paliTIPITAKA Volume 4 - Vinaya Pitaka 4

[216] Tena kho pana samayena kosalesu janapadesu annatarasmim avase vassupagata bhikkhu na labhimsu lukhassa va panitassa va bhojanassa yavadattham paripurim . bhagavato etamattham arocesum . Idha pana bhikkhave vassupagata bhikkhu na labhanti lukhassa va panitassa va bhojanassa yavadattham paripurim . eseva antarayoti pakkamitabbam. Anapatti vassacchedassa. {216.1} Idha pana bhikkhave vassupagata bhikkhu labhanti lukhassa va panitassa va bhojanassa yavadattham paripurim na labhanti sappayani bhojanani . eseva antarayoti pakkamitabbam . @Footnote: ¹ Po. vutthapito hoti. ² Ma. ayam patho natthi. Anapatti vassacchedassa. {216.2} Idha pana bhikkhave vassupagata bhikkhu labhanti lukhassa va panitassa va bhojanassa yavadattham paripurim labhanti sappayani bhojanani na labhanti sappayani bhesajjani . eseva antarayoti pakkamitabbam . anapatti vassacchedassa . idha pana bhikkhave vassupagata bhikkhu labhanti lukhassa va panitassa va bhojanassa yavadattham paripurim labhanti sappayani bhojanani labhanti sappayani bhesajjani na labhanti patirupam upatthakam . eseva antarayoti pakkamitabbam. Anapatti vassacchedassa. {216.3} Idha pana bhikkhave vassupagatam bhikkhum itthi nimanteti ehi bhante hirannam va te demi suvannam va te demi khettam va te demi vatthum va te demi gavum va te demi gavim va te demi dasam va te demi dasim va te demi dhitaram va te demi bhariyatthaya aham va te bhariya homi annam va te bhariyam anemiti. Tatra ce bhikkhuno evam hoti lahuparivattam kho cittam vuttam bhagavata siyapi me brahmacariyassa antarayoti pakkamitabbam. Anapatti vassacchedassa. {216.4} Idha pana bhikkhave vassupagatam bhikkhum vesi nimanteti .pe. Thullakumari nimanteti pandako nimanteti nataka nimantenti rajano nimantenti cora nimantenti dhutta nimantenti ehi bhante hirannam va te dema suvannam va te dema khettam va te dema vatthum va te Dema gavum va te dema gavim va te dema dasam va te dema dasim va te dema dhitaram va te dema bhariyatthaya annam va te bhariyam anemati . tatra ce bhikkhuno evam hoti lahuparivattam kho cittam vuttam bhagavata siyapi me brahmacariyassa antarayoti pakkamitabbam. Anapatti vassacchedassa. {216.5} Idha pana bhikkhave vassupagato bhikkhu assamikam nidhim passati . tatra ce bhikkhuno evam hoti lahuparivattam kho cittam vuttam bhagavata siyapi me brahmacariyassa antarayoti pakkamitabbam . Anapatti vassacchedassa. {216.6} Idha pana bhikkhave vassupagato bhikkhu passati sambahule bhikkhu sanghabhedaya parakkamante . tatra ce bhikkhuno evam hoti garuko kho sanghabhedo vutto bhagavata ma mayi sammukhibhute sangho bhijjiti pakkamitabbam. Anapatti vassacchedassa. {216.7} Idha pana bhikkhave vassupagato bhikkhu sunati sambahula kira bhikkhu sanghabhedaya parakkamantiti . tatra ce bhikkhuno evam hoti garuko kho sanghabhedo vutto bhagavata ma mayi sammukhibhute sangho bhijjiti pakkamitabbam. Anapatti vassacchedassa. {216.8} Idha pana bhikkhave vassupagato bhikkhu sunati amukasmim kira avase sambahula bhikkhu sanghabhedaya parakkamantiti . tatra ce bhikkhuno evam hoti te kho me bhikkhu mitta tyaham vakkhami garuko kho avuso sanghabhedo vutto bhagavata ma ayasmantanam sanghabhedo rucitthati Karissanti me vacanam sussusissanti sotam odahissantiti pakkamitabbam . Anapatti vassacchedassa. {216.9} Idha pana bhikkhave vassupagato bhikkhu sunati amukasmim kira avase sambahula bhikkhu sanghabhedaya parakkamantiti . tatra ce bhikkhuno evam hoti te kho me bhikkhu na mitta apica ye tesam mitta te me mitta tyaham vakkhami te vutta te vakkhanti garuko kho avuso sanghabhedo vutto bhagavata ma ayasmantanam sanghabhedo rucitthati karissanti me ^1- vacanam sussusissanti sotam odahissantiti pakkamitabbam. Anapatti vassacchedassa. {216.10} Idha pana bhikkhave vassupagato bhikkhu sunati amukasmim kira avase sambahulehi bhikkhuhi sangho bhinnoti . tatra ce bhikkhuno evam hoti te kho me bhikkhu mitta tyaham vakkhami garuko kho avuso sanghabhedo vutto bhagavata ma ayasmantanam sanghabhedo rucitthati karissanti me vacanam sussusissanti sotam odahissantiti pakkamitabbam . Anapatti vassacchedassa. {216.11} Idha pana bhikkhave vassupagato bhikkhu sunati amukasmim kira avase sambahulehi bhikkhuhi sangho bhinnoti . tatra ce bhikkhuno evam hoti te kho me bhikkhu na mitta apica ye tesam mitta te me mitta tyaham vakkhami te vutta te vakkhanti garuko kho avuso sanghabhedo vutto bhagavata ma ayasmantanam sanghabhedo rucitthati karissanti me ^2- vacanam sussusissanti @Footnote: ^1-2 Ma. tesam. Sotam odahissantiti pakkamitabbam. Anapatti vassacchedassa. {216.12} Idha pana bhikkhave vassupagato bhikkhu sunati amukasmim kira avase sambahula bhikkhuniyo sanghabhedaya parakkamantiti . Tatra ce bhikkhuno evam hoti ta kho me bhikkhuniyo mitta taham vakkhami garuko kho bhaginiyo sanghabhedo vutto bhagavata ma bhagininam sanghabhedo rucitthati karissanti me vacanam sussusissanti sotam odahissantiti pakkamitabbam. Anapatti vassacchedassa. {216.13} Idha pana bhikkhave vassupagato bhikkhu sunati amukasmim kira avase sambahula bhikkhuniyo sanghabhedaya parakkamantiti . Tatra ce bhikkhuno evam hoti ta kho me bhikkhuniyo na mitta apica ya tasam mitta ta me mitta taham vakkhami ta vutta ta vakkhanti garuko kho bhaginiyo sanghabhedo vutto bhagavata ma bhagininam sanghabhedo rucitthati karissanti me ^1- vacanam sussusissanti sotam odahissantiti pakkamitabbam. Anapatti vassacchedassa. {216.14} Idha pana bhikkhave vassupagato bhikkhu sunati amukasmim kira avase sambahulahi bhikkhunihi sangho bhinnoti . Tatra ce bhikkhuno evam hoti ta kho me bhikkhuniyo mitta taham vakkhami garuko kho bhaginiyo sanghabhedo vutto bhagavata ma bhagininam sanghabhedo rucitthati karissanti me vacanam sussusissanti sotam odahissantiti pakkamitabbam. Anapatti vassacchedassa. {216.15} Idha pana bhikkhave vassupagato @Footnote: ¹ Ma. tasam. Bhikkhu sunati amukasmim kira avase sambahulahi bhikkhunihi sangho bhinnoti . tatra ce bhikkhuno evam hoti ta kho me bhikkhuniyo na mitta apica ya tasam mitta ta me mitta taham vakkhami ta vutta ta vakkhanti garuko kho bhaginiyo sanghabhedo vutto bhagavata ma bhagininam sanghabhedo rucitthati karissanti me ^1- vacanam sussusissanti sotam odahissantiti pakkamitabbam . anapatti vassacchedassa ^2-.

The Pali Tipitaka in Roman Character Volume 4 page 293-298. http://84000.org/tipitaka/read/roman_item_s.php?book=4&item=216&items=1&modeTY=2 Classified by [Item Number] :- http://84000.org/tipitaka/read/roman_item_s.php?book=4&item=216&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=4&item=216&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=4&item=216&items=1&modeTY=2 Study Atthakatha :- http://84000.org/tipitaka/attha/attha.php?b=4&i=216 The Pali Atthakatha in Thai :- http://84000.org/tipitaka/atthapali/read_th.php?B=3&A=3348 The Pali Atthakatha in Roman :- http://84000.org/tipitaka/atthapali/read_rm.php?B=3&A=3348 Contents of The Tipitaka Volume 4 http://84000.org/tipitaka/read/?index_4