ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 1 : PALI ROMAN Vinaya Pitaka Vol 1 : Vinaya. Mahāvi (1)

                              Atthamasanghadisesam
     [540]  Tena  samayena  buddho  bhagava  rajagahe  viharati veluvane
kalandakanivape   .   tena   kho   pana   samayena   ayasmata  dabbena
mallaputtena   jatiya   sattavassena   arahattam   sacchikatam  hoti  yankinci
savakena   pattabbam   sabbam   tena   anuppattam  hoti  natthi  cassa  kinci
uttarim karaniyam katassa va paticayo.
     [541]   Athakho   ayasmato   dabbassa   mallaputtassa  rahogatassa
patisallinassa   evam   cetaso   parivitakko  udapadi  maya  kho  jatiya
sattavassena   arahattam   sacchikatam   yankinci   savakena   pattabbam   sabbam
maya   anuppattam   natthi   ca   me   kinci  uttarim  karaniyam  katassa  va
paticayo   kinnu   kho  aham  sanghassa  veyyavaccam  kareyyanti  .  athakho
ayasmato    dabbassa    mallaputtassa   etadahosi   yannunaham   sanghassa
senasananca    pannapeyyam   bhattani   ca   uddiseyyanti   .   athakho
ayasma    dabbo    mallaputto   sayanhasamayam   patisallana   vutthito
yena    bhagava    tenupasankami   upasankamitva   bhagavantam   abhivadetva
ekamantam  nisidi  .  ekamantam  nisinno  kho  ayasma  dabbo mallaputto
bhagavantam    etadavoca   idha   mayham   bhante   rahogatassa   patisallinassa
evam   cetaso   parivitakko   udapadi  maya  kho  jatiya  sattavassena
arahattam   sacchikatam   yankinci   savakena  pattabbam  sabbam  maya  anuppattam
Natthi   ca   me  kinci  uttarim  karaniyam  katassa  va  paticayo  kinnu  kho
aham   sanghassa   veyyavaccam  kareyyanti  tassa  mayham  bhante  etadahosi
yannunaham   sanghassa  senasananca  pannapeyyam  bhattani  ca  uddiseyyanti
icchamaham    bhante   sanghassa   senasananca   pannapetum   bhattani   ca
uddisitunti   .   sadhu   sadhu  dabba  tenahi  tvam  sanghassa  senasananca
pannapehi   bhattani   ca  uddisahiti  .  evam  bhanteti  kho  ayasma
dabbo mallaputto bhagavato paccassosi.
     [542]  Athakho  bhagava  etasmim  nidane  etasmim  pakarane  dhammim
katham   katva  bhikkhu  amantesi  tenahi  bhikkhave  sangho  dabbam  mallaputtam
senasanapannapakanca    bhattuddesakanca    sammannatu   .   evanca   pana
bhikkhave   sammannitabbo   pathamam   dabbo  yacitabbo  yacitva  byattena
bhikkhuna patibalena sangho napetabbo
     {542.1}  sunatu  me  bhante  sangho yadi sanghassa pattakallam sangho
ayasmantam    dabbam    mallaputtam    senasanapannapakanca   bhattuddesakanca
sammanneyya. Esa natti.
     {542.2}  Sunatu me bhante sangho sangho ayasmantam dabbam mallaputtam
senasanapannapakanca    bhattuddesakanca    sammannati    .   yassayasmato
khamati     ayasmato     dabbassa    mallaputtassa    senasanapannapakassa
ca    bhattuddesakassa    ca    sammati   so   tunhassa   yassa   nakkhamati
so bhaseyya.
     {542.3}    Sammato   sanghena   ayasma   dabbo   mallaputto
senasanapannapako   ca   bhattuddesako   ca   .  khamati  sanghassa  tasma
Tunhi. Evametam dharayamiti.
     [543]   Sammato   ca   panayasma  dabbo  mallaputto  sabhaganam
sabhaganam   1-   bhikkhunam  ekajjham  senasanam  pannapeti  ye  te  bhikkhu
suttantika    tesam   ekajjham   senasanam   pannapeti   te   annamannam
suttantam   sangayissantiti   ye   te   bhikkhu   vinayadhara  tesam  ekajjham
senasanam   pannapeti   te   annamannam  vinayam  vinicchinissantiti  2-  ye
te   bhikkhu  abhidhammika  3-  tesam  ekajjham  senasanam  pannapeti  te
annamannam   abhidhammam  4-  sakacchissantiti  ye  te  bhikkhu  jhayino  tesam
ekajjham   senasanam   pannapeti   te   annamannam   na  byabadhissantiti
ye  te  bhikkhu  tiracchanakathika  kayadalhibahula  viharanti  tesampi  ekajjham
senasanam   pannapeti  imayapime  ayasmanto  5-  ratiya  acchissantiti
ye  te  6-  bhikkhu  vikale  agacchanti  tesampi tejodhatum samapajjitva
teneva   alokena   senasanam   pannapeti  .  apissu  bhikkhu  sancicca
vikale  agacchanti  mayam  ayasmato  dabbassa  mallaputtassa iddhipatihariyam
passissamati.
     {543.1} Te ayasmantam dabbam mallaputtam upasankamitva evam vadenti amhakam
avuso dabba senasanam pannapehiti. Te ayasma dabbo mallaputto evam vadeti
@Footnote: 1 sabbattha amenditam akatam hoti. 2 sabbattha vinicchissantititi
@agatam. 3 Yu. Ma. dhammakathika. 4 Yu. Ma. dhammam. 5 sabbattha
@ayasmantati agatam. 6 Yu. yepi te. Ma. Ra. yepi.
Katthayasmanto  1-  icchanti  kattha  pannapemiti  .  te  sancicca  dure
apadissanti   amhakam   avuso   dabba   gijjhakute   pabbate   senasanam
pannapehi   amhakam   avuso   dabba   2-   corappapate   senasanam
pannapehi   amhakam   avuso  dabba  isigilipasse  kalasilayam  senasanam
pannapehi    amhakam   avuso   dabba   vebharapasse   sattapannaguhayam
senasanam   pannapehi   amhakam   avuso  dabba  sitavane  sappasondika-
pabbhare  senasanam  pannapehi  amhakam  avuso  dabba  gomatakandarayam
senasanam   pannapehi   amhakam   avuso   dabba   tindukakandarayam  3-
senasanam   pannapehi   amhakam   avuso   dabba   kapotakandarayam  4-
senasanam   pannapehi   amhakam  avuso  dabba  tapodarame  senasanam
pannapehi   amhakam   avuso  dabba  jivakambavane  senasanam  pannapehi
amhakam avuso dabba maddakucchismim migadaye senasanam pannapehiti.
     {543.2}    Tesam   ayasma   dabbo   mallaputto   tejodhatum
samapajjitva    anguliya    jalamanaya   purato   purato   gacchati  .
Tepi   teneva   alokena   ayasmato  dabbassa  mallaputtassa  pitthito
pitthito  gacchanti  .  tesam  ayasma  dabbo  mallaputto  evam senasanam
pannapeti    ayam    manco   idam   pitham   ayam   bhisi   idam   bimbohanam
idam   vaccatthanam   idam   passavatthanam   idam   paniyam   idam  paribhojaniyam
@Footnote: 1 Yu. Ra. katthayasmanta. 2 ito param dabbatyalapanam sabbattha
@na dissati. 3 Yu. Ra. tindukandarayam. 4 Yu. Ma. tapodakandarayam.
Ayam   kattaradando   idam   sanghassa   katikasanthanam   imam  kalam  pavisitabbam
imam   kalam   nikkhamitabbanti   .   tesam   ayasma   dabbo  mallaputto
evam senasanam pannapetva punadeva veluvanam paccagacchati.
     [544]   Tena  kho  pana  samayena  mettiyabhummajaka  bhikkhu  navaka
ceva   honti   appapunna   ca   yani  sanghassa  lamakani  senasanani
tani   tesam   papunanti   lamakani   ca   bhattani  .  tena  kho  pana
samayena   rajagahe  manussa  icchanti  theranam  bhikkhunam  abhisankharikam  1-
datum   sappimpi   telampi   uttaribhangampi   mettiyabhummajakanam   pana   bhikkhunam
pakatikam   denti   yatharaddham   kanajakam  bilangadutiyam  .  te  pacchabhattam
pindapatapatikkanta   there   bhikkhu  pucchanti  tumhakam  avuso  bhattagge
kim   ahosi  tumhakam  avuso  bhattagge  kim  ahositi  2-  .  ekacce
thera   evam   vadenti   amhakam  avuso  sappi  ahosi  telam  ahosi
uttaribhangam   ahositi   .   mettiyabhummajaka   pana  bhikkhu  evam  vadenti
amhakam   avuso   na   kinci   ahosi   pakatikam   yatharaddham  kanajakam
bilangadutiyanti.
     [545]  Tena  kho  pana  samayena  kalyanabhattiko  gahapati  sanghassa
catukkabhattam  deti  niccabhattam  .  so  bhattagge  saputtadaro  upatitthitva
@Footnote: 1 Yu. Ma. potthakesu ito param pindapatantipi dissati.
@2 marammaramannapotthakesu amenditam akatam hoti. yuropiyapotthake pana
@tumhakam avuso bhattagge kim ahosi tumhakam kim ahositi agatam.
Parivisati   .   anne   odanena   pucchanti   anne   supena   pucchanti
anne   telena   pucchanti   anne   uttaribhangena   pucchanti  .  tena
kho    pana   samayena   kalyanabhattikassa   gahapatino   bhattam   svatanaya
mettiyabhummajakanam   bhikkhunam   uddittham   hoti   .  athakho  kalyanabhattiko
gahapati   aramam   agamasi   kenacideva  karaniyena  .  so  yenayasma
dabbo    mallaputto    tenupasankami   upasankamitva   ayasmantam   dabbam
mallaputtam   abhivadetva   ekamantam   nisidi   .  ekamantam  nisinnam  kho
kalyanabhattikam    gahapatim    ayasma    dabbo    mallaputto    dhammiya
kathaya sandassesi samadapesi samuttejesi sampahamsesi.
     {545.1}   Athakho   kalyanabhattiko   gahapati  ayasmata  dabbena
mallaputtena    dhammiya   kathaya   sandassito   samadapito   samuttejito
sampahamsito   ayasmantam   dabbam   mallaputtam   etadavoca   kassa   bhante
amhakam   ghare  svatanaya  bhattam  udditthanti  .  mettiyabhummajakanam  kho
gahapati   bhikkhunam  tumhakam  ghare  svatanaya  bhattam  udditthanti  .  athakho
kalyanabhattiko   gahapati   anattamano   ahosi   katham  hi  nama  papabhikkhu
amhakam   ghare   bhunjissantiti  gharam  gantva  dasim  anapesi  ye  je
sve    bhattika   agacchanti   te   kotthake   asanam   pannapetva
kanajakena  bilangadutiyena  parivisati  .  evam  ayyati  kho  sa  dasi
kalyanabhattikassa   gahapatino   paccassosi   .   athakho   mettiyabhummajaka
bhikkhu    hiyyo   kho   avuso   amhakam   kalyanabhattikassa   gahapatino
Ghare  1-  bhattam  uddittham  sve  amhe kalyanabhattiko gahapati saputtadaro
upatitthitva    parivisissati    anne    odanena    pucchissanti   anne
supena   pucchissanti   anne   telena  pucchissanti  anne  uttaribhangena
pucchissantiti  .  te  teneva  somanassena  na  cittarupam  rattiya supimsu.
Athakho  mettiyabhummajaka  bhikkhu  pubbanhasamayam  nivasetva  pattacivaramadaya
yena    kalyanabhattikassa    gahapatino    nivesanam    tenupasankamimsu   .
Addasa  kho  sa  dasi  mettiyabhummajake  bhikkhu  durato  va  agacchante
disvana    kotthake    asanam   pannapetva   mettiyabhummajake   bhikkhu
etadavoca   nisidatha   bhanteti   .   athakho   mettiyabhummajakanam   bhikkhunam
etadahosi   nissamsayam   kho   na  tava  bhattam  siddham  bhavissati  yatha  mayam
kotthake nisidapiyamati 2-.
     {545.2}  Athakho  sa  dasi kanajakena bilangadutiyena upaganchi 3-
bhunjatha   bhanteti   .   mayam   kho   bhagini   niccabhattikati   .  janami
ayya    niccabhattikati    apicaham   hiyyo   va   gahapatina   anatta
ye  je  sve  bhattika  agacchanti  te  kotthake  asanam pannapetva
kanajakena   bilangadutiyena   parivisati   bhunjatha   bhanteti   .   athakho
mettiyabhummajaka   bhikkhu   hiyyo   kho   avuso  kalyanabhattiko  gahapati
aramam   agamasi   dabbassa   mallaputtassa   santike  nissamsayam  kho  mayam
dabbena   mallaputtena   gahapatino  santike  paribhinnati  .  te  teneva
@Footnote: 1 Yu. Ma. potthakesu na dissati. 2 sabbattha nisidapeyyamati
@dissati. 3 Yu. Ra. upagacchi.
Domanassena   na   cittarupam   bhunjimsu   .  athakho  mettiyabhummajaka  bhikkhu
pacchabhattam  pindapatapatikkanta  aramam  gantva  pattacivaram  patisametva
baharamakotthake       sanghatipallatthikaya       nisidimsu      tunhibhuta
mankubhuta pattakkhandha adhomukha pajjhayanta appatibhana.
     [546]   Athakho   mettiya  bhikkhuni  yena  mettiyabhummajaka  bhikkhu
tenupasankami   upasankamitva   mettiyabhummajake  bhikkhu  etadavoca  vandami
ayyati   .  evam  vutte  mettiyabhummajaka  bhikkhu  nalapimsu  .  dutiyampi
kho   .pe.   tatiyampi   kho   mettiya  bhikkhuni  mettiyabhummajake  bhikkhu
etadavoca   vandami   ayyati  .  tatiyampi  kho  mettiyabhummajaka  bhikkhu
nalapimsu  .  kyaham  ayyanam  aparajjhami  kissa  mam  ayya  nalapantiti.
Tatha   hi   pana  tvam  bhagini  amhe  dabbena  mallaputtena  vihethiyamane
ajjhupekkhasiti   .   kyaham   ayya  karomiti  .  sace  kho  tvam  bhagini
iccheyyasi   ajjeva   bhagava   dabbam   mallaputtam   nasapeyyati  .
Kyaham   ayya  karomi  kim  maya  sakka  katunti  .  ehi  tvam  bhagini
yena    bhagava   tenupasankami   upasankamitva   bhagavantam   evam   vadehi
idam   bhante   nacchannam   nappatirupam  yayam  bhante  disa  abhaya  anitika
anupaddava   sayam   disa   sabhaya   saitika   saupaddava  yato  nivatam
tato   pavatam   udakam  manne  adittam  ayyenamhi  dabbena  mallaputtena
dusitati   .   evam   ayyati  kho  mettiya  bhikkhuni  mettiyabhummajakanam
bhikkhunam   patissutva   yena   bhagava  tenupasankami  upasankamitva  bhagavantam
Abhivadetva   ekamantam   atthasi   .  ekamantam  thita  kho  mettiya
bhikkhuni   bhagavantam   etadavoca   idam   bhante   nacchannam  nappatirupam  yayam
bhante   disa  abhaya  anitika  anupaddava  sayam  disa  sabhaya  saitika
saupaddava    yato   nivatam   tato   pavatam   udakam   manne   adittam
ayyenamhi dabbena mallaputtena dusitati.
     [547]  Athakho  bhagava  etasmim  nidane etasmim pakarane bhikkhusangham
sannipatapetva   ayasmantam   dabbam   mallaputtam   patipucchi   sarasi  tvam
dabba   evarupam   katta   yathayam  bhikkhuni  ahati  .  yatha  mam  bhante
bhagava   janatiti   .   dutiyampi   kho   bhagava   .pe.  tatiyampi  kho
bhagava   ayasmantam   dabbam   mallaputtam   etadavoca   sarasi   tvam  dabba
evarupam   katta   yathayam  bhikkhuni  ahati  .  yatha  mam  bhante  bhagava
janatiti  .  na  kho  dabba  dabba  evam  nibbethenti  sace  taya katam
katanti   vadehi  sace  taya  akatam  akatanti  vadehiti  .  yatoham  bhante
jato   nabhijanami   supinantenapi   methunam   dhammam   patisevita  pageva
jagaroti  .  athakho  bhagava  bhikkhu  amantesi  tenahi  bhikkhave  mettiyam
bhikkhunim   nasetha   ime  ca  bhikkhu  anuyunjathati  .  idam  vatva  bhagava
utthayasana viharam pavisi.
     {547.1} Athakho te bhikkhu mettiyam bhikkhunim nasesum. Athakho mettiyabhummajaka
bhikkhu  te  bhikkhu etadavocum ma avuso mettiyam bhikkhunim nasetha na sa kinci
aparajjhati  amhehi sa ussahita kupitehi anattamanehi cavanadhippayehiti.
Kim   pana   tumhe   avuso   ayasmantam   dabbam   mallaputtam   amulakena
parajikena  dhammena  anuddhamsethati  .  evamavusoti  .  ye  te bhikkhu
appiccha   .pe.   te   ujjhayanti  khiyanti  vipacenti  katham  hi  nama
mettiyabhummajaka    bhikkhu    ayasmantam    dabbam    mallaputtam   amulakena
parajikena   dhammena   anuddhamsessantiti  .  athakho  te  bhikkhu  bhagavato
etamattham   arocesum   .   athakho   bhagava  etasmim  nidane  etasmim
pakarane   bhikkhusangham   sannipatapetva   mettiyabhummajake  bhikkhu  patipucchi
saccam   kira   tumhe   bhikkhave   dabbam  mallaputtam  amulakena  parajikena
dhammena   anuddhamsethati   .   saccam  bhagavati  .  vigarahi  buddho  bhagava
katham    hi    nama   tumhe   moghapurisa   dabbam   mallaputtam   amulakena
parajikena   dhammena   anuddhamsessatha   netam   moghapurisa   appasannanam
va    pasadaya    .pe.   evanca   pana   bhikkhave   imam   sikkhapadam
uddiseyyatha
     {547.2}  yo  pana  bhikkhu  bhikkhum  duttho doso appatito amulakena
parajikena    dhammena    anuddhamseyya    appevanama    nam    imamha
brahmacariya   caveyyanti   tato   aparena   samayena  samanuggahiyamano
va   asamanuggahiyamano   va   amulakanceva   tam  adhikaranam  hoti  bhikkhu
ca dosam patitthati sanghadisesoti.
     [548]   Yo   panati  yo  yadiso  .pe.  bhikkhuti  .pe.  ayam
imasmim   atthe   adhippeto   bhikkhuti   .   bhikkhunti   annam   bhikkhum .
Duttho  dosoti  kupito  anattamano  anabhiraddho  ahatacitto  jilajato.
Appatitoti  tena  ca  kopena  tena  ca  dosena  taya  ca anattamanataya
taya   ca   anabhiraddhiya   appatito   hoti   .   amulakam  nama  adittham
assutam   aparisankitam   .  parajikena  dhammenati  catunnam  annatarena .
Anuddhamseyyati  codeti  va  codapeti  va  .  appevanama nam imamha
brahmacariya   caveyyanti   bhikkhubhava   caveyyam  samanadhamma  caveyyam
silakkhandha caveyyam tapoguna caveyyam.
     [549]  Tato  aparena  samayenati  yasmim  khane  anuddhamsito  hoti
tam   khanam   tam   layam   tam  muhuttam  vitivatte  .  samanuggahiyamano  vati
yena   vatthuna   anuddhamsito   hoti   tasmim   vatthusmim  samanuggahiyamano
va. Asamanuggahiyamano vati na kenaci vuccamano.
     [550]    Adhikaranam   nama   cattari   adhikaranani   vivadadhikaranam
anuvadadhikaranam apattadhikaranam kiccadhikaranam.
     [551]   Bhikkhu   ca  dosam  patitthatiti  tucchakam  maya  bhanitam  musa
maya    bhanitam   abhutam   maya   bhanitam   ajanantena   maya   bhanitam  .
Sanghadisesoti .pe. Tenapi vuccati sanghadisesoti.
     [552]   Aditthassa  hoti  parajikam  dhammam  ajjhapajjanto  tance
codeti   dittho   maya   parajikam   dhammam   ajjhapannosi   assamanosi
asakyaputtiyosi   natthi   taya   saddhim   uposatho   va   pavarana  va
sanghakammam  vati  apatti  vacaya  vacaya  sanghadisesassa  .  assutassa
hoti   parajikam   dhammam   ajjhapannoti   tance   codeti  suto  maya
Parajikam    dhammam    ajjhapannosi   assamanosi   asakyaputtiyosi   natthi
taya   saddhim   uposatho   va  pavarana  va  sanghakammam  vati  apatti
vacaya   vacaya   sanghadisesassa   .   aparisankitassa  hoti  parajikam
dhammam   ajjhapannoti   tance   codeti   parisankito   maya   parajikam
dhammam    ajjhapannosi    assamanosi    asakyaputtiyosi    natthi    taya
saddhim    uposatho   va   pavarana   va   sanghakammam   vati   apatti
vacaya vacaya sanghadisesassa.
     [553]   Aditthassa  hoti  parajikam  dhammam  ajjhapajjanto  tance
codeti   dittho   maya   suto   ca   parajikam   dhammam   ajjhapannosi
.pe.    apatti   vacaya   vacaya   sanghadisesassa   .   aditthassa
hoti    parajikam    dhammam   ajjhapajjanto   tance   codeti   dittho
maya    parisankito   ca   parajikam   dhammam   ajjhapannosi   assamanosi
.pe.    apatti   vacaya   vacaya   sanghadisesassa   .   aditthassa
hoti    parajikam    dhammam   ajjhapajjanto   tance   codeti   dittho
maya    suto   ca   parisankito   ca   parajikam   dhammam   ajjhapannosi
.pe.    apatti   vacaya   vacaya   sanghadisesassa   .   assutassa
hoti   parajikam   dhammam   ajjhapannoti   tance   codeti  suto  maya
parisankito    ca    parajikam   dhammam   ajjhapannosi   .pe.   apatti
vacaya   vacaya   sanghadisesassa  .  assutassa  hoti  parajikam  dhammam
ajjhapannoti   tance   codeti   suto   maya   dittho   ca  parajikam
Dhammam ajjhapannosi .pe. Apatti vacaya vacaya sanghadisesassa.
     {553.1}  Assutassa  hoti  parajikam  dhammam  ajjhapannoti  tance
codeti  suto  maya  parisankito  ca dittho ca parajikam dhammam ajjhapannosi
.pe.   apatti   vacaya   vacaya   sanghadisesassa  .  aparisankitassa
hoti   parajikam   dhammam   ajjhapannoti   tance   codeti   parisankito
maya   dittho   ca   parajikam   dhammam   ajjhapannosi   .pe.  apatti
vacaya   vacaya   sanghadisesassa   .   aparisankitassa  hoti  parajikam
dhammam  ajjhapannoti  tance  codeti  parisankito  maya  suto ca parajikam
parajikam   dhammam   ajjhapannosi   .pe.   apatti   vacaya   vacaya
sanghadisesassa   .   aparisankitassa  hoti  parajikam  dhammam  ajjhapannoti
tance  codeti  parisankito  maya  dittho  ca  suto  ca  parajikam  dhammam
ajjhapannosi .pe. Apatti vacaya vacaya sanghadisesassa.
     [554]   Ditthassa   hoti  parajikam  dhammam  ajjhapajjanto  tance
codeti   suto   maya   parajikam  dhammam  ajjhapannosi  .pe.  apatti
vacaya   vacaya   sanghadisesassa   .  ditthassa  hoti  parajikam  dhammam
ajjhapajjanto   tance   codeti   parisankito   maya   parajikam  dhammam
ajjhapannosi   .pe.   tance   codeti   suto   maya  parisankito  ca
parajikam   dhammam   ajjhapannosi   .pe.   apatti   vacaya   vacaya
sanghadisesassa    .   sutassa   hoti   parajikam   dhammam   ajjhapannoti
tance   codeti   parisankito   maya   parajikam   dhammam   ajjhapannosi
.pe.   Tance   codeti   dittho  maya  parajikam  dhammam  ajjhapannosi
.pe.   tance   codeti  parisankito  maya  dittho  ca  parajikam  dhammam
ajjhapannosi .pe. Apatti vacaya vacaya sanghadisesassa.
     {554.1} Parisankitassa hoti parajikam dhammam ajjhapannoti tance codeti
dittho   maya   parajikam   dhammam  ajjhapannosi  .pe.  tance  codeti
suto   maya   parajikam   dhammam   ajjhapannosi  .pe.  tance  codeti
dittho   maya   suto   ca   parajikam   dhammam  ajjhapannosi  assamanosi
asakyaputtiyosi   natthi   taya   saddhim   uposatho   va   pavarana  va
sanghakammam vati apatti vacaya vacaya sanghadisesassa.
     [555]   Ditthassa   hoti  parajikam  dhammam  ajjhapajjanto  ditthe
vematiko   dittham   nokappeti  dittham  nassarati  dittham  pamuttho  1-  hoti
tance   codeti   dittho   maya   suto   ca   .pe.   dittho   maya
parisankito   ca   .pe.   dittho   maya   suto   ca   parisankito   ca
parajikam    dhammam    ajjhapannosi   .pe.   sutassa   hoti   parajikam
dhammam   ajjhapannoti   sute   vematiko   sutam  nokappeti  sutam  nassarati
sutam   pamuttho   hoti   tance   codeti   suto   maya  parisankito  ca
.pe.   suto   maya   dittho   ca  .pe.  suto  maya  parisankito  ca
dittho   ca   parajikam   dhammam  ajjhapannosi  .pe.  parisankitassa  hoti
parajikam    dhammam    ajjhapannoti    parisankite   vematiko   parisankitam
@Footnote: 1 Yu. Ma. sammuttho.
Nokappeti    parisankitam   nassarati   parisankitam   pamuttho   hoti   tance
codeti   parisankito   maya   dittho   ca   .pe.   parisankito   maya
suto   ca   .pe.   parisankito   maya  dittho  ca  suto  ca  parajikam
dhammam    ajjhapannosi    assamanosi    asakyaputtiyosi    natthi    taya
saddhim    uposatho   va   pavarana   va   sanghakammam   vati   apatti
vacaya vacaya sanghadisesassa.
     [556]   Aditthassa  hoti  parajikam  dhammam  ajjhapajjanto  tance
codapeti    ditthosi    parajikam    dhammam   ajjhapannosi   assamanosi
asakyaputtiyosi   natthi   taya   saddhim   uposatho   va   pavarana  va
sanghakammam  vati  apatti  vacaya  vacaya  sanghadisesassa  .  assutassa
hoti    parajikam   dhammam   ajjhapannoti   tance   codapeti   sutosi
parajikam   dhammam   ajjhapannosi   .pe.   apatti   vacaya   vacaya
sanghadisesassa   .   aparisankitassa  hoti  parajikam  dhammam  ajjhapannoti
tance    codapeti    parisankitosi    parajikam   dhammam   ajjhapannosi
.pe. Apatti vacaya vacaya sanghadisesassa.
     [557]   Aditthassa  hoti  parajikam  dhammam  ajjhapajjanto  tance
codapeti   ditthosi   sutosi   .pe.   ditthosi   parisankitosi   .pe.
Ditthosi   sutosi   parisankitosi   parajakam   dhammam  ajjhapannosi  .pe.
Apatti  vacaya  vacaya  sanghadisesassa  .  assutassa  hoti  parajikam
dhammam   ajjhapannoti   tance   codapeti   sutosi  parisankitosi  .pe.
Sutosi   ditthosi   .pe.  sutosi  parisankitosi  ditthosi  parajikam  dhammam
ajjhapannosi .pe. Apatti vacaya vacaya sanghadisesassa.
     {557.1}  Aparisankitassa  hoti  parajikam dhammam ajjhapannoti tance
codapeti   parisankitosi   ditthosi   .pe.  parisankitosi  sutosi  .pe.
Parisankitosi   ditthosi   sutosi   parajikam   dhammam  ajjhapannosi  .pe.
Apatti vacaya vacaya sanghadisesassa.
     [558]   Ditthassa   hoti  parajikam  dhammam  ajjhapajjanto  tance
codapeti   sutosi   parajikam  dhammam  ajjhapannosi  .pe.  parisankitosi
parajikam   dhammam   ajjhapannosi   .pe.  sutosi  parisankitosi  parajikam
dhammam ajjhapannosi .pe. Apatti vacaya vacaya sanghadisesassa.
     {558.1}   Sutassa   hoti  parajikam  dhammam  ajjhapannoti  tance
codapeti  parisankitosi  .pe.  tance  codapeti  ditthosi .pe. Tance
codapeti    parisankitosi    ditthosi   parajikam   dhammam   ajjhapannosi
.pe.   apatti   vacaya   vacaya   sanghadisesassa   .  parisankitassa
hoti   parajikam   dhammam   ajjhapannoti   tance   codapeti   ditthosi
parajikam   dhammam   ajjhapannosi   .pe.   tance   codapeti  ditthosi
sutosi   .pe.   tance   codapeti   ditthosi  sutosi  parajikam  dhammam
ajjhapannosi .pe. Apatti vacaya vacaya sanghadisesassa.
     [559]   Ditthassa   hoti  parajikam  dhammam  ajjhapajjanto  ditthe
vematiko   dittham   nokappeti   dittham   nassarati   dittham   pamuttho  hoti
.pe.   Sute   vematiko   sutam  nokappeti  sutam  nassarati  sutam  pamuttho
hoti   .pe.   parisankite   vematiko   parisankitam  nokappeti  parisankitam
nassarati   parisankitam   pamuttho   hoti   tance   codapeti  parisankitosi
ditthosi   .pe.   parisankitosi   sutosi   .pe.   parisankitosi  ditthosi
sutosi    parajikam   dhammam   ajjhapannosi   assamanosi   asakyaputtiyosi
natthi    taya    saddhim    uposatho   va   pavarana   va   sanghakammam
vati apatti vacaya vacaya sanghadisesassa.
     [560]    Asuddhe    suddhaditthi    suddhe   asuddhaditthi   asuddhe
asuddhaditthi suddhe suddhaditthi.
     [561]   Asuddho   hoti   puggalo   annataram   parajikam   dhammam
ajjhapanno    tance    suddhaditthi   samano   anokasam   karapetva
cavanadhippayo   vadeti  apatti  sanghadisesena  dukkatassa  .  asuddho
hoti    puggalo    annataram    parajikam   dhammam   ajjhapanno   tance
suddhaditthi   samano   okasam   karapetva   cavanadhippayo   vadeti
apatti    sanghadisesassa    .    asuddho   hoti   puggalo   annataram
parajikam   dhammam   ajjhapanno   tance   suddhaditthi   samano  anokasam
karapetva    akkosadhippayo    vadeti    apatti    omasavadena
dukkatassa   .   asuddho   hoti   puggalo   annataram   parajikam   dhammam
ajjhapanno    tance    suddhaditthi    samano   okasam   karapetva
akkosadhippayo vadeti apatti omasavadassa.
     [562]    Suddho   hoti   puggalo   annataram   parajikam   dhammam
anajjhapanno   tance   asuddhaditthi   samano   anokasam   karapetva
cavanadhippayo   vadeti   apatti  dukkatassa  .  suddho  hoti  puggalo
annataram   parajikam   dhammam   anajjhapanno   tance  asuddhaditthi  samano
okasam   karapetva   cavanadhippayo   vadeti  anapatti  .  suddho
hoti    puggalo    annataram   parajikam   dhammam   anajjhapanno   tance
asuddhaditthi    samano    anokasam    karapetva    akkosadhippayo
vadeti   apatti   omasavadena   dukkatassa   .  suddho  hoti  puggalo
annataram     parajikam    dhammam    anajjhapanno    tance    asuddhaditthi
samano   okasam   karapetva   akkosadhippayo   vadeti   apatti
omasavadassa.
     [563]   Asuddho   hoti   puggalo   annataram   parajikam   dhammam
ajjhapanno    tance   asuddhaditthi   samano   anokasam   karapetva
cavanadhippayo    vadeti    apatti   dukkatassa   .   asuddho   hoti
puggalo   annataram   parajikam   dhammam   ajjhapanno   tance  asuddhaditthi
samano   okasam   karapetva  cavanadhippayo  vadeti  anapatti .
Asuddho   hoti   puggalo  annataram  parajikam  dhammam  ajjhapanno  tance
asuddhaditthi   samano   anokasam  karapetva  akkosadhippayo  vadeti
apatti   omasavadena   dukkatassa  .  asuddho  hoti  puggalo  annataram
parajikam   dhammam   ajjhapanno   tance   asuddhaditthi   samano  okasam
Karapetva akkosadhippayo vadeti apatti omasavadassa.
     [564]    Suddho   hoti   puggalo   annataram   parajikam   dhammam
anajjhapanno    tance   suddhaditthi   samano   anokasam   karapetva
cavanadhippayo   vadeti   apatti  sanghadisesena  dukkatassa  .  suddho
hoti    puggalo    annataram   parajikam   dhammam   anajjhapanno   tance
suddhaditthi   samano   okasam   karapetva   cavanadhippayo   vadeti
apatti   sanghadisesassa   .  suddho  hoti  puggalo  annataram  parajikam
dhammam   anajjhapanno  tance  suddhaditthi  samano  anokasam  karapetva
akkosadhippayo   vadeti   apatti  omasavadena  dukkatassa  .  suddho
hoti    puggalo    annataram   parajikam   dhammam   anajjhapanno   tance
suddhaditthi   samano   okasam   karapetva   akkosadhippayo  vadeti
apatti omasavadassa.
     [565]   Anapatti   suddhe  asuddhaditthissa  asuddhe  asuddhaditthissa
ummattakassa adikammikassati.
                              Atthamasanghadisesam nitthitam.
                                         ------------



             The Pali Tipitaka in Roman Character Volume 1 page 367-385. https://84000.org/tipitaka/read/roman_read.php?B=1&A=7262&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=1&A=7262&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=1&item=540&items=26              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=1&siri=51              Study Atthakatha :- https://84000.org/tipitaka/attha/attha.php?b=1&i=538              The Pali Atthakatha in Thai :- https://84000.org/tipitaka/atthapali/read_th.php?B=2&A=1609              The Pali Atthakatha in Roman :- https://84000.org/tipitaka/atthapali/read_rm.php?B=2&A=1609              Contents of The Tipitaka Volume 1 https://84000.org/tipitaka/read/?index_1 https://84000.org/tipitaka/english/?index_1

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]