|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 12 : PALI ROMAN Sutta Pitaka Vol 4 : Sutta. Ma. Mū.
Culaassapurasuttam [479] Evamme sutam ekam samayam bhagava angesu viharati assapuram nama anganam nigamo . tatra kho bhagava bhikkhu amantesi bhikkhavoti . bhadanteti te bhikkhu bhagavato paccassosum . bhagava etadavoca samana samanati vo bhikkhave jano sanjanati tumhe ca pana ke tumheti puttha samana samanamhati patijanatha tesam vo bhikkhave evamsamannanam satam evampatinnanam satam ya samanasamicipatipada tam patipadam patipajjissama evanno ayam amhakam samanna ca sacca bhavissati patinna ca bhuta yesanca mayam patta civarapindapatasenasana- gilanapaccayabhesajjaparikkhare 1- paribhunjama tesam te kara amhesu mahapphala bhavissanti mahanisamsa amhakancevayam pabbajja avanjha bhavissati saphala saudrayati evanhi vo bhikkhave sikkhitabbam. [480] Kathanca bhikkhave bhikkhu [2]- samicipatipadam patipanno hoti. Yassa kassaci bhikkhave bhikkhuno abhijjhalussa abhijjha appahina hoti byapannacittassa byapado appahino hoti kodhanassa kodho appahino hoti upanahissa upanaho appahino hoti makkhissa makkho appahino hoti palasissa palaso appahino hoti issukissa issa appahina hoti maccharissa macchariyam appahinam @Footnote: 1 Ma. civarapindapata ... parikkharam. 2 Po. na. Ma. na samanasamicippatipadam.--------------------------------------------------------------------------------------------- page513.
Hoti sathassa satheyyam appahinam hoti mayavissa maya appahina hoti papicchassa papika iccha appahina hoti micchaditthissa micchaditthi appahina hoti . imesam kho aham bhikkhave samanamalanam samanadosanam samanakasavanam 1- apayikanam thananam duggativedaniyanam appahana [2]- samanasamicipatipadam patipannoti na vadami . Seyyathapi bhikkhave matajannama avudhajatam ubhatodharam pitanissitam tadassa sanghatiya samparutam sampalivedhitam tathupamaham bhikkhave imassa bhikkhuno pabbajjam vadami. [481] Naham bhikkhave sanghatikassa sanghatidharanamattena samannam vadami . naham bhikkhave acelakassa acelakamattena samannam vadami. Naham bhikkhave rajojallikassa rajojallikamattena samannam vadami . Naham bhikkhave udakorohakassa udakorohamattena 3- samannam vadami. Naham bhikkhave rukkhamulikassa rukkhamulikamattena samannam vadami . naham bhikkhave abbhokasikassa abbhokasikamattena samannam vadami. {481.1} Naham bhikkhave ubbhatthakassa ubbhatthakamattena samannam vadami . naham bhikkhave pariyayabhattikassa pariyayabhattikamattena samannam vadami . naham bhikkhave mantajjhayikassa mantajjhayikamattena samannam vadami . naham bhikkhave jatilakassa jatadharanamattena samannam vadami . sanghatikassa ce bhikkhave sanghatidharanamattena @Footnote: 1 Si. Ma. Yu. samanakasatanam. 2 Ma. na. 3 Po. Ma. udakorohanamattena.--------------------------------------------------------------------------------------------- page514.
Abhijjhalussa puggalassa abhijjha pahiyetha byapannacittassa byapado pahiyetha kodhanassa kodho pahiyetha upanahissa upanaho pahiyetha makkhissa makkho pahiyetha palasissa palaso pahiyetha issukissa issa pahiyetha maccharissa macchariyam pahiyetha sathassa satheyyam pahiyetha mayavissa maya pahiyetha papicchassa papika iccha pahiyetha micchaditthissa micchaditthi pahiyetha tamenam mittamacca natisalohita jatameva nam sanghatikam kareyyum sanghatikattameva samadapeyyum ehi tvam bhadramukha sanghatiko hohi sanghatikassa te sato sanghatidharanamattena abhijjhalussa abhijjha pahiyissati byapannacittassa byapado pahiyissati {481.2} kodhanassa kodho pahiyissati upanahissa upanaho pahiyissati makkhissa makkho pahiyissati palasissa palaso pahiyissati issukissa issa pahiyissati maccharissa macchariyam pahiyissati sathassa satheyyam pahiyissati mayavissa maya pahiyissati papicchassa papika iccha pahiyissati micchaditthissa micchaditthi pahiyissatiti . yasma ca kho aham bhikkhave sanghatikampi idhekaccam passami abhijjhalum bayapannacittam kodhanam upanahim makkhim palasim issukim maccharim satham mayavim papiccham micchaditthim 1- tasma na sanghatikassa sanghatidharanamattena samannam vadami . acelakassa ce bhikkhave .pe. Rajojallikassa ce bhikkhave ... Udakorohakassa ce bhikkhave ... Rukkhamulikassa @Footnote: 1 Ma. micachaditathikam.--------------------------------------------------------------------------------------------- page515.
Ce bhikkhave ... abbhokasikassa ce bhikkhave ... ubbhatthakassa ce bhikkhave ... pariyayabhattikassa ce bhikkhave ... mantajjhayikassa ce bhikkhave ... jatilakassa ce bhikkhave jatadharanamattena abhijjhalussa abhijjha pahiyetha byapannacittassa byapado pahiyetha kodhanassa kodho pahiyetha upanahissa upanaho pahiyetha makkhissa makkho pahiyetha palasissa palaso pahiyetha issukissa issa pahiyetha maccharissa macchariyam pahiyetha sathassa satheyyam pahiyetha {481.3} mayavissa maya pahiyetha papicchassa papika iccha pahiyetha micchaditthissa micchaditthi pahiyetha tamenam mittamacca natisalohita jatameva nam jatilakam kareyyum jatilakattameva samadapeyyum ehi tvam bhadramukha jatilako hohi jatilakassa te sato jatadharanamattena abhijjhalussa abhijjha pahiyissati byapannacittassa byapado pahiyissati kodhanassa kodho pahiyissati upanahissa upanaho pahiyissati makkhissa makkho pahiyissati palasissa palaso pahiyissati issukissa issa pahiyissati maccharissa macchariyam pahiyissati sathassa satheyyam pahiyissati mayavissa maya pahiyissati papicchassa papika iccha pahiyissati micchaditthissa micchaditthi pahiyissatiti . yasma ca kho aham bhikkhave jatilakampi idhekaccam passami abhijjhalum byapannacittam kodhanam upanahim makkhim palasim issukim maccharim satham mayavim papiccham micchaditthim--------------------------------------------------------------------------------------------- page516.
Tasma na jatilakassa jatadharanamattena samannam vadami. [482] Kathanca bhikkhave bhikkhu samanasamicipatipadam patipanno hoti . yassakassaci bhikkhave bhikkhuno abhijjhalussa abhijjha pahina hoti byapannacittassa byapado pahino hoti kodhanassa kodho pahino hoti upanahissa upanaho pahino hoti makkhissa makkho pahino hoti palasissa palaso pahino hoti issukissa issa pahina hoti maccharissa macchariyam pahinam hoti sathassa satheyyam pahinam hoti mayavissa maya pahina hoti papicchassa papika iccha pahina hoti micchaditthissa micchaditthi pahina hoti . imesam kho [1]- bhikkhave samanamalanam samanadosanam samanakasavanam apayikanam thananam duggativedaniyanam pahana samanasamicipatipadam patipannoti vadami. {482.1} So sabbehi imehi papakehi akusalehi dhammehi visuddhamattanam samanupassati vimuttamattanam samanupassati 2- . Tassa sabbehi imehi papakehi akusalehi dhammehi visuddhamattanam samanupassato vimuttamattanam samanupassato pamujjam jayati pamuditassa piti jayati pitimanassa kayo passambhati passaddhakayo sukham vedeti sukhino cittam samadhiyati . so mettasahagatena cetasa ekam disam pharitva viharati tatha dutiyam tatha tatiyam tatha catuttham iti uddhamadho tiriyam sabbadhi sabbattataya sabbavantam lokam mettasahagatena cetasa vipulena mahaggatena @Footnote: 1 Ma. aham. 2 Ma. ime patha natthi.--------------------------------------------------------------------------------------------- page517.
Appamanena averena abyapajjhena pharitva viharati . karunasahagatena cetasa ... muditasahagatena cetasa ... upekkhasahagatena cetasa ekam disam pharitva viharati tatha dutiyam tatha tatiyam tatha catuttham iti uddhamadho tiriyam sabbadhi sabbattataya sabbavantam lokam upekkhasahagatena cetasa vipulena mahaggatena appamanena averena abyapajjhena pharitva viharati . seyyathapi bhikkhave pokkharani acchodaka satodaka sitodaka setaka 1- supatittha ramaniya . puratthimaya cepi disaya puriso agaccheyya ghammabhitatto ghammapareto kilanto tasito pipasito. {482.2} So tam pokkharanim agamma vineyya udakapipasam vineyya ghammaparilaham . pacchimaya cepi disaya puriso agaccheyya ... Uttaraya cepi disaya puriso agaccheyya ... dukkhinaya cepi disaya puriso agaccheyya ... yatokuto cepi [2]- puriso agaccheyya ghammabhitatto ghammapareto kilanto tasito pipasito. So tam pokkharanim agamma vineyya udakapipasam vineyya ghammaparilaham evameva kho bhikkhave khattiyakula cepi agarasma anagariyam pabbajito hoti . so ca tathagatappaveditam dhammavinayam agamma evam mettam karunam muditam upekkham bhavetva labhati ajjhattam vupasamam [3]- samanasamicipatipadam patipannoti vadami . Brahmanakula cepi ... vessakula cepi ... suddakula cepi ... Yasmakasma cepi kula agarasma anagariyam pabbajito @Footnote: 1 Po. setodaka 2 Ma. nam. 3 Ma. ajjhattam vupasama.--------------------------------------------------------------------------------------------- page518.
Hoti. {482.3} So ca tathagatappaveditam dhammavinayam agamma evam mettam karunam muditam upekkham bhavetva labhati ajjhattam vupasamam [1]- samanasamicipatipadam patipannoti vadami . khattiyakula cepi agarasma anagariyam pabbajito hoti . so ca asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharati asavanam khaya samano hotiti vadami . Brahmanakula cepi ... vessakula cepi ... suddakula cepi ... Yasmakasma cepi kula agarasma anagariyam pabbajito hoti . So ca asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharati asavanam khaya samano hotiti vadamiti. {482.4} Idamavoca bhagava attamana te bhikkhu bhagavato bhasitam abhinandunti. Culaassapurasuttam nitthitam dasamam. Mahayamakavaggo catuttho. Tassuddanam ginjakasalavanam 2- parihatum pannavato puna saccanisevo mukhavannapasidattadi tasito kevattassa purajatilenati. ------------ @Footnote: 1 Ma. ajjhattam vupasama. 2 Ma. ginjakasalavanam pariharitum pannavato puna saccakanisedho @mukhavannapasidhanatapindo kevattaassapurajatilena.The Pali Tipitaka in Roman Character Volume 12 page 512-518. https://84000.org/tipitaka/read/roman_read.php?B=12&A=10368&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=12&A=10368&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=12&item=479&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=12&siri=40 Study Atthakatha :- https://84000.org/tipitaka/attha/attha.php?b=12&i=479 The Pali Atthakatha in Thai :- https://84000.org/tipitaka/atthapali/read_th.php?B=8&A=5960 The Pali Atthakatha in Roman :- https://84000.org/tipitaka/atthapali/read_rm.php?B=8&A=5960 Contents of The Tipitaka Volume 12 https://84000.org/tipitaka/read/?index_12 https://84000.org/tipitaka/english/?index_12
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]