ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 1 : PALI ROMAN Vinaya Pitaka Vol 1 : Vinaya. Mahāvi (1)

     [126] Rajakehi pancakkhata         caturottharanehi ca
         andhakarena ve 1- panca         panca haranakena ca
         niruttiya pancakkhata           vatehi apare duve
         asambhinne kusapato            jantagharena 2- saha dasa
         vighasehi pancakkhata           panca ceva amulaka
         dubbhikkhe kuramamsanca              puvasakkhalimodaka
@Footnote: 1 tetipi patho. 2 Yu. Ma. jantagghena.
         Saparikkharathavika                   bhisivamsa 1- na nikkhama 2-
         khadaniyanca vissasam              sasannayapare duve
         satta navaharamati               satta ceva avaharum
         sanghassa avaharum satta             pupphehi apare duve
         tayo ca vuttavadino               mani tini atikkame
         sukara ca miga maccha              yanancapi pavattayi
         duve pesi duve daru                pamsukulam duve daka
         anupubbavidhanena                  tadanno na paripurayi
         savatthiya caturo mutthi           dve vighasa duve tina
         sanghassa bhajaye satta            satta ceva asamika
                darudaka mattika dve tinani
                sanghassa satta avahasi seyyam
                sassamikam na capi nihareyya
                hareyya sassamikam tavakalikam
         campa rajagahe ceva              vesaliya ca ajjuko
         baranasi ca kosambi             sagala dalhikena cati.
     [127]   Tena   kho  pana  samayena  chabbaggiya  bhikkhu  rajakattharanam
gantva   rajakabhandikam   avaharimsu   .   tesam   kukkuccam   ahosi  bhagavata
sikkhapadam    pannattam    kacci    nu    kho   mayam   parajikam   apattim
@Footnote: 1 Ra. bhisivamso. 2 Yu. Ma. na nikkhame.
Apannati   .   bhagavato   etamattham   arocesum   .  apattim  tumhe
bhikkhave apanna parajikanti.
     [128]   Tena   kho   pana  samayena  annataro  bhikkhu  rajakattharanam
gantva   mahaggham   dussam   passitva   theyyacittam   uppadesi  .  tassa
kukkuccam   ahosi  kacci  nu  kho  aham  parajikam  apattim  apannoti .
Bhagavato  etamattham  arocesi  .  anapatti  bhikkhu  cittuppadeti. Tena
kho   pana   samayena  annataro  bhikkhu  rajakattharanam  gantva  mahaggham  dussam
passitva   theyyacitto   amasi   .   tassa   kukkuccam   ahosi  .pe.
Anapatti   bhikkhu   parajikassa   apatti   dukkatassati   .  tena  kho
pana   samayena   annataro   bhikkhu   rajakattharanam   gantva   mahaggham  dussam
passitva   theyyacitto   phandapesi   .  tassa  kukkuccam  ahosi  .pe.
Anapatti   bhikkhu   parajikassa   apatti  thullaccayassati  .  tena  kho
pana   samayena   annataro   bhikkhu   rajakattharanam   gantva   mahaggham  dussam
passitva   theyyacitto   thana   cavesi   .   tassa  kukkuccam  ahosi
.pe. Apattim tvam bhikkhu apanno parajikanti.
     [129]   Tena   kho  pana  samayena  annataro  pindacariko  bhikkhu
mahaggham    uttarattharanam   passitva   theyyacittam   uppadesi   .   tassa
kukkuccam   ahosi   .pe.  anapatti  bhikkhu  cittuppadeti  .  tena  kho
pana    samayena   annataro   pindacariko   bhikkhu   mahaggham   uttarattharanam
passitva   theyyacitto   amasi   .pe.   anapatti  bhikkhu  parajikassa
Apatti    dukkatassati    .pe.    theyyacitto    phandapesi   .pe.
Anapatti    bhikkhu    parajikassa    apatti    thullaccayassati   .pe.
Theyyacitto   thana   cavesi   .   tassa   kukkuccam   ahosi   .pe.
Apattim tvam bhikkhu apanno parajikanti.
     [130]   Tena   kho  pana  samayena  annataro  bhikkhu  diva  bhandam
passitva   nimittam   akasi  rattim  avaharissamiti  .  so  tam  mannamano
tam   avahari   .   tassa   kukkuccam   ahosi  .pe.  apattim  tvam  bhikkhu
apanno   parajikanti   .pe.   tam   mannamano  annam  avahari  .pe.
Annam    mannamano    tam   avahari   .pe.   annam   mannamano   annam
avahari   .pe.   tassa   kukkuccam   ahosi   .pe.  apattim  tvam  bhikkhu
apanno   parajikanti   .   tena  kho  pana  samayena  annataro  bhikkhu
diva    bhandam   passitva   nimittam   akasi   rattim   avaharissamiti  .
So  tam  1-  mannamano  attano  bhandam  avahari  .  tassa kukkuccam ahosi
.pe. Anapatti bhikkhu parajikassa apatti dukkatassati.
     [131]  Tena  kho  pana  samayena  annataro  bhikkhu  annassa  bhandam
haranto   sise   bharam   theyyacitto   amasi   .pe.  anapatti  bhikkhu
parajikassa   apatti   dukkatassati   .pe.   theyyacitto   phandapesi
.pe.   anapatti   bhikkhu   parajikassa  apatti  thullaccayassati  .pe.
Theyyacitto   khandham   oropesi   .pe.  apattim  tvam  bhikkhu  apanno
@Footnote: 1 Yu. Ma. annam.
Parajikanti    .pe.    khandhe   bharam   theyyacitto   amasi   .pe.
Theyyacitto   phandapesi   .pe.   theyyacitto  katim  oropesi  .pe.
Katiya   bharam   theyyacitto   amasi   .pe.   theyyacitto  phandapesi
.pe.  theyyacitto  hatthena  aggahesi  .pe.  hatthe  bharam theyyacitto
bhumiyam   nikkhipi  .pe.  theyyacitto  bhumito  aggahesi  .  tassa  kukkuccam
ahosi .pe. Apattim tvam bhikkhu apanno parajikanti.
     [132]  Tena  kho  pana  samayena  annataro bhikkhu ajjhokase civaram
pattharitva   viharam   pavisi   .  annataro  bhikkhu  mayidam  civaram  nassiti
patisamesi   .   so   nikkhamitva   tam   bhikkhum   pucchi   avuso  mayham
civaram   kena   avahatanti   .   so  evamaha  maya  avahatanti  .  so
tam   adiyi   assamanosi   tvanti   .   tassa   kukkuccam  ahosi  .pe.
Kimcitto   tvam  bhikkhuti  .  niruttipatho  aham  bhagavati  .  anapatti  bhikkhu
niruttipatheti.
     {132.1}  Tena  kho  pana  samayena  annataro  bhikkhu  pithe  civaram
nikkhipitva   .pe.   pithe   nisidanam   nikkhipitva   .pe.   hetthapithe
pattam   nikkhipitva   viharam   pavisi   .  annataro  bhikkhu  mayam  patto
nassiti   patisamesi   .   so   nikkhamitva   tam   bhikkhum  pucchi  avuso
mayham   patto   kena  avahatoti  .  so  evamaha  maya  avahatoti .
So   tam   adiyi  assamanosi  tvanti  .  tassa  kukkuccam  ahosi  .pe.
Anapatti bhikkhu niruttipatheti.
     {132.2}    Tena    kho    pana   samayena   annatara   bhikkhuni
vatiya    civaram   pattharitva   viharam   pavisi   .   annatara   bhikkhuni
Mayidam   civaram   nassiti   patisamesi   .   sa   nikkhamitva  tam  bhikkhunim
pucchi   ayye   mayham   civaram  kena  avahatanti  .  sa  evamaha  maya
avahatanti   .   sa   tam  adiyi  assamanisi  tvanti  .  tassa  kukkuccam
ahosi   .   athakho   sa   bhikkhuni   bhikkhuninam  etamattham  arocesi .
Bhikkhuniyo   bhikkhunam   etamattham   arocesum  .  bhikkhu  bhagavato  etamattham
arocesum. Anapatti bhikkhave niruttipatheti.
     [133]  Tena  kho  pana  samayena  annataro  bhikkhu  vatamandalikaya
ukkhittam   satakam   passitva  samikanam  dassamiti  aggahesi  .  samika
tam  bhikkhum  codesum  assamanosi  tvanti  .  tassa  kukkuccam  ahosi  .pe.
Kimcitto  tvam  bhikkhuti  .  atheyyacitto  aham  bhagavati  .  anapatti bhikkhu
atheyyacittassati.
     {133.1}  Tena  kho  pana  samayena  annataro bhikkhu vatamandalikaya
ukkhittam   vethanam   pure   samika  passantiti  theyyacitto  aggahesi .
Samika  tam  bhikkhum  codesum  assamanosi  tvanti  .  tassa  kukkuccam ahosi
.pe.  kimcitto  tvam  bhikkhuti  .  theyyacitto  aham bhagavati. Apattim tvam
bhikkhu apanno parajikanti.
     [134]   Tena   kho   pana   samayena   annataro   bhikkhu  susanam
gantva   abhinne   sarire   pamsukulam   aggahesi   .   tasmim  ca  sarire
peto   adhivattho   hoti  .  athakho  so  peto  tam  bhikkhum  etadavoca
ma   bhante   mayham   satakam   aggahesiti   .  so  bhikkhu  anadiyanto
Aggahesi  1-  .  athakho  tam  sariram  utthahitva  tassa  bhikkhuno  pitthito
pitthito   anubandhi   .   athakho   so   bhikkhu  viharam  pavisitva  dvaram
thakesi   .   athakho   tam   sariram   tattheva   paripati  .  tassa  kukkuccam
ahosi    .pe.    anapatti   bhikkhu   parajikassa   na   ca   bhikkhave
abhinne    sarire    pamsukulam    gahetabbam    yo    ganheyya   apatti
dukkatassati.
     [135]  Tena  kho  pana  samayena  annataro  bhikkhu  sanghassa civare
bhajiyamane   theyyacitto  kusam  sankametva  civaram  aggahesi  .  tassa
kukkuccam ahosi .pe. Apattim tvam bhikkhu apanno parajikanti.
     [136]  Tena  kho  pana  samayena  ayasma  anando  jantaghare
annatarassa   bhikkhuno   antaravasakam   attano   mannamano  nivasesi .
Athakho   so   bhikkhu   ayasmantam   anandam  etadavoca  kissa  me  tvam
avuso  ananda  antaravasakam  nivasesiti  .  sakasanni  aham  avusoti.
Bhagavato etamattham arocesum. Anapatti bhikkhave sakasannissati.
     [137]   Tena  kho  pana  samayena sambahula bhikkhu gijjhakuta pabbata
orohanta   sihavighasam   passitva   pacapetva   paribhunjimsu   .  tesam
kukkuccam   ahosi   .   bhagavato   etamattham   arocesum   .  anapatti
bhikkhave   sihavighaseti   .   tena   kho  pana  samayena  sambahula  bhikkhu
gijjhakuta    pabbata    orohanta    byagghavighasam   passitva   .pe.
@Footnote: 1 Yu. Ma. agamasi.
Dipivighasam     passitva    .pe.    taracchavighasam    passitva    .pe.
Kokavighasam    passitva   pacapetva   paribhunjimsu   .   tesam   kukkuccam
ahosi .pe. Anapatti bhikkhave tiracchanagatapariggaheti.
     [138]  Tena  kho  pana  samayena  annataro  bhikkhu sanghassa odane
bhajiyamane   aparassa   bhagam   dehiti   amulakam   aggahesi   .   tassa
kukkuccam    ahosi    .pe.   anapatti   bhikkhu   parajikassa   apatti
sampajanamusavade    pacittiyassati   .   tena   kho   pana   samayena
annataro   bhikkhu   sanghassa   khadaniye   bhajiyamane   .pe.   sanghassa
puve   bhajiyamane   .pe.   sanghassa   ucchumhi   bhajiyamane   .pe.
Sanghassa    timbarusake   bhajiyamane   aparassa   bhagam   dehiti   amulakam
aggahesi    .    tassa   kukkuccam   ahosi   .pe.   anapatti   bhikkhu
parajikassa apatti sampajanamusavade pacittiyassati.
     [139]  Tena  kho  pana samayena annataro bhikkhu dubbhikkhe odaniyagharam
pavisitva   pattapuram   odanam   theyyacitto   avahari   .  tassa  kukkuccam
ahosi   .pe.   apattim   tvam  bhikkhu  apanno  parajikanti  .  tena
kho   pana   samayena   annataro   bhikkhu   dubbhikkhe   sunagharam   pavisitva
pattapuram   mamsam   theyyacitto   avahari  .  tassa  kukkuccam  ahosi  .pe.
Apattim   tvam   bhikkhu   apanno   parajikanti   .   tena   kho  pana
samayena   annataro   bhikkhu   dubbhikkhe   puvagharam  pavisitva  pattapuram  puvam
theyyacitto   avahari   .pe.   pattapura  sakkhaliyo  theyyacitto  avahari
.pe.   Pattapure   modake   theyyacitto   avahari   .  tassa  kukkuccam
ahosi .pe. Apattim tvam bhikkhu apanno parajikanti.
     [140]  Tena  kho  pana  samayena  annataro  bhikkhu  diva parikkharam
passitva   nimittam   akasi  rattim  avaharissamiti  .  so  tam  mannamano
tam   avahari   .pe.   tam   mannamano   annam   avahari   .pe.   annam
mannamano   tam   avahari   .pe.   annam   mannamano  annam  avahari .
Tassa    kukkuccam    ahosi   .pe.   apattim   tvam   bhikkhu   apanno
parajikanti   .   tena   kho   pana   samayena   annataro  bhikkhu  diva
parikkharam   passitva   nimittam   akasi   rattim   avaharissamiti   .  so
tam   1-   mannamano   attano   parikkharam   avahari  .  tassa  kukkuccam
ahosi .pe. Anapatti bhikkhu parajikassa apatti dukkatassati.
     [141]  Tena  kho  pana  samayena  annataro  bhikkhu  pithe 2- thavikam
passitva    ito   ganhanto   parajiko   bhavissamiti   saha   pithakena
sankametva   aggahesi   .   tassa   kukkuccam  ahosi  .pe.  apattim
tvam bhikkhu apanno parajikanti.
     [142]   Tena  kho  pana  samayena  annataro  bhikkhu  sanghassa  bhisim
theyyacitto   avahari   .   tassa   kukkuccam   ahosi   .pe.   apattim
tvam bhikkhu apanno parajikanti.
     [143]  Tena  kho  pana  samayena  annataro  bhikkhu  civaravamse civaram
@Footnote: 1 Yu. Ma. annam. 2 Yu. Ma. pithe thapitam.
Theyyacitto   avahari   .   tassa   kukkuccam   ahosi   .pe.   apattim
tvam bhikkhu apanno parajikanti.
     [144]  Tena  kho  pana  samayena  annataro  bhikkhu  vihare  civaram
avaharitva   ito   nikkhamanto   parajiko   bhavissamiti   vihara   na
nikkhami   .   bhagavato   etamattham   arocesum  .  nikkhameyya  va  so
bhikkhave moghapuriso na va nikkhameyya apatti parajikassati.
     [145]  Tena kho pana samayena dve bhikkhu sahayaka honti eko 1-
gamam   pindaya   pavisi   dutiyo   2-  sanghassa  khadaniye  bhajiyamane
sahayakassa   bhagam   gahetva   tassa   vissasanto   paribhunji   .  so
janitva   tam   codesi   assamanosi  tvanti  .  tassa  kukkuccam  ahosi
.pe.   kimcitto   tvam   bhikkhuti   .   vissasagaho   aham  bhagavati .
Anapatti bhikkhu vissasagaheti.
     [146]   Tena   kho   pana   samayena  sambahula  bhikkhu  civarakammam
karonti  .  sanghassa  khadaniye  bhajiyamane  sabbesam  pativisa aharitva
upanikkhitta    honti    .    annataro   bhikkhu   annatarassa   bhikkhuno
pativisam   attano   mannamano   paribhunji  .  so  janitva  tam  codesi
assamanosi   tvanti   .   tassa   kukkuccam   ahosi   .pe.   anapatti
bhikkhu sakasannissati 3-.
     {146.1}    Tena    kho    pana    samayena   sambahula   bhikkhu
@Footnote: 1 Yu. eko bhikkhu. 2 sabbattha dutiyo bhikkhuti agatam. 3 Yu.
@Ma. sasannissati.
Civarakammam   karonti   .   sanghassa   khadaniye   bhajiyamane  annatarassa
bhikkhuno   pattena  annatarassa  bhikkhuno  pativiso  aharitva  upanikkhitto
hoti   .   pattasamiko   bhikkhu   attano  mannamano  paribhunji  .  so
janitva    tam    codesi   assamanosi   tvanti   .   tassa   kukkuccam
ahosi .pe. Anapatti bhikkhu sakasannissati.
     [147]   Tena  kho  pana  samayena  ambacoraka  ambam  patetva
bhandikam  adaya  agamamsu  .  samika  te  corake  anubandhimsu . Coraka
samike    passitva    bhandikam   patetva   palayimsu   .   bhikkhu   tam
pamsukulasannino   patiggahapetva   paribhunjimsu   .   samika   te   bhikkhu
codesum   assamanattha   tumheti  .  tesam  kukkuccam  ahosi  .  bhagavato
etamattham   arocesum   .  kimcitta  tumhe  bhikkhaveti  .  pamsukulasannino
mayam bhagavati. Anapatti bhikkhave pamsukulasannissati.
     {147.1} Tena kho pana samayena jambucoraka .pe. Labujacoraka .pe.
Panasacoraka .pe. Talapakkacoraka .pe. Ucchucoraka .pe. Timbarusakacoraka
timbarusake  uccinitva  bhandikam  adaya  agamamsu  .  samika  te corake
anubandhimsu  .  coraka  samike  passitva  bhandikam  patetva  palayimsu.
Bhikkhu  tam  pamsukulasannino  patiggahapetva  paribhunjimsu  .  samika te bhikkhu
codesum  assamanattha  tumheti  .  tesam  kukkuccam  ahosi .pe. Anapatti
bhikkhave pamsukulasannissati.
     [148]   Tena  kho  pana  samayena  ambacoraka  ambam  patetva
Bhandikam   adaya   agamamsu   .   samika   te   corake  anubandhimsu .
Coraka  samike  passitva  bhandikam  patetva  palayimsu  .  bhikkhu  pure
samika   passantiti   theyyacitta   paribhunjimsu   .   samika  te  bhikkhu
codesum   assamanattha   tumheti   .   tesam   kukkuccam   ahosi  .pe.
Apattim tumhe bhikkhave apanna parajikanti.
     {148.1}  Tena  kho  pana  samayena jambucoraka .pe. Labujacoraka
.pe.  panasacoraka  .pe.  talapakkacoraka  .pe.  ucchucoraka  .pe.
Timbarusakacoraka   timbarusake   uccinitva   bhandikam   adaya  agamamsu .
Samika  te  corake  anubandhimsu  .  coraka  samike  passitva  bhandikam
patetva   palayimsu   .   bhikkhu  pure  samika  passantiti  theyyacitta
paribhunjimsu  .  samika  te  bhikkhu  codesum  assamanattha  tumheti. Tesam
kukkuccam ahosi .pe. Apattim tumhe bhikkhave apanna parajikanti.
     [149]  Tena  kho  pana  samayena  annataro  bhikkhu  sanghassa  ambam
theyyacitto   avahari   .pe.   sanghassa   jambum   .pe.  sanghassa  labujam
.pe.   sanghassa   panasam   .pe.   sanghassa   talapakkam  .pe.  sanghassa
ucchum   .pe.   sanghassa   timbarusakam   theyyacitto   avahari   .   tassa
kukkuccam ahosi .pe. Apattim tvam bhikkhu apanno parajikanti.
     [150]  Tena  kho  pana samayena annataro bhikkhu puppharamam gantva
ocitam   puppham   pancamasagghanakam   theyyacitto  avahari  .  tassa  kukkuccam
ahosi   .pe.   apattim   tvam  bhikkhu  apanno  parajikanti  .  tena
Kho    pana   samayena   annataro   bhikkhu   puppharamam   gantva   puppham
ocinitva   pancamasagghanakam   theyyacitto   avahari   .   tassa  kukkuccam
ahosi .pe. Apattim tvam bhikkhu apanno parajikanti.
     [151]  Tena  kho  pana  samayena  annataro  bhikkhu gamakam gacchanto
annataram    bhikkhum    etadavoca   avuso   tuyham   upatthakakulam   vutto
vajjemiti   .   so   gantva   ekam   satakam  aharapetva  attana
paribhunji   .   so  janitva  tam  codesi  assamanosi  tvanti  .  tassa
kukkuccam   ahosi   .pe.  anapatti  bhikkhu  parajikassa  na  ca  bhikkhave
vutto vajjemiti vattabbo yo vadeyya apatti dukkatassati.
     {151.1}  Tena  kho  pana  samayena annataro bhikkhu gamakam gacchati.
Annataro   bhikkhu   tam   bhikkhum   etadavoca   avuso  mayham  upatthakakulam
vutto   vajjehiti   .   so   gantva  yugasatakam  aharapetva  ekam
attana   paribhunji   ekam   tassa   bhikkhuno   adasi  .  so  janitva
tam   codesi   assamanosi   tvanti   .   tassa  kukkuccam  ahosi  .pe.
Anapatti   bhikkhu   parajikassa   na   ca   bhikkhave   vutto   vajjehiti
vattabbo yo vadeyya apatti dukkatassati.
     {151.2}  Tena  kho  pana  samayena annataro bhikkhu gamakam gacchanto
annataram  bhikkhum  etadavoca  avuso  tuyham  upatthakakulam vutto vajjemiti.
Sopi  evamaha  vutto  vajjehiti  .  so  gantva alhakam sappim tulam gulam
donam   tandulam   aharapetva  attana  paribhunji  .  so  janitva  tam
Codesi    assamanosi   tvanti   .   tassa   kukkuccam   ahosi   .pe.
Anapatti   bhikkhu   parajikassa   na   ca   bhikkhave   vutto   vajjemiti
vattabbo    na    ca    vutto   vajjehiti   vattabbo   yo   vadeyya
apatti dukkatassati.
     [152]   Tena  kho  pana  samayena  annataro  puriso  mahaggham  manim
adaya   annatarena   bhikkhuna   saddhim   addhanamaggapatipanno   hoti .
Athakho   so   puriso  sunkatthanam  passitva  tassa  bhikkhuno  ajanantassa
thavikaya    manim   pakkhipitva   sunkatthanam   atikkamitva   aggahesi  .
Tassa   kukkuccam   ahosi  .pe.  kimcitto  tvam  bhikkhuti  .  naham  bhagava
janamiti. Anapatti bhikkhu ajanantassati.
     {152.1}  Tena  kho  pana  samayena  annataro  puriso  mahaggham manim
adaya   annatarena   bhikkhuna   saddhim   addhanamaggapatipanno   hoti .
Athakho   so  puriso  sunkatthanam  passitva  gilanalayam  karitva  attano
bhandikam   tassa   bhikkhuno   adasi   .   athakho  so  puriso  sunkatthanam
atikkamitva   tam   bhikkhum   etadavoca  ahara  me  bhante  bhandikam  naham
akallakoti   .   kissa  pana  tvam  avuso  evarupam  akasiti  .  athakho
so   puriso   tassa   bhikkhuno  etamattham  arocesi  .  tassa  kukkuccam
ahosi   .pe.   kimcitto   tvam  bhikkhuti  .  naham  bhagava  janamiti .
Anapatti   bhikkhu  ajanantassati  .  tena  kho  pana  samayena  annataro
bhikkhu    satthena    saddhim   addhanamaggapatipanno   hoti   .   annataro
Puriso    tam   bhikkhum   amisena   upalapetva   sunkatthanam   passitva
mahaggham   manim   tassa   bhikkhuno   adasi   imam   bhante  manim  sunkatthanam
atikkamehiti  .  athakho  so  bhikkhu  tam  manim  sunkatthanam  atikkamesi.
Tassa    kukkuccam    ahosi   .pe.   apattim   tvam   bhikkhu   apanno
parajikanti.
     [153]  Tena  kho  pana  samayena  annataro bhikkhu pase baddham sukaram
karunnena   munci   .   tassa   kukkuccam   ahosi  .pe.  kimcitto  tvam
bhikkhuti   .   karunnadhippayo   aham   bhagavati   .   anapatti   bhikkhu
karunnadhippayassati.
     {153.1}    Tena    kho    pana    samayena   annataro   bhikkhu
pase   baddham   sukaram   pure  samika  passantiti  theyyacitto  munci .
Tassa    kukkuccam    ahosi   .pe.   apattim   tvam   bhikkhu   apanno
parajikanti.
     {153.2}   Tena   kho   pana   samayena  annataro  bhikkhu  pase
baddham   migam   karunnena   munci   .pe.   pase   baddham   migam   pure
samika   passantiti   theyyacitto   munci  .pe.  kumine  baddhe  macche
karunnena   munci   .pe.   kumine   baddhe   macche   pure   samika
passantiti   theyyacitto   munci   .   tassa   kukkuccam   ahosi   .pe.
Apattim tvam bhikkhu apanno parajikanti.
     [154]   Tena  kho  pana  samayena  annataro  bhikkhu  yane  bhandam
passitva    ito    ganhanto    parajiko    bhavissamiti   akkamitva
pavattetva   aggahesi   .   tassa   kukkuccam   ahosi  .pe.  apattim
Tvam bhikkhu apanno parajikanti.
     [155]  Tena  kho  pana  samayena  annataro  bhikkhu kulalena ukkhittam
mamsapesim   samikanam  dassamiti  aggahesi  .  samika  tam  bhikkhum  codesum
assamanosi   tvanti   .   tassa   kukkuccam   ahosi   .pe.   anapatti
bhikkhu atheyyacittassati.
     {155.1}  Tena  kho  pana  samayena annataro bhikkhu kulalena ukkhittam
mamsapesim  pure  samika  passantiti  theyyacitto  aggahesi  .  samika tam
bhikkhum  codesum  assamanosi  tvanti  .  tassa kukkuccam ahosi .pe. Apattim
tvam bhikkhu apanno parajikanti.
     [156]  Tena  kho  pana samayena manussa ulumpam bandhitva aciravatiya
nadiya  osarenti  .  bandhane  chinne  katthani  vippakinnani  agamamsu.
Bhikkhu  pamsukulasannino  uttaresum  .  samika te bhikkhu codesum assamanattha
tumheti. Tesam kukkuccam ahosi .pe. Anapatti bhikkhave pamsukulasannissati.
     {156.1}  Tena kho pana samayena manussa ulumpam bandhitva aciravatiya
nadiya  osarenti  .  bandhane  chinne  katthani  vippakinnani  agamamsu.
Bhikkhu  pure  samika  passantiti theyyacitta uttaresum. Samika te bhikkhu
codesum  assamanattha  tumheti  .  tesam  kukkuccam  ahosi  .pe. Apattim
tumhe bhikkhave apanna parajikanti.
     [157]  Tena  kho  pana  samayena annataro gopalako rukkhe satakam
alaggetva    uccaram   agamasi   .   annataro   bhikkhu   pamsukulasanni
Aggahesi  .  athakho  so  gopalako tam bhikkhum codesi assamanosi tvanti.
Tassa kukkuccam ahosi .pe. Anapatti bhikkhu pamsukulasannissati.
     [158]  Tena  kho  pana  samayena  annatarassa bhikkhuno nadim tarantassa
rajakanam  hatthato  muttam  satakam  pade  laggam  hoti. So bhikkhu samikanam
dassamiti  aggahesi  .  samika  tam  bhikkhum  codesum  assamanosi tvanti.
Tassa kukkuccam ahosi .pe. Anapatti bhikkhu atheyyacittassati.
     {158.1}   Tena   kho   pana  samayena  annatarassa  bhikkhuno  nadim
tarantassa   rajakanam  hatthato  muttam  satakam  pade  laggam  hoti  .  so
bhikkhu   pure  samika  passantiti  theyyacitto  aggahesi  .  samika  tam
bhikkhum   codesum   assamanosi   tvanti  .  tassa  kukkuccam  ahosi  .pe.
Apattim tvam bhikkhu apanno parajikanti.
     [159]   Tena   kho   pana   samayena  annataro  bhikkhu  sappikumbhim
passitva   thokam   thokam   paribhunji   .   tassa  kukkuccam  ahosi  .pe.
Anapatti bhikkhu parajikassa apatti dukkatassati.
     [160]  Tena  kho  pana  samayena  sambahula bhikkhu samvidahitva agamamsu
bhandam   avaharissamati   .   eko   bhandam  avahari  .  te  evamahamsu
na  mayam  parajika  yo  avahato  so  parajikoti . Bhagavato etamattham
arocesum   .   apattim   tumhe   bhikkhave  apanna  parajikanti .
Tena   kho  pana  samayena  sambahula  bhikkhu  samvidahitva  bhandam  avaharitva
Bhajesum   .   tehi  bhajiyamane  ekamekassa  pativiso  na  pancamasako
puri   .   te  evamahamsu  na  mayam  parajikati  .  bhagavato  etamattham
arocesum. Apattim tumhe bhikkhave apanna parajikanti.
     [161]  Tena  kho  pana  samayena annataro bhikkhu savatthiyam dubbhikkhe
apanikassa   tandulamutthim   theyyacitto  avahari  .  tassa  kukkuccam  ahosi
.pe.   apattim  tvam  bhikkhu  apanno  parajikanti  .  tena  kho  pana
samayena   annataro   bhikkhu   savatthiyam   dubbhikkhe  apanikassa  muggamutthim
.pe.   masamutthim   .pe.   tilamutthim   theyyacitto   avahari   .  tassa
kukkuccam ahosi .pe. Apattim tvam bhikkhu apanno parajikanti.
     [162]  Tena  kho  pana  samayena  savatthiyam andhavane coraka gavim
hantva   mamsam   khaditva   sesakam   patisametva   agamamsu   .   bhikkhu
pamsukulasannino   patiggahapetva   paribhunjimsu   .   coraka   te   bhikkhu
codesum   assamanattha   tumheti   .   tesam   kukkuccam   ahosi  .pe.
Anapatti bhikkhave pamsukulasannissati.
     {162.1}  Tena  kho  pana samayena savatthiyam andhavane coraka sukaram
hantva  mamsam  khaditva  sesakam  patisametva  agamamsu  .  bhikkhu  pamsukula-
sannino   patiggahapetva   paribhunjimsu  .  coraka  te  bhikkhu  codesum
assamanattha  tumheti  .  tesam  kukkuccam  ahosi  .pe. Anapatti bhikkhave
pamsukulasannissati.
     [163]  Tena  kho  pana  samayena annataro bhikkhu tinakkhettam gantva
lutam   tinam   pancamasagghanakam   theyyacitto   avahari   .   tassa  kukkuccam
Ahosi .pe. Apattim tvam bhikkhu apanno parajikanti.
     [164]  Tena  kho  pana  samayena annataro bhikkhu tinakkhettam gantva
tinam   layitva   pancamasagghanakam  theyyacitto  avahari  .  tassa  kukkuccam
ahosi .pe. Apattim tvam bhikkhu apanno parajikanti.
     [165]  Tena  kho  pana  samayena  agantuka  bhikkhu  sanghassa ambam
bhajapetva   paribhunjimsu   .   avasika   bhikkhu   te  bhikkhu  codesum
assamanattha   tumheti  .  tesam  kukkuccam  ahosi  .  bhagavato  etamattham
arocesum  .  kimcitta  tumhe  bhikkhaveti . Paribhogatthaya mayam bhagavati.
Anapatti bhikkhave paribhogatthayati.
     {165.1}  Tena  kho  pana  samayena  agantuka bhikkhu sanghassa jambum
.pe.  sanghassa  labujam  .pe.  sanghassa  panasam  .pe.  sanghassa  talapakkam
.pe.  sanghassa  ucchum  .pe.  sanghassa timbarusakam bhajapetva paribhunjimsu.
Avasika   bhikkhu   te   bhikkhu   codesum   assamanattha   tumheti  .
Tesam kukkuccam ahosi .pe. Anapatti bhikkhave paribhogatthayati.
     [166]   Tena   kho  pana  samayena  ambapalaka  bhikkhunam  ambaphalam
denti  .  bhikkhu  gopetum  ime  issara  nayime  datunti kukkuccayanta
na  patigganhanti  .  bhagavato  etamattham  arocesum  .  anapatti bhikkhave
gopakassa   daneti   .   tena  kho  pana  samayena  jambupalaka  .pe.
Labujapalaka    .pe.   panasapalaka   .pe.   talapakkapalaka   .pe.
Ucchupalaka   .pe.   timbarusakapalaka   bhikkhunam   timbarusake  denti .
Bhikkhu   gopetum   ime   issara   nayime   datunti  kukkuccayanta  na
patigganhanti   .   bhagavato  etamattham  arocesum  .  anapatti  bhikkhave
gopakassa daneti.
     [167]  Tena  kho  pana  samayena  annataro  bhikkhu  sanghassa  darum
tavakalikam   haritva   attano   viharassa  kuddam  upatthambhesi  .  bhikkhu
tam   bhikkhum   codesum   assamanosi  tvanti  .  tassa  kukkuccam  ahosi .
Bhagavato  etamattham  arocesi  .  kimcitto  tvam  bhikkhuti  .  tavakaliko
aham bhagavati. Anapatti bhikkhu tavakaliketi.
     [168]  Tena  kho  pana  samayena  annataro  bhikkhu  sanghassa  udakam
theyyacitto  avahari  .pe.  sanghassa  mattikam  theyyacitto  avahari  .pe.
Sanghassa   munjakatinam  1-  theyyacitto  avahari  .  tassa  kukkuccam  ahosi
.pe. Apattim tvam bhikkhu apanno parajikanti.
     {168.1}  Tena  kho  pana samayena annataro bhikkhu sanghassa munjakatinam
theyyacitto  jhapesi  .  tassa  kukkuccam  ahosi  .pe.  anapatti  bhikkhu
parajikassa apatti dukkatassati.
     [169]  Tena  kho  pana  samayena  annataro  bhikkhu  sanghassa  mancam
theyyacitto   avahari   .   tassa  kukkuccam  ahosi  .pe.  apattim  tvam
bhikkhu   apanno   parajikanti   .  tena  kho  pana  samayena  annataro
bhikkhu   sanghassa   pitham   .pe.  sanghassa  bhisim  .pe.  sanghassa  bimbohanam
@Footnote: 1 Yu. Ma. punjakitam tinam.
.pe.   Sanghassa   kavatam  .pe.  sanghassa  alokasandhim  .pe.  sanghassa
gopanasim   theyyacitto   avahari   .   tassa   kukkuccam   ahosi  .pe.
Apattim tvam bhikkhu apanno parajikanti.
     [170]   Tena   kho  pana  samayena  bhikkhu  annatarassa  upasakassa
viharaparibhogam    senasanam    annatra    paribhunjanti   .   athakho   so
upasako    ujjhayati   khiyati   vipaceti   katham   hi   nama   bhaddanta
annatra   paribhogam   annatra   paribhunjissantiti   .   bhagavato   etamattham
arocesum   .   na  bhikkhave  annatra  paribhogo  annatra  paribhunjitabbo
yo paribhunjeyya apatti dukkatassati.
     {170.1}  Tena  kho pana samayena bhikkhu uposathaggampi 1- sannisajjampi
haritum  kukkuccayanta  chamayam  nisidanti  .  gattanipi  civaranipi  pamsukitani
honti  .  bhagavato  etamattham  arocesum. Anujanami bhikkhave tavakalikam
haritunti.
     [171]  Tena  kho  pana  samayena  campayam  thullanandaya  bhikkhuniya
antevasi    bhikkhuni    thullanandaya   bhikkhuniya   upatthakakulam   gantva
ayya   icchati   tekatullayagum   patunti  pacapetva  haritva  attana
paribhunji   .   sa  janitva  tam  codesi  assamanisi  tvanti  .  tassa
kukkuccam  ahosi  .  athakho  sa  bhikkhuni  bhikkhuninam  etamattham arocesi.
Bhikkhuniyo   bhikkhunam   etamattham   arocesum  .  bhikkhu  bhagavato  etamattham
arocesum  .  anapatti  bhikkhave  parajikassa apatti sampajanamusavade
@Footnote: 1 Ra. uposathaggepi.
Pacittiyassati.
     {171.1}     Tena     kho     pana     samayena     rajagahe
thullanandaya    bhikkhuniya   antevasi   bhikkhuni   thullanandaya   bhikkhuniya
upatthakakulam   gantva   ayya  icchati  madhugolakam  khaditunti  pacapetva
haritva   attana   paribhunji   .  sa  janitva  tam  codesi  assamanisi
tvanti    .   tassa   kukkuccam   ahosi   .pe.   anapatti   bhikkhave
parajikassa apatti sampajanamusavade pacittiyassati.
     [172]  Tena  kho  pana  samayena  vesaliyam  ayasmato  ajjukassa
upatthakassa   gahapatino   dve  daraka  honti  putto  ca  bhagineyyo
ca   .  athakho  so  gahapati  ayasmantam  ajjukam  etadavoca  imam  bhante
okasam   yo   imesam   dvinnam  darakanam  saddho  hoti  pasanno  tassa
acikkheyyasiti. So kalamakasi 1-.
     {172.1}  Tena  kho pana samayena tassa gahapatino bhagineyyo saddho
hoti pasanno. Athakho ayasma ajjuko tam okasam tassa darakassa acikkhi.
So  tena  sapateyyena  kutumbanca  santhapesi  dananca patthapesi. Athakho
tassa  gahapatino  putto  ayasmantam  anandam  etadavoca ko nu kho bhante
ananda  pituno  dayajjo  putto  va  bhagineyyo  vati . Putto kho
avuso  pituno  2-  dayajjoti  .  ayam  bhante  ayyo ajjuko amhakam
@Footnote: 1 yuropiyamarammapotthakesu ayamattho na dissati. amhakampana
@potthake ramannapotthake ca pannayateva. 2 matapitunantipi
@patho.
Sapateyyam   amhakam   methunakassa   acikkhiti   .   assamano   avuso
ayasma   ajjukoti  .  athakho  ayasma  ajjuko  ayasmantam  anandam
etadavoca dehi me avuso ananda vinicchayanti.
     {172.2} Tena kho pana samayena ayasma upali ayasmato ajjukassa
pakkho  hoti  .  athakho ayasma upali ayasmantam anandam etadavoca yo
nu  kho avuso ananda samikena imam okasam itthannamassa acikkhahiti 1-
vutto  tassa  acikkhati  kim  so  apajjatiti  .  na  so 2- bhante kinci
apajjati    antamaso   dukkatamattampiti   .   ayam   avuso   ayasma
ajjuko   samikena   imam   okasam   itthannamassa  acikkhahiti  vutto
tassa acikkhi anapatti avuso ayasmato ajjukassati.
     [173]  Tena  kho  pana samayena baranasiyam ayasmato pilindavacchassa
upatthakakulam  corehi  upaddutam  hoti  dve  ca  daraka  nita  honti.
Athakho  ayasma  pilindavaccho  te  darake  iddhiya anetva pasade
thapesi   .   manussa  te  darake  passitva  ayyassayam  pilindavacchassa
iddhanubhavoti    ayasmante    pilindavacche    abhippasidimsu   .   bhikkhu
ujjhayanti   khiyanti   vipacenti   katham  hi  nama  ayasma  pilindavaccho
corehi  nite  darake  anessatiti  .  bhagavato  etamattham arocesum.
Anapatti bhikkhave iddhimantassa iddhivisayeti.
@Footnote: 1 Yu. Ma. acikkhati. 2 tesu dvisupi potthakesu ayam patho
@natthi.
     [174]  Tena  kho  pana samayena dve bhikkhu sahayaka honti pandako
ca  kapilo  ca  .  eko  gamake  viharati  eko  kosambiyam  .  athakho
tassa    bhikkhuno   gamaka   kosambim   gacchantassa   antaramagge   nadim
tarantassa  sukarikanam  hatthato  mutta  medavatti  pade  lagga  hoti .
So   bhikkhu   samikanam   dassamiti   aggahesi   .   samika  tam  bhikkhum
codesum   assamanosi   tvanti   .   tam   uttinnam  annatara  gopalika
passitva   etadavoca   ehi  bhante  methunam  dhammam  patisevati  .  so
pakatiyapaham   assamanoti   tassa   methunam   dhammam  patisevitva  kosambim
gantva   bhikkhunam   etamattham   arocesi   .  bhikkhu  bhagavato  etamattham
arocesum   .   anapatti  bhikkhave  adinnadane  parajikassa  apatti
methunam dhammam samayoge parajikassati.
     [175]  Tena  kho  pana  samayena  sagalayam  ayasmato  dalhikassa
saddhivihariko   bhikkhu   anabhiratiya  pilito  apanikassa  vethanam  avaharitva
ayasmantam   dalhikam  etadavoca  assamano  aham  bhante  vibbhamissamiti .
Kim  taya  avuso  katanti  .  apanikassa  vethanam  ganhami bhanteti 1-.
Aharapetva   agghapesi   .   tam   agghapentam  na  pancamasakam  2-
@Footnote: 1 yuropiyamarammapotthakesu imassa atthassa visadisata hoti. tattha hi
@so etamattham arocesiti vuttam. amhakampana potthake ramannapotthake
@ca idisoyevattho pannayati. 2 Yu. pancamasake.
@Ma. pancamasako.
Agghati   .   anapatti   avuso  parajikassati  dhammim  katham  akasi .
So bhikkhu abhiramiti.
                   Dutiyaparajikam nitthitam.
                             ----------



             The Pali Tipitaka in Roman Character Volume 1 page 103-127. https://84000.org/tipitaka/read/roman_read.php?B=1&A=1994&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=1&A=1994&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=1&item=126&items=50              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=1&siri=21              Study Atthakatha :- https://84000.org/tipitaka/attha/attha.php?b=1&i=126              The Pali Atthakatha in Thai :- https://84000.org/tipitaka/atthapali/read_th.php?B=1&A=9590              The Pali Atthakatha in Roman :- https://84000.org/tipitaka/atthapali/read_rm.php?B=1&A=9590              Contents of The Tipitaka Volume 1 https://84000.org/tipitaka/read/?index_1 https://84000.org/tipitaka/english/?index_1

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]