PaliRoman Vol.12

Culasaccakasuttam [392] Evamme sutam ekam samayam bhagava vesaliyam viharati mahavane kutagarasalayam . tena kho pana samayena saccako niganthaputto vesaliyam pativasati bhassappavadiko panditavado sadhusammato bahujanassa . so vesaliyam parisati evam vacam bhasati naham tam passami samanam va brahmanam va sanghim ganim ganacariyam apica arahantam sammasambuddham patijanamanam yo maya vadena vadam samaraddho na sankampeyya na sampakampeyya na sampavedheyya yassa na kacchehi seda munceyyum thunancepaham acetanam vadena vadam samarabheyyam sapi maya vadena vadam samaraddha sankampeyya sampakampeyya sampavedheyya ko pana vado manussabhutassati. [393] Atha kho ayasma assaji pubbanhasamayam nivasetva pattacivaramadaya vesaliyam ^1- pindaya pavisi . addasa kho saccako niganthaputto vesaliyam janghaviharam anucankamamano anuvicaramano ayasmantam assajim duratova gacchantam disvana yenayasma assaji tenupasankami upasankamitva ayasmata assajina saddhim sammodi sammodaniyam katham saraniyam vitisaretva ekamantam atthasi . Ekamantam thito kho saccako niganthaputto ayasmantam assajim etadavoca katham pana bho assaji samano gotamo savake vineti @Footnote: ¹ Ma. vesalim. Kathambhaga ca pana samanassa gotamassa savakesu anusasani bahula pavattatiti . evam kho aggivessana bhagava savake vineti evambhaga ca pana bhagavato savakesu anusasani bahula pavattati rupam bhikkhave aniccam vedana anicca sanna anicca sankhara anicca vinnanam aniccam rupam bhikkhave anatta vedana anatta sanna anatta sankhara anatta vinnanam anatta sabbe sankhara anatta ^1- sabbe dhamma anattati evam kho aggivessana bhagava savake vineti evambhaga ca pana bhagavato savakesu anusasani bahula pavattatiti . dussutam vata bho assaji assumha ye mayam evamvadim samanam gotamam assumha appevanama mayam kadaci karahaci tena bhota gotamena saddhim samagamam ^2- gaccheyyama appevanama siya kocideva kathasallapo appevanama tasma papaka ditthigata viveceyyamati. [394] Tena kho pana samayena pancamattani licchavisatani santhagare ^3- sannipatitani honti kenacideva karaniyena . atha kho saccako niganthaputto yena te licchavi tenupasankami upasankamitva te licchavi etadavoca abhikkamantu bhonto licchavi abhikkamantu bhonto licchavi ajja me samanena gotamena saddhim kathasallapo bhavissati sace me samano gotamo tatha patitthahissati yatha ca me natannatarena savakena assajina nama bhikkhuna patitthitam @Footnote: ¹ Po. Ma. sabbattha aniccati dissati. ² Ma. samagaccheyyama. ³ Ma. sandhagare. Seyyathapi nama balava puriso dighalomikam elakam lomesu gahetva akaddheyya parikaddheyya evamevaham samanam gotamam vadena vadam akaddhissami parikaddhissami samparikaddhissami seyyathapi nama balava sondikakammakaro mahantam sondikakilanjam gambhire udakarahade pakkhipitva kanne gahetva akaddheyya parikaddheyya samparikaddheyya evamevaham samanam gotamam vadena vadam akaddhissami parikaddhissami samparikaddhissami seyyathapi nama balava puriso sondikadhutto thalam kanne gahetva odhuneyya niddhuneyya nippotheyya ^1- evamevaham samanam gotamam vadena vadam odhunissami niddhunissami nippothissami ^2- seyyathapi nama kunjaro satthihayano gambhiram pokkharanim ogahetva sanadhovikam nama kilitajatam kilati evamevaham samanam gotamam sanadhovikam manne kilitajatam kilissami abhikkamantu bhonto licchavi abhikkamantu bhonto licchavi ajja me samanena gotamena saddhim kathasallapo bhavissatiti. {394.1} Tatthekacce licchavi evamahamsu kim samano gotamo saccakassa niganthaputtassa vadam aropessati atha kho saccako niganthaputto samanassa gotamassa vadam aropessatiti . Ekacce licchavi evamahamsu kim so bhavamano saccako niganthaputto yo bhagavato vadam aropessati atha kho bhagava saccakassa niganthaputtassa vadam aropessatiti . atha kho @Footnote: ¹ Po. Ma. nipphoteyya. Yu. nicchadeyya. ² Po. nipphotissami. @Ma. nipphotessami. Yu. nicchadessamiti dissati. Saccako niganthaputto pancamattehi licchavisatehi parivuto yena mahavanam kutagarasala tenupasankami. [395] Tena kho pana samayena sambahula bhikkhu abbhokase cankamanti . atha kho saccako niganthaputto yena te bhikkhu tenupasankami upasankamitva te bhikkhu etadavoca kahannukho bho etarahi so bhavam gotamo viharati dassanakama hi mayam tam bhavantam gotamanti . esa aggivessana bhagava mahavanam ajjhogahetva annatarasmim rukkhamule divaviharam nisinnoti . atha kho saccako niganthaputto mahatiya licchaviparisaya saddhim mahavanam ajjhogahetva yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi . tepi kho licchavi appekacce bhagavantam abhivadetva ekamantam nisidimsu . Appekacce bhagavata saddhim sammodimsu sammodaniyam katham saraniyam vitisaretva ekamantam nisidimsu . appekacce yena bhagava tenanjalimpanametva ekamantam nisidimsu . appekacce bhagavato santike namagottam savetva ekamantam nisidimsu . appekacce tunhibhuta ekamantam nisidimsu. [396] Ekamantam nisinno kho saccako niganthaputto bhagavantam etadavoca puccheyyaham bhavantam gotamam kincideva desam sace me bhavam gotamo okasam karoti panhassa veyyakaranayati . puccha Aggivessana yadakankhasiti . katham pana bhavam gotamo savake vineti kathambhaga ca pana bhoto gotamassa savakesu anusasani bahula pavattatiti . evam kho aham aggivessana savake vinemi evambhaga ca pana me savakesu anusasani bahula pavattati rupam bhikkhave aniccam vedana anicca sanna anicca sankhara anicca vinnanam aniccam rupam bhikkhave anatta vedana anatta sanna anatta sankhara anatta vinnanam anatta sabbe sankhara anatta sabbe dhamma anattati evam kho aham aggivessana savake vinemi evambhaga ca pana me savakesu anusasani bahula pavattatiti. {396.1} Upama mam bho gotama patibhatiti . patibhatu tam aggivessanati bhagava avoca . seyyathapi bho gotama yekecime vijagamabhutagama vuddhim virulhim vepullam apajjanti sabbe te pathavim nissaya pathaviyam patitthaya evamete vijagamabhutagama vuddhim virulhim vepullam apajjanti seyyathapi va pana bho gotama yekecime balakaraniya kammanta kariyanti sabbe te pathavim nissaya pathaviyam patitthaya evamete balakaraniya kammanta kariyanti evameva kho bho gotama rupattayam purisapuggalo rupe patitthaya punnam va apunnam va pasavati vedanattayam purisapuggalo vedanaya patitthaya punnam va apunnam va pasavati sannattayam purisapuggalo sannaya patitthaya punnam va apunnam va pasavati sankharattayam purisapuggalo Sankharesu patitthaya punnam va apunnam va pasavati vinnanattayam purisapuggalo vinnane patitthaya punnam va apunnam va pasavatiti . nanu tam ^1- aggivessana evam vadesi rupam me atta vedana me atta sanna me atta sankhara me atta vinnanam me attati . aham hi bho gotama evam vadami rupam me atta vedana me atta sanna me atta sankhara me atta vinnanam me attati ayanca mahati janatati . kim hi te aggivessana mahati janata karissati ingha tvam aggivessana sakamyeva vadam nibbedhehiti . aham hi bho gotama evam vadami rupam me atta vedana me atta sanna me atta sankhara me atta vinnanam me attati. [397] Tenahi aggivessana tannevettha patipucchissami yatha te khameyya tatha nam ^2- byakareyyasi tam kim mannasi aggivessana vatteyya ranno khattiyassa muddhavasittassa sakasmim vijite vaso ghatetayam va ghatetum japetayam va japetum pabbajetayam va pabbajetum seyyathapi ranno pasenadissa kosalassa seyyathapi va pana ranno magadhassa ajatasattussa vedehiputtassati . Vatteyya bho gotama ranno khattiyassa muddhavasittassa sakasmim vijite vaso ghatetayam va ghatetum japetayam va japetum pabbajetayam va pabbajetum seyyathapi ranno pasenadissa @Footnote: ¹ Ma. tvam. ² Ma. tam. Kosalassa seyyathapi va pana ranno magadhassa ajatasattussa vedehiputtassa imesampi hi bho gotama sanghanam gananam seyyathidam vajjinam mallanam vattati sakasmim vijite vaso ghatetayam va ghatetum japetayam va japetum pabbajetayam va pabbajetum kim pana ranno khattiyassa muddhavasittassa seyyathapi ranno pasenadissa kosalassa seyyathapi va pana ranno magadhassa ajatasattussa vedehiputtassa vatteyya bho gotama vattituncamarahatiti. {397.1} Tam kim mannasi aggivessana yam tvam evam vadesi rupam me attati vattati te tasmim rupe vaso evam me rupam hotu evam me rupam ma ahositi . evam vutte saccako niganthaputto tunhi ahosi . dutiyampi kho bhagava saccakam niganthaputtam etadavoca tam kim mannasi aggivessana yam tvam evam vadesi rupam me attati vattati te tasmim rupe vaso evam me rupam hotu evam me rupam ma ahositi . evam vutte dutiyampi kho saccako niganthaputto tunhi ahosi. {397.2} Atha kho bhagava saccakam niganthaputtam etadavoca byakarohidani aggivessana nadani te tunhibhavassa kalo yo ^1- kho aggivessana tathagatena yavatatiyam sahadhammikam panham puttho na byakaroti etthevassa sattadha muddha phalissatiti ^2- . Tena kho pana samayena vajirapani yakkho ayasam vajiram adaya adittam sampajjalitam samjotibhutam saccakassa niganthaputtassa uparivehaya ^3- santhito hoti @Footnote: ¹ Ma. yo koci. ² Po. Ma. phalati. ³ Ma. uparivehasam thito hoti. Sacayam saccako niganthaputto bhagavata yavatatiyam sahadhammikam panham puttho na byakaroti ^1- etthevassa sattadha muddham phalessamiti. Tam kho pana vajirapanim yakkham bhagava ceva passati saccako ca niganthaputto . atha kho saccako niganthaputto bhito samviggo lomahatthajato bhagavantamyeva tanam gavesi bhagavantamyeva lenam gavesi bhagavantamyeva saranam gavesi bhagavantam etadavoca pucchatu mam bhavam gotamo byakarissamiti. [398] Tam kim mannasi aggivessana yam tvam evam vadesi rupam me attati vattati te tasmim rupe vaso evam me rupam hotu evam me rupam ma ahositi. No hidam bho gotama. {398.1} Manasikarohi aggivessana manasikaritva kho aggivessana byakarohi na kho te sandhiyati purimena va pacchimam pacchimena va purimam tam kim mannasi aggivessana yam tvam evam vadesi vedana me attati vattati te taya ^2- vedanaya vaso evam me vedana hotu evam me vedana ma ahositi. No hidam bho gotama. {398.2} Manasikarohi aggivessana manasikaritva kho aggivessana byakarohi na kho te sandhiyati purimena va pacchimam pacchimena va purimam tam kim mannasi aggivessana yam tvam evam vadesi sanna me attati vattati te taya ^3- sannaya vaso evam me sanna hotu evam me sanna ma ahositi. No hidam bho gotama. @Footnote: ¹ Ma. byakarissati. ² Ma. tissam vedanayam. ³ Ma. tissam sannayam. {398.3} Manasikarohi aggivessana manasikaritva kho aggivessana byakarohi na kho te sandhiyati purimena va pacchimam pacchimena va purimam tam kim mannasi aggivessana yam tvam evam vadesi sankhara me attati vattati te tesu sankharesu vaso evam me sankhara hontu evam me sankhara ma ahesunti. No hidam bho gotama. {398.4} Manasikarohi aggivessana manasikaritva kho aggivessana byakarohi na kho te sandhiyati purimena va pacchimam pacchimena va purimam tam kim mannasi aggivessana yam tvam evam vadesi vinnanam me attati vattati te tasmim vinnane vaso evam me vinnanam hotu evam me vinnanam ma ahositi. No hidam bho gotama. {398.5} Manasikarohi aggivessana manasikaritva kho aggivessana byakarohi na kho te sandhiyati purimena va pacchimam pacchimena va purimam tam kim mannasi aggivessana rupam niccam va aniccam vati . aniccam bho gotama . yam pananiccam dukkham va tam sukham vati. Dukkham bho gotama. Yam pananiccam dukkham viparinamadhammam kallam nu tam samanupassitum etam mama esohamasmi eso me attati. No hetam ^1- bho gotama. {398.6} Tam kim mannasi aggivessana vedana ... Sanna ... Sankhara ... vinnanam niccam va aniccam vati . aniccam bho gotama . yam pananiccam dukkham va tam sukham vati . dukkham bho gotama . yam pananiccam dukkham viparinamadhammam kallam nu tam @Footnote: ¹ Po. Ma. hidam. Samanupassitum etam mama esohamasmi eso me attati . No hetam bho gotama. {398.7} Tam kim mannasi aggivessana yo nu kho dukkham allino dukkham upagato dukkham ajjhosito dukkham etam mama esohamasmi eso me attati samanupassati api nu kho so samam va dukkham parijaneyya dukkham va parikkhepetva vihareyyati . kinhi siya bho gotama no hidam bho gotamati. {398.8} Tam kim mannasi aggivessana nanu tvam evam sante dukkham allino dukkham upagato dukkham ajjhosito dukkham etam mama esohamasmi eso me attati samanupassasiti . kinhi no siya bho gotama evametam bho gotamati. [399] Seyyathapi aggivessana puriso saratthiko saragavesi sarapariyesanam caramano tinham kudharim ^1- adaya vanam paviseyya so tattha passeyya mahantam kadalikkhandham ujum navam akukkutajatam ^2- tamenam mule chindeyya mule chetva agge chindeyya agge chetva pattavattim vinibbhujeyya so tattha pattavattim vinibbhujanto pheggumpi nadhigaccheyya kuto saram evameva kho tvam aggivessana maya sakasmim vade samanuyunjiyamano samanubhasiyamano samanuggahiyamano ritto tuccho aparaddho bhasita kho pana te esa aggivessana vesaliyam parisati vaca nahantam passami samanam va brahmanam va sanghim ganim ganacariyam apica arahantam sammasambuddham patijanamanam yo maya vadena vadam samaraddho na sankampeyya na sampakampeyya @Footnote: ¹ Ma. kutharim. ² Ma. akukkukajatam. Na sampavedheyya yassa na kacchehi seda munceyyum thunancepaham acetanam vadena vadam samarabheyyam sapi maya vadena vadam samaraddha sankampeyya sampakampeyya sampavedheyya ko pana vado manussabhutassati tuyham kho pana aggivessana appekaccani sedaphusitani nalatamuttani uttarasangam vinibbhinditva bhumiyam patitthitani mayham kho pana aggivessana natthi etarahi kayasmim sedoti . iti bhagava tasmim parisati suvannavannam kayam vivari . evam vutte saccako niganthaputto tunhibhuto mankubhuto pattakkhandho adhomukho pajjhayanto appatibhano nisidi. [400] Atha kho dummukho licchaviputto saccakam niganthaputtam tunhibhutam mankubhutam pattakkhandham adhomukham pajjhayantam appatibhanam viditva bhagavantam etadavoca upama mam bhagava patibhatiti . Patibhatu tam dummukhati bhagava avoca . seyyathapi bhante gamassa va nigamassa va avidure pokkharani tatrassa kakkatako atha kho bhante sambahula kumaraka va kumarika va tamha gama va nigama va nikkhamitva yena sa pokkharani tenupasankameyyum upasankamitva tam pokkharanim ogahetva tam kakkatakam udaka uddharitva thale patitthapeyyum yannadeva hi so bhante kakkatako alam abhininnameyya tamtadeva te kumaraka va kumarika va katthena va kathalena va sanchindeyyum sambhanjeyyum sampalibhanjeyyum Evanhi so bhante kakkatako sabbehi alehi sanchinnehi sambhaggehi sampalibhaggehi abhabbo tam pokkharanim puna otaritum seyyathapi pubbe evameva kho bhante yani saccakassa niganthaputtassa visukayitani visevitani vipphanditani kanici ^1- kanici tani bhagavata sanchinnani sambhaggani sampalibhaggani abhabbo cadani bhante saccako niganthaputto puna bhagavantam upasankamitum yadidam vadadhippayoti . Evam vutte saccako niganthaputto dummukham licchaviputtam etadavoca agamehi tvam dummukha agamehi tvam dummukha mukharosi tvam dummukha na mayam taya saddhim mantema idha mayam bhota gotamena saddhim mantema titthatesa bho gotama amhakanceva annesanca puthusamanabrahmananam vacavilapam vilapitam manneti. [401] Kittavata ca nu kho bhoto gotamassa savako sasanakaro hoti ovadapatikaro tinnavicikiccho vigatakathamkatho vesarajjappatto aparappaccayo satthu sasane viharatiti . idha aggivessana mama savako yankinci rupam atitanagatapaccuppannam ajjhattam va bahiddha va olarikam va sukhumam va hinam va panitam va yam dure santike va sabbam rupam netam mama nesohamasmi na meso attati evametam yathabhutam sammappannaya passati . yakaci vedana .pe. yakaci sanna ... Yekeci sankhara ... yankinci vinnanam atitanagatapaccuppannam ajjhattam va bahiddha va olarikam va sukhumam va hinam @Footnote: ¹ Ma. tanipi sabbani bhagavata. Va panitam va yam dure santike va sabbam vinnanam netam mama nesohamasmi na meso attati evametam yathabhutam sammappannaya passati . ettavata kho aggivessana mama savako sasanakaro hoti ovadapatikaro tinnavicikiccho vigatakathamkatho vesarajjappatto aparappaccayo satthu sasane viharatiti. [402] Kittavata pana bho gotama bhikkhu araham hoti khinasavo vusitava katakaraniyo ohitabharo anuppattasadattho parikkhinabhavasannojano sammadanna vimuttoti . idha aggivessana bhikkhu yankinci rupam atitanagatapaccuppannam ajjhattam va bahiddha va olarikam va sukhumam va hinam va panitam va yam dure santike va sabbam rupam netam mama nesohamasmi na meso attati evametam yathabhutam sammappannaya disva anupadavimutto hoti . yakaci vedana ... Yakaci sanna ... yekeci sankhara ... yankinci vinnanam atitanagatapaccuppannam ajjhattam va bahiddha va olarikam va sukhumam va hinam va panitam va yam dure santike va sabbam vinnanam netam mama nesohamasmi na meso attati evametam yathabhutam sammappannaya disva anupadavimutto hoti. {402.1} Ettavata kho aggivessana bhikkhu araham hoti khinasavo vusitava katakaraniyo ohitabharo anuppattasadattho parikkhinabhavasannojano sammadanna vimutto . evam vimutto ^1- kho aggivessana bhikkhu tihanuttariyehi @Footnote: ¹ Ma. vimuttacitato. Samannagato hoti dassananuttariyena patipadanuttariyena vimuttanuttariyena . evam vimuttacitto ^[1]- aggivessana bhikkhu tathagatanceva sakkaroti garukaroti maneti pujeti buddho so bhagava bodhaya dhammam deseti danto so bhagava damathaya dhammam deseti santo so bhagava samathaya dhammam deseti tinno so bhagava taranaya dhammam deseti parinibbuto so bhagava parinibbanaya dhammam desetiti. [403] Evam vutte saccako niganthaputto bhagavantam etadavoca mayameva bho gotama dhamsi mayam pagabbha ye mayam bhavantam gotamam vadena vadam asadetabbam amannimha siya hi bho gotama hatthim pabhinnam asajja purisassa sotthibhavo na tveva bhavantam gotamam asajja purisassa sotthibhavo siya hi bho gotama pajjalitam aggikkhandham asajja purisassa sotthibhavo na tveva bhavantam gotamam asajja siya purisassa sotthibhavo siya hi bho gotama asivisam ghoravisam asajja purisassa sotthibhavo na tveva bhavantam gotamam asajja siya purisassa sotthibhavo mayameva bho gotama dhamsi mayam pagabbha ye mayam bhavantam gotamam vadena vadam asadetabbam amannimha adhivasetu me bhavam gotamo svatanaya bhattam saddhim bhikkhusanghenati. Adhivasesi bhagava tunhibhavena. {403.1} Atha kho saccako niganthaputto bhagavato adhivasanam viditva te licchavi amantesi sunantu me bhonto licchavi samano gotamo nimantito svatanaya @Footnote: ¹ Po. Ma. khosaddo dissati. Saddhim bhikkhusanghena yena ^1- me abhihareyyatha yamassa patirupam manneyyathati . atha kho te licchavi tassa rattiya accayena saccakassa niganthaputtassa pancamattani thalipakasatani bhattabhiharam abhiharimsu . atha kho saccako niganthaputto sake arame panitam khadaniyam bhojaniyam patiyadapetva bhagavato kalam arocapesi kalo bho gotama nitthitam bhattanti. [404] Atha kho bhagava pubbanhasamayam nivasetva pattacivaramadaya yena saccakassa niganthaputtassa aramo tenupasankami upasankamitva pannatte asane nisidi saddhim bhikkhusanghena . atha kho saccako niganthaputto buddhappamukham bhikkhusangham panitena khadaniyena bhojaniyena sahattha santappesi sampavaresi . atha kho saccako niganthaputto bhagavantam bhuttavim onitapattapanim annataram nicasanam gahetva ekamantam nisidi . ekamantam nisinno kho saccako niganthaputto bhagavantam etadavoca yamidam bho gotama dane punnanca punnamahi ca tam dayakanam sukhayeva hotuti . yam kho aggivessana tadisam dakkhineyyam agamma avitaragam avitadosam avitamoham tam dayakanam bhavissati yam kho aggivessana madisam dakkhineyyam agamma vitaragam vitadosam vitamoham tam tuyham bhavissatiti. Culasaccakasuttam nitthitam pancamam. -------- @Footnote: ¹ Ma. tena.

The Pali Tipitaka in Roman Character Volume 12 page 422-436. https://84000.org/tipitaka/read/roman_read.php?B=12&A=8527&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=12&A=8527&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=12&item=392&items=13 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=12&siri=35 Study Atthakatha :- https://84000.org/tipitaka/attha/attha.php?b=12&i=392 The Pali Atthakatha in Thai :- https://84000.org/tipitaka/atthapali/read_th.php?B=8&A=4481 The Pali Atthakatha in Roman :- https://84000.org/tipitaka/atthapali/read_rm.php?B=8&A=4481 Contents of The Tipitaka Volume 12 https://84000.org/tipitaka/read/?index_12 https://84000.org/tipitaka/english/?index_12