ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 12 : PALI ROMAN Sutta Pitaka Vol 4 : Sutta. Ma. Mū.

                      Culagopalasuttam
     [388]  Evamme  sutam  ekam samayam bhagava vajjisu viharati ukkavelayam
gangaya  nadiya  tire  .  tatra  kho  bhagava bhikkhu amantesi bhikkhavoti.
Bhadanteti te bhikkhu bhagavato paccassosum.
     [389]  Bhagava  etadavoca  bhutapubbam  bhikkhave  magadhako gopalako
duppannajatiko   vassanam   pacchime   mase  saradasamaye  asamavekkhitva
gangaya  nadiya  orimatiram  asamavekkhitva  parimatiram  atittheneva  gavo
pataresi  uttarantiram  videhanam  1-  .  atha  kho  bhikkhave gavo majjhe
gangaya   nadiya   sote   amandalikam   karitva   tattheva   anayabyasanam
apajjimsu  tam  kissa  hetu  tatha  hi  so  bhikkhave  magadhako  gopalako
duppannajatiko   vassanam   pacchime   mase  saradasamaye  asamavekkhitva
gangaya    nadiya   orimatiram   asamavekkhitva   parimatiram   atittheneva
gavo  pataresi  uttarantiram  videhanam  evameva kho bhikkhave yekeci 2-
samana   va   brahmana   va   akusala   imassa   lokassa   akusala
parassa    lokassa    akusala   maradheyyassa   akusala   amaradheyyassa
akusala   maccudheyyassa   akusala   amaccudheyyassa   tesam  ye  sotabbam
saddahatabbam    mannissanti    tesam    tam   bhavissati   digharattam   ahitaya
dukkhaya.
     [390]   Bhutapubbam   bhikkhave  magadhako  gopalako  sappannajatiko
@Footnote: 1 Po. Ma. suvidehanam. ito param idisameva. 2 Ma. ye hi keci.
Vassanam   pacchime   mase   saradasamaye  samavekkhitva  gangaya  nadiya
orimatiram    samavekkhitva    parimatiram   tittheneva   gavo   pataresi
uttarantiram  videhanam  .  so  pathamam  pataresi  ye  te usabha gopitaro
goparinayaka   te   tiriyam   gangaya   sotam   chetva  sotthina  param
agamamsu   .  athapare  pataresi  balavagave  dammagave  te  1-  tiriyam
gangaya  sotam  chetva  sotthina  param  agamamsu  .  athapare  pataresi
vacchatare   vacchatariyo   tepi   tiriyam  gangaya  sotam  chetva  sotthina
param agamamsu.
     {390.1}   Athapare   pataresi  vacchake  kisabalike  tepi  tiriyam
gangaya   sotam   chetva  sotthina  param  agamamsu  .  bhutapubbam  bhikkhave
vacchako   tarunako   tavadeva   jatako   matu   goravakena  vuyhamano
sopi  tiriyam  gangaya  sotam  chetva  sotthina  param  agamasi  tam  kissa
hetu   panditatta   tatha   hi   so   bhikkhave   magadhako   gopalako
sappannajatiko   vassanam   pacchime   mase   saradasamaye  samavekkhitva
gangaya   nadiya   orimatiram  samavekkhitva  parimatiram  tittheneva  gavo
pataresi  uttarantiram  videhanam  evameva  kho bhikkhave yekeci 2- samana
va   brahmana   va  kusala  imassa  lokassa  kusala  parassa  lokassa
kusala   maradheyyassa   kusala   amaradheyyassa   kusala   maccudheyyassa
kusala   amaccudheyyassa   tesam   ye   sotabbam  saddahatabbam  mannissanti
tesam tam bhavissati digharattam hitaya sukhaya.
@Footnote: 1 Ma. tepi. 2 Ma. ye hi keci.
     [391]  Seyyathapi  bhikkhave  ye te usabha gopitaro goparinayaka
tiriyam  gangaya  sotam  chetva  sotthina param agamamsu evameva kho bhikkhave
ye  te  bhikkhu  arahanto  khinasava  vusitavanto  katakaraniya  ohitabhara
anuppattasadattha         parikkhinabhavasannojana         sammadannavimutta
tepi 1- tiriyam marassa sotam chetva sotthina param gata.
     {391.1}   Seyyathapi  bhikkhave  ye  te  balavagavo  dammagavo
tiriyam  gangaya  sotam  chetva  sotthina param agamamsu evameva kho bhikkhave
ye    te   bhikkhu   pancannam   orambhagiyanam   sannojananam   parikkhaya
opapatika   tatthaparinibbayino   anavattidhamma   tasma   loka  tepi
tiriyam marassa sotam chetva sotthina param gamissanti.
     {391.2}  Seyyathapi  bhikkhave  vacchatara  vacchatariyo tiriyam gangaya
sotam  chetva  sotthina  param  agamamsu evameva kho bhikkhave ye te bhikkhu
tinnam   sannojananam   parikkhaya   ragadosamohanam  tanutta  sakadagamino
sakideva  imam  lokam  agantva  dukkhassantam  karissanti  tepi tiriyam marassa
sotam chetva sotthina param gamissanti.
     {391.3}  Seyyathapi  bhikkhave vacchaka kisabalika tiriyam gangaya sotam
chetva  sotthina  param  agamamsu  evameva kho bhikkhave ye te bhikkhu tinnam
sannojananam  parikkhaya  sotapanna  avinipatadhamma niyata sambodhiparayana
tepi   tiriyam   marassa  sotam  chetva  sotthina  param  agamamsu  2- .
Seyyathapi   so   bhikkhave   vacchako  tarunako  tavadeva  jatako  matu
@Footnote: 1 Ma. pisaddo natthi. 2 Ma. gamissanti.
Goravakena    vuyhamano   tiriyam   gangaya   sotam   chetva   sotthina
param   agamasi  evameva  kho  bhikkhave  ye  te  bhikkhu  dhammanusarino
saddhanusarino    tepi    tiriyam   marassa   sotam   chetva   sotthina
param gamissanti.
     {391.4}  Aham  kho  pana  bhikkhave  kusalo  imassa  lokassa kusalo
parassa   lokassa   kusalo   maradheyyassa  kusalo  amaradheyyassa  kusalo
maccudheyyassa   kusalo   amaccudheyyassa   .   tassa  mayham  bhikkhave  ye
sotabbam    saddahatabbam    mannissanti    tesam   tam   bhavissati   digharattam
hitaya sukhayati.
     Idamavoca   bhagava   idam   vatvana   sugato   athaparam  etadavoca
sattha
         ayam loko paraloko          janata suppakasito
         yanca marena sampattam      appattam yanca maccuna
         sabbam lokam abhinnaya      sambuddhena pajanata
         vivatam amatadvaram               khemam nibbanapattiya
         channam papimato sotam       viddhastam vinalikatam
         pamujjabahula 1- hotha   khemam patthetha bhikkhavoti.
                Culagopalasuttam nitthitam catuttham.
                     ------------
@Footnote: 1 Po. Ma. pamojja...



             The Pali Tipitaka in Roman Character Volume 12 page 418-421. https://84000.org/tipitaka/read/roman_read.php?B=12&A=8445&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=12&A=8445&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=12&item=388&items=4              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=12&siri=34              Study Atthakatha :- https://84000.org/tipitaka/attha/attha.php?b=12&i=388              The Pali Atthakatha in Thai :- https://84000.org/tipitaka/atthapali/read_th.php?B=8&A=4410              The Pali Atthakatha in Roman :- https://84000.org/tipitaka/atthapali/read_rm.php?B=8&A=4410              Contents of The Tipitaka Volume 12 https://84000.org/tipitaka/read/?index_12 https://84000.org/tipitaka/english/?index_12

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]