บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[491] Anapatti sanghassa va cetiyassa va gilanassa va karaniyena gacchati ummattakassa adikammikassati. [492] Sutta mata ca nikkhanta anitthi itthipandaka kalaham katvana sammodi sancarittanca pandaketi. [493] Tena kho pana samayena annataro puriso annataram bhikkhum anapeti gaccha bhante itthannamam itthim vimamsati . so gantva manusse pucchi kaham itthannamati . sutta bhanteti . tassa kukkuccam ahosi kacci nu kho aham sanghadisesassa apatti apannoti. Bhagavato etamattham arocesi . anapatti bhikkhu sanghadisesassa apatti dukkatassati. {493.1} Tena kho pana samayena annataro puriso annataram bhikkhum anapeti gaccha bhante itthannamam itthim vimamsati . so gantva manusse pucchi kaham itthannamati . mata bhanteti . Tassa kukkuccam ahosi .pe. anapatti bhikkhu sanghadisesassa apatti dukkatassati. {493.2} Tena kho pana samayena annataro puriso annataram bhikkhum anapeti gaccha bhante itthannamam itthim vimamsati. So gantva manusse pucchi kaham itthannamati . nikkhanta bhanteti .pe. anitthi bhanteti .pe. itthipandaka bhanteti . tassa kukkuccam ahosi .pe. Anapatti bhikkhu sanghadisesassa apatti dukkatassati. [494] Tena kho pana samayena annatara itthi samikena saha bhanditva matugharam agamasi . kulupako bhikkhu sammodaniyam akasi . Tassa kukkuccam ahosi .pe. alamvacaniya bhikkhuti . nalamvacaniya bhagavati. Anapatti bhikkhu nalamvacaniyeti. [495] Tena kho pana samayena annataro bhikkhu pandake sancarittam samapajji . tassa kukkuccam ahosi .pe. anapatti bhikkhu sanghadisesassa apatti thullaccayassati. Pancamasanghadisesam nitthitam. ----------The Pali Tipitaka in Roman Character Volume 1 page 327-328. https://84000.org/tipitaka/read/roman_read.php?B=1&A=6480&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=1&A=6480&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=1&item=491&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=1&siri=47 The Pali Atthakatha in Thai :- https://84000.org/tipitaka/atthapali/read_th.php?B=2&A=972 The Pali Atthakatha in Roman :- https://84000.org/tipitaka/atthapali/read_rm.php?B=2&A=972 Contents of The Tipitaka Volume 1 https://84000.org/tipitaka/read/?index_1 https://84000.org/tipitaka/english/?index_1
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]