ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 13 : PALI ROMAN Sutta Pitaka Vol 5 : Sutta. Ma. Ma.

                       Piyajatikasuttam
     [535]   Evamme   sutam   ekam  samayam  bhagava  savatthiyam  viharati
jetavane   anathapindikassa   arame   .   tena   kho   pana  samayena
annatarassa    gahapatissa    ekaputtako    piyo    manapo    kalakato
hoti   .   tassa   kalakiriyaya   neva   kammanta   patibhanti  na  bhattam
patibhati   .   so   alahanam  gantva  gantva  kandati  kaham  ekaputtaka
kaham  ekaputtakati  .  atha  kho  so  gahapati  yena  bhagava  tenupasankami
upasankamitva bhagavantam abhivadetva ekamantam nisidi.
     [536]   Ekamantam   nisinnam   kho  tam  gahapatim  bhagava  etadavoca
na  kho  te  gahapati  sake  citte  thitassa indriyani atthi te indriyanam
annathattanti    .    kim    hi   me   bhante   indriyanam   nannathattam
bhavissati    mayhanhi   bhante   ekaputtako   piyo   manapo   kalakato
tassa   kalakiriyaya   neva   kammanta   patibhanti   na   bhattam   patibhati
soham   alahanam   gantva   gantva   kandami   kaham   ekaputtaka   kaham
ekaputtakati   .   evametam   gahapati  evametam  gahapati  piyajatika  hi
gahapati  sokaparidevadukkhadomanassupayasa  piyappabhutikati  1-  .  tassa 2-
kho   nametam   bhante  evam  bhante  bhavissati  piyajatika  sokaparideva-
dukkhadomanassupayasa    piyappabhutika    piyajatika   hi   kho   bhante
anandasomanassa   piyappabhutikati   .   atha   kho  so  gahapati  bhagavato
@Footnote: 1 Yu. sabbattha piyappabhavikati .   2 Yu. kassa.
Bhasitam anabhinanditva appatikkositva 1- utthayasana pakkami.
     [537]   Tena  kho  pana  samayena  sambahula  akkhadhutta  bhagavato
avidure  akkhehi  dibbanti  .  atha  kho  so  gahapati yena te akkhadhutta
tenupasankami    upasankamitva    te    akkhadhutte   etadavoca   idhaham
bhonto   yena   samano   gotamo   tenupasankamim   upasankamitva   samanam
gotamam  abhivadetva  ekamantam  nisidim  ekamantam  nisinnam  kho  mam bhonto
samano  gotamo  etadavoca  na  kho  [2]-  gahapati  sake  citte thitassa
indriyani atthi te indriyanam annathattanti
     {537.1}  evam vutte aham bhonto samanam gotamam etadavocam kim hi me
bhante   indriyanam   nannathattam  bhavissati  mayham  hi  bhante  ekaputtako
piyo   manapo   kalakato  tassa  kalakiriyaya  neva  kammanta  patibhanti
na   bhattam  patibhati  soham  3-  alahanam  gantva  gantva  kandami  kaham
ekaputtaka   kaham   ekaputtakati   evametam   gahapati   evametam  gahapati
piyajatika       hi       gahapati      sokaparidevadukkhadomanassupayasa
piyappabhutikati   tassa   4-  kho  nametam  bhante  evam  bhante  bhavissati
piyajatika         sokaparidevadukkhadomanassupayasa        piyappabhutika
piyajatika    hi    kho    bhante    anandasomanassa    piyappabhutikati
atha    khoham    bhonto    samanassa   gotamassa   bhasitam   anabhinanditva
appatikkositva   5-   utthayasana   pakkaminti  .  evametam  gahapati
evametam     gahapati    piyajatika    hi    gahapati    anandasomanassa
@Footnote: 1-5 Yu. patikkositva .   2 Yu. etthantare teti dissati .   3 Yu. so.
@4 Yu. kassa. bhanteti natthi.
Piyappabhutikati   .   atha   kho   so  gahapati  sameti  me  akkhadhuttehiti
pakkami.
     [538]  Atha  kho  idam  kathavatthum  anupubbena rajantepuram pavisi.
Atha   kho   raja  pasenadi  kosalo  mallikam  devim  amantesi  idante
mallike    samanena   gotamena   bhasitam   piyajatika   sokaparidevadukkha-
domanassupayasa   piyappabhutikati   .   sace   tam   maharaja  bhagavata
bhasitam   evametanti   .   evamevam  panayam  mallika  yannadeva  samano
gotamo   bhasati   tam   tadevassa   abbhanumodati   sace   tam   maharaja
bhagavata   bhasitam  evametanti  .  seyyathapi  nama  acariyo  yannadeva
antevasissa   bhasati   tam  tadevassa  antevasi  abbhanumodati  evametam
acariya   evametam   acariyati  evameva  kho  tvam  mallike  yannadeva
samano    gotamo    bhasati   tam   tadevassa   abbhanumodasi   sace   tam
maharaja bhagavata bhasitam evametanti cara pire mallike vinassati.
     [539]  Atha  kho  mallika  devi  nalijangham  brahmanam  amantesi
ehi    tvam    brahmana   yena   bhagava   tenupasankama   upasankamitva
mama   vacanena   bhagavato  pade  sirasa  vandahi  appabadham  appatankam
lahutthanam  balam  phasuviharam  puccha  mallika  bhante  devi  bhagavato  pade
sirasa   vandati   appabadham   appatankam   lahutthanam   balam   phasuviharam
pucchatiti  evanca  vadehi  bhasita  nu  kho  bhante  bhagavato  1-  esa
vaca    piyajatika    sokaparidevadukkhadomanassupayasa    piyappabhutikati
@Footnote: 1 Yu. bhagavata.
Yatha  [1]-  te  bhagava byakaroti tam sadhukam uggahetva mamaroceyyasi
na  hi  tathagata  vitatham  bhanantiti . Evam bhotiti kho nalijangho brahmano
mallikaya   deviya  patissutva  yena  bhagava  tenupasankami  upasankamitva
bhagavata   saddhim   sammodi   sammodaniyam   katham   saraniyam   vitisaretva
ekamantam   nisidi   .   ekamantam   nisinno  kho  nalijangho  brahmano
bhagavantam  etadavoca  mallika  bho  gotama  devi  bhoto  gotamassa pade
sirasa   vandati   appabadham   appatankam   lahutthanam   balam   phasuviharam
pucchati  evanca  vadeti  bhasita  nu  kho  bhante  bhagava  esa  vaca
piyajatika sokaparidevadukkhadomanassupayasa piyappabhutikati.
     {539.1}  Evametam  brahmana  evametam  brahmana  piyajatika hi
brahmana      sokaparidevadukkhadomanassupayasa     piyappabhutikati    .
Tadiminapetam    brahmana    pariyayena    veditabbam   yatha   piyajatika
sokaparidevadukkhadomanassupayasa piyappabhutikati.
     [540]     Bhutapubbam     brahmana     imissayeva    savatthiya
annatarassa    itthiya    mata    kalamakasi    .    sa    tassa
kalakiriyaya    ummattika    khittacitta   rathiyaya   rathiyam   singhatakena
singhatakam   upasankamitva   evamaha   api   me   mataram  adassatha  api
me   mataram   adassathati  .  iminapi  kho  etam  brahmana  pariyayena
veditabbam      yatha     piyajatika     sokaparidevadukkhadomanassupayasa
piyappabhutikati.
@Footnote: 1 Yu. etthantare casaddo dissati.
     {540.1}  Bhutapubbam  brahmana  imissayeva savatthiya annatarassa
itthiya  pita  kalamakasi  ...  bhata  kalamakasi ... Bhagini kalamakasi
...  putto  kalamakasi  ... Dhita kalamakasi ... Samiko kalamakasi.
Sa  tassa  kalakiriyaya  ummattika  khittacitta  rathiyaya rathiyam singhatakena
singhatakam   upasankamitva  evamaha  api  me  samikam  adassatha  api  me
samikam  adassathati  .  iminapi  kho  etam  brahmana pariyayena veditabbam
yatha piyajatika sokaparidevadukkhadomanassupayasa piyappabhutikati.
     [541]   Bhutapubbam   brahmana  imissayeva  savatthiya  annatarassa
purisassa   mata   kalamakasi   .  so  tassa  kalakiriyaya  ummattiko
khittacitto    rathiyaya    rathiyam   singhatakena   singhatakam   upasankamitva
evamaha   api   me  mataram  adassatha  api  me  mataram  adassathati .
Iminapi   kho   etam  brahmana  pariyayena  veditabbam  yatha  piyajatika
sokaparidevadukkhadomanassupayasa piyappabhutikati.
     {541.1}  Bhutapubbam  brahmana  imissayeva  savatthiya  annatarassa
purisassa  pita kalamakasi ... Bhata kalamakasi ... Bhagini kalamakasi ...
Putto  kalamakasi  ...  dhita  kalamakasi  ...  pajapati  kalamakasi.
So    tassa   kalakiriyaya   ummattiko   khittacitto   rathiyaya   rathiyam
singhatakena   singhatakam   upasankamitva   evamaha   api   me  pajapatim
adassatha   api   me   pajapatim   adassathati   .   iminapi   kho  etam
Brahmana   pariyayena   veditabbam   yatha   piyajatika  sokaparidevadukkha-
domanassupayasa piyappabhutikati.
     [542]   Bhutapubbam   brahmana   imissayeva  savatthiya  annatara
itthi   natikulam   agamasi  .  tassa  te  nataka  samikam  acchinditva
annassa  datukama  sa  ca  tam  na  icchati  .  atha  kho  sa itthi 1-
samikam   etadavoca   ime   mama   ayyaputta   nataka  tam  acchinditva
annassa  datukama  ahanca  tam  na  icchamiti  .  atha  kho  so  puriso
tam   itthim   dvidha   chetva   attanam   upphalesi  2-  ubho  pecca
bhavissamati  .  imina  3-  kho  etam  brahmana  pariyayena  veditabbam
yatha piyajatika sokaparidevadukkhadomanassupayasa piyappabhutikati.
     [543]   Atha   kho   nalijangho   brahmano   bhagavato   bhasitam
abhinanditva    anumoditva    utthayasana    yena    mallika   devi
tenupasankami    upasankamitva    yavatako    ahosi    bhagavata    saddhim
kathasallapo   4-   sabbam  mallikaya  deviya  arocesi  .  atha  kho
mallika  devi  yena  raja  pasenadi  kosalo  tenupasankami upasankamitva
rajanam   pasenadikosalam   etadavoca   tam   kim   mannasi  maharaja  piya
te  vajiri  kumariti  .  evam  mallike  piya  me  vajiri  kumariti . Tam
kim   mannasi   maharaja   vajiriya   te   kumariya  viparinamannathabhava
@Footnote: 1 Yu. savatthim .   2 Yu. uppatesi .   3 Yu. iminapi.
@4 Yu. etthantare tanti dissati.
Uppajjeyyum    sokaparidevadukkhadomanassupayasati    .    vajiriya   me
mallike   kumariya   viparinamannathabhava   jivitassapi   siya   annathattam
kim   pana   me   na  uppajjissanti  sokaparidevadukkhadomanassupayasati .
Idam   kho   tam   maharaja   tena   bhagavata  janata  passata  arahata
sammasambuddhena     sandhaya     bhasitam     piyajatika    sokaparideva-
dukkhadomanassupayasa piyappabhutikati.
     [544]  Tam  kim  mannasi  maharaja  piya te vasabhakhattiyati. Evam
mallike  piya  me  vasabhakhattiyati  .  tam  kim  mannasi maharaja vasabhaya
te    khattiyaya    viparinamannathabhava    uppajjeyyum    sokaparideva-
dukkhadomanassupayasati    .   vasabhaya   [1]-   mallike   khattiyaya
viparinamannathabhava    jivitassapi    siya    annathattam   kim   pana   me
na    uppajjissanti   sokaparidevadukkhadomanassupayasati   .   idam   kho
tam  maharaja  tena  bhagavata  janata  passata  arahata  sammasambuddhena
sandhaya      bhasitam     piyajatika     sokaparidevadukkhadomanassupayasa
piyappabhutikati.
     [545]  Tam  kim  mannasi  maharaja  piyo  te vidudabho senapatiti.
Evam  mallike  piyo  me  vidudabho  senapatiti  .  tam kim mannasi maharaja
vidudabhassa     te    senapatissa    viparinamannathabhava    uppajjeyyum
sokaparidevadukkhadomanassupayasati     .    vidudabhassa    me    mallike
senapatissa     viparinamannathabhava     jivitassapi    siya    annathattam
@Footnote: 1 Yu. etthantare meti dissati.
Kim   pana   me   na  uppajjissanti  sokaparidevadukkhadomanassupayasati .
Idam   kho   tam   maharaja   tena   bhagavata  janata  passata  arahata
sammasambuddhena     sandhaya     bhasitam     piyajatika    sokaparideva-
dukkhadomanassupayasa piyappabhutikati.
     [546]   Tam   kim  mannasi  maharaja  piya  te  ahanti  .  evam
mallike   piya   mesi   tvanti  .  tam  kim  mannasi  maharaja  mayhante
viparinamannathabhava           uppajjeyyum          sokaparidevadukkha-
domanassupayasati   .   tuyhanhi   me   mallike  viparinamannathabhava
jivitassapi    siya    annathattam    kim    pana   me   na   uppajjissanti
sokaparidevadukkhadomanassupayasati   .   idam   kho   tam  maharaja  tena
bhagavata   janata   passata   arahata  sammasambuddhena  sandhaya  bhasitam
piyajatika sokaparidevadukkhadomanassupayasa piyappabhutikati.
     [547]   Tam   kim  mannasi  maharaja  piya  te  kasikosalati .
Evam    mallike    piya   me   kasikosala   kasikosalanam   mallike
anubhavena   kasikacandanam   paccanubhoma  malagandhavilepanam  dharemati .
Tam   kim   mannasi   maharaja   kasikosalanam   te   viparinamannathabhava
uppajjeyyum   sokaparidevadukkhadomanassupayasati  .  kasikosalananhi  1-
mallike      viparinamannathabhava     jivitassapi     siya     annathattam
kim   pana   me   na  uppajjissanti  sokaparidevadukkhadomanassupayasati .
Idam   kho   tam   maharaja   tena   bhagavata  janata  passata  arahata
@Footnote: 1 Yu. etthantare meti dissati.
Sammasambuddhena    sandhaya    bhasitam    piyajatika    sokaparidevadukkha-
domanassupayasa piyappabhutikati 1-.
     [548]   Acchariyam  mallike  abbhutam  mallike  yavanca  so  bhagava
pannaya  ativijjha  manne  2-  passati  ehi  mallike  acamehiti  3-.
Atha   kho   raja  pasenadi  kosalo  utthayasana  ekamsam  uttarasangam
karitva    yena    bhagava    tenanjalimpanametva    tikkhattum   udanam
udanesi    namo   tassa   bhagavato   arahato   sammasambuddhassa   namo
tassa .pe. Sammasambuddhassati.
                   Piyajatikasuttam sattamam.
                           -------
@Footnote: 1 Yu. piyappabhavikati .   2 Yu. pannaya .   3 Yu. acamehi.



             The Pali Tipitaka in Roman Character Volume 13 page 489-497. https://84000.org/tipitaka/read/roman_read.php?B=13&A=10017&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=13&A=10017&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=13&item=535&items=14              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=13&siri=37              Study Atthakatha :- https://84000.org/tipitaka/attha/attha.php?b=13&i=535              The Pali Atthakatha in Thai :- https://84000.org/tipitaka/atthapali/read_th.php?B=9&A=6294              The Pali Atthakatha in Roman :- https://84000.org/tipitaka/atthapali/read_rm.php?B=9&A=6294              Contents of The Tipitaka Volume 13 https://84000.org/tipitaka/read/?index_13 https://84000.org/tipitaka/english/?index_13

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]