ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 1 : PALI ROMAN Vinaya Pitaka Vol 1 : Vinaya. Mahāvi (1)

                                   Dutiyasanghadisesam
     [377]  Tena  samayena  buddho  bhagava  savatthiyam  viharati jetavane
anathapindikassa   arame   .   tena   kho   pana   samayena  ayasma
udayi   aranne   viharati   .   tassayasmato   viharo  abhirupo  hoti
dassaniyo   pasadiko   majjhegabbho   samanta   pariyagaro   supannattam
mancapitham     bhisibimbohanam    paniyam    paribhojaniyam    supatthitam    parivenam
susammattham   .   bahu   manussa   ayasmato   udayissa   viharapekkhaka
agacchanti    .    annataropi   brahmano   sapajapatiko   yenayasma
udayi    tenupasankami   upasankamitva   ayasmantam   udayim   etadavoca
icchama mayam bhoto udayissa viharam pekkhitunti.
     {377.1}  Tenahi  brahmana  pekkhassuti  apapuranam  adaya  ghatikam
ugghatetva  kavatam  panametva  viharam  pavisi . Sopi kho brahmano
ayasmato   udayissa   pitthito   pavisi   .   sapi   kho   brahmani
tassa   brahmanassa   pitthito   pavisi   .   athakho   ayasma  udayi
ekacce   vatapane   vivaranto  ekacce  vatapane  thakento  gabbham
anuparigantva   pitthito   agantva   tassa   brahmaniya  angamangani
paramasi   .   athakho   so   brahmano   ayasmata   udayina  saddhim
patisammoditva    agamasi    .   athakho   so   brahmano   attamano
attamanavacam   niccharesi   ulara   ime   samana   sakyaputtiya   ye
Ime  evarupe  aranne  viharanti  bhavampi  udayi  ularo  yo  evarupe
aranne viharatiti.
     {377.2}  Evam  vutte  sa brahmani tam brahmanam etadavoca kuto
tassa  ularata  yatheva  me  tvam angamangani paramasi evameva me samano
udayi  angamangani  paramasiti  .  athakho  so  brahmano ujjhayati khiyati
vipaceti  alajjino  ime  samana sakyaputtiya dussila musavadino ime hi
nama dhammacarino samacarino brahmacarino saccavadino silavanto kalyanadhamma
patijanissanti   natthi   imesam   samannam   natthi  imesam  brahmannam  nattham
imesam   samannam   nattham   imesam   brahmannam   kuto   imesam   samannam
kuto   imesam   brahmannam   apagata   ime   samanna   apagata  ime
brahmanna   katham   hi   nama  samano  udayi  mama  bhariyaya  angamangani
paramasissati   na   hi  sakka  kulitthihi  kuladhitahi  kulakumarihi  kulasunhahi
kuladasihi  aramam  va  viharam  va  gantum  sace  hi kulitthiyo kuladhitayo
kulakumariyo    kulasunhayo   kuladasiyo   aramam   va   viharam   va
gaccheyyum tapi samana sakyaputtiya duseyyunti.
     {377.3} Assosum kho bhikkhu tassa brahmanassa ujjhayantassa khiyantassa
vipacentassa  .  ye  te  bhikkhu  appiccha  santuttha lajjino kukkuccaka
sikkhakama  te  ujjhayanti  khiyanti  vipacenti  katham  hi  nama ayasma
udayi   matugamena   saddhim  kayasamsaggam  samapajjissatiti  .  athakho  te
bhikkhu  bhagavato  etamattham  arocesum  .  athakho  bhagava  etasmim nidane
Etasmim    pakarane   bhikkhusangham   sannipatapetva   ayasmantam   udayim
patipucchi   saccam   kira   tvam   udayi   matugamena   saddhim   kayasamsaggam
samapajjasiti   .   saccam  bhagavati  .  vigarahi  buddho  bhagava  ananucchavikam
moghapurisa   ananulomikam   appatirupam   assamanakam   akappiyam   akaraniyam  katham
hi   nama   tvam  moghapurisa  matugamena  saddhim  kayasamsaggam  samapajjissasi
nanu   maya   moghapurisa   anekapariyayena   viragaya   dhammo   desito
no    saragaya   .pe.   kamaparilahanam   vupasamo   akkhato   netam
moghapurisa    appasannanam    va    pasadaya    .pe.   evanca   pana
bhikkhave imam sikkhapadam uddiseyyatha
     {377.4}  yo  pana  bhikkhu otinno viparinatena cittena matugamena
saddhim  kayasamsaggam  samapajjeyya  hatthagaham  va  venigaham  va annatarassa
va annatarassa va angassa paramasanam sanghadisesoti.
     [378]   Yo   panati  yo  yadiso  .pe.  bhikkhuti  .pe.  ayam
imasmim   atthe   adhippeto   bhikkhuti   .   otinno   nama  saratto
apekkhava    patibaddhacitto   .   viparinatanti   rattampi   cittam   viparinatam
dutthampi    cittam    viparinatam    mulhampi    cittam   viparinatam   apica   rattam
cittam    imasmim    atthe    adhippetam    viparinatanti    .   matugamo
nama   manussitthi   na   yakkhi   na   peti   na  tiracchanagata  antamaso
tadahujatapi   darika   pageva  mahantatari  1-  .  saddhinti  ekato .
@Footnote: 1 Yu. Ma. mahattari.
Kayasamsaggam   samapajjeyyati   ajjhacaro   vuccati   .   hattho  nama
kappuram   upadaya   yava   agganakha   .  veni  nama  suddhakesa  va
suttamissa   va   malamissa   va   hirannamissa   va   suvannamissa
va   muttamissa   va   manimissa   va   .   angam   nama  hatthanca
veninca thapetva avasesam angam nama.
     [379]   Amasana   paramasana   omasana  ummasana  olanghana
ullanghana     akaddhana    patikaddhana    abhinigganhana    abhinippilana
gahanam chupananti.
     [380]   Amasana   nama   amatthamatta   .  paramasana  nama
ito  cito  ca  sancopana  .  omasana  nama  hettha  oropana .
Ummasana   nama   uddham   uccarana   .   olanghana   nama  hettha
onamana   .  ullanghana  nama  uddham  uccarana  .  akaddhana  nama
avinjana    .   patikaddhana   nama   patipanamana   .   abhinigganhana
nama  angam  gahetva  nippilana  1-  .  abhinippilana  nama  kenaci saha
nippilana. Gahanam nama gahitamattam. Chupanam nama phutthamattam.
     [381]  Sanghadisesoti  sangho  va  tassa apattiya .pe. Tenapi
vuccati sanghadisesoti.
     [382]   Itthi   ca  hoti  itthisanni  saratto  ca  bhikkhu  ca  nam
itthiya   kayena  kayam  amasati  paramasati  omasati  ummasati  olanghati
@Footnote: 1 Yu. Ma. nigganhana.
Ullanghati     akaddhati     patikaddhati     abhinigganhati     abhinippileti
ganhati   chupati   apatti  sanghadisesassa  .  itthi  ca  hoti  vematiko
saratto   ca  bhikkhu  ca  nam  itthiya  kayena  kayam  amasati  paramasati
.pe.   ganhati   chupati   apatti   thullaccayassa   .   itthi  ca  hoti
pandakasanni   saratto   ca   bhikkhu   ca   nam   itthiya   kayena  kayam
amasati   paramasati   .pe.   ganhati   chupati  apatti  thullaccayassa .
Itthi   ca   hoti   purisasanni   saratto   ca   bhikkhu   ca  nam  itthiya
kayena   kayam   amasati   paramasati   .pe.   ganhati  chupati  apatti
thullaccayassa   .   itthi   ca   hoti   tiracchanagatasanni   saratto   ca
bhikkhu   ca   nam   itthiya   kayena   kayam   amasati  paramasati  .pe.
Ganhati chupati apatti thullaccayassa.
     {382.1}  Pandako  ca  hoti  pandakasanni  saratto  ca bhikkhu ca nam
pandakassa   kayena   kayam   amasati   paramasati  .pe.  ganhati  chupati
apatti   thullaccayassa   .   pandako  ca  hoti  vematiko  saratto  ca
bhikkhu   ca   nam   pandakassa   kayena   kayam  amasati  paramasati  .pe.
Ganhati    chupati    apatti    dukkatassa    .    pandako   ca   hoti
purisasanni   saratto   ca   bhikkhu   ca   nam   pandakassa   kayena  kayam
amasati   paramasati   .pe.   ganhati   chupati   apatti   dukkatassa .
Pandako   ca   hoti   tiracchanagatasanni   saratto   ca   bhikkhu   ca  nam
pandakassa    kayena    kayam    amasati   paramasati   .pe.   ganhati
Chupati    apatti    dukkatassa    .    pandako   ca   hoti   itthisanni
saratto   ca   bhikkhu   ca   nam   pandakassa   kayena   kayam   amasati
paramasati .pe. Ganhati chupati apatti dukkatassa.
     {382.2}  Puriso  ca  hoti  purisasanni  saratto  ca  bhikkhu  ca nam
purisassa   kayena   kayam   amasati   paramasati   .pe.  ganhati  chupati
apatti  dukkatassa  .  puriso  ca  hoti  vematiko  saratto  ca bhikkhu ca
nam   purisassa   kayena   kayam   amasati   paramasati   .pe.   ganhati
chupati   apatti   dukkatassa   .   puriso   ca   hoti   tiracchanagatasanni
saratto    ca   bhikkhu   ca   nam   purisassa   kayena   kayam   amasati
paramasati   .pe.   ganhati   chupati   apatti   dukkatassa   .   puriso
ca   hoti   itthisanni   saratto   ca   bhikkhu  ca  nam  purisassa  kayena
kayam    amasati    paramasati    .pe.    ganhati    chupati    apatti
dukkatassa   .   puriso   ca   hoti   pandakasanni   saratto   ca  bhikkhu
ca   nam   purisassa   kayena   kayam  amasati  paramasati  .pe.  ganhati
chupati apatti dukkatassa.
     {382.3}   Tiracchanagato   ca   hoti  tiracchanagatasanni  saratto
ca  bhikkhu  ca  nam  tiracchanagatassa  kayena  kayam  paramasati .pe. Ganhati
chupati  apatti  dukkatassa  .  tiracchanagato  ca  hoti  vematiko saratto
ca  bhikkhu  ca  nam  tiracchanagatassa  kayena  kayam  amasati paramasati .pe.
Ganhati  chupati  apatti  dukkatassa  .  tiracchanagato  ca  hoti  itthisanni
Saratto   ca   bhikkhu   ca   nam  tiracchanagatassa  kayena  kayam  amasati
paramasati   .pe.   ganhati  chupati  apatti  dukkatassa  .  tiracchanagato
ca   hoti   pandakasanni   saratto   ca   bhikkhu   ca  nam  tiracchanagatassa
kayena   kayam   amasati   paramasati   .pe.   ganhati  chupati  apatti
dukkatassa    .   tiracchanagato   ca   hoti   purisasanni   saratto   ca
bhikkhu   ca   nam   tiracchanagatassa   kayena   kayam   amasati   paramasati
.pe. Ganhati chupati apatti dukkatassa 1-.
     [383]   Dve   itthiyo   dvinnam   itthinam   itthisanni  saratto
ca   bhikkhu   ca   nam   dvinnam  itthinam  kayena  kayam  amasati  paramasati
.pe.   ganhati   chupati   apatti   dvinnam   sanghadisesanam   .  dve
itthiyo   dvinnam   itthinam  vematiko  saratto  ca  bhikkhu  ca  nam  dvinnam
itthinam   kayena   kayam   amasati   paramasati   .pe.   ganhati  chupati
apatti   dvinnam   thullaccayanam   .   dve   itthiyo   dvinnam   itthinam
pandakasanni    .pe.    dve    itthiyo    dvinnam   itthinam   purisasanni
.pe.   dve   itthiyo   dvinnam   itthinam   tiracchanagatasanni   saratto
ca   bhikkhu   ca   nam   dvinnam  itthinam  kayena  kayam  amasati  paramasati
.pe. Ganhati chupati apatti dvinnam thullaccayanam.
     {383.1}  Dve  pandaka  dvinnam  pandakanam  pandakasanni  saratto
ca  bhikkhu  ca  nam  dvinnam  pandakanam  kayena kayam amasati paramasati .pe.
@Footnote: 1 ito param Yu. Ma. potthakesu ekamulakanti dissati.
Ganhati   chupati   apatti   dvinnam   thullaccayanam   .   dve   pandaka
dvinnam    pandakanam    vematiko    .pe.    dve    pandaka   dvinnam
pandakanam    purisasanni    .pe.    dve   pandaka   dvinnam   pandakanam
tiracchanagatasanni     .pe.     dve    pandaka    dvinnam    pandakanam
itthisanni   saratto   ca   bhikkhu   ca   nam   dvinnam  pandakanam  kayena
kayam   amasati   paramasati   .pe.   ganhati   chupati   apatti  dvinnam
dukkatanam   .   dve   purisa   dvinnam   purisanam   purisasanni  saratto
ca   bhikkhu   ca   nam  dvinnam  purisanam  kayena  kayam  amasati  paramasati
.pe. Ganhati chupati apatti dvinnam dukkatanam.
     {383.2}  Dve  purisa dvinnam purisanam vematiko .pe. Dve purisa
dvinnam   purisanam  tiracchanagatasanni  .pe.  dve  purisa  dvinnam  purisanam
itthisanni    .pe.    dve    purisa    dvinnam   purisanam   pandakasanni
saratto   ca   bhikkhu   ca  nam  dvinnam  purisanam  kayena  kayam  amasati
paramasati .pe. Ganhati chupati apatti dvinnam dukkatanam.
     {383.3}  Dve  tiracchanagata  dvinnam tiracchanagatanam tiracchanagata-
sanni  saratto  ca  bhikkhu  ca  nam  dvinnam  tiracchanagatanam  kayena kayam
amasati    paramasati    .pe.    ganhati    chupati    apatti   dvinnam
dukkatanam   .   dve   tiracchanagata   dvinnam  tiracchanagatanam  vematiko
.pe.    dve    tiracchanagata    dvinnam    tiracchanagatanam   itthisanni
.pe.    dve    tiracchanagata    dvinnam   tiracchanagatanam   pandakasanni
.pe.    Dve    tiracchanagata    dvinnam    tiracchanagatanam   purisasanni
saratto   ca   bhikkhu   ca   nam   dvinnam  tiracchanagatanam  kayena  kayam
amasati    paramasati    .pe.    ganhati    chupati    apatti   dvinnam
dukkatanam.
     [384]   Itthi   ca   pandako   ca   ubhinnam  itthisanni  saratto
ca   bhikkhu   ca   nam   ubhinnam  kayena  kayam  amasati  paramasati  .pe.
Ganhati   chupati   apatti   sanghadisesena   dukkatassa   .   itthi   ca
pandako   ca   ubhinnam   vematiko   saratto   ca  bhikkhu  ca  nam  ubhinnam
kayena   kayam   amasati   paramasati   .pe.   ganhati  chupati  apatti
thullaccayena    dukkatassa    .    itthi    ca    pandako   ca   ubhinnam
pandakasanni   saratto   ca   bhikkhu   ca   nam   ubhinnam   kayena   kayam
amasati    paramasati    .pe.    ganhati    chupati    apatti   dvinnam
thullaccayanam   .   itthi   ca   pandako  ca  ubhinnam  purisasanni  saratto
ca   bhikkhu   ca   nam   ubhinnam  kayena  kayam  amasati  paramasati  .pe.
Ganhati    chupati    apatti   thullaccayena   dukkatassa   .   itthi   ca
pandako   ca   ubhinnam   tiracchanagatasanni   saratto   ca   bhikkhu  ca  nam
ubhinnam   kayena   kayam   amasati   paramasati   .pe.   ganhati  chupati
apatti thullaccayena dukkatassa.
     {384.1}   Itthi  ca  puriso  ca  ubhinnam  itthisanni  saratto  ca
bhikkhu   ca   nam   ubhinnam   kayena   kayam   amasati   paramasati  .pe.
Ganhati     chupati     apatti     sanghadisesena     dukkatassa    .
Itthi   ca   puriso   ca   ubhinnam  vematiko  saratto  ca  bhikkhu  ca  nam
ubhinnam   kayena   kayam   amasati   paramasati   .pe.   ganhati  chupati
apatti   thullaccayena   dukkatassa   .   itthi   ca   puriso  ca  ubhinnam
pandakasanni   saratto   ca   bhikkhu   ca   nam   ubhinnam   kayena   kayam
amasati    paramasati   .pe.   ganhati   chupati   apatti   thullaccayena
dukkatassa   .   itthi   ca   puriso   ca   ubhinnam   purisasanni  saratto
ca   bhikkhu   ca   nam   ubhinnam  kayena  kayam  amasati  paramasati  .pe.
Ganhati    chupati    apatti   thullaccayena   dukkatassa   .   itthi   ca
puriso   ca   ubhinnam   tiracchanagatasanni   saratto   ca   bhikkhu   ca  nam
ubhinnam   kayena   kayam   amasati   paramasati   .pe.   ganhati  chupati
apatti thullaccayena dukkatassa.
     {384.2}  Itthi  ca  tiracchanagato  ca ubhinnam itthisanni saratto ca
bhikkhu  ca  nam  ubhinnam  kayena  kayam amasati paramasati .pe. Ganhati chupati
apatti   sanghadisesena  dukkatassa  .  itthica  tiracchanagato  ca  ubhinnam
vematiko  saratto  ca  bhikkhu  ca nam ubhinnam kayena kayam amasati paramasati
.pe.   ganhati   chupati   apatti  thullaccayena  dukkatassa  .  itthi  ca
tiracchanagato   ca   ubhinnam   pandakasanni   saratto   ca   bhikkhu  ca  nam
ubhinnam   kayena   kayam   amasati   paramasati   .pe.   ganhati  chupati
apatti   thullaccayena   dukkatassa   .   itthi   ca   tiracchanagato   ca
ubhinnam   purisasanni   saratto   ca  bhikkhu  ca  nam  ubhinnam  kayena  kayam
Amasati    paramasati   .pe.   ganhati   chupati   apatti   thullaccayena
dukkatassa   .   itthi   ca   tiracchanagato   ca  ubhinnam  tiracchanagatasanni
saratto   ca   bhikkhu  ca  nam  ubhinnam  kayena  kayam  amasati  paramasati
.pe. Ganhati chupati apatti thullaccayena dukkatassa.
     {384.3}   Pandako  ca  puriso  ca  ubhinnam  pandakasanni  saratto
ca  bhikkhu  ca  nam  ubhinnam  kayena  kayam  amasati paramasati .pe. Ganhati
chupati   apatti   thullaccayena   dukkatassa   .   pandako  ca  puriso  ca
ubhinnam   vematiko   .pe.   apatti   dvinnam   dukkatanam   .  pandako
ca   puriso   ca   ubhinnam   purisasanni   .pe.   pandako  ca  puriso  ca
ubhinnam   tiracchanagatasanni   .pe.   pandako   ca   puriso   ca   ubhinnam
itthisanni    saratto   ca   bhikkhu   ca   nam   ubhinnam   kayena   kayam
amasati    paramasati    .pe.    ganhati    chupati    apatti   dvinnam
dukkatanam.
     {384.4}   Pandako   ca   tiracchanagato   ca  ubhinnam  pandakasanni
saratto   ca   bhikkhu  ca  nam  ubhinnam  kayena  kayam  amasati  paramasati
.pe.    ganhati    chupati    apatti    thullaccayena    dukkatassa  .
Pandako   ca   tiracchanagato   ca   ubhinnam   vematiko   .pe.  pandako
ca    tiracchanagato    ca    ubhinnam   purisasanni   .pe.   pandako   ca
tiracchanagato    ca    ubhinnam   tiracchanagatasanni   .pe.   pandako   ca
tiracchanagato   ca   ubhinnam   itthisanni   saratto   ca   bhikkhu   ca  nam
ubhinnam   kayena   kayam   amasati   paramasati   .pe.   ganhati  chupati
Apatti dvinnam dukkatanam.
     {384.5}  Puriso  ca  tiracchanagato  ca  ubhinnam purisasanni saratto
ca  bhikkhu  ca  nam  ubhinnam  kayena  kayam  amasati paramasati .pe. Ganhati
chupati  apatti  dvinnam  dukkatanam  .  puriso  ca  tiracchanagato  ca ubhinnam
vematiko   .pe.  puriso  ca  tiracchanagato  ca  ubhinnam  tiracchanagatasanni
.pe.  puriso  ca  tiracchanagato  ca  ubhinnam  itthisanni  .pe.  puriso ca
tiracchanagato  ca  ubhinnam  pandakasanni  saratto  ca  bhikkhu  ca  nam  ubhinnam
kayena   kayam   amasati   paramasati   .pe.   ganhati  chupati  apatti
dvinnam dukkatanam 1-.
     [385]  Itthi  ca  hoti  itthisanni  saratto ca bhikkhu ca nam itthiya
kayena    kayapatibaddham   amasati   paramasati   .pe.   ganhati   chupati
apatti thullaccayassa.
     {385.1}  Dve  itthiyo  dvinnam  itthisanni saratto ca bhikkhu ca nam
dvinnam  itthinam  kayena  kayapatibaddham  amasati  paramasati  .pe.  ganhati
chupati apatti dvinnam thullaccayanam.
     {385.2}  Itthi  ca  pandako  ca  ubhinnam  itthisanni  saratto  ca
bhikkhu   ca   nam  ubhinnam  kayena  kayapatibaddham  amasati  paramasati  .pe.
Ganhati chupati apatti thullaccayena dukkatassa.
     {385.3}  Itthi  ca  hoti itthisanni saratto ca bhikkhu ca nam itthiya
kayapatibaddhena    kayam   amasati   paramasati   .pe.   ganhati   chupati
@Footnote: 1 ito param Yu. Ma. potthakesu dumulakanti dissati.
Apatti thullaccayassa.
     {385.4}   Dve   itthiyo   dvinnam  itthinam  itthisanni  saratto
ca   bhikkhu   ca   nam   dvinnam   itthinam   kayapatibaddhena   kayam  amasati
paramasati .pe. Ganhati chupati apatti dvinnam thullaccayanam.
     {385.5}   Itthi   ca   pandako  ca  ubhinnam  itthisanni  saratto
ca   bhikkhu   ca   nam   ubhinnam   kayapatibaddhena  kayam  amasati  paramasati
.pe. Ganhati chupati apatti thullaccayena dukkatassa.
     {385.6}  Itthi  ca  hoti itthisanni saratto ca bhikkhu ca nam itthiya
kayapatibaddhena    kayapatibaddham    amasati   paramasati   .pe.   ganhati
chupati apatti dukkatassa.
     {385.7}   Dve   itthiyo   dvinnam  itthinam  itthisanni  saratto
ca   bhikkhu   ca  nam  dvinnam  itthinam  kayapatibaddhena  kayapatibaddham  amasati
paramasati .pe. Ganhati chupati apatti dvinnam dukkatanam.
     {385.8}   Itthi   ca   pandako  ca  ubhinnam  itthisanni  saratto
ca    bhikkhu   ca   nam   ubhinnam   kayapatibaddhena   kayapatibaddham   amasati
paramasati .pe. Ganhati chupati apatti dvinnam dukkatanam.
     {385.9}  Itthi  ca  hoti itthisanni saratto ca bhikkhu ca nam itthiya
nissaggiyena kayam amasati paramasati 1- apatti dukkatassa.
     {385.10}  Dve  itthiyo  dvinnam  itthinam  itthisanni  saratto ca
bhikkhu  ca  nam  dvinnam  itthinam  nissaggiyena  kayam amasati paramasati apatti
@Footnote: 1 Yu. potthake ayam patho na dissati. evam sabbasmim idise thane datthabbam.
Dvinnam dukkatanam.
     {385.11}  Itthi  ca  pandako  ca  ubhinnam  itthisanni  saratto ca
bhikkhu  ca  nam  ubhinnam  nissaggiyena  kayam  amasati paramasati apatti dvinnam
dukkatanam.
     {385.12}  Itthi  ca hoti itthisanni saratto ca bhikkhu ca nam itthiya
nissaggiyena kayapatibaddham amasati paramasati apatti dukkatassa.
     {385.13}  Dve  itthiyo  dvinnam  itthinam  itthisanni  saratto ca
bhikkhu  ca  nam  dvinnam  itthinam  nissaggiyena  kayapatibaddham  amasati paramasati
apatti dvinnam dukkatanam.
     {385.14}  Itthi  ca  pandako ca ubhinnam itthisanni saratto ca bhikkhu
ca   nam   ubhinnam   nissaggiyena  kayapatibaddham  amasati  paramasati  apatti
dvinnam dukkatanam.
     {385.15}  Itthi  ca hoti itthisanni saratto ca bhikkhu ca nam itthiya
nissaggiyena nissaggiyam amasati paramasati apatti dukkatassa.
     {385.16}  Dve  itthiyo dvinnam itthinam itthisanni saratto ca bhikkhu
ca  nam  dvinnam  itthinam  nissaggiyena  nissaggiyam  amasati  paramasati apatti
dvinnam dukkatanam.
     {385.17}  Itthi  ca  pandako  ca  ubhinnam  itthisanni  saratto ca
bhikkhu  ca  nam  ubhinnam  nissaggiyena  nissaggiyam  amasati  paramasati  apatti
dvinnam dukkatanam.
                           Bhikkhupeyyalo nitthito.
     [386]   Itthi   ca  hoti  itthisanni  saratto  ca  itthi  ca  nam
bhikkhussa    kayena    kayam    amasati   paramasati   omasati   ummasati
olangheti     ullangheti     akaddhati     patikaddhati     abhinigganhati
Abhinippileti   ganhati   chupati   sevanadhippayo  kayena  vayamati  phassam
pativijanati apatti sanghadisesassa.
     {386.1}  Dve itthiyo dvinnam itthinam itthisanni saratto ca itthiyo
ca  nam  bhikkhussa  kayena  kayam  amasanti  paramasanti  omasanti ummasanti
olanghenti    ullanghenti    akaddhanti    patikaddhanti    abhinigganhanti
abhinippilenti    ganhanti   chupanti   sevanadhippayo   kayena   vayamati
phassam pativijanati apatti dvinnam sanghadisesanam.
     {386.2}  Itthi  ca  pandako  ca ubhinnam itthisanni saratto ca ubho
ca   nam   bhikkhussa  kayena  kayam  amasanti  paramasanti  .pe.  ganhanti
chupanti   sevanadhippayo   kayena  vayamati  phassam  pativijanati  apatti
sanghadisesena dukkatassa.
     {386.3}  Itthi  ca  hoti itthisanni saratto ca itthi ca nam bhikkhussa
kayena  kayapatibaddham amasati paramasati .pe. Ganhati chupati sevanadhippayo
kayena vayamati phassam pativijanati apatti thullaccayassa.
     {386.4}  Dve itthiyo dvinnam itthinam itthisanni saratto ca itthiyo
ca  nam  bhikkhussa  kayena  kayapatibaddham  amasanti paramasanti .pe. Ganhanti
chupanti  sevanadhippayo  kayena  vayamati phassam pativijanati apatti dvinnam
thullaccayanam.
     {386.5}  Itthi  ca pandako ca ubhinnam itthisanni saratto ca ubho ca
nam  bhikkhussa  kayena  kayapatibaddham  amasanti  paramasanti  .pe.  ganhanti
chupanti   sevanadhippayo   kayena  vayamati  phassam  pativijanati  apatti
thullaccayena dukkatassa.
     {386.6}  Itthi  ca  hoti itthisanni saratto ca itthi ca nam bhikkhussa
kayapatibaddhena    kayam   amasati   paramasati   .pe.   ganhati   chupati
sevanadhippayo    kayena    vayamati    phassam   pativijanati   apatti
thullaccayassa.
     {386.7}   Dve   itthiyo   dvinnam  itthinam  itthisanni  saratto
ca  itthiyo  ca  nam  bhikkhussa  kayapatibaddhena  kayam  amasanti  paramasanti
.pe.   ganhanti   chupanti   sevanadhippayo   kayena   vayamati   phassam
pativijanati apatti dvinnam thullaccayanam.
     {386.8}   Itthi   ca   pandako  ca  ubhinnam  itthisanni  saratto
ca  ubho  ca  nam  bhikkhussa  kayapatibaddhena kayam amasanti paramasanti .pe.
Ganhanti   chupanti   sevanadhippayo  kayena  vayamati  phassam  pativijanati
apatti thullaccayena dukkatassa.
     {386.9}  Itthi  ca  hoti itthisanni saratto ca itthi ca nam bhikkhussa
kayapatibaddhena    kayapatibaddham    amasati   paramasati   .pe.   ganhati
chupati   sevanadhippayo   kayena   vayamati  phassam  pativijanati  apatti
dukkatassa.
     {386.10}   Dve   itthiyo  dvinnam  itthinam  itthisanni  saratto
ca   itthiyo   ca   nam   bhikkhussa  kayapatibaddhena  kayapatibaddham  amasanti
paramasanti    .pe.    ganhanti    chupanti    sevanadhippayo   kayena
vayamati phassam pativijanati apatti dvinnam dukkatanam.
     {386.11}  Itthi  ca  pandako ca ubhinnam itthisanni saratto ca ubho
ca  nam  bhikkhussa  kayapatibaddhena  kayapatibaddham  amasanti  paramasanti .pe.
Ganhanti   chupanti   sevanadhippayo  kayena  vayamati  phassam  pativijanati
Apatti dvinnam dukkatanam.
     {386.12}  Itthi  ca  hoti  itthisanni  saratto  ca  itthi  ca nam
bhikkhussa    nissaggiyena    kayam   amasati   paramasati   sevanadhippayo
kayena vayamati phassam pativijanati apatti dukkatassa.
     {386.13} Dve itthiyo dvinnam itthinam itthisanni saratto ca itthiyo
ca  nam  bhikkhussa  nissaggiyena  kayam  amasanti  paramasanti sevanadhippayo
kayena vayamati phassam pativijanati apatti dvinnam dukkatanam.
     {386.14}  Itthi  ca  pandako ca ubhinnam itthisanni saratto ca ubho
ca  nam  bhikkhussa  nissaggiyena  kayam  amasanti  paramasanti sevanadhippayo
kayena vayamati phassam pativijanati apatti dvinnam dukkatanam.
     {386.15}  Itthi ca hoti itthisanni saratto ca  itthi ca nam bhikkhussa
nissaggiyena   kayapatibaddham   amasati  paramasati  sevanadhippayo  kayena
vayamati phassam pativijanati apatti dukkatassa.
     {386.16}  Dve  itthiyo  dvinnam  itthinam  itthisanni  saratto ca
itthiyo  ca  nam  bhikkhussa  nissaggiyena  kayapatibaddham  amasanti  paramasanti
sevanadhippayo   kayena   vayamati  phassam  pativijanati  apatti  dvinnam
dukkatanam.
     {386.17}   Itthi   ca  pandako  ca  ubhinnam  itthisanni  saratto
ca    ubho   ca   nam   bhikkhussa   nissaggiyena   kayapatibaddham   amasanti
paramasanti    sevanadhippayo   kayena   vayamati   phassam   pativijanati
apatti dvinnam dukkatanam.
     {386.18}  Itthi  ca  hoti  itthisanni  saratto  ca  itthi  ca nam
bhikkhussa       nissaggiyena      nissaggiyam      amasati      paramasati
Sevanadhippayo    kayena    vayamati    phassam   pativijanati   apatti
dukkatassa.
     {386.19}   Dve   itthiyo  dvinnam  itthinam  itthisanni  saratto
ca  itthiyo  ca  nam  bhikkhussa  nissaggiyena  nissaggiyam  amasanti paramasanti
sevanadhippayo   kayena   vayamati  phassam  pativijanati  apatti  dvinnam
dukkatanam.
     {386.20}  Itthi  ca  pandako ca ubhinnam itthisanni saratto ca ubho
ca  nam  bhikkhussa  nissaggiyena nissaggiyam amasanti paramasanti sevanadhippayo
kayena vayamati phassam pativijanati apatti dvinnam dukkatanam.
     [387]   Sevanadhippayo   kayena   vayamati  phassam  pativijanati
apatti  sanghadisesassa  .  sevanadhippayo  kayena  vayamati na ca phassam
pativijanati   apatti   dukkatassa   .  sevanadhippayo  na  ca  kayena
vayamati  phassam  pativijanati  anapatti  .  sevanadhippayo  na ca kayena
vayamati  na  ca  phassam  pativijanati  anapatti . Mokkhadhippayo kayena
vayamati   phassam   pativijanati   anapatti   .  mokkhadhippayo  kayena
vayamati   na   ca  phassam  pativijanati  anapatti  .  mokkhadhippayo  na
ca   kayena  vayamati  phassam  pativijanati  anapatti  .  mokkhadhippayo
na ca kayena vayamati na ca phassam pativijanati anapatti.
     [388]   Anapatti  asancicca  asatiya  ajanantassa  asadiyantassa
ummattakassa khittacittassa vedanattassa adikammikassati.
     [389]  Mata dhita ca bhagini 1-                jaya yakkhi ca pandako
                  sutta mata tiracchana               darudhitalikaya ca
                  sampile sankamo 2- maggo           rukkho nava ca rajju ca
                  dando pattam 3- panamesi          vande vayami nacchusiti.
     [390]   Tena   kho   pana   samayena   annataro  bhikkhu  matuya
matupemena   amasati   .   tassa  kukkuccam  ahosi  kacci  nu  kho  aham
sanghadisesam   apattim  apannoti  .  bhagavato  etamattham  arocesi .
Anapatti bhikkhu sanghadisesassa apatti dukkatassati.
     {390.1}  Tena  kho  pana samayena annataro bhikkhu dhituya dhitupemena
amasati  .pe.  bhaginiya  bhaginipemena  amasati  .  tassa  kukkuccam ahosi
.pe.  bhagavato  etamattham  arocesi  .  anapatti  bhikkhu sanghadisesassa
apatti dukkatassati.
     [391]  Tena  kho  pana  samayena  annataro  bhikkhu  puranadutiyikaya
kayasamsaggam  samapajji  .  tassa  kukkuccam  ahosi  .pe. Apattim tvam bhikkhu
apanno sanghadisesanti.
     {391.1}  Tena kho pana samayena annataro bhikkhu yakkhiniya kayasamsaggam
samapajji  .  tassa  kukkuccam  ahosi  .pe. Anapatti bhikkhu sanghadisesassa
apatti   thullaccayassati  .   tena  kho  pana  samayena  annataro  bhikkhu
pandakassa    kayasamsaggam    samapajji    .    tassa    kukkuccam   ahosi
@Footnote: 1 Yu. Ma. mata dhita bhagini ca. 2 Ra. sankame. 3 Ra. pattena.
.pe.   Anapatti   bhikkhu   sanghadisesassa   apatti  thullaccayassati .
Tena   kho   pana   samayena   annataro   bhikkhu   suttitthiya  kayasamsaggam
samapajji   .   tassa   kukkuccam   ahosi   .pe.   apattim  tvam  bhikkhu
apanno   sanghadisesanti   .   tena   kho   pana   samayena  annataro
bhikkhu  matitthiya  kayasamsaggam  samapajji  .  tassa  kukkuccam  ahosi  .pe.
Anapatti bhikkhu sanghadisesassa apatti thullaccayassati.
     {391.2}  Tena  kho  pana samayena annataro bhikkhu tiracchanagatitthiya
kayasamsaggam  samapajji  .  tassa  kukkuccam  ahosi  .pe.  anapatti  bhikkhu
sanghadisesassa   apatti   dukkatassati   .   tena   kho  pana  samayena
annataro    bhikkhu    darudhitalikaya   kayasamsaggam   samapajji   .   tassa
kukkuccam   ahosi   .pe.   anapatti   bhikkhu   sanghadisesassa   apatti
dukkatassati.
     [392]   Tena   kho   pana  samayena  sambahula  itthiyo  annataram
bhikkhum   sampiletva   bahaparamparaya   nesum  .  tassa  kukkuccam  ahosi
.pe.   sadiyasi   tvam   bhikkhuti   .   naham   bhagava   sadiyamiti  .
Anapatti bhikkhu asadiyantassati.
     [393]   Tena   kho   pana   samayena   annataro  bhikkhu  itthiya
abhirulham   sankamam   saratto   sancalesi   .   tassa   kukkuccam  ahosi
.pe. Anapatti bhikkhu sanghadisesassa apatti dukkatassati.
     [394]  Tena  kho  pana  samayena  annataro  bhikkhu  itthim  patipathe
Passitva   saratto   amsakutena   paharam   adasi   .   tassa  kukkuccam
ahosi .pe. Apattim tvam bhikkhu apanno sanghadisesanti.
     [395]   Tena   kho   pana   samayena   annataro  bhikkhu  itthiya
abhirulham   rukkham   saratto   sancalesi   .   tassa   kukkuccam   ahosi
.pe. Anapatti bhikkhu sanghadisesassa apatti dukkatassati.
     [396]   Tena   kho   pana   samayena   annataro  bhikkhu  itthiya
abhirulham   navam   saratto   sancalesi   .   tassa   kukkuccam   ahosi
.pe. Anapatti bhikkhu sanghadisesassa apatti dukkatassati.
     [397]  Tena  kho  pana  samayena  annataro  bhikkhu  itthiya  gahitam
rajjum   saratto   avinji  .  tassa  kukkuccam  ahosi  .pe.  anapatti
bhikkhu   sanghadisesassa   apatti   thullaccayassati   .   tena  kho  pana
samayena   annataro   bhikkhu  itthiya  gahitam  dandam  saratto  avinji .
Tassa    kukkuccam    ahosi   .pe.   anapatti   bhikkhu   sanghadisesassa
apatti thullaccayassati.
     [398]  Tena  kho  pana  samayena  annataro  bhikkhu  saratto itthim
pattena   panamesi   .  tassa  kukkuccam  ahosi  .pe.  anapatti  bhikkhu
sanghadisesassa apatti thullaccayassati.
     {398.1}  Tena  kho pana samayena annataro bhikkhu itthiya vandantiya
saratto  padam  uccaresi  .  tassa  kukkuccam  ahosi .pe. Apattim tvam
bhikkhu   apanno  sanghadisesanti  .  tena  kho  pana  samayena  annataro
Bhikkhu   itthim   gahessamiti   vayamitva   na   chupi   .  tassa  kukkuccam
ahosi   kacci   nu   kho   aham   sanghadisesam   apattim  apannoti .
Bhagavato   etamattham   arocesi   .   anapatti   bhikkhu  sanghadisesassa
apatti dukkatassati.
                          Dutiyasanghadisesam nitthitam.
                                      ---------



             The Pali Tipitaka in Roman Character Volume 1 page 251-272. https://84000.org/tipitaka/read/roman_read.php?B=1&A=4953&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=1&A=4953&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=1&item=377&items=22              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=1&siri=39              Study Atthakatha :- https://84000.org/tipitaka/attha/attha.php?b=1&i=375              The Pali Atthakatha in Thai :- https://84000.org/tipitaka/atthapali/read_th.php?B=2&A=415              The Pali Atthakatha in Roman :- https://84000.org/tipitaka/atthapali/read_rm.php?B=2&A=415              Contents of The Tipitaka Volume 1 https://84000.org/tipitaka/read/?index_1 https://84000.org/tipitaka/english/?index_1

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]