ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 4 : PALI ROMAN Vinaya Pitaka Vol 4 : Vinaya. Mahā (1)
     [100]   Tena   kho   pana   samayena  yo  so  annatitthiyapubbo
upajjhayena   sahadhammikam   vuccamano   upajjhayassa   vadam  aropetva
tamyeva  titthayatanam  sankami  .  so  puna  1- paccagantva bhikkhu upasampadam
yaci  .  bhagavato  etamattham arocesum. Yo so bhikkhave annatitthiyapubbo
upajjhayena   sahadhammikam   vuccamano   upajjhayassa   vadam  aropetva
tamyeva   titthayatanam   sankanto   so  agato  na  upasampadetabbo .
Yo   [2]-   bhikkhave   annopi   annatitthiyapubbo   imasmim  dhammavinaye
akankhati    pabbajjam   akankhati   upasampadam   tassa   cattaro   mase
parivaso   databbo   .   evanca   pana  bhikkhave  databbo  .  pathamam
kesamassum    oharapetva    kasayani    vatthani   acchadapetva
ekamsam       uttarasangam       karapetva      bhikkhunam      pade
@Footnote: 1 Si. ayam patho na hoti .      2 Po. Ma. so.
Vandapetva     ukkutikam    nisidapetva    anjalim    pagganhapetva
evam   vadehiti   vattabbo   buddham  saranam  gacchami  dhammam  saranam  gacchami
sangham    saranam    gacchami   dutiyampi   buddham   saranam   gacchami   dutiyampi
dhammam    saranam    gacchami   dutiyampi   sangham   saranam   gacchami   tatiyampi
buddham    saranam    gacchami   tatiyampi   dhammam   saranam   gacchami   tatiyampi
sangham   saranam   gacchamiti   .   tena  [1]-  bhikkhave  annatitthiyapubbena
sangham   upasankamitva   ekamsam   uttarasangam   karitva   bhikkhunam   pade
vanditva   ukkutikam   nisiditva   anjalim  paggahetva  evamassa  vacaniyo
aham    bhante    itthannamo    annatitthiyapubbo    imasmim   dhammavinaye
akankhami   upasampadam   soham   bhante  sangham  cattaro  mase  parivasam
yacamiti   .   dutiyampi   yacitabbo  tatiyampi  yacitabbo  .  byattena
bhikkhuna patibalena sangho napetabbo
     {100.1}    sunatu   me   bhante   sangho   ayam   itthannamo
annatitthiyapubbo      imasmim     dhammavinaye     akankhati     upasampadam
so   sangham   cattaro   mase   parivasam   yacati   .   yadi  sanghassa
pattakallam        sangho        itthannamassa        annatitthiyapubbassa
cattaro mase parivasam dadeyya. Esa natti.
     {100.2}    Sunatu   me   bhante   sangho   ayam   itthannamo
annatitthiyapubbo   imasmim  dhammavinaye  akankhati  upasampadam  .  so  sangham
cattaro  mase  parivasam  yacati. Sangho itthannamassa annatitthiyapubbassa
cattaro   mase  parivasam  deti  .  yassayasmato  khamati  itthannamassa
@Footnote: 1 Yu. kho.
Annatitthiyapubbassa     cattaro    mase    parivasassa    danam    so
tunhassa yassa nakkhamati so bhaseyya.
     {100.3}    Dinno   sanghena   itthannamassa   annatitthiyapubbassa
cattaro  mase  parivaso  .  khamati  sanghassa  tasma  tunhi. Evametam
dharayamiti  .  evam  kho  bhikkhave  annatitthiyapubbo  aradhako  hoti.
Evam anaradhako.
     {100.4}  Kathanca  bhikkhave  annatitthiyapubbo  anaradhako  hoti.
Idha   bhikkhave   annatitthiyapubbo   atikalena   gamam   pavisati   atidiva
patikkamati. Evampi bhikkhave annatitthiyapubbo anaradhako hoti.
     {100.5}  Puna  caparam  bhikkhave  annatitthiyapubbo  vesiyagocaro va
hoti  vidhavagocaro  va  hoti  thullakumarikagocaro  va hoti pandakagocaro
va  hoti  bhikkhunigocaro  va  hoti  .  evampi  bhikkhave annatitthiyapubbo
anaradhako hoti.
     {100.6}   Puna   caparam   bhikkhave   annatitthiyapubbo  yani  tani
sabrahmacarinam   uccavacani   kimkaraniyani   1-   tattha  na  dakkho  hoti
na   analaso   na   tatrupayaya   vimamsaya   samannagato  na  alam  katum
na   alam   samvidhatum   .   evam   bhikkhave  annatitthiyapubbo  anaradhako
hoti.
     {100.7}   Puna  caparam  bhikkhave  annatitthiyapubbo  na  tibbacchando
hoti    uddese    paripucchaya   adhisile   adhicitte   adhipannaya  .
Evampi bhikkhave annatitthiyapubbo anaradhako hoti.
     {100.8}  Puna  caparam  bhikkhave  annatitthiyapubbo  yassa titthayatana
sankanto  hoti  tassa satthuno tassa ditthiya tassa khantiya tassa ruciya tassa
@Footnote: 1 Ma. Yu. karaniyani. ito param idisameva.
Adayassa   avanne   bhannamane   kupito  hoti  anattamano  anabhiraddho
buddhassa    va   dhammassa   va   sanghassa   va   avanne   bhannamane
attamano   hoti   udaggo   abhiraddho   yassa   va   pana  titthayatana
sankanto   hoti   tassa   satthuno  tassa  ditthiya  tassa  khantiya  tassa
ruciya    tassa    adayassa    vanne   bhannamane   attamano   hoti
udaggo   abhiraddho   buddhassa   va  dhammassa  va  sanghassa  va  vanne
bhannamane   kupito   hoti   anattamano   anabhiraddho   .  idam  bhikkhave
sanghatanikam    annatitthiyapubbassa    anaradhaniyasmim    .    evam    kho
bhikkhave   annatitthiyapubbo   anaradhako   hoti   .  evam  anaradhako
kho bhikkhave annatitthiyapubbo agato na upasampadetabbo.
     {100.9}  Kathanca  bhikkhave  annatitthiyapubbo  aradhako  hoti .
Idha   bhikkhave   annatitthiyapubbo   natikalena   gamam  pavisati  natidiva
patikkamati. Evampi bhikkhave annatitthiyapubbo aradhako hoti.
     {100.10}  Puna  caparam  bhikkhave  annatitthiyapubbo  na vesiyagocaro
hoti  na  vidhavagocaro  hoti  na  thullakumarikagocaro hoti na pandakagocaro
hoti   na   bhikkhunigocaro   hoti   .  evampi  bhikkhave  annatitthiyapubbo
aradhako hoti.
     {100.11}   Puna   caparam   bhikkhave  annatitthiyapubbo  yani  tani
sabrahmacarinam   uccavacani   kimkaraniyani   tattha   dakkho  hoti  analaso
tatrupayaya   vimamsaya  samannagato  alam  katum  alam  samvidhatum  .  evampi
bhikkhave annatitthiyapubbo aradhako hoti.
     {100.12}  Puna  caparam  bhikkhave  annatitthiyapubbo tibbacchando hoti
uddese  paripucchaya  adhisile  adhicitte  adhipannaya  .  evampi  bhikkhave
annatitthiyapubbo aradhako hoti.
     {100.13}    Puna    caparam    bhikkhave   annatitthiyapubbo   yassa
titthayatana    sankanto    hoti    tassa    satthuno   tassa   ditthiya
tassa   khantiya   tassa   ruciya   tassa  adayassa  avanne  bhannamane
attamano   hoti   udaggo   abhiraddho   buddhassa   va   dhammassa   va
sanghassa    va    avanne    bhannamane    kupito   hoti   anattamano
anabhiraddho   yassa   va   pana   titthayatana   sankanto   hoti   tassa
satthuno   tassa  ditthiya  tassa  khantiya  tassa  ruciya  tassa  adayassa
vanne   bhannamane   kupito   hoti   anattamano   anabhiraddho   buddhassa
va   dhammassa   va   sanghassa  va  vanne  bhannamane  attamano  hoti
udaggo   abhiraddho   .   idam   bhikkhave   sanghatanikam  annatitthiyapubbassa
aradhaniyasmim   .   evam   kho   bhikkhave   annatitthiyapubbo  aradhako
hoti   .   evam   aradhako  kho   bhikkhave  annatitthiyapubbo  agato
upasampadetabbo.
     {100.14}   Sace   bhikkhave   annatitthiyapubbo  naggo  agacchati
upajjhayamulakam    civaram    pariyesitabbam   sace   acchinnakeso   agacchati
sangho   apaloketabbo   bhandukammaya   .   ye  te  bhikkhave  aggika
jatilaka  te  agata  upasampadetabba  na  tesam  parivaso databbo.
Tam   kissa   hetu   .   kammavadino   ete  bhikkhave  kiriyavadino .
Sace     bhikkhave     jatiya     sakiyo    annatitthiyapubbako    1-
@Footnote: 1 Ma. Yu. -pubbo.
Agacchati    so    agato   upasampadetabbo   na   tassa   parivaso
databbo. Imaham bhikkhave natinam avenikam pariharam dammiti.
                    Annatitthiyapubbakatha.
                     Sattamam bhanavaram.



             The Pali Tipitaka in Roman Character Volume 4 page 143-148. http://84000.org/tipitaka/read/roman_item_s.php?book=4&item=100&items=1&modeTY=2              Classified by [Item Number] :- http://84000.org/tipitaka/read/roman_item_s.php?book=4&item=100&items=1&modeTY=2&mode=bracket              Compare with The Pali Tipitaka in Thai Character :- http://84000.org/tipitaka/read/pali_item_s.php?book=4&item=100&items=1&modeTY=2              Compare with The Royal Version of Thai Tipitaka :- http://84000.org/tipitaka/read/byitem_s.php?book=4&item=100&items=1&modeTY=2              Study Atthakatha :- http://84000.org/tipitaka/attha/attha.php?b=4&i=100              The Pali Atthakatha in Thai :- http://84000.org/tipitaka/atthapali/read_th.php?B=3&A=1107              The Pali Atthakatha in Roman :- http://84000.org/tipitaka/atthapali/read_rm.php?B=3&A=1107              Contents of The Tipitaka Volume 4 http://84000.org/tipitaka/read/?index_4

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]

Background color :