ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 12 : PALI ROMAN Sutta Pitaka Vol 4 : Sutta. Ma. Mū.

                     Dvedhavitakkasuttam
     [251]   Evamme   sutam   ekam  samayam  bhagava  savatthiyam  viharati
jetavane   anathapindikassa   arame   .   tatra   kho   bhagava  bhikkhu
amantesi bhikkhavoti. Bhadanteti te bhikkhu bhagavato paccassosum.
     [252]   Bhagava   etadavoca   pubbeva   me  bhikkhave  sambodha
anabhisambuddhassa  bodhisattasseva  sato  etadahosi  yannunaham  dvedha  1-
katva   dvedha   katva  vitakke  vihareyyanti  so  kho  aham  bhikkhave
yo  cayam  kamavitakko  yo  ca  byapadavitakko  yo  ca  vihimsavitakko
imam  ekam  bhagamakasim  yo  cayam nekkhammavitakko yo ca abyapadavitakko
yo ca avihimsavitakko imam dutiyam bhagamakasim.
     {252.1}   Tassa   mayham  bhikkhave  evam  appamattassa  atapino
pahitattassa   viharato   uppajjati   kamavitakko   so   evam   pajanami
uppanno  kho  me  ayam  kamavitakko so ca kho attabyabadhayapi samvattati
parabyabadhayapi   samvattati   ubhayabyabadhayapi   samvattati   pannanirodhiko
vighatapakkhiko     anibbanasamvattaniko     attabyabadhaya     samvattatitipi
me    bhikkhave    patisancikkhato    abbhattham    gacchati    parabyabadhaya
samvattatitipi  me  bhikkhave  patisancikkhato  abbhattham  gacchati  ubhayabyabadhaya
samvattatitipi       me       bhikkhave       patisancikkhato      abbhattham
@Footnote: 1 Si. Yu. dvidhati patho dissati.
Gacchati      pannanirodhiko      vighatapakkhiko     anibbanasamvattanikotipi
me   bhikkhave   patisancikkhato   abbhattham   gacchati   .   so   kho  aham
bhikkhave  uppannuppannam  kamavitakkam  pajjahameva  vinodanameva 1- byantameva
nam akasim.
     {252.2}   Tassa   mayham  bhikkhave  evam  appamattassa  atapino
pahitattassa    viharato   uppajjati   byapadavitakko   .pe.   uppajjati
vihimsavitakko  so  evam  pajanami  uppanno  kho  me ayam vihimsavitakko
so   ca   kho   attabyabadhayapi   samvattati   parabyabadhayapi  samvattati
ubhayabyabadhayapi       samvattati      pannanirodhiko      vighatapakkhiko
anibbanasamvattaniko     attabyabadhaya    samvattatitipi    me    bhikkhave
patisancikkhato    abbhattham    gacchati    parabyabadhaya   samvattatitipi   me
bhikkhave      patisancikkhato     abbhattham     gacchati     ubhayabyabadhaya
samvattatitipi     me     bhikkhave     patisancikkhato    abbhattham    gacchati
pannanirodhiko    vighatapakkhiko    anibbanasamvattanikotipi   me   bhikkhave
patisancikkhato  abbhattham  gacchati  .  so  kho  aham  bhikkhave  uppannuppannam
vihimsavitakkam pajjahameva vinodanameva byantameva nam akasim.
     {252.3}  Yannadeva  bhikkhave  bhikkhu  bahulamanuvitakketi  anuvicareti
tatha tatha nati hoti cetaso. Kamavitakkam ce bhikkhave bhikkhu bahulamanuvitakketi
anuvicareti    pahasi   nekkhammavitakkam   kamavitakkam   bahulamakasi   tassa
@Footnote: 1 Si. Yu. pajjahameva vinodemeva iti ime patha dissanti. pajjahimeva
@vinodanimevati amhakam ruci.
Tam   kamavitakkaya   cittam   namati   .   byapadavitakkam   ce   bhikkhave
bhikkhu  ...  .  vihimsavitakkam ce bhikkhave bhikkhu bahulamanuvitakketi anuvicareti
pahasi     avihimsavitakkam     vihimsavitakkam     bahulamakasi    tassa    tam
vihimsavitakkaya   cittam   namati  .  seyyathapi  bhikkhave  vassanam  pacchime
mase  saradasamaye  kitthasambadhe  gopalako  gavo  rakkheyya so [1]-
gavo   tato  tato  dandena  akotteyya  patikotteyya  sanniruddheyya
sannivareyya.
     {252.4}  Tam  kissa  hetu  .  passati  hi  so bhikkhave gopalako
tatonidanam   vadham  va  bandham  va  janim  va  garaham  va  evameva  kho
aham   bhikkhave   addasam   akusalanam  dhammanam  adinavam  okaram  sankilesam
kusalanam    dhammanam   nekkhamme   anisamsam   vodanapakkham   tassa   mayham
bhikkhave   evam   appamattassa  atapino  pahitattassa  viharato  uppajjati
nekkhammavitakko   so   evam   pajanami   uppanno   kho   me   ayam
nekkhammavitakko   so   ca   kho   neva   attabyabadhaya  samvattati  na
parabyabadhaya   samvattati   na   ubhayabyabadhaya   samvattati  pannavuddhiko
avighatapakkhiko     nibbanasamvattaniko     rattincepi     nam     bhikkhave
anuvitakkeyyam anuvicareyyam neva tatonidanam bhayam samanupassami.
     {252.5}  Divasancepi  nam  bhikkhave anuvitakkeyyam anuvicareyyam neva
tatonidanam  bhayam  samanupassami  .  rattindivancepi  nam bhikkhave anuvitakkeyyam
anuvicareyyam  neva  tatonidanam  bhayam  samanupassami . Apica kho me aticiram
anuvitakkayato    anuvicarayato    kayo    kilameyya   kaye   kilante
@Footnote: 1 Ma. Yu. ta.
Cittam  ohanneyya  1-  ohate  citte  ara  cittam  samadhimhati  so
kho  aham  bhikkhave  ajjhattameva  cittam  santhapemi  sannisidemi  2- ekodim
karomi  samadahami  tam  kissa  hetu  ma  me  cittam ugghatiti 3-. Tassa
mayham   bhikkhave   evam   appamattassa   atapino   pahitattassa  viharato
uppajjati     abyapadavitakko    .pe.    uppajjati    avihimsavitakko
so  evam  pajanami  uppanno  kho  me  ayam  avihimsavitakko so ca kho
neva    attabyabadhaya   samvattati   na   parabyabadhaya   samvattati   na
ubhayabyabadhaya       samvattati       pannavuddhiko      avighatapakkhiko
nibbanasamvattaniko      rattincepi     nam     bhikkhave     anuvitakkeyyam
anuvicareyyam neva tatonidanam bhayam samanupassami.
     {252.6}   Divasancepi   nam  bhikkhave  anuvitakkeyyam  anuvicareyyam
neva   tatonidanam   bhayam   samanupassami   .  rattindivancepi  nam  bhikkhave
anuvitakkeyyam   anuvicareyyam   neva   tatonidanam   bhayam  samanupassami .
Apica   kho   me  aticiram  anuvitakkayato  anuvicarayato  kayo  kilameyya
kaye   kilante   cittam   ohanneyya   ohate   citte  ara  cittam
samadhimhati   so   kho   aham   bhikkhave   ajjhattameva  cittam  santhapemi
sannisidemi  ekodim  karomi  samadahami  tam  kissa  hetu  ma  me  cittam
ugghatiti.
     {252.7}  Yannadeva  bhikkhave  bhikkhu  bahulamanuvitakketi  anuvicareti
tatha  tatha  nati  hoti  cetaso  .  nekkhammavitakkam  ce  bhikkhave  bhikkhu
bahulamanuvitakketi anuvicareti
@Footnote: 1 Si. Yu. uhanneyya. 2 Ma. Yu. sannisademi. 3 Si. Yu. uhaniti.
Pahasi  kamavitakkam  nekkhammavitakkam  bahulamakasi  tassa  tam nekkhammavitakkaya
cittam  namati  .  abyapadavitakkam  ce  bhikkhave bhikkhu .... Avihimsavitakkam
ce   bhikkhave   bhikkhu  bahulamanuvitakketi  anuvicareti  pahasi  vihimsavitakkam
avihimsavitakkam   bahulamakasi   tassa   tam  avihimsavitakkaya  cittam  namati .
Seyyathapi  bhikkhave  gimhanam  pacchime  mase sabbapassesu gamantasambhavesu
gopalako   gavo  rakkheyya  tassa  rukkhamulagatassa  va  abbhokasagatassa
va  satikaraniyameva  hoti eta gavoti evameva kho bhikkhave satikaraniyameva
ahosi ete dhammati.
     [253]   Araddham  kho  pana  me  bhikkhave  viriyam  ahosi  asallinam
upatthita   sati   appammuttha   passaddho   kayo   asaraddho  samahitam
cittam   ekaggam   so   kho   aham   bhikkhave  vivicceva  kamehi  vivicca
akusalehi   dhammehi   savitakkam   savicaram   vivekajam   pitisukham  pathamam  jhanam
upasampajja   vihasim   .   vitakkavicaranam   vupasama  ajjhattam  sampasadanam
cetaso    ekodibhavam    avitakkam   avicaram   samadhijam   pitisukham   dutiyam
jhanam .pe. Tatiyam jhanam .... Catuttham jhanam upasampajja vihasim.
     {253.1}  So evam samahite citte parisuddhe pariyodate anangane
vigatupakkilese     mudubhute     kammaniye     thite     anenjappatte
pubbenivasanussatinanaya    cittam    abhininnamesim    so    anekavihitam
pubbenivasam  anussarami  seyyathidam  ekampi  jatim  dvepi  jatiyo .pe.
Iti   sakaram   sauddesam   anekavihitam  pubbenivasam  anussarami  .  ayam
Kho   me   bhikkhave   rattiya   pathame  yame  pathama  vijja  adhigata
avijja   vihata   vijja   uppanna  tamo  vihato  aloko  uppanno
yathatam appamattassa atapino pahitattassa viharato.
     {253.2}  So evam samahite citte parisuddhe pariyodate anangane
vigatupakkilese   mudubhute   kammaniye   thite   anenjappatte   sattanam
cutupapatananaya   cittam   abhininnamesim  so  dibbena  cakkhuna  visuddhena
atikkantamanusakena  satte  passami  cavamane  upapajjamane  .pe. Ime
vata   bhonto  satta  kayaduccaritena  samannagata  .pe.  iti  dibbena
cakkhuna    visuddhena   atikkantamanusakena   satte   passami   cavamane
upapajjamane    hine   panite   suvanne   dubbanne   sugate   duggate
yathakammupage   satte   pajanami   .  ayam  kho  me  bhikkhave  rattiya
majjhime   yame   dutiya   vijja   adhigata   avijja   vihata  vijja
uppanna   tamo   vihato   aloko   uppanno   yathatam   appamattassa
atapino pahitattassa viharato.
     {253.3}  So evam samahite citte parisuddhe pariyodate anangane
vigatupakkilese  mudubhute kammaniye thite anenjappatte asavanam khayananaya
cittam  abhininnamesim  so  idam dukkhanti yathabhutam abbhannasim ayam dukkhasamudayoti
yathabhutam   abbhannasim   ayam   dukkhanirodhoti   yathabhutam   abbhannasim   ayam
dukkhanirodhagamini    patipadati    yathabhutam   abbhannasim   ime   asavati
yathabhutam    abbhannasim    ayam    asavasamudayoti    yathabhutam   abbhannasim
Ayam    asavanirodhoti    yathabhutam   abbhannasim   ayam   asavanirodhagamini
patipadati   yathabhutam   abbhannasim   tassa   me   evam   janato   evam
passato   kamasavapi   cittam   vimuccittha   bhavasavapi   cittam  vimuccittha
avijjasavapi     cittam     vimuccittha    vimuttasmim    vimuttamiti    nanam
ahosi    khina    jati    vusitam    brahmacariyam   katam   karaniyam   naparam
itthattayati    abbhannasim   .   ayam   kho   me   bhikkhave   rattiya
pacchime   yame   tatiya   vijja   adhigata   avijja   vihata  vijja
uppanna   tamo   vihato   aloko   uppanno   yathatam   appamattassa
atapino pahitattassa viharato.
     [254]   Seyyathapi   bhikkhave   aranne   pavane   mahantam  ninnam
pallalam   tamenam   maha  migasangho  upanissaya  vihareyya  tassa  kocideva
puriso    uppajjeyya    anatthakamo    ahitakamo    ayogakkhemakamo
so  yvassa  maggo  khemo  sovatthiko  pitigamaniyo  tam  maggam  pidaheyya
vivareyya   kummaggam   odaheyya   okacaram  thapeyya  okacarikam  evanhi
so   bhikkhave   maha   migasangho   aparena  samayena  anayabyasanam  tanuttam
apajjeyya  .  tasseva  kho  pana  bhikkhave  mahato  migasanghassa kocideva
puriso    uppajjeyya    atthakamo   hitakamo   yogakkhemakamo   so
yvassa   maggo   khemo   sovatthiko   pitigamaniyo  tam  maggam  vivareyya
pidaheyya    kummaggam    ohaneyya    okacaram    naseyya   okacarikam
evanhi      so      bhikkhave      maha      migasangho     aparena
@Footnote: 1 Po. anattham.
Samayena vuddhim virulhim vepullam apajjeyya.
     {254.1}  Upama  kho me ayam bhikkhave kata atthassa vinnapanaya.
Ayancevettha  attho  mahantam  ninnam  pallalanti  kho  bhikkhave  kamanametam
adhivacanam  .  maha  migasanghoti  kho  bhikkhave sattanametam adhivacanam. Puriso
anatthakamo   ahitakamo   ayogakkhemakamoti   kho  bhikkhave  marassetam
papimato    adhivacanam   .   kummaggoti   kho   bhikkhave   atthangikassetam
micchamaggassa    adhivacanam    seyyathidam    micchaditthiya   micchasankappassa
micchavacaya     micchakammantassa     micchaajivassa    micchavayamassa
micchasatiya  micchasamadhissa  .  okacaroti  kho  bhikkhave  nandiragassetam
adhivacanam  .  okacarikati  kho  bhikkhave  avijjayetam  adhivacanam . Puriso
atthakamo   hitakamo   yogakkhemakamoti   kho   bhikkhave  tathagatassetam
adhivacanam   arahato   sammasambuddhassa  .  maggo  1-  khemo  sovatthiko
pitigamaniyoti   kho   bhikkhave   ariyassetam  atthangikassa  maggassa  adhivacanam
seyyathidam   sammaditthiya  sammasankappassa  sammavacaya  sammakammantassa
sammaajivassa sammavayamassa sammasatiya sammasamadhissa.
     [255]  Iti  kho  bhikkhave  vivato  maya  khemo maggo sovatthiko
pitigamaniyo     pihito     kummaggo    ohato    okacaro    nasita
okacarika   .   yam   bhikkhave   satthara  karaniyam  savakanam  hitesina
anukampakena   anukampam   upadaya   katam   vo   tam   maya  .  etani
@Footnote: 1 Ma. Yu. khemo maggo.
Bhikkhave   rukkhamulani   etani   sunnagarani   jhayatha   bhikkhave   ma
pamadattha   ma   paccha   vippatisarino  ahuvattha  .  ayam  vo  amhakam
anusasaniti.
     Idamavoca    bhagava    attamana   te   bhikkhu   bhagavato   bhasitam
abhinandunti.
                Dvedhavitakkasuttam nitthitam navamam.
                      ----------



             The Pali Tipitaka in Roman Character Volume 12 page 232-240. https://84000.org/tipitaka/read/roman_read.php?B=12&A=4701&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=12&A=4701&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=12&item=251&items=5              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=12&siri=19              Study Atthakatha :- https://84000.org/tipitaka/attha/attha.php?b=12&i=251              The Pali Atthakatha in Thai :- https://84000.org/tipitaka/atthapali/read_th.php?B=7&A=10320              The Pali Atthakatha in Roman :- https://84000.org/tipitaka/atthapali/read_rm.php?B=7&A=10320              Contents of The Tipitaka Volume 12 https://84000.org/tipitaka/read/?index_12 https://84000.org/tipitaka/english/?index_12

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]