ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 11 : PALI ROMAN Sutta Pitaka Vol 3 : Sutta. Tī. Pā.

                      Sampasadaniyasuttam
     [73]   Evamme  sutam  .  ekam  samayam  bhagava  nalandayam  viharati
pavarikambavane    .   athakho   ayasma   sariputto   yena   bhagava
tenupasankami   upasankamitva   bhagavantam  abhivadetva  ekamantam  nisidi .
Ekamantam   nisinno   kho   ayasma   sariputto   bhagavantam  etadavoca
evam   pasanno   aham   bhante   bhagavati   na  cahu  na  ca  bhavissati  na
cetarahi    vijjati   anno   samano   va   brahmano   va   bhagavata
bhiyyobhinnataro   yadidam   sambodhiyanti   .  olara  1-  kho  te  ayam
sariputta   asabhivaca   bhasita   ekamso   gahito   sihanado  nadito
evam   pasanno   aham   bhante   bhagavati   na  cahu  na  ca  bhavissati  na
cetarahi    vijjati   anno   samano   va   brahmano   va   bhagavata
bhiyyobhinnataro yadidam sambodhiyanti.
     [74]   Kim  nu  kho  te  sariputta  ye  te  ahesum  atitamaddhanam
arahanto   sammasambuddha   sabbe   te   bhagavanto   cetasa   ceto
paricca   vidita   evamsila   te   bhagavanto   ahesum  itipi  evamdhamma
te   bhagavanto   ahesum   itipi   evampanna   te   bhagavanto   ahesum
itipi   evamvihari   te   bhagavanto   ahesum   itipi   evamvimutta  te
bhagavanto  ahesum  itipiti  .  no  hetam  bhanteti  2- . Kim pana te 3-
sariputta     ye     te     bhavissanti    anagatamaddhanam    arahanto
@Footnote: 1 Ma. Yu. ulara .  2 sabbavaresu itisaddo na dissati .  3 Yu. ayam na dissati.
Sammasambuddha   sabbe   te  bhagavanto  cetasa  ceto  paricca  vidita
evamsila  te  bhagavanto  bhavissanti  itipi  evamdhamma  .  evampanna .
Evamvihari   .   evamvimutta  te  bhagavanto  bhavissanti  itipiti  .  no
hetam bhanteti.
     {74.1}  Kim  pana  te  sariputta  aham etarahi araham sammasambuddho
cetasa ceto paricca vidito evamsilo bhagava itipi evamdhammo. Evampanno.
Evamvihari. Evamvimutto bhagava itipiti. No hetam bhanteti. Ettha hi 1-
te   sariputta   atitanagatapaccuppannesu   arahantesu   sammasambuddhesu
cetopariyananam   natthi   atha   kincarahi   te   ayam  sariputta  olara
asabhivaca   bhasita  ekamso  gahito  sihanado  nadito  evam  pasanno
aham  bhante  bhagavati  na  cahu  na  ca  bhavissati  na  cetarahi vijjati anno
samano va brahmano va bhagavata bhiyyobhinnataro yadidam sambodhiyanti.
     {74.2}  Na  kho  panetam  [2]-  bhante  atitanagatapaccuppannesu
arahantesu   sammasambuddhesu   cetopariyananam   atthi  apica  me  [3]-
dhammanvayo    vidito    seyyathapi   bhante   ranno   paccantimam   nagaram
dalhaddhalam   4-   dalhapakaratoranam   ekadvaram   tatrassa   dovariko
pandito   viyatto   medhavi  annatanam  nivareta  natanam  paveseta
so   tassa   nagarassa   samanta  5-  anupariyayapatham  anukkamamano  6-
na   passeyya   pakarasandhim   va  pakaravivaram  va  antamaso  vilara-
nikkhamanamattampi   tassa   evamassa   ye   keci  olarika  pana  imam
@Footnote: 1 Ma. ca hi. Yu. carahi .  2 Ma. Yu. me .  3 Yu. bhante .  4 Ma. dalhuddhatam
@Yu. dalhuddatam .  5 Ma. Yu. samanta .  6 Yu. anukkamanate.
Nagaram   pavisanti   va  nikkhamanti  va  sabbe  te  imina  va  dvarena
pavisanti   va   nikkhamanti  vati  evameva  kho  me  bhante  dhammanvayo
vidito   ye  te  [1]-  ahesum  atitamaddhanam  arahanto  sammasambuddha
sabbe   te   bhagavanto   panca   nivarane  pahaya  cetaso  upakkilese
pannaya    dubbalikarane    catusu   satipatthanesu   supatitthitacitta   satta
sambojjhange    2-    yathabhutam    bhavetva   anuttaram   sammasambodhim
abhisambujjhimsu   yepi   te   bhante   bhavissanti  anagatamaddhanam  arahanto
sammasambuddha    sabbe    te    bhagavanto   panca   nivarane   pahaya
cetaso    upakkilese    pannaya   dubbalikarane   catusu   satipatthanesu
supatitthitacitta    satta   sambojjhange   yathabhutam   bhavetva   anuttaram
sammasambodhim    abhisambujjhissanti    bhagavapi    bhante   etarahi   araham
sammasambuddho   panca   nivarane   pahaya  cetaso  upakkilese  pannaya
dubbalikarane   catusu   satipatthanesu   supatitthitacitto  satta  sambojjhange
yathabhutam bhavetva anuttaram sammasambodhim abhisambuddho.
     {74.3}  Idhaham  bhante  yena  bhagava tenupasankamim dhammassavanaya.
Tassa  [3]-  bhante  bhagava  dhammam  desesi  4- uttaruttaram 5- panitapanitam
kanhasukkam  sappatibhagam  .  yatha  yatha  [6]-  bhante bhagava dhammam desesi
uttaruttaram   5-   panitapanitam   kanhasukkam  sappatibhagam  tatha  tathaham  tasmim
dhamme   abhinna   idhekaccam   dhammam   dhammesu   nitthamagamam  satthari  pasidim
sammasambuddho bhagava svakkhato bhagavata dhammo supatipanno sanghoti 7-.
@Footnote: 1 Ma. bhante .  2 Yu. bojjhange .  3 Ma. Yu. me .  4 Ma. deseti.
@5 Yu. uttaruttarim .  6 Ma. Yu. me .  7 Ma. savakasanghoti.
     [75]  Aparam  pana  bhante  etadanuttariyam  yatha bhagava dhammam deseti
kusalesu    dhammesu    tatrime   kusala   dhamma   seyyathidam   cattaro
satipatthana     cattaro     sammappadhana     cattaro    iddhipada
pancindriyani   panca   balani   satta   bojjhanga   ariyo   atthangiko
maggo   .   idha   bhante  bhikkhu  asavanam  khaya  anasavam  cetovimuttim
pannavimuttim    ditthe    va    dhamme    sayam    abhinna    sacchikatva
upasampajja    viharati   .   etadanuttariyam   bhante   kusalesu   dhammesu
tam   bhagava   asesamabhijanati   tam   bhagavato   asesamabhijanato  uttari-
abhinneyyam    natthi    yadabhijanam    anno   samano   va   brahmano
va bhagavata bhiyyobhinnataro assa yadidam kusalesu dhammesu.
     [76]  Aparam  pana  bhante  etadanuttariyam  yatha bhagava dhammam deseti
ayatanappannattisu    1-    .    chayimani    bhante   ajjhattikabahirani
ayatanani    cakkhunceva   rupa   ca   sotanca   sadda   ca   ghananca
gandha  ca  jivha  ca  rasa  ca  kayo  ca  photthabba ca mano ca dhamma
ca    .    etadanuttariyam    bhante    ayatanappannattisu   tam   bhagava
asesamabhijanati    tam    bhagavato    asesamabhijanato    uttariabhinneyyam
natthi    yadabhijanam   anno   samano   va   brahmano   va   bhagavata
bhiyyobhinnataro assa yadidam ayatanappannattisu.
     [77]   Aparam   pana   bhante   etadanuttariyam  yatha  bhagava  dhammam
deseti   gabbhavakkantisu  .  catasso  ima  bhante  gabbhavakkantiyo .
@Footnote: 1 Yu. ayatanapannattisu.
Idha  pana  1-  bhante  ekacco  asampajano  2-  matu  kucchim okkamati
asampajano    matu   kucchismim   thati   asampajano   matu   kucchimha
nikkhamati ayam pathama gabbhavakkanti.
     {77.1}  Puna  caparam  bhante  idhekacco sampajano hi 3- kho matu
kucchim    okkamati   asampajano   matu   kucchismim   thati   asampajano
matu kucchimha nikkhamati ayam dutiya gabbhavakkanti.
     {77.2}  Puna caparam bhante idhekacco sampajano matu kucchim okkamati
sampajano   matu  kucchismim  thati  asampajano  matu  kucchimha  nikkhamati
ayam tatiya gabbhavakkanti.
     {77.3}   Puna  caparam  bhante  idhekacco  sampajano  matu  kucchim
okkamati   sampajano  matu  kucchismim  thati  sampajano  matu  kucchimha
nikkhamati    ayam   catuttha   gabbhavakkanti   .   etadanuttariyam   bhante
gabbhavakkantisu.
     [78]   Aparam   pana   bhante   etadanuttariyam  yatha  bhagava  dhammam
deseti   adesanavidhasu   .   catasso  ima  bhante  adesanavidha .
Idha   bhante   ekacco  nimittena  adisati  evampi  te  mano  itthampi
te   mano   itipi   te  cittanti  .  so  bahum  cepi  adisati  tatheva
tam hoti no annathati 4-. Ayam pathama adesanvidha.
     {78.1}  Puna  caparam  bhante  idhekacco  na  heva  kho  nimittena
adisati  apica  kho  manussanam  va  amanussanam  va  devatanam  va saddam
sutva  adisati  evampi  te  mano  itthampi te mano itipi te cittanti.
@Footnote: 1 Ma. Yu. panasaddo na dissati .  2 Yu. asampajano ceva .  3 Ma. hisaddo na
@dissati. Yu. pi .  4 Ma. Yu. itisaddo na dissati. evamupari.
So    bahuncepi   adisati   tatheva   tam   hoti   no   annathati  .
Ayam dutiya adesanavidha.
     {78.2}  Puna  caparam  bhante  idhekacco  na  heva  kho  nimittena
adisati    napi   manussanam   va   amanussanam   va   devatanam   va
saddam    sutva    adisati    apica    kho    vitakkayato    vicarayato
vitakkavippharasaddam    sutva    adisati   evampi   te   mano   itthampi
te   mano   itipi   te   cittanti  .  so  bahuncepi  adisati  tatheva
tam hoti no annathati. Ayam tatiya adesanavidha.
     {78.3}  Puna  caparam  bhante  idhekacco  na  heva  kho  nimittena
adisati   napi   manussanam   va  amanussanam  va  devatanam  va  saddam
sutva   adisati   napi  vitakkayato  vicarayato  vitakkavippharasaddam  sutva
adisati  athakho  1-  vitakkavicarasamadhim  2-  samapannassa  cetasa ceto
paricca   pajanati   yatha   imassa  bhoto  manosankhara  panihita  tatha
imassa  cittassa  anantara  imam  3-  nama  vitakkam  vitakkessatiti . So
bahuncepi  adisati  tatheva  tam  hoti  no  annathati  .  ayam  bhante 4-
catuttha adesanavidha. Etadanuttariyam bhante adesanavidhasu.
     [79]  Aparam  pana  bhante  etadanuttariyam  yatha bhagava dhammam deseti
dassanasamapattisu   .   catasso   ima   bhante   dassanasamapattiyo  .
Idha   bhante   ekacco   samano   va  brahmano  va  atappamanvaya
padhanamanvaya    anuyogamanvaya   appamadamanvaya   sammamanasikaramanvaya
tatharupam   cetosamadhim  phusati  yathasamahite  citte  imameva  kayam  uddham
@Footnote: 1 Ma. Yu. apica kho .  2 Yu. avitakkam avicaram samadhim .  3 Yu. amum.
@4 Ma. Yu. ayam na dissati.
Padatala   adho   kesamatthaka   tacapariyantam  purannanappakarassa  asucino
paccavekkhati   atthi   imasmim  kaye  kesa  loma  nakha  danta  taco
mamsam   naharu   atthi   atthiminjam  1-  vakkam  hadayam  yakanam  kilomakam  pihakam
papphasam    antam    antagunam    udariyam   karisam   pittam   semham   pubbo
lohitam   sedo  medo  assu  vasa  khelo  singhanika  lasika  muttanti
ayam pathama dassanasamapatti.
     {79.1}  Puna  caparam  bhante  idhekacco  samano va brahmano va
atappamanvaya  .pe.  tatharupam  cetosamadhim  phusati  yathasamahite  citte
imameva    kayam    uddham   padatala   adho   kesamatthaka   tacapariyantam
purannanappakarassa    asucino    paccavekkhati    atthi   imasmim   kaye
kesa  loma  .pe.  lasika  muttam  2- atikkamma ca purisassa chavimamsalohitam
atthim paccavekkhati ayam dutiya dassanasamapatti.
     {79.2}   Puna  caparam  bhante  idhekacco  samano  va  brahmano
va   atappamanvaya   .pe.  tatharupam  cetosamadhim  phusati  yathasamahite
citte   imameva   kayam  uddham  padatala  adho  kesamatthaka  tacapariyantam
purannanappakarassa    asucino    paccavekkhati    atthi   imasmim   kaye
kesa   loma   .pe.   lasika   muttam   2-   atikkamma  ca  purisassa
chavimamsalohitam   atthim   paccavekkhati   purisassa   ca  vinnanasotam  pajanati
ubhayato    abbocchinnam   idhaloke   patitthitanca   paraloke   patitthitanca
ayam tatiya dassanasamapatti.
     {79.3}   Puna  caparam  bhante  idhekacco  samano  va  brahmano
va    atappamanvaya    .pe.   lasika   muttam   2-   atikkamma   ca
@Footnote: 1 Yu. atthiminja .  2 Ma. muttanti.
Purisassa   chavimamsalohitam   atthim   paccavekkhati   purisassa   ca  vinnanasotam
pajanati   ubhayato   abbocchinnam   idhaloke   appatitthitanca   paraloke
appatitthitanca    ayam    catuttha    dassanasamapatti   .   etadanuttariyam
bhante dassanasamapattisu.
     [80]  Aparam  pana  bhante  etadanuttariyam  yatha bhagava dhammam deseti
puggalapannattisu    .    sattime    bhante   puggala   ubhatobhagavimutto
pannavimutto   kayasakkhi   1-   ditthippatto  saddhavimutto  dhammanusari
saddhanusari. Etadanuttariyam bhante puggalapannattisu.
     [81]  Aparam  pana  bhante  etadanuttariyam  yatha bhagava dhammam deseti
padhanesu    .   sattime   bhante   bojjhanga   2-   satisambojjhango
dhammavicayasambojjhango         viriyasambojjhango        pitisambojjhango
passaddhisambojjhango    samadhisambojjhango    upekkhasambojjhango   .
Etadanuttariyam bhante padhanesu.
     [82]   Aparam   pana   bhante   etadanuttariyam  yatha  bhagava  dhammam
deseti   patipadasu   .   catasso  ima  bhante  patipada  dukkhapatipada
dandhabhinna    dukkhapatipada    khippabhinna   sukhapatipada   dandhabhinna
sukhapatipada    khippabhinnati    3-    tatra   bhante   yayam   patipada
dukkha   dandhabhinna   ayam   pana   bhante   patipada   ubhayeneva  hina
akkhayati   dukkhatta  ca  dandhatta  ca  .  tatra  bhante  yayam  patipada
dukkha   khippabhinna   ayam   pana   bhante   patipada   dukkhatta   hina
@Footnote: 1 Ma. kayasakkhi .  2 Ma. sambojjhanga .  3 Yu. itisaddo na dissati.
Akkhayati   .   tatra   bhante   yayam  patipada  sukha  dandhabhinna  ayam
pana   bhante   patipada   dandhatta   hina   akkhayati  .  tatra  bhante
yayam    patipada    sukha   khippabhinna   ayam   pana   bhante   patipada
ubhayeneva    panita    akkhayati    sukhatta   ca   khippatta   ca  .
Etadanuttariyam bhante patipadasu.
     [83]   Aparam   pana   bhante   etadanuttariyam  yatha  bhagava  dhammam
deseti    bhassasamacare    .   idha   bhante   ekacco   na   ceva
musavadupasanhitam  vacam  bhasati  na  ca  vebhutiyam  pesuniyam  na  ca sarambhajam
jayapekkho   mantamanta   ca   vacam   bhasati   nidhanavatim  kalena .
Etadanuttariyam bhante bhassasamacare.
     [84]   Aparam   pana   bhante   etadanuttariyam  yatha  bhagava  dhammam
deseti   purisasilasamacare   .   idha   bhante  ekacco  sacco  cassa
saddho  ca  na  ca  kuhako na ca lapako na ca nemittiko na ca nipphesiko 1-
na  ca  labhena  labham  nijigimsanako 2- indriyesu guttadvaro bhojanesu 3-
mattannu    samakari    jagariyanuyogamanuyutto   atandito   araddhaviriyo
jhayi   satima   kalyanapatibhano   gatima   dhitima   matima  4-  na  ca
kamesu  giddho  sato  ca  nipako  care  5-  .  etadanuttariyam  bhante
purisasilasamacare.
     [85]   Aparam   pana   bhante   etadanuttariyam  yatha  bhagava  dhammam
deseti   anusasanavidhasu   catasso   ima   bhante   anusasanavidha  .
@Footnote: 1 Ma. Yu. nippesiko. 2 Ma. nijigisanako. Yu. nijigimsita. 3 Ma. Yu. bhojane.
@4 Yu. mutima .  5 Ma. Yu. ca.
Janati    bhante   bhagava   param   puggalam   paccattam   yonisomanasikara
ayam    puggalo    yathanusittham    tathapatipajjamano   tinnam   sannojananam
parikkhaya  sotapanno  bhavissati  avinipatadhammo niyato sambodhiparayanoti.
Janati    bhante   bhagava   param   puggalam   paccattam   yonisomanasikara
ayam    puggalo    yathanusittham    tathapatipajjamano   tinnam   sannojananam
parikkhaya      ragadosamohanam     tanutta     sakadagami     bhavissati
sakideva   imam   lokam   agantva   dukkhassantam   karissatiti  .  janati
bhante    bhagava    param    puggalam    paccattam   yonisomanasikara   ayam
puggalo    yathanusittham    tathapatipajjamano    pancannam    orambhagiyanam
sannojananam    parikkhaya    opapatiko    bhavissati   tattha   parinibbayi
anavattidhammo   tasma   lokati   .   janati   bhante   bhagava  param
puggalam    paccattam    yonisomanasikara    ayam    puggalo    yathanusittham
tathapatipajjamano      asavanam      parikkhaya     anasavancetovimuttim
pannavimuttim   ditthe   va   dhamme  sayam  abhinna  sacchikatva  upasampajja
viharissatiti. Etadanuttariyam bhante anusasanavidhasu 1-.
     [86]   Aparam   pana   bhante   etadanuttariyam  yatha  bhagava  dhammam
deseti    parapuggalavimuttinane    .   janati   bhante   bhagava   param
puggalam   paccattam   yonisomanasikara   ayam   puggalo  tinnam  sannojananam
parikkhaya      sotapanno      bhavissati     avinipatadhammo     niyato
sambodhiparayanoti   .   janati   bhante   bhagava  param  puggalam  paccattam
@Footnote: 1 Yu. anusasanividhasu.
Yonisomanasikara    ayam    puggalo    tinnam    sannojananam   parikkhaya
ragadosamohanam   tanutta   sakadagami   sakideva  imam  lokam  agantva
dukkhassantam    karissatiti   .   janati   bhante   bhagava   param   puggalam
paccattam    yonisomanasikara   ayam   puggalo   pancannam   orambhagiyanam
sannojananam    parikkhaya    opapatiko    [1]-    tattha   parinibbayi
anavattidhammo   tasma   lokati   .   janati   bhante   bhagava  param
puggalam   paccattam   yonisomanasikara   ayam   puggalo   asavanam   khaya
anasavancetovimuttim   pannavimuttim   ditthe   va   dhamme   sayam  abhinna
sacchikatva    upasampajja    viharissatiti    .    etadanuttariyam   bhante
parapuggalavimuttinane.
     [87]   Aparam   pana   bhante   etadanuttariyam  yatha  bhagava  dhammam
deseti   sassatavadesu   .   tayome   bhante   sassatavada   .  idha
bhante    ekacco    samano   va   brahmano   va   atappamanvaya
.pe.   tatharupancetosamadhim   phusati   yathasamahite   citte  anekavihitam
pubbenivasam   anussarati   seyyathidam   ekampi   jatim   dvepi   jatiyo
tissopi   jatiyo   catassopi   jatiyo  pancapi  jatiyo  dasapi  jatiyo
visampi    jatiyo    timsampi    jatiyo   cattalisampi   jatiyo   pannasampi
jatiyo   satampi   jatim   sahassampi   jatim   satasahassampi  jatim  anekanipi
jatisatani    anekanipi    jatisahassani   anekanipi   jatisatasahassani
amutrasim     evamnamo     evamgotto    evamvanno    evamaharo
@Footnote: 1 Ma. bhavissati.
Evamsukhadukkhapatisamvedi    evamayupariyanto    so   tato   cuto   amutra
udapadim  1-  tatrapasim  evamnamo  evamgotto evamvanno evamaharo
evamsukhadukkhapatisamvedi  evamayupariyanto  so  tato  cuto  idhupapannoti .
Iti    sakaram   sauddesam   anekavihitam   pubbenivasam   anussarati   so
evamaha   atitam   caham   2-   addhanam   janami  samvatti  va  loko
vivatti  vati  .  anagatam  caham  2-  addhanam  janami  samvattissati  va
loko   vivattissati   vati   .  sassato  atta  ca  loko  ca  vanjho
ca  3-  kutattho  esikatthayi  thito  te  ca  satta  sandhavanti samsaranti
cavanti    upapajjanti    atthitveva    sassatisamanti    .   ayam   pathamo
sassatavado.
     {87.1}  Puna  caparam  bhante  idhekacco  samano va brahmano va
atappamanvaya    .pe.   tatharupam   cetosamadhim   phusati   yathasamahite
citte    anekavihitam    pubbenivasam    anussarati    seyyathidam    ekampi
samvattavivattam     dvepi     samvattavivattani     tinipi     samvattavivattani
cattaripi      samvattavivattani      pancapi     samvattavivattani     dasapi
samvattavivattani   [4]-   amutrasim   evamnamo  evamgotto  evamvanno
evamaharo    evamsukhadukkhapatisamvedi    evamayupariyanto    so   tato
cuto   amutra   udapadim   tatrapasim   evamnamo   evamgotto  .pe.
Evamayupariyanto   so   tato   cuto   idhupapannoti   .  iti  sakaram
sauddesam    anekavihitam    pubbenivasam    anussarati    so    evamaha
atitam  kho  caham  5-  addhanam  janami  samvatti  6-  va  loko vivatti
@Footnote: 1 Yu. upapadim .  2 Ma. Yu. paham .  3 Ma. Yu. casaddo na dissati.
@4 visampi samvatatvivattani .  5 Ma. paham. Yu. aham .  6 Yu. samvattipi ...
@vivattipi ....
Vati   .   anagatanca   khvaham   addhanam   janami   samvattissati   va
loko   vivattissati   vati   .  sassato  atta  ca  loko  ca  vanjho
kutattho   esikatthayi   thito   te   ca   satta   sandhavanti  samsaranti
cavanti    upapajjanti    atthitveva    sassatisamanti    .   ayam   dutiyo
sassatavado.
     {87.2}  Puna  caparam  bhante  idhekacco  samano va brahmano va
atappamanvaya    .pe.   tatharupam   cetosamadhim   phusati   yathasamahite
citte     anekavihitam    pubbenivasam    anussarati    seyyathidam    dasapi
samvattavivattani     visampi     samvattavivattani     timsampi    samvattavivattani
cattalisampi     samvattavivattani    amutrasim    evamnamo    evamgotto
evamvanno     evamaharo    evamsukhadukkhapatisamvedi    evamayupariyanto
so   tato   cuto   amutra   udapadim   tatrapasim   evamnamo  .pe.
Iti    sakaram   sauddesam   anekavihitam   pubbenivasam   anussarati   so
evamaha    atitam    caham    addhanam    janami    samvattipi    loko
vivattipiti    .    anagatam    caham    addhanam   janami   samvattissatipi
loko   vivattissatipiti   1-  .  sassato  atta  ca  loko  ca  vanjho
kutattho   esikatthayi   thito   te   ca   satta   sandhavanti  samsaranti
cavanti  upapajjanti  atthitveva  sassatisamanti  .  ayam  bhante  2-  tatiyo
sassatavado. Etadanuttariyam bhante sassatavadesu.
     [88]  Aparam  pana  bhante  etadanuttariyam  yatha bhagava dhammam deseti
pubbenivasanussatinane     .    idha    bhante    ekacco    samano
@Footnote: 1 vivattissatipi lokoti .  2 Yu. ayam na dissati.
Va   brahmano   va   atappamanvaya   .pe.   tatharupam  cetosamadhim
phusati    yathasamahite    citte    anekavihitam   pubbenivasam   anussarati
seyyathidam   ekampi   jatim   dvepi  jatiyo  tissopi  jatiyo  catassopi
jatiyo    pancapi   jatiyo   dasapi   jatiyo   visampi   jatiyo   timsampi
jatiyo    cattalisampi    jatiyo    pannasampi   jatiyo   satampi   jatim
sahassampi   jatim   satasahassampi   jatim   anekepi   samvattakappe  anekepi
vivattakappe    anekepi    samvattavivattakappe    .pe.   iti   sakaram
sauddesam    anekavihitam    pubbenivasam   anussarati   .   santi   bhante
satta  1-  yesam  ca  2-  na  sakka gananaya va sankhanena va ayam 3-
sankhatum  apica  yasmim  4-  attabhave  abhinivutthapubbo  5-  hoti yadi va
rupisu   yadi   va   arupisu   yadi   va   sannisu   yadi   va   asannisu
yadi   va   nevasanninasannisu   iti  sakaram  sauddesam  anekavihitam  6-
pubbenivasam       anussarati       .      etadanuttariyam      bhante
pubbenivasanussatinane.
     [89]  Aparam  pana  bhante  etadanuttariyam  yatha bhagava dhammam deseti
sattanam  cutupapatanane  .  idha  bhante  ekacco  samano va brahmano
va   atappamanvaya   .pe.  tatharupam  cetosamadhim  phusati  yathasamahite
citte    dibbena    cakkhuna    visuddhena   atikkantamanusakena   satte
passati     cavamane     upapajjamane     hine     panite    suvanne
dubbanne     sugate    duggate    yathakammupage    satte    pajanati
@Footnote: 1 Ma. Yu. deva. 2 Ma. Yu. casaddo na dissati. 3 Ma. ayu. Yu. ayum.
@4 Ma. Yu. amenditam. 5 Yu. abhinivutthapubbam. 6 Yu. ayam patho na dissati.
Ime   vata   bhonto  satta  kayaduccaritena  samannagata  vaciduccaritena
samannagata     manoduccaritena    samannagata    ariyanam    upavadaka
micchaditthika    micchaditthikammasamadana   te   kayassa   bheda   param
marana  apayam  duggatim  vinipatam  nirayam  upapanna  ime  va  pana bhonto
satta     kayasucaritena     samannagata    vacisucaritena    samannagata
manosucaritena    samannagata    ariyanam    anupavadaka    sammaditthika
sammaditthikammasamadana     te    kayassa    bheda    param    marana
sugatim   saggam   lokam   upapannati   .  iti  dibbena  cakkhuna  visuddhena
atikkantamanusakena     satte     passati     cavamane    upapajjamane
hine    panite   suvanne   dubbanne   sugate   duggate   yathakammupage
satte pajanati. Etadanuttariyam bhante sattanam cutupapatanane.
     [90]   Aparam   pana   bhante   etadanuttariyam  yatha  bhagava  dhammam
deseti  iddhividhasu  .  dvema  bhante  iddhividhayo  1-. Atthi bhante
iddhi  sasava  2-  saupadhika  no  ariyati  vuccati . Atthi bhante iddhi
anasava   3-  anupadhika  ariyati  vuccati  .  katama  ca  bhante  iddhi
sasava  2-  saupadhika  no  ariyati vuccati. Idha bhante ekacco samano
va   brahmano   va   atappamanvaya   padhanamanvaya   anuyogamanvaya
appamadamanvaya      sammamanasikaramanvaya     tatharupam     cetosamadhim
phusati    yathasamahite    citte    anekavihitam    iddhividham    paccanubhoti
ekopi   hutva  bahudha  hoti  bahudhapi  hutva  eko  hoti  avibhavam
@Footnote: 1 Yu. iddhiyo .  2 Yu. iddhi ya sasava .  3 Yu. iddhi ya anasava.
Tirobhavam    tirokuddam   tiropakaram   tiropabbatam   asajjamano   gacchati
seyyathapi   akase   pathaviyapi   ummujjanimmujjam   karoti   seyyathapi
udake  udakepi  abhijjamane  1-  gacchati  seyyathapi  pathaviyam  akasepi
pallankena  cankamati  2-  seyyathapi  pakkhi  sakuno . Imepi candimasuriye
evammahiddhike   evammahanubhave  panina  paramasati  3-  parimajjati  yava
brahmalokapi  kayena  vasam  vatteti . Ayam bhante iddhi sasava saupadhika
no ariyati vuccati.
     {90.1}   Katama  ca  bhante  iddhi  anasava  anupadhika  ariyati
vuccati   .   idha  bhante  bhikkhu  sace  akankhati  patikule  appatikulasanni
vihareyyanti   appatikulasanni   tattha   viharati  sace  akankhati  appatikule
patikulasanni   vihareyyanti   patikulasanni   tattha   viharati   sace  akankhati
patikule   ca   appatikule   ca  appatikulasanni  vihareyyanti  appatikulasanni
tattha   viharati   sace  akankhati  patikule  ca  appatikule  ca  patikulasanni
vihareyyanti   patikulasanni   tattha   viharati   sace   akankhati   patikulanca
appatikulanca    tadubhayam    abhinivajjetva   upekkhako   vihareyyam   sato
sampajanoti  upekkhako  tattha  viharati  sato  sampajano  .  ayam pana 4-
bhante   iddhi   anasava  anupadhika  ariyati  vuccati  .  etadanuttariyam
bhante   iddhividhasu   .   tam   bhagava   asesamabhijanati   tam   bhagavato
asesamabhijanato    uttariabhinneyyam    5-    natthi   yadabhijanam   anno
samano   va   brahmano   va   bhagavata   bhiyyobhinnataro   natthi  6-
yadidam iddhividhasu.
@Footnote: 1 Yu. abhijjamano .  2 Ma. Yu. kamati .  3 Yu. parimasati .  4 Ma. Yu.
@panasaddo na dissati .  5 Yu. uttarim .  6 Ma. Yu. assa.
     [91]   Yantam  bhante  saddhena  kulaputtena  pattabbam  araddhaviriyena
thamavata   purisatthamena   purisaviriyena   purisaparakkamena   purisadhorayhena
anuppattam    tam    bhagavata    .   na   ca   bhante   bhagava   kamesu
kamasukhallikanuyogamanuyutto     hinam     gammam     pothujjanikam     anariyam
anatthasanhitam    na    ca    attakilamathanuyogamanuyutto    dukkham    anariyam
anatthasanhitam    catunnanca    1-    bhagava    jhananam    abhicetasikanam
ditthadhammasukhaviharanam nikamalabhi akicchalabhi akasiralabhi.
     {91.1}   Sace  mam  bhante  evam  puccheyya  kinnu  kho  avuso
sariputta    ahesum    atitamaddhanam   anne   samana   va   brahmana
va   bhagavata   bhiyyobhinnataro   2-   sambodhiyanti   .   evam  puttho
aham   bhante   noti   vadeyyam   .   kim  panavuso  sariputta  bhavissanti
anagatamaddhanam    anne    samana    va   brahmana   va   bhagavata
bhiyyobhinnataro   2-   sambodhiyanti  .  evam  puttho  aham  bhante  noti
vadeyyam   .   kim   panavuso  sariputta  atthetarahi  anne  samana  va
brahmana   va   3-   bhagavata  bhiyyobhinnataro  sambodhiyanti  .  evam
puttho aham bhante noti vadeyyam.
     {91.2} Sace pana mam bhante evam puccheyya kim nu kho avuso sariputta
ahesum  atitamaddhanam  anne  samana  va  brahmana  va bhagavata samasama
sambodhiyanti  .  evam  puttho  aham  bhante evanti vadeyyam. Kim panavuso
sariputta   bhavissanti   anagatamaddhanam   anne   samana  va  brahmana
va  bhagavata  samasama  sambodhiyanti  .  evam  puttho  aham bhante evanti
@Footnote: 1 Yu. casaddo na dissati. 2 Ma. Yu. bhiyyobhinnatara. 3 Ma. Yu. anno
@samano va brahmano va.
Vadeyyam   .   kim   panavuso  sariputta  atthetarahi  anne  samana  va
brahmana   va   bhagavata  samasama  sambodhiyanti  .  evam  puttho  aham
bhante noti vadeyyam.
     {91.3}  Sace  pana  mam  bhante  evam  puccheyya kasma panayasma
sariputto   ekaccam   abbhanujanati   ekaccam   na   abbhanujanatiti .
Evam   puttho   aham  bhante  evam  byakareyyam  sammukha  metam  avuso
bhagavato    sutam   sammukha   patiggahitam   ahesum   atitamaddhanam   arahanto
sammasambuddha   maya   samasama   sambodhiyanti   sammukha  metam  avuso
bhagavato     sutam    sammukha    patiggahitam    bhavissanti    anagatamaddhanam
arahanto    sammasambuddha    maya    samasama   sambodhiyanti   sammukha
metam  avuso  bhagavato  sutam  sammukha  patiggahitam  atthanametam  anavakaso
yam   ekissa   lokadhatuya   dve   arahanto   sammasambuddha  apubbam
acarimam uppajjeyyum netam thanam vijjatiti.
     [92]  Kincaham  1-  bhante evam puttho evam byakaramano vuttavadi
ceva   aham   bhagavato   homi   na   ca  bhagavantam  abhutena  abbhacikkhami
dhammassa   canudhammam   byakaromi  na  ca  koci  sahadhammiko  vadanuvado
garayhatthanam   agacchatiti  .  taggha  tvam  sariputta  evam  puttho  evam
byakaramano  vuttavadi  ceva  me  hosi  na  ca  mam abhutena abbhacikkhasi
dhammassa   canudhammam   byakarosi  na  ca  koci  sahadhammiko  vadanuvado
garayhatthanam agacchatiti.
@Footnote: 1 Ma. Yu. kaccaham.
     [93]  Evam  vutte  ayasma  udayi  bhagavantam  etadavoca acchariyam
bhante   abbhutam   bhante   tathagatassa  appicchata  santutthita  sallekhata
yatra  hi  nama  tathagato  evammahiddhiko  evammahanubhavo atha ca pana neva
attanam   patukarissati   ekamekancapi   ito  bhante  dhammam  annatitthiya
paribbajaka    attani    samanupasseyyum    te    tavatakeneva   patakam
parihareyyum   acchariyam   bhante   abbhutam   bhante   tathagatassa  appicchata
santutthita    sallekhata   yatra   hi   nama   tathagato   evammahiddhiko
evammahanubhavo atha ca pana neva attanam patukarissatiti.
     {93.1}    Passa   kho   tvam   udayi   tathagatassa   appicchata
santutthita    sallekhata   yatra   hi   nama   tathagato   evammahiddhiko
evammahanubhavo    atha    ca    pana    neva   attanam   patukarissatiti
ekamekancapi    ito    udayi    dhammam    annatitthiya    paribbajaka
attani   samanupasseyyum   te   tavatakeneva   patakam   parihareyyum  passa
kho    tvam   udayi   tathagatassa   appicchata   santutthita   sallekhata
yatra    hi   nama   tathagato   evammahiddhiko  evammahanubhavo  atha  ca
pana neva attanam patukarissatiti.
     {93.2}  Athakho bhagava ayasmantam sariputtam amantesi yasmatiha 1-
tvam    sariputta    imam   dhammapariyayam   abhikkhanam   bhaseyyasi   bhikkhunam
bhikkhuninam   upasakanam   upasikanam   yesampi   hi   sariputta  moghapurisanam
bhavissati  tathagate  kankha  va  vimati  va tesampimam 2- dhammapariyayam sutva
tathagate  3-  kankha  va  vimati  va sa pahiyissatiti. Iti hidam ayasma
@Footnote: 1 Ma. Yu. tasmatiha .  2 Ma. tesamimam. Yu. tesampimam. 3 Yu. sutva ya
@tathagate.
Sariputto   bhagavato   sammukha   sampasadam  pavedesi  .  tasma  imassa
veyyakaranassa sampasadaniyantveva adhivacananti.
                Sampasadaniyasuttam nitthitam pancamam.
                    --------------



             The Pali Tipitaka in Roman Character Volume 11 page 108-127. https://84000.org/tipitaka/read/roman_read.php?B=11&A=2262&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=11&A=2262&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=11&item=73&items=21              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=11&siri=5              Study Atthakatha :- https://84000.org/tipitaka/attha/attha.php?b=11&i=73              The Pali Atthakatha in Thai :- https://84000.org/tipitaka/atthapali/read_th.php?B=6&A=1460              The Pali Atthakatha in Roman :- https://84000.org/tipitaka/atthapali/read_rm.php?B=6&A=1460              Contents of The Tipitaka Volume 11 https://84000.org/tipitaka/read/?index_11 https://84000.org/tipitaka/english/?index_11

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]