[98] Pancahi bhikkhave angehi samannatatena bhikkhuna na
upasampadetabbam na nissayo databbo na samanero upatthapetabbo
na asekhena 2- silakkhandhena samannagato hoti na asekhena samadhikkhandhena
samannagato hoti na asekhena pannakkhandhena samannagato hoti
na asekhena vimuttikkhandhena samannagato hoti na asekhena
vimuttinanadassanakkhandhena samannagato hoti imehi kho bhikkhave pancahangehi
@Footnote: 1 Yu. Ra. samodhanam gato . 2 Ma. asekukhena. sabbattha evameva.
Samannagatena bhikkhuna na upasampadetabbam na nissayo databbo
na samanero upatthapetabbo.
{98.1} Pancahi bhikkhave angehi samannagatena bhikkhuna
upasampadetabbam nissayo databbo samanero upatthapetabbo
asekhena silakkhandhena samannagato hoti asekhena samadhikkhandhena
samannagato hoti asekhena pannakkhandhena samannagato hoti
asekhena vimuttikkhandhena samannagato hoti asekhena
vimuttinanadassanakkhandhena samannagato hoti imehi kho
bhikkhave pancahangehi samannagatena bhikkhuna upasampadetabbam
nissayo databbo samanero upatthapetabbo.
{98.2} Aparehipi bhikkhave pancahangehi samannagatena bhikkhuna
na upasampadetabbam na nissayo databbo na samanero
upatthapetabbo attana na asekhena silakkhandhena samannagato
hoti na param asekhe silakkhandhe samadapeta attana na asekhena
samadhikkhandhena samannagato hoti na param asekhe samadhikkhandhe
samadapeta attana na asekhena pannakkhandhena samannagato
hoti na param asekhe pannakkhandhe samadapeta attana na asekhena
vimuttikkhandhena samannagato hoti na param asekhe vimuttikkhandhe
samadapeta attana na asekhena vimuttinanadassanakkhandhena samannagato
hoti na param asekhe vimuttinanadassanakkhandhe samadapeta imehi
kho bhikkhave pancahangehi samannagatena bhikkhuna na upasampadetabbam
Na nissayo databbo na samanero upatthapetabbo.
{98.3} Pancahi bhikkhave angehi samannagatena bhikkhuna
upasampadetabbam nissayo databbo samanero upatthapetabbo
attana asekhena silakkhandhena samannagato hoti param asekhe
silakkhandhe samadapeta attana asekhena samadhikkhandhena
samannagato hoti param asekhe samadhikkhandhe samadapeta attana
asekhena pannakkhandhena samannagato hoti param asekhe
pannakkhandhe samadapeta attana asekhena vimuttikkhandhena
samannagato hoti param asekhe vimuttikkhandhe samadapeta
attana asekhena vimuttinanadassanakkhandhena samannagato
hoti param asekhe vimuttinanadassanakkhandhe samadapeta
imehi kho bhikkhave pancahangehi samannagatena bhikkhuna
upasampadetabbam nissayo databbo samanero upatthapetabbo.
{98.4} Aparehipi bhikkhave pancahangehi samannagatena bhikkhuna
na upasampadetabbam na nissayo databbo na samanero
upatthapetabbo assaddho hoti ahiriko hoti anottapi 1-
hoti kusito hoti mutthassati hoti imehi kho bhikkhave pancahangehi
samannagatena bhikkhuna na upasampadetabbam na nissayo databbo
na samanero upatthapetabbo . pancahi bhikkhave angehi
samannagatena bhikkhuna upasampadetabbam nissayo
@Footnote: 1 Yu. Ra. anottappi.
Databbo samanero upatthapetabbo saddho hoti hirima
hoti ottapi 1- hoti araddhaviriyo hoti upatthitassati
hoti imehi kho bhikkhave pancahangehi samannagatena bhikkhuna
upasampadetabbam nissayo databbo samanero upatthapetabbo.
{98.5} Aparehipi bhikkhave pancahangehi samannagatena bhikkhuna na
upasampadetabbam na nissayo databbo na samanero upatthapetabbo
adhisile silavipanno hoti ajjhacare acaravipanno hoti
atiditthiya ditthivipanno hoti appassuto hoti duppanno
hoti imehi kho bhikkhave pancahangehi samannagatena bhikkhuna
na upasampadetabbam na nissayo databbo na samanero
upatthapetabbo.
{98.6} Pancahi bhikkhave angehi samannagatena bhikkhuna
upasampadetabbam nissayo databbo samanero upatthapetabbo
na adhisile silavipanno hoti na ajjhacare acaravipanno
hoti na atiditthiya ditthivipanno hoti bahussuto hoti pannava
hoti imehi kho bhikkhave pancahangehi samannagatena bhikkhuna
upasampadetabbam nissayo databbo samanero upatthapetabbo.
{98.7} Aparehipi bhikkhave pancahangehi samannagatena bhikkhuna
na upasampadetabbam na nissayo databbo na samanero
upatthapetabbo na patibalo hoti antevasim va saddhiviharim
@Footnote: 1 Yu. Ra. ottappi.
Va gilanam upatthatum va upatthapetum va anabhiratim 1- vupakasetum
va vupakasapetum va uppannam kukkuccam dhammato vinodetum va 2-
vinodapetum 3- va 4- apattim na janati apattiya vutthanam na
janati imehi kho bhikkhave pancahangehi samannagatena bhikkhuna
na upasampadetabbam na nissayo databbo na samanero
upatthapetabbo.
{98.8} Pancahi bhikkhave angehi samannagatena bhikkhuna
upasampadetabbam nissayo databbo samanero upatthapetabbo
patibalo hoti antevasim va saddhiviharim va gilanam upatthatum va
upatthapetum va anabhiratim vupakasetum va vupakasapetum va
uppannam kukkuccam dhammato vinodetum va vinodapetum va
apattim janati apattiya vutthanam janati imehi kho bhikkhave
pancahangehi samannagatena bhikkhuna upasampadetabbam
nissayo databbo samanero upatthapetabbo.
{98.9} Aparehipi bhikkhave pancahangehi samannagatena
bhikkhuna na upasampadetabbam na nissayo databbo na samanero
upatthapetabbo na patibalo hoti antevasim va saddhiviharim va
abhisamacarikaya sikkhaya sikkhapetum adibrahmacariyakaya sikkhaya vinetum
abhidhamme vinetum abhivinaye vinetum uppannam ditthigatam dhammato vivecetum
imehi kho bhikkhave pancahangehi samannagatena bhikkhuna na upasampadetabbam
@Footnote: 1 Yu. Ra. uppannam anabhiratim . Ma. anabhiratam . 2-4 Ma. vasaddo natthi.
@3 Ma. ayam patho natthi. ito param idisameva.
Na nissayo databbo na samanero upatthapetabbo.
{98.10} Pancahi bhikkhave angehi samannagatena bhikkhuna
upasampadetabbam nissayo databbo samanero upatthapetabbo
patibalo hoti antevasim va saddhiviharim va abhisamacarikaya
sikkhaya sikkhapetum adibrahmacariyakaya sikkhaya vinetum abhidhamme
vinetum abhivinaye vinetum uppannam ditthigatam dhammato vivecetum imehi
kho bhikkhave pancahangehi samannagatena bhikkhuna upasampadetabbam
nissayo databbo samanero upatthapetabbo.
{98.11} Aparehipi bhikkhave pancahangehi samannagatena bhikkhuna
na upasampadetabbam na nissayo databbo na samanero upatthapetabbo
apattim na janati anapattim na janati lahukam apattim na janati
garukam apattim na janati ubhayani kho panassa patimokkhani vittharena
na svagatani honti na suvibhattani na suppavattini na suvinicchitani
suttaso 1- anubyanjanaso imehi kho bhikkhave pancahangehi samannagatena
bhikkhuna na upasampadetabbam na nissayo databbo na samanero
upatthapetabbo.
{98.12} Pancahi bhikkhave angehi samannagatena bhikkhuna
upasampadetabbam nissayo databbo samanero upatthapetabbo
apattim janati anapattim janati lahukam apattim janati
garukam apattim janati ubhayani kho panassa patimokkhani vittharena
svagatani honti suvibhattani suppavattini suvinicchitani suttaso
@Footnote: 1 Yu. suttato. ito param idisameva.
Anubyanjanaso imehi kho bhikkhave pancahangehi samannagatena bhikkhuna
upasampadetabbam nissayo databbo samanero upatthapetabbo.
{98.13} Aparehipi bhikkhave pancahangehi samannagatena bhikkhuna
na upasampadetabbam na nissayo databbo na samanero
upatthapetabbo apattim na janati anapattim na janati
lahukam apattim na janati garukam apattim na janati unadasavasso
hoti imehi kho bhikkhave pancahangehi samannagatena bhikkhuna
na upasampadetabbam na nissayo databbo na samanero
upatthapetabbo.
{98.14} Pancahi bhikkhave angehi samannagatena bhikkhuna
upasampadetabbam nissayo databbo samanero upatthapetabbo
apattim janati anapattim janati lahukam apattim janati garukam
apattim janati dasavasso va hoti atirekadasavasso va imehi
kho bhikkhave pancahangehi samannagatena bhikkhuna upasampadetabbam
nissayo databbo samanero upatthapetabboti.
Upasampadetabbapancakasolasavaram nitthitam.
The Pali Tipitaka in Roman Character Volume 4 page 131-137.
http://84000.org/tipitaka/read/roman_item_s.php?book=4&item=98&items=1&modeTY=2
Classified by [Item Number] :-
http://84000.org/tipitaka/read/roman_item_s.php?book=4&item=98&items=1&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=4&item=98&items=1&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=4&item=98&items=1&modeTY=2
Study Atthakatha :-
http://84000.org/tipitaka/attha/attha.php?b=4&i=98
Contents of The Tipitaka Volume 4
http://84000.org/tipitaka/read/?index_4
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
