|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 13 : PALI ROMAN Sutta Pitaka Vol 5 : Sutta. Ma. Ma.
Vekhanasasuttam 1- [389] Evamme sutam ekam samayam bhagava savatthiyam viharati jetavane anathapindikassa arame . atha kho vekhanaso 2- paribbajako yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam atthasi. [390] Ekamantam thito kho vekhanaso paribbajako bhagavato santike udanam udanesi ayam paramo vanno ayam paramo vannoti . Kim pana tvam kaccana evam vadesi ayam paramo vanno ayam paramo vannoti katamo [3]- paramo vannoti . yasma bho gotama vanna anno vanno uttaritaro va panitataro va natthi so paramo vannoti . katamo so kaccana vanno yasma vanna anno vanno uttaritaro va panitataro va natthiti . yasma bho gotama vanna anno vanno uttaritaro va panitataro va natthi so paramo vannoti. [391] Dighapi kho te esa kaccana phareyya yasma bho gotama vanna anno vanno uttaritaro va panitataro va natthi so paramo vannoti vadesi tanca vannam na pannapesi . Seyyathapi kaccana puriso evam vadeyya aham ya imasmim @Footnote: 1 Yu. vekhanassasuttanti dissati. Ma. vekhanasasuttanti dissati. @2 Yu. vekhanasso. 3 Yu. etthantare soti dissati.--------------------------------------------------------------------------------------------- page368.
Janapade janapadakalyani tam icchami tam kamemiti . tamenam evam vadeyyum ambho purisa yam tvam janapadakalyanim icchasi kamesi janasi tam janapadakalyanim 1- khattiyim va brahmanim va vessim va suddim vati . iti puttho noti vadeyya . tamenam evam vadeyyum ambho purisa yam tvam janapadakalyanim icchasi kamesi janasi tam janapadakalyanim evamvanna evamgotta iti vati .pe. digha va rassa va majjhima va kali va sama va manguracchavi vati amukasmim nama game va nigame va nagare vati . iti puttho noti vadeyya . tamenam evam vadeyyum ambho purisa yam tvam na janasi na passasi tam tvam icchasi kamesiti. Iti puttho amati vadeyya. {391.1} Tam kim mannasi kaccana nanu evam sante tassa purisassa appatihirikatam bhasitam sampajjatiti . addha kho bho gotama evam sante tassa purisassa appatihirikatam bhasitam sampajjatiti . evameva kho tvam kaccana yasma bho gotama vanna anno vanno uttaritaro va panitataro va natthi so paramo vannoti vadesi tanca vannam na pannapesiti . seyyathapi bho gotama mani veluriyo subho jotima 2- atthamso suparikammakato pandukambale nikkhitto bhasateva 3- tapateva virocateva evamvanno atta hoti arogo parammaranati. [392] Tam kim mannasi kaccana yo va mani veluriyo @Footnote: 1 Yu. janapadakalyani va khattiyi va brahmani va vessi va suddi vati. @2 Yu. sabbattha jatimati dissati . 3 Yu. bhasati ca tapati ca virocati cati dissati.--------------------------------------------------------------------------------------------- page369.
Subho jotima atthamso suparikammakato pandukambale nikkhitto bhasateva tapateva virocateva yo va rattandhakaratimisaya kimi khajjopanako imesam ubhinnam vannanam katamo vanno abhikkantataro ca panitataro cati yvayam bho gotama rattandhakaratimisaya kimi khajjopanako ayam imesam ubhinnam vannanam abhikkantataro ca panitataro cati. [393] Tam kim mannasi kaccana yo va rattandhakaratimisaya kimi khajjopanako yo va rattandhakaratimisaya telappadipo imesam ubhinnam vannanam katamo vanno abhikkantataro ca panitataro cati . yvayam bho gotama rattandhakaratimisaya telappadipo ayam imesam ubhinnam vannanam abhikkantataro ca panitataro cati. [394] Tam kim mannasi kaccana yo va rattandhakaratimisaya telappadipo yo va rattandhakaratimisaya mahaaggikkhandho imesam ubhinnam vannanam katamo vanno abhikkantataro ca panitataro cati . yvayam bho gotama rattandhakaratimisaya mahaaggikkhandho ayam imesam ubhinnam vannanam abhikkantataro ca panitataro cati. [395] Tam kim mannasi kaccana yo va rattandhakaratimisaya mahaaggikkhandho ya va rattiya paccusasamayam viddhe vigatavalahake deve osadhitaraka imesam ubhinnam vannanam katamo vanno abhikkantataro ca panitataro cati . yayam bho gotama rattiya--------------------------------------------------------------------------------------------- page370.
Paccusasamayam viddhe vigatavalahake deve osadhitaraka ayam imesam ubhinnam vannanam abhikkantataro ca panitataro cati. [396] Tam kim mannasi kaccana ya va rattiya paccusasamayam viddhe vigatavalahake deve osadhitaraka yo va tadahuposathe pannarase viddhe vigatavalahake deve abhido addharattasamayam cando imesam ubhinnam vannanam katamo vanno abhikkantataro ca panitataro cati . yvayam bho gotama tadahuposathe pannarase viddhe vigatavalahake deve abhido addharattasamayam cando ayam imesam ubhinnam vannanam abhikkantataro ca panitataro cati. [397] Tam kim mannasi kaccana yo va tadahuposathe pannarase viddhe vigatavalahake deve abhido addharattasamayam cando yo va vassanam pacchime mase saradasamaye viddhe vigatavalahake deve abhido majjhantikasamayam suriyo imesam ubhinnam vannanam katamo vanno abhikkantataro ca panitataro cati . Yvayam bho gotama vassanam pacchime mase saradasamaye viddhe vigatavalahake deve abhido majjhantikasamayam suriyo ayam imesam ubhinnam vannanam abhikkantataro ca panitataro cati. [398] Tato 1- kho te kaccana bahu hi bahutara deva ye imesam candimasuriyanam abha nanubhonti tyaham pajanami atha ca panaham na vadami yasma vanna anno vanno uttaritaro @Footnote: 1 Yu. ato.--------------------------------------------------------------------------------------------- page371.
Va 1- panitataro va natthiti atha ca pana tvam kaccana yvayam vanno kimina khajjopanakena nihinataro 2- ca kilitthataro 3- ca so paramo vannoti vadesi tanca vannam na pannapesi 4- . Panca kho ime kaccana kamaguna katame panca cakkhuvinneyya rupa ittha kanta manapa piyarupa kamupasanhita rajaniya sotavinneyya sadda ... ghanavinneyya gandha ... Jivhavinneyya rasa ... kayavinneyya photthabba ittha kanta manapa piyarupa kamupasanhita rajaniya ime kho kiccana panca kamaguna . yam kho kaccana ime panca kamagune paticca uppajjati sukham somanassam idam vuccati kamasukham . iti kamehi kamasukham kamasukha kamaggasukham tattha aggamakkhayatiti. [399] Evam vutte vekhanaso paribbajako bhagavantam etadavoca acchariyam bho gotama abbhutam bho gotama yava subhasitancidam bhota gotamena kamehi kamasukham kamasukha kamaggasukham tattha aggamakkhayatiti . dujjanam kho etam kaccana taya annaditthikena annakkhantikena annarucikena annatthayogena annathacariyakena kamam 5- va kamasukham va kamaggasukham vati 6- ye kho te kaccana bhikkhu arahanto khinasava vusitavanto katakaraniya ohitabhara anuppattasadattha parikkhinabhavasannojana sammadanna vimutta te @Footnote: 1 Yu. ca . 2 Yu. hinataro . 3 Yu. patikitthataro . 4 Yu. pannapesiti. @5 Ma. kama va . 6 Yu. itisaddo natthi.--------------------------------------------------------------------------------------------- page372.
Kho etam janeyyum kamam va kamasukham va kamaggasukham vati. [400] Evam vutte vekhanaso paribbajako kupito anattamano bhagavantamyeva khumsento bhagavantamyeva vambhento bhagavantamyeva vadamano samano [1]- gotamo papito bhavissatiti bhagavantam etadavoca evameva panidhekacce 2- samanabrahmana ajananta pubbantam ajananta aparantam atha ca pana khina jati vusitam brahmacariyam katam karaniyam naparam itthattayati pajanamati 3- patijananti tesamidam bhasitam hassakamyeva sampajjati lamakamyeva sampajjati rittakamyeva sampajjati tucchakamyeva sampajjatiti. [401] Ye kho te kaccana samanabrahmana ajananta pubbantam ajananta 4- aparantam khina jati vusitam brahmacariyam katam karaniyam naparam itthattayati pajanamati patijananti tesam soyeva sahadhammiko niggaho hoti apica kaccana titthatu pubbanto titthatu aparanto etu vinnu puriso asatho amayavi ujujatiko ahamanusasami aham dhammam desemi yathanusittham tatha patipajjamano nacirasseva samanneva nassati samam dakkhiti 5- evam kirayasma 6- bandhana vippamokkho hoti yadidam avijjabandhana . seyyathapi kaccana daharo kumaro mando uttanaseyyako kanthapancamehi bandhanehi bandho 7- assa suttabandhanehi tassa vuddhimanvaya indriyanam @Footnote: 1 Yu. ca. 2 Yu. panidheke. 3 Yu. ayam patho natthi. 4 Yu. apassanta. @5 Yu. dakkhiti. 6 Si. Yu. kira samma. 7 Yu. baddho.--------------------------------------------------------------------------------------------- page373.
Paripakamanvaya tani bandhanani munceyyum 1- so mokkhomhiti kho janeyya no ca bandhanam evameva kho kaccana etu vinnu puriso asatho amayavi ujujatiko ahamanusasami aham dhammam desemi yathanusittham tatha patipajjamano nacirasseva samanneva nassati samam dakkhiti evam kirayasma 2- bandhana vippamokkho hoti yadidam avijjabandhanati. [402] Evam vutte vekhanaso paribbajako bhagavantam etadavoca abhikkantam bho gotama abhikkantam bho gotama .pe. upasakam mam bhavam gotamo dharetu ajjatagge panupetam saranangatanti. Vekhanasasuttam nitthitam dasamam. Paribbajakavaggo tatiyo. ------------ Tassa vaggassa uddanam pundari aggi sahakathinamo dighanakho puna bhandaragotto sandakudayi mundikaputto maniko 3- tatha kaccano varavaggo. ------------- @Footnote: 1 Yu. mucceyyum. 2 Yu. kira samma. 3 Si. manikottha.The Pali Tipitaka in Roman Character Volume 13 page 367-373. https://84000.org/tipitaka/read/roman_read.php?B=13&A=7538&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=13&A=7538&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=13&item=389&items=14 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=13&siri=30 Study Atthakatha :- https://84000.org/tipitaka/attha/attha.php?b=13&i=389 The Pali Atthakatha in Thai :- https://84000.org/tipitaka/atthapali/read_th.php?B=9&A=5077 The Pali Atthakatha in Roman :- https://84000.org/tipitaka/atthapali/read_rm.php?B=9&A=5077 Contents of The Tipitaka Volume 13 https://84000.org/tipitaka/read/?index_13 https://84000.org/tipitaka/english/?index_13
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]