ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 1 : PALI ROMAN Vinaya Pitaka Vol 1 : Vinaya. Mahāvi (1)

                                  Chatthasanghadisesam
     [496]  Tena  samayena  buddho  bhagava  rajagahe  viharati veluvane
kalandakanivape   .   tena   kho   pana   samayena  alavika  1-  bhikkhu
sannacikayo  kutikayo  2-  karapenti  assamikayo  attuddesikayo
appamanikayo   .   tayo  na  nitthanam  gacchanti  .  te  yacanabahula
vinnattibahula   viharanti   purisam   detha   purisatthakaram   detha  gonam  detha
sakatam   detha   vasim   detha   pharasum  detha  kutharim  detha  kuddalam  detha
nikhadanam   detha   vallim   detha   velum  detha  munjam  detha  pabbajam  detha
tinam   detha  mattikam  dethati  .  manussa  upadduta  yacanaya  upadduta
vinnattiya    bhikkhu    disva    ubbijjantipi    uttasantipi   palayantipi
annenapi    gacchanti    annenapi    mukham   karonti   dvarampi   thakenti
gavipi disva palayanti bhikkhuti mannamana.
     [497]   Athakho   ayasma  mahakassapo  rajagahe  vassam  vuttho
yena   alavi   tena  pakkami  anupubbena  carikam  caramano  3-  yena
alavi   tadavasari  .  tatra  sudam  ayasma  mahakassapo  alaviyam  viharati
aggalave   cetiye   .   athakho   ayasma  mahakassapo  pubbanhasamayam
nivasetva     pattacivaramadaya     alavim    pindaya    pavisi   .
@Footnote: 1 Yu. alavaka. 2 Yu. Ma. kutiyo. 3 idam pathadvayam sabbattha
@na dissati.
Manussa   ayasmantam   mahakassapam   passitva   ubbijjantipi   uttasantipi
palayantipi    annenapi   gacchanti   annenapi   mukham   karonti   dvarampi
thakenti   .   athakho  ayasma  mahakassapo  alaviyam  pindaya  caritva
pacchabhattam   pindapatapatikkanto   bhikkhu   amantesi   pubbayam   avuso
alavi    subhikkha    ahosi   sulabhapinda   sukara   unchena   paggahena
yapetum   etarahi   kho  1-  panayam  alavi  dubbhikkha  dullabhapinda  na
sukara   unchena   paggahena  yapetum  ko  nu  kho  avuso  hetu  ko
paccayo   yenayam   alavi   dubbhikkha  dullabhapinda  na  sukara  unchena
paggahena   yapetunti   .  athakho  te  bhikkhu  ayasmato  mahakassapassa
etamattham arocesum.
     [498]   Athakho   bhagava   rajagahe  yathabhirantam  viharitva  yena
alavi   tena   carikam   pakkami   anupubbena   carikam  caramano  yena
alavi   tadavasari   .   tatra   sudam  bhagava  alaviyam  viharati  aggalave
cetiye   .   athakho  ayasma  mahakassapo  yena  bhagava  tenupasankami
upasankamitva   bhagavantam   abhivadetva   ekamantam   nisidi  .  ekamantam
nisinno   kho  ayasma  mahakassapo  bhagavato  etamattham  arocesi .
Athakho    bhagava    etasmim    nidane   etasmim   pakarane   bhikkhusangham
sannipatapetva   alavike  bhikkhu  patipucchi  saccam  kira  tumhe  bhikkhave
sannacikayo    kutikayo   karapetha   assamikayo   attuddesikayo
@Footnote: 1 Yu. Ma. potthakesu ayam patho na hoti.
Appamanikayo   tayo   na  nitthanam  gacchanti  te  tumhe  yacanabahula
vinnattibahula   viharatha   purisam   detha   purisatthakaram   detha   gonam  detha
sakatam   detha   vasim   detha   pharusam  detha  kutharim  detha  kuddalam  detha
nikhadanam   detha   vallim   detha   velum  detha  munjam  detha  pabbajam  detha
tinam   detha   mattikam   dethati   manussa  upadduta  yacanaya  upadduta
vinnattiya    bhikkhu    disva    ubbijjantipi    uttasantipi   palayantipi
annenapi    gacchanti    annenapi    mukham   karonti   dvarampi   thakenti
gavipi disva palayanti bhikkhuti mannamanati. Saccam bhagavati.
     {498.1}  Vigarahi buddho bhagava ananucchavikam moghapurisa .pe. Akaraniyam
katham hi nama tumhe moghapurisa sannacikayo kutikayo karapessatha
     {498.2}  assamikayo  attuddesikayo  appamanikayo tayo na
nitthanam   gacchanti   te   tumhe   yacanabahula  vinnattibahula  viharissatha
purisam   detha   purisatthakaram   detha  gonam  detha  sakatam  detha  vasim  detha
pharusam   detha   kutharim  detha  kuddalam  detha  nikhadanam  detha  vallim  detha
velum  detha  munjam  detha  pabbajam  detha  tinam  detha  mattikam  dethati netam
moghapurisa   appasannanam   va   pasadaya   .pe.   annathattayati .
Athakho   bhagava   alavike   bhikkhu   anekapariyayena  vigarahitva  .pe.
Bhikkhunam tadanucchavikam tadanulomikam dhammim katham katva bhikkhu amantesi 1-
@Footnote: 1 netam moghapurisa appasannanam va pasadaya .pe. vigarahitva
@dhammim katham katva bhikkhu amantesiti sabbapotthakesu agatam.
     [499]   Bhutapubbam   bhikkhave   dve   bhataro  isayo  gangam  nadim
upanissaya   viharimsu   .   athakho   bhikkhave  manikantho  nagaraja  gangam
nadim    uttaritva   yena   kanittho   isi   tenupasankami   upasankamitva
kanittham   isim   sattakkhattum   bhogehi   parikkhipitva  upari  muddhani  mahantam
phanam  karitva  atthasi  .  athakho  bhikkhave  kanittho  isi  tassa  nagassa
bhaya     kiso     ahosi    lukho    dubbanno    uppanduppandukajato
dhamanisanthatagatto   .   addasa   kho   bhikkhave   jettho   isi  kanittham
isim     kisam    lukham    dubbannam    uppanduppandukajatam    dhamanisanthatagattam
disvana   kanittham   isim   etadavoca   kissa   tvam   bho   kiso   lukho
dubbanno     uppanduppandukajato     dhamanisanthatagattoti     .     idha
me   bho   manikantho   nagaraja   gangam   nadim   uttaritva   yenaham
tenupasankami    upasankamitva    mam   sattakkhattum   bhogehi   parikkhipitva
upari   muddhani   mahantam   phanam   karitva  atthasi  tassaham  bho  nagassa
bhaya   kiso  lukho  dubbanno  uppanduppandukajato  dhamanisanthatagattoti .
Icchasi   pana   tvam   bho   tassa   nagassa   anagamananti  .  icchamaham
bho  tassa  nagassa  anagamananti  .  api  pana  tvam  bho  tassa  nagassa
kinci   passasiti   .   passamaham   bho   manimassa  kanthe  pilandhananti .
Tenahi   tvam   bho   tam  nagam  manim  yaca  manim  me  bho  dehi  manina
me    atthoti   .   athakho   bhikkhave   manikantho   nagaraja   gangam
nadim    uttaritva   yena   kanittho   isi   tenupasankami   upasankamitva
Ekamantam  atthasi  .  ekamantam  thitam  kho  bhikkhave  manikantham nagarajanam
kanittho isi etadavoca manim me bho dehi manina me atthoti.
     {499.1}   Athakho   bhikkhave   manikantho   nagaraja  bhikkhu  manim
yacati   bhikkhussa   manina   atthoti   khippameva   agamasi   .  dutiyampi
kho   bhikkhave   manikantho   nagaraja   gangam   nadim   uttaritva  yena
kanittho   isi   tenupasankami   .   addasa  kho  bhikkhave  kanittho  isi
manikantham    nagarajanam    durato   va   agacchantam   disvana   manikantham
nagarajanam etadavoca manim me bho dehi manina me atthoti.
     {499.2}  Athakho  bhikkhave  manikantho  nagaraja  bhikkhu manim yacati
bhikkhussa  manina  atthoti  tato  va  patinivatti  .  tatiyampi  kho  bhikkhave
manikantho   nagaraja   gangam   nadim  uttarati  .  addasa  kho  bhikkhave
kanittho   isi   manikantham   nagarajanam   gangam   nadim  uttarantam  disvana
manikantham   nagarajanam   etadavoca   manim   me  bho  dehi  manina  me
atthoti   .   athakho   bhikkhave   manikantho   nagaraja   kanittham   isim
gathahi ajjhabhasi
               mamannapanam vipulam ularam
               uppajjatimassa manissa hetu
               tante na dassam atiyacakosi
               na capi te assamamagamissam.
               Susu yatha sakkharadhotapani
               Tasesi mam selamayacamano 1-
               tante na dassam atiyacakosi
               na capi te assamamagamissanti.
     {499.3}  Athakho  bhikkhave  manikantho  nagaraja  bhikkhu manim yacati
bhikkhussa   manina   atthoti  pakkami  .  tatha  pakkanto  va  ahosi  na
puna   paccaganchi   .   athakho   bhikkhave   kanittho  isi  tassa  nagassa
dassaniyassa    adassanena    bhiyyoso   mattaya   kiso   ahosi   lukho
dubbanno     uppanduppandukajato     dhamanisanthatagatto    .    addasa
kho   bhikkhave   jettho  isi  kanittham  isim  bhiyyoso  mattaya  kisam  lukham
dubbannam        uppanduppandukajatam       dhamanisanthatagattam       disvana
kanittham   isim   etadavoca   kissa   tvam   bho  bhiyyoso  mattaya  kiso
lukho     dubbanno     uppanduppandukajato     dhamanisanthatagattoti   .
Tassaham   bho   nagassa   dassaniyassa   adassanena   bhiyyoso   mattaya
kiso    lukho   dubbanno   uppanduppandukajato   dhamanisanthatagattoti  .
Athakho bhikkhave jettho isi kanittham isim gathaya ajjhabhasi
               na tam yace yassa piyam jigimse
               desso ca 2- hoti atiyacanaya
@Footnote: 1 selam mam yacamanoti padacchedo. 2 sabbattha videssoti
@agatam.
               Nago manim yacito brahmanena
               adassananneva tadajjhagamati.
Tesam   hi   nama   bhikkhave  tiracchanagatanam  pananam  amanapa  bhavissati
yacana amanapa vinnatti kimangam pana manussabhutanam.
     [500]   Bhutapubbam  bhikkhave  annataro  bhikkhu  himavantapasse  viharati
annatarasmim   vanasande   .   tassa   kho  pana  1-  bhikkhave  vanasandassa
avidure   mahantam   ninnam   pallalam   .   athakho  bhikkhave  mahasakunasangho
tasmim   pallale   divasam   gocaram   caritva   sayam  tam  vanasandam  vasaya
upagacchati   .   athakho  bhikkhave  so  bhikkhu  tassa  sakunasanghassa  saddena
ubbalho    yenaham   tenupasankami   upasankamitva   mam   abhivadetva
ekamantam nisidi.
     {500.1}  Ekamantam  nisinnam  kho  aham bhikkhave tam bhikkhum  etadavocam
kacci    bhikkhu    khamaniyam    kacci    yapaniyam    kaccisi    appakilamathena
addhanam   agato   kuto  ca  tvam  bhikkhu  agacchasiti  .  khamaniyam  bhagava
yapaniyam    bhagava    appakilamathena   caham   bhante   addhanam   agato
atthi   bhante   himavantapasse   mahavanasando   tassa   kho  pana  bhante
vanasandassa  avidure  mahantam  ninnam  pallalam  athakho  bhante  mahasakunasangho
tasmim   pallale   divasam   gocaram   caritva   sayam  tam  vanasandam  vasaya
upagacchati     tato    aham    bhagava   agacchami   tassa   sakunasanghassa
saddena   ubbalhoti   .   icchasi  pana  tvam  bhikkhu  tassa  sakunasanghassa
@Footnote: 1 yuropiyapotthakeyam patho na pannayati.
Anagamananti   .   icchamaham  bhante  tassa  sakunasanghassa  anagamananti .
Tenahi   tvam   bhikkhu   tattha   gantva   tam   vanasandam   ajjhogahetva
rattiya   pathamam   yamam   tikkhattum  saddamanussavehi  sunantu  me  bhonto
sakuna   yavatika   imasmim   vanasande   vasam   upagata   pattena  me
attho   ekekam   me   bhonto  pattam  dadantuti  rattiya  majjhimam  yamam
.pe.    rattiya   pacchimam   yamam   tikkhattum   saddamanussavehi   sunantu
me   bhonto   sakuna   yavatika   imasmim   vanasande   vasam  upagata
pattena me attho ekekam me bhonto pattam dadantuti.
     {500.2}  Athakho  bhikkhave  so  bhikkhu  tattha  gantva  tam vanasandam
ajjhogahetva   rattiya  pathamam  yamam  tikkhattum  saddamanussavesi  sunantu
me  bhonto  sakuna  yavatika  imasmim  vanasande  vasam  upagata pattena
me  attho  ekekam  me  bhonto  pattam  dadantuti  rattiya  majjhimam yamam
.pe.   rattiya   pacchimam   yamam  tikkhattum  saddamanussavesi  sunantu  me
bhonto   sakuna   yavatika   imasmim  vanasande  vasam  upagata  pattena
me  attho  ekekam  me  bhonto  pattam  dadantuti . Athakho bhikkhave so
sakunasangho   bhikkhu   pattam   yacati   bhikkhussa   pattena  atthoti  tamha
vanasanda   pakkami  tatha  pakkanto  va  ahosi  na  puna  paccaganchi .
Tesam   hi   nama   bhikkhave  tiracchanagatanam  pananam  amanapa  bhavissati
yacana amanapa vinnatti kimangam pana manussabhutanam.
     [501]  Bhutapubbam  bhikkhave  ratthapalassa  kulaputtassa  pita ratthapalam
Kulaputtam gathaya ajjhabhasi
                apahante na janami        ratthapala bahu jana 1-
                ye mam sangamma yacanti       kasma mam tvam na yacasiti.
                Yacako appiyo hoti         yacam adadamappiyo
                tasmahantam na yacami       ma me viddesana ahuti.
So   hi  nama  bhikkhave  ratthapalo  kulaputto  sakam  pitaram  evam  vakkhati
kimangam pana jano janam.
     [502]  Gihinam  hi  2-  bhikkhave  dussamharani bhogani sambhatanipi 3-
duranurakkhiyani  tattha  nama  tumhe  moghapurisa  evam  dussamharesu  bhogesu
sambhatesupi    duranurakkhiyesu    yacanabahula    vinnattibahula    viharissatha
purisam   detha   purisatthakaram   detha  gonam  detha  sakatam  detha  vasim  detha
pharasum   detha   kutharim  detha  kuddalam  detha  nikhadanam  detha  vallim  detha
velum   detha   munjam   detha   pabbajam  detha  tinam  detha  mattikam  dethati
netam   moghapurisa   appasannanam   va   pasadaya  .pe.  evanca  pana
bhikkhave   imam   sikkhapadam   uddiseyyatha   sannacikaya   pana   bhikkhuna
kutim    karayamanena    assamikam   attuddesam   pamanika   karetabba
tatridam    pamanam    dighaso   dvadasa   vidatthiyo   sugatavidatthiya   tiriyam
sattantara   bhikkhu   abhinetabba   vatthudesanaya  .  tehi  bhikkhuhi  vatthum
@Footnote: 1 Yu. Ma. bahujjana. 2 Yu. potthakeyam patho na pannayati.
@3 dussambhatanipiti va patho.
Desetabbam    anarambham   saparikkamanam   sarambhe   ce   bhikkhu   vatthusmim
aparikkamane    sannacikaya   kutim   kareyya   bhikkhu   va   anabhineyya
vatthudesanaya pamanam va atikkameyya sanghadisesoti.



             The Pali Tipitaka in Roman Character Volume 1 page 329-338. https://84000.org/tipitaka/read/roman_read.php?B=1&A=6509&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=1&A=6509&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=1&item=496&items=7              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=1&siri=48              Study Atthakatha :- https://84000.org/tipitaka/attha/attha.php?b=1&i=494              The Pali Atthakatha in Thai :- https://84000.org/tipitaka/atthapali/read_th.php?B=2&A=1222              The Pali Atthakatha in Roman :- https://84000.org/tipitaka/atthapali/read_rm.php?B=2&A=1222              Contents of The Tipitaka Volume 1 https://84000.org/tipitaka/read/?index_1 https://84000.org/tipitaka/english/?index_1

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]