PaliRoman Vol.12

Culadhammasamadanasuttam [514] Evamme sutam ekam samayam bhagava savatthiyam viharati jetavane anathapindikassa arame . tatra kho bhagava bhikkhu amantesi bhikkhavoti. Bhadanteti te bhikkhu bhagavato paccassosum. [515] Bhagava etadavoca cattarimani bhikkhave dhammasamadanani katamani cattari atthi bhikkhave dhammasamadanam paccuppannasukham ayatim dukkhavipakam atthi bhikkhave dhammasamadanam paccuppannadukkhanceva ayatinca dukkhavipakam atthi bhikkhave dhammasamadanam paccuppannadukkham ayatim sukhavipakam atthi bhikkhave dhammasamadanam paccuppannasukhanceva ayatinca sukhavipakam. [516] Katamanca bhikkhave dhammasamadanam paccuppannasukham ayatim dukkhavipakam . santi bhikkhave eke samanabrahmana evamvadino evamditthino natthi kamesu dosoti te kamesu patabyatam apajjanti. Te kho molibandhahi ^1- paribbajikahi paricarenti te evamahamsu kimsu nama te bhonto samanabrahmana kamesu anagatabhayam sampassamana kamanam pahanamahamsu kamanam parinnam pannapenti ^2- sukho imissa paribbajikaya tarunaya mudukaya lomasaya bahaya samphassoti te kamesu patabyatam apajjanti . Te kamesu patabyatam apajjitva kayassa bheda parammarana @Footnote: ¹ Ma. molibaddhahi. ² Po. Ma. pannapenti. sabbattha idisameva. Apayam duggatim vinipatam nirayam upapajjanti . te tattha dukkha tippa ^1- ^[2]- katuka vedana vediyanti te evamahamsu idam kho te bhonto samanabrahmana kamesu anagatabhayam sampassamana kamanam pahanamahamsu kamanam parinnam pannapenti ime hi mayam kamahetu kamanidanam dukkha tippa katuka vedana vediyamati . Seyyathapi bhikkhave gimhanam pacchime mase maluvasipatika phaleyya. {516.1} Atha kho tam bhikkhave maluvavijam annatarasmim salamule nipateyya . atha kho bhikkhave ya tasmim sale adhivattha devata sa bhita ubbigga santasam apajjeyya . atha kho bhikkhave tasmim sale adhivatthaya devataya mittamacca natisalohita aramadevata vanadevata rukkhadevata osadhitinavanappatisu adhivattha devata sangamma samagamma evam samassaseyyum ma bhavam bhayi ma bhavam bhayi appevanametam maluvavijam moro va gileyya migo va khadeyya davadaho va daheyya vanakammika va uddhareyyum upacika va utthaheyyum avijam va panassati . atha kho tam bhikkhave maluvavijam neva moro gileyya na migo khadeyya na davadaho daheyya na vanakammika uddhareyyum na upacika utthaheyyum vijanca panassa . tam pavussakena meghena abhivuttham sammadeva viruheyya . sassa maluvalata taruna muduka lomasa vilambini . sa tam salam upaniseveyya . atha kho bhikkhave tasmim sale adhivatthaya devataya evamassa kimsu nama @Footnote: ¹ Ma. tibba. sabbattha idisameva. ² Po. Ma. khara. sabbattha idisameva. Te bhonto mittamacca natisalohita aramadevata vanadevata rukkhadevata osadhitinavanappatisu adhivattha devata maluvavije anagatabhayam sampassamana sangamma samagamma evam samassasesum ma bhavam bhayi ma bhavam bhayi appevanametam maluvavijam moro va gileyya migo va khadeyya davadaho va daheyya vanakammika va uddhareyyum upacika va utthaheyyum avijam va panassati sukho imissa maluvalataya tarunaya mudukaya lomasaya vilambiniya samphassoti . sa tam salam anuparivareyya ^1- . sa tam salam anuparivaretva ^[2]- upari vitabhim karitva ^[3]- oghanam janetva ye tassa salassa mahanta mahanta khandha te padaleyya. {516.2} Atha kho bhikkhave tasmim sale adhivatthaya devataya evamassa idam kho te bhonto mittamacca natisalohita aramadevata vanadevata rukkhadevata osadhitinavanappatisu adhivattha devata maluvavije anagatabhayam sampassamana sangamma samagamma evam samassasesum ma bhavam bhayi ma bhavam bhayi appevanametam maluvavijam moro va gileyya migo va khadeyya davadaho va daheyya vanakammika va uddhareyyum upacika va utthaheyyum avijam va panassati svaham maluvavijahetu dukkha tippa katuka vedana vediyamiti. {516.3} Evameva kho bhikkhave santi eke samanabrahmana evamvadino evamditthino natthi kamesu @Footnote: ¹ Si. Ma. Yu. anuparihareyya. 2. Po. Ma. upari vitabhim kareyya. @³ Po. Ma. oghanam janeyya. Dosoti te kamesu patabyatam apajjanti . te kho molibandhahi paribbajikahi paricarenti . te evamahamsu kimsu nama te bhonto samanabrahmana kamesu anagatabhayam sampassamana kamanam pahanamahamsu kamanam parinnam pannapenti sukho imissa paribbajikaya tarunaya mudukaya lomasaya bahaya samphassoti te kamesu patabyatam apajjanti . te kamesu patabyatam apajjitva kayassa bheda parammarana apayam duggatim vinipatam nirayam upapajjanti . te tattha dukkha tippa katuka vedana vediyanti te tattha evamahamsu idam kho te bhonto samanabrahmana kamesu anagatabhayam sampassamana kamanam pahanamahamsu kamanam parinnam pannapenti ime hi mayam kamahetu kamanidanam dukkha tippa katuka vedana vediyamati . idam vuccati bhikkhave dhammasamadanam paccuppannasukham ayatim dukkhavipakam. [517] Katamanca bhikkhave dhammasamadanam paccuppannadukkhanceva ayatinca dukkhavipakam . idha bhikkhave ekacco acelako hoti muttacaro hatthavalekhano na ehibhadantiko na titthabhadantiko na abhihatam na uddissa katam na nimantanam sadiyati . so na kumbhimukha patigganhati na kalopimukha patigganhati na elakamantaram na musalantaram na dandamantaram na dvinnam bhunjamananam na gabbhiniya na payamanaya na purisantaragataya na sankittisu na yattha sa Upatthito hoti na yattha makkhika sandasandacarini na maccham na mamsam na suram na merayam na thusodakam pivati . so ekagariko va hoti ekalopiko dvagariko va hoti dvalopiko .pe. Sattagariko va hoti sattalopiko ekissapi dattiya yapeti dvihipi dattihi yapeti .pe. sattahipi dattihi yapeti ekahikampi aharam ahareti dvihikampi aharam ahareti .pe. Sattahikampi aharam ahareti iti evarupam addhamasikampi pariyayabhattabhojananuyogamanuyutto viharati . so sakabhakkho va hoti samakabhakkho va hoti nivarabhakkho va hoti daddulabhakkho va hoti hatabhakkho va hoti kanabhakkho va hoti acamabhakkho va hoti pinnakabhakkho va hoti tinabhakkho va hoti gomayabhakkho va hoti vanamulaphalaharo yapeti pavattaphalabhoji. {517.1} So sananipi dhareti masananipi dhareti chavadussanipi dhareti pamsukulanipi dhareti tiritanipi dhareti ajjinanipi dhareti ajjinakkhipampi dhareti kusacirampi dhareti ^[1]- phalakacirampi dhareti kesakambalampi dhareti ^[2]- ulukapakkhampi dhareti kesamassulocakopi hoti kesamassulocananuyogamanuyutto ubbhatthakopi hoti asanapatikkhittopi ukkutikopi hoti ukkutikappadhanamanuyutto kantakapassayikopi hoti kantakapassaye seyyam kappeti sayatatiyakampi udakorohananuyogamanuyutto viharati iti evarupam anekavihitam kayassa atapanaparitapananuyogamanuyutto @Footnote: ¹ Po. Ma. vakacirampi dhareti. 2. Po. Ma. valakambalampi dhareti. Viharati . so kayassa bheda parammarana apayam duggatim vinipatam nirayam upapajjati . idam vuccati bhikkhave dhammasamadanam paccuppannadukkhanceva ayatinca dukkhavipakam. [518] Katamanca bhikkhave dhammasamadanam paccuppannadukkham ayatim sukhavipakam . idha bhikkhave ekacco pakatiya tibbaragajatiko hoti so abhikkhanam ragajam dukkham domanassam patisamvedeti . pakatiya tibbadosajatiko hoti so abhikkhanam dosajam dukkham domanassam patisamvedeti . pakatiya tibbamohajatiko hoti so abhikkhanam mohajam dukkham domanassam patisamvedeti . so sahapi dukkhena sahapi domanassena phuttho samano assumukhopi rodamano paripunnam parisuddham brahmacariyam carati . so kayassa bheda parammarana sugatim saggam lokam upapajjati . idam vuccati bhikkhave dhammasamadanam paccuppannadukkham ayatim sukhavipakam. [519] Katamanca bhikkhave dhammasamadanam paccuppannasukhanceva ayatinca sukhavipakam . idha bhikkhave ekacco pakatiya na tibbaragajatiko hoti so abhikkhanam na ragajam dukkham domanassam patisamvedeti . Pakatiya na tibbadosajatiko hoti so abhikkhanam na dosajam dukkham domanassam patisamvedeti . pakatiya na tibbamohajatiko hoti so abhikkhanam na mohajam dukkham domanassam patisamvedeti . So vivicceva kamehi vivicca akusalehi dhammehi savitakkam savicaram Vivekajam pitisukham pathamam jhanam upasampajja viharati . vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam ... tatiyam jhanam ... catuttham jhanam upasampajja viharati . so kayassa bheda parammarana sugatim saggam lokam upapajjati . idam vuccati bhikkhave dhammasamadanam paccuppannasukhanceva ayatinca sukhavipakam . imani kho bhikkhave cattari dhammasamadananiti. Idamavoca bhagava attamana te bhikkhu bhagavato bhasitam abhinandunti. Culadhammasamadanasuttam nitthitam pancamam. ----------

The Pali Tipitaka in Roman Character Volume 12 page 556-562. https://84000.org/tipitaka/read/roman_read.php?B=12&A=11269&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=12&A=11269&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=12&item=514&items=6 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=12&siri=45 Study Atthakatha :- https://84000.org/tipitaka/attha/attha.php?b=12&i=514 The Pali Atthakatha in Thai :- https://84000.org/tipitaka/atthapali/read_th.php?B=8&A=7143 The Pali Atthakatha in Roman :- https://84000.org/tipitaka/atthapali/read_rm.php?B=8&A=7143 Contents of The Tipitaka Volume 12 https://84000.org/tipitaka/read/?index_12 https://84000.org/tipitaka/english/?index_12