasma anagariyam pabbaji . so mettasahagatena cetasa ekam disam pharitva vihasi . tatha dutiyam tatha tatiyam tatha catuttham . iti uddhamadho tiriyam sabbadhi sabbatthataya 1- sabbavantam lokam mettasahagatena cetasa vipulena mahaggatena appamanena averena abyapajjhena pharitva vihasi . karunasahagatena cetasa .pe. muditasahagatena cetasa .pe. upekkhasahagatena cetasa ekam disam pharitva vihasi . tatha dutiyam tatha tatiyam tatha catuttham. Iti uddhamadho tiriyam sabbadhi sabbatthataya sabbavantam lokam upekkhasahagatena cetasa vipulena mahaggatena appamanena averena abyapajjhena pharitva vihasi . raja kho panananda maghadevo caturasitivassasahassani kumarakilikam kili caturasitivassa- sahassani uparajjam 2- karesi caturasitivassasahassani rajjam karesi caturasitivassasahassani imasmimyeva maghadevambavane agarasma anagariyam pabbajito brahmacariyam cari . so cattaro brahmavihare @Footnote: 1 Yu. sabbattha sabbattatayati dissati . 2 Yu. oparajjam.--------------------------------------------------------------------------------------------- page418.
Bhavetva kayassa bheda parammarana brahmalokupago ahosi. [455] Atha kho ananda ranno maghadevassa putto bahunam vassanam bahunam vassasatanam bahunam vassasahassanam accayena kappakam amantesi yada me samma kappaka passeyyasi sirasmim palitani jatani atha me aroceyyasiti . evam devati kho ananda kappako ranno maghadevassa puttassa paccassosi . addasa kho ananda kappako bahunam vassanam bahunam vassasatanam bahunam vassasahassanam accayena ranno maghadevassa puttassa sirasmim palitani jatani disvana ranno maghadevassa puttam etadavoca patubhuta kho devassa devaduta dissanti sirasmim palitani jataniti. Tenahi samma kappaka tani palitani sadhukam sandasena uddharitva mama anjalismim patitthapehiti . evam devati kho ananda kappako ranno maghadevassa puttassa patissutva tani palitani sadhukam sandasena uddharitva ranno maghadevassa puttassa anjalismim patitthapesi. {455.1} Atha kho ananda ranno maghadevassa putto kappakassa gamavaram datva jetthaputtam kumaram amantapetva etadavoca patubhuta kho me tata kumara devaduta dissanti sirasmim palitani jatani bhutta kho pana me manusaka kama samayo dibbe kame pariyesitum ehi tvam tata kumara imam rajjam patipajja aham pana kesamassum oharetva kasayani--------------------------------------------------------------------------------------------- page419.
Vatthani acchadetva agarasma anagariyam pabbajissami tenahi tata kumara yada tvampi passeyyasi sirasmim palitani jatani atha kappakassa gamavaram datva jetthaputtam kumaram sadhukam rajje samanusasitva kesamassum oharetva kasayani vatthani acchadetva agarasma anagariyam pabbajeyyasi yena me idam kalyanam vattam nihitam anuppavatteyyasi ma kho me tvam antimapuriso ahosi yasmim kho tata kumara purisayuge vattamane evarupassa kalyanassa vattassa samucchedo hoti so tesam antimapuriso hoti . tantaham tata kumara evam vadami yena me idam kalyanam vattam nihitam anuppavatteyyasi ma kho me tvam antimapuriso ahositi. [456] Atha kho ananda ranno maghadevassa putto kappakassa gamavaram datva jetthaputtam kumaram sadhukam rajje samanusasitva imasmimyeva maghadevambavane kesamassum oharetva kasayani vatthani acchadetva agarasma anagariyam pabbaji . so mettasahagatena cetasa ekam disam pharitva vihasi . tatha dutiyam tatha tatiyam tatha catuttham . iti uddhamadho tiriyam sabbadhi sabbatthataya sabbavantam lokam mettasahagatena cetasa vipulena mahaggatena appamanena averena abyapajjhena pharitva vihasi . karunasahagatena cetasa .pe. muditasahagatena cetasa .pe. upekkhasahagatena cetasa--------------------------------------------------------------------------------------------- page420.
Ekam disam pharitva vihasi . tatha dutiyam tatha tatiyam tatha catuttham. Iti uddhamadho tiriyam sabbadhi sabbatthataya sabbavantam lokam upekkhasahagatena cetasa vipulena mahaggatena appamanena averena abyapajjhena pharitva vihasi . ranno kho panananda maghadevassa putto caturasitivassasahassani kumarakilikam kili caturasitivassasahassani uparajjam karesi caturasitivassasahassani rajjam karesi caturasitivassasahassani imasmimyeva maghadevambavane agarasma anagariyam pabbajito brahmacariyam cari . so cattaro brahmavihare bhavetva kayassa bheda parammarana brahmalokupago ahosi. [457] Ranno kho panananda maghadevassa puttapaputtaka tassa parampara caturasitisahassani 1- imasmimyeva maghadevambavane kesamassum oharetva kasayani vatthani acchadetva agarasma anagariyam pabbajimsu . te mettasahagatena cetasa ekam disam pharitva viharimsu . tatha dutiyam tatha tatiyam tatha catuttham . iti uddhamadho tiriyam sabbadhi sabbatthataya sabbavantam lokam mettasahagatena cetasa vipulena mahaggatena appamanena averena abyapajjhena pharitva viharimsu . karunasahagatena cetasa ... muditasahagatena cetasa ... upekkhasahagatena cetasa ekam disam pharitva viharimsu. Tatha dutiyam tatha tatiyam tatha catuttham . iti uddhamadho tiriyam sabbadhi sabbatthataya sabbavantam lokam upekkhasahagatena cetasa @Footnote: 1 Yu. caturasiti khattiyasahassani.--------------------------------------------------------------------------------------------- page421.
Vipulena mahaggatena appamanena averena abyapajjhena pharitva viharimsu . [1]- caturasitivassasahassani kumarakilikam kilimsu caturasitivassasahassani uparajjam karesum caturasitivassasahassani rajjam karesum caturasitivassasahassani imasmimyeva maghadevambavane agarasma anagariyam pabbajita brahmacariyam carimsu . te cattaro brahmavihare bhavetva kayassa bheda parammarana brahmalokupaga ahesum . Nimi tesam raja pacchimako ahosi dhammiko dhammaraja dhamme thito maharaja dhammam carati brahmanagahapatikesu negamesu ceva janapadesu ca uposathanca upavasati catuddasim pancadasim atthamim ca pakkhassa. [458] Bhutapubbam ananda devanam tavatimsanam sudhammayam sabhayam sannisinnanam sannipatitanam ayamantarakatha udapadi labha vata bho videhanam suladdham vata bho videhanam yesam nimi raja dhammiko dhammaraja dhamme thito maharaja dhammam carati brahmanagahapatikesu negamesu ceva janapadesu ca uposathanca upavasati catuddasim pancadasim atthamim ca pakkhassati. [459] Atha kho ananda sakko devanamindo deve tavatimse amantesi iccheyyatha no tumhe marisa nimirajanam datthunti icchama mayam marisa nimirajanam datthunti . tena kho panananda samayena nimi raja tadahuposathe pannarase sisanhato uposathiko @Footnote: 1 Yu. etthantare teti dissati.--------------------------------------------------------------------------------------------- page422.
Upari pasadavaragato nisinno hoti . atha kho ananda sakko devanamindo seyyathapi nama balava puriso samminjitam va baham pasareyya pasaritam va baham samminjeyya evameva devesu tavatimsesu antarahito nimissa ranno sammukhe paturahosi. {459.1} Atha kho ananda sakko devanamindo nimim rajanam etadavoca labha te maharaja suladdham te maharaja deva maharaja tavatimsa sudhammayam sabhayam kittayamanarupa sannisinna labha vata bho videhanam suladdham vata bho videhanam yesam nimi raja dhammiko dhammaraja dhamme thito maharaja dhammam carati brahmanagahapatikesu negamesu ceva janapadesu ca uposathanca upavasati catuddasim pancadasim atthamim ca pakkhassati deva te maharaja tavatimsa dassanakama tassa te aham maharaja sahassayuttam ajannaratham pahinissami abhiruheyyasi 1- maharaja dibbam yanam avikampamanoti . adhivasesi kho ananda nimi raja tunhibhavena . atha kho ananda sakko devanamindo nimissa ranno adhivasanam viditva seyyathapi nama balava puriso samminjitam va baham pasareyya pasaritam va baham samminjeyya evameva nimissa ranno sammukhe antarahito devesu tavatimsesu paturahosi. [460] Atha kho ananda sakko devanamindo matalim sangahakam amantesi ehi tvam samma matali sahassayuttam ajannaratham @Footnote: 1 Yu. abhiruheyyasi.--------------------------------------------------------------------------------------------- page423.
Yojetva nimim rajanam upasankamitva evam vadehi ayante maharaja sahassayutto ajannaratho sakkena devanamindena pesito abhiruheyyasi maharaja dibbam yanam avikampamanoti . evam 1- bhadantavati kho ananda matali sangahako sakkassa devanamindassa patissutva sahassayuttam ajannaratham yojetva nimim rajanam upasankamitva etadavoca ayam te maharaja sahassayutto ajannaratho sakkena devanamindena pesito abhiruha maharaja dibbam yanam avikampamano apica maharaja katamena tam nemi yena va papakamma papakanam kammanam vipakam patisamvedenti yena va kalyanakamma kalyanakammanam vipakam patisamvedentiti . ubhayeneva mam matali nehiti . Sampavesi 2- kho ananda matali sangahako nimim rajanam sudhammayam sabhayam 3-. {460.1} Addasa kho ananda sakko devanamindo nimim rajanam duratova agacchantam disva nimim rajanam etadavoca ehi kho maharaja svagatam maharaja deva te maharaja tavatimsa sudhammayam sabhayam kittayamanarupa sannisinna labha vata bho videhanam suladdham vata bho videhanam yesam nimi raja dhammiko dhammaraja dhamme thito maharaja dhammam carati brahmanagahapatikesu negamesu ceva janapadesu ca uposathanca upavasati catuddasim pancadasim atthamim ca pakkhassati deva te maharaja tavatimsa @Footnote: 1 Yu. evam hotu bhaddantavati . 2 Si. Yu. sampapesi . 3 Si. Yu. sudhammam sabham.--------------------------------------------------------------------------------------------- page424.
Dassanakama abhirama maharaja devesu devanubhavenati . alam marisa tattheva mam mithilam patinetu tathaham dhammam carissami brahmanagahapatikesu negamesu ceva janapadesu ca uposathanca upavasissami catuddasim pancadasim atthamim ca pakkhassati . atha kho ananda sakko devanamindo matalim sangahakam amantesi ehi tvam samma matali sahassayuttam ajannaratham yojetva nimim rajanam tattheva mithilam patinehiti . evam bhadantavati 1- kho ananda matali sangahako sakkassa devanamindassa patissutva sahassayuttam ajannaratham yojetva nimim rajanam tattheva mithilam patinesi. [461] Tatra sudam ananda maharaja 2- dhammam carati brahmanagahapatikesu negamesu ceva janapadesu ca uposathanca upavasati catuddasim pancadasim atthamim ca pakkhassati 3- . atha kho ananda nimi raja bahunam vassanam bahunam vassasatanam bahunam vassasahassanam accayena kappakam amantesi yada me samma kappaka passeyyasi sirasmim palitani jatani atha me aroceyyasiti . Evam devati kho ananda kappako nimissa ranno paccassosi . addasa kho ananda kappako bahunam vassanam bahunam vassasatanam bahunam vassasahassanam accayena nimissa ranno sirasmim palitani jatani disvana nimim rajanam etadavoca patubhuta kho devassa devaduta dissanti sirasmim palitani jataniti . tenahi samma kappaka tani palitani @Footnote: 1 Yu. bhaddantavati . 2 Yu. nimiraja . 3 Yu. pakkhassa.--------------------------------------------------------------------------------------------- page425.
Sadhukam sandasena uddharitva mama anjalismim patitthapehiti . evam devati kho ananda kappako nimissa ranno patissutva tani palitani sadhukam sandasena uddharitva nimissa ranno anjalismim patitthapesi. {461.1} Atha kho ananda raja 1- kappakassa gamavaram datva jetthaputtam kumaram amantapetva etadavoca patubhuta kho me tata kumara devaduta dissanti sirasmim palitani jatani bhutta kho pana me manusaka kama samayo dibbe kame pariyesitum ehi tvam tata kumara imam rajjam patipajja aham pana kesamassum oharetva kasayani vatthani acchadetva agarasma anagariyam pabbajissami tenahi 2- kumara yada tvampi passeyyasi sirasmim palitani jatani atha kappakassa gamavaram datva jetthaputtam kumaram sadhukam rajje samanusasitva kesamassum oharetva kasayani vatthani acchadetva agarasma anagariyam pabbajeyyasi yena me idam kalyanam vattam nihitam anuppavatteyyasi ma kho me tvam antimapuriso ahosi yasmim kho tata kumara purisayuge vattamane evarupassa kalyanassa vattassa samucchedo hoti so tesam antimapuriso hoti . tantaham tata kumara evam vadami yena me idam kalyanam vattam nihitam anuppavatteyyasi ma kho me tvam antimapuriso ahositi. [462] Atha kho ananda nimi raja kappakassa gamavaram @Footnote: 1 Yu. nimiraja . 2 Yu. tata kumara.--------------------------------------------------------------------------------------------- page426.
Datva jetthaputtam kumaram sadhukam rajje samanusasitva imasmimyeva maghadevambavane kesamassum oharetva kasayani vatthani acchadetva agarasma anagariyam pabbaji . so mettasahagatena cetasa ekam disam pharitva vihasi . tatha dutiyam tatha tatiyam tatha catuttham . iti uddhamadho tiriyam sabbadhi sabbatthataya sabbavantam lokam mettasahagatena cetasa vipulena mahaggatena appamanena averena abyapajjhena pharitva vihasi . karunasahagatena cetasa ... Muditasahagatena cetasa ... upekkhasahagatena cetasa ekam disam pharitva vihasi . tatha dutiyam tatha tatiyam tatha catuttham . Iti uddhamadho tiriyam sabbadhi sabbatthataya sabbavantam lokam upekkhasahagatena cetasa vipulena mahaggatena appamanena averena abyapajjhena pharitva vihasi . nimi kho panananda raja caturasitivassasahassani kumarakilikam kili caturasitivassasahassani uparajjam karesi caturasitivassasahassani rajjam karesi caturasitivassasahassani imasmimyeva maghadevambavane agarasma anagariyam pabbajito brahmacariyam cari . so cattaro brahmavihare bhavetva kayassa bheda parammarana brahmalokupago ahosi. [463] Nimissa kho panananda ranno kalarajanako nama putto ahosi . so na agarasma anagariyam pabbaji . so tam kalyanam vattam samucchindi. So tesam antimapuriso ahosi.--------------------------------------------------------------------------------------------- page427.
{463.1} Siya kho pana te ananda evamassa anno nuna tena samayena raja maghadevo ahosi yena tam kalyanam vattam nihitanti. Na kho panetam ananda evam datthabbam . aham tena samayena raja maghadevo ahosim . aham tam kalyanam vattam nihinim 1- maya tam kalyanam vattam nihitam pacchima janata anuppavattesi . tam kho panananda kalyanam vattam na nibbidaya na viragaya na nirodhaya na upasamaya na abhinnaya na sambodhaya na nibbanaya samvattati yavadeva brahmalokupapattiya . idam kho panananda etarahi maya kalyanam vattam nihitam ekantanibbidaya viragaya nirodhaya upasamaya abhinnaya sambodhaya nibbanaya samvattati . katamancananda etarahi maya kalyanam vattam nihitam ekantanibbidaya viragaya nirodhaya upasamaya abhinnaya sambodhaya nibbanaya samvattati. {463.2} Ayameva ariyo atthangiko maggo seyyathidam sammaditthi sammasankappo sammavaca sammakammanto sammaajivo sammavayamo sammasati sammasamadhi idam kho ananda etarahi maya kalyanam vattam nihitam ekantanibbidaya viragaya nirodhaya upasamaya abhinnaya sambodhaya nibbanaya samvattati . tam vo 2- aham ananda evam vadami yena me idam kalyanam vattam nihitam anuppavatteyyatha ma kho me tumhe antimapurisa 3- ahuvattha yasmim kho ananda purisayuge vattamane evarupassa kalyanassa @Footnote: 1 Yu. nihanim. 2 Yu. tam kho aham. 3 Yu. antimapuriso.--------------------------------------------------------------------------------------------- page428.
Vattassa samucchedo hoti so tesam antimapuriso hoti . tam vo aham ananda evam vadami yena me idam kalyanam vattam nihitam anuppavatteyyatha ma kho me tumhe antimapurisa ahuvatthati. Idamavoca bhagava attamano ayasma anando bhagavato bhasitam abhinanditi. Maghadevasuttam nitthitam tatiyam. --------The Pali Tipitaka in Roman Character Volume 13 page 415-428. https://84000.org/tipitaka/read/roman_read.php?B=13&A=8529&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=13&A=8529&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=13&item=452&items=12 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=13&siri=33 Study Atthakatha :- https://84000.org/tipitaka/attha/attha.php?b=13&i=452 The Pali Atthakatha in Thai :- https://84000.org/tipitaka/atthapali/read_th.php?B=9&A=5653 The Pali Atthakatha in Roman :- https://84000.org/tipitaka/atthapali/read_rm.php?B=9&A=5653 Contents of The Tipitaka Volume 13 https://84000.org/tipitaka/read/?index_13 https://84000.org/tipitaka/english/?index_13
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]