ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 35 : PALI ROMAN Abhidhamma Pitaka Vol 2 : Abhi. Vibhaṅgo
     [926]  Tattha  katamani  tini  akusalamulani  lobho  doso moho.
Tattha   katamo   lobho   yo   rago   sarago   anunayo   anurodho
nandi    nandirago   cittassa   sarago   iccha   muccha   ajjhosanam
gedho   paligedho   sango   panko   eja   maya   janika  sanjanani
sibbini   jalini   sarita   visattika   suttam   visata   ayuhani   dutiya
panidhi   bhavanetti   vanam   vanatho   santhavo   sineho  apekkha  patibandhu
asa   asimsana   asimsitattam   rupasa   saddasa  gandhasa  rasasa
photthabbasa   labhasa   dhanasa  puttasa  jivitasa  jappa  pajappa
abhijappa    jappa    jappana    jappitattam    loluppam    loluppayana
loluppayitattam    puncikata    sadhukamyata    adhammarago    visamalobho
nikanti   nikamana   patthana   pihana   sampatthana  kamatanha  bhavatanha
vibhavatanha   rupatanha   arupatanha   nirodhatanha   rupatanha  saddatanha
gandhatanha      rasatanha     photthabbatanha     dhammatanha     ogho
yogo   gantho   upadanam  avaranam  nivaranam  chadanam  bandhanam  upakkileso
Kileso   anusayo   pariyutthanam   lata   veviccham   dukkhamulam   dukkhanidanam
dukkhappabhavo   marapaso   marabalisam   maravisayo   tanhanadi  tanhajalam
tanhagaddulam      tanhasamuddo      abhijjha      lobho     akusalamulam
ayam vuccati lobho.
     {926.1}   Tattha   katamo  doso  anattham  me  acariti  aghato
jayati   anattham   me   caratiti  aghato  jayati  anattham  me  carissatiti
aghato    jayati   piyassa   me   manapassa   anattham   acari   anattham
carati   anattham   carissatiti   aghato  jayati  appiyassa  me  amanapassa
attham    acari    attham    carati   attham   carissatiti   aghato   jayati
atthane  va  pana  aghato  jayati  yo  evarupo  cittassa  aghato
patighato    patigham   pativirodho   kopo   pakopo   sampakopo   doso
padoso    sampadoso    cittassa    byapatti    manopadoso    kodho
kujjhana   kujjhitattam   doso   dusana   dusitattam   byapatti  byapajjana
byapajjitattam      virodho      pativirodho     candikkam     assuropo
anattamanata cittassa ayam vuccati doso.
     {926.2}   Tattha   katamo   moho  dukkhe  annanam  dukkhasamudaye
annanam     dukkhanirodhe     annanam    dukkhanirodhagaminiya    patipadaya
annanam    pubbante    annanam   aparante   annanam   pubbantaparante
annanam     idappaccayatapaticcasamuppannesu     dhammesu    annanam    yam
evarupam   annanam   adassanam  .pe.  avijjalangi  moho  akusalamulam  ayam
vuccati moho. Imani tini akusalamulani.
     [927]    Tattha    katame    tayo   akusalavitakka   kamavitakko
byapadavitakko    vihimsavitakko    .    tattha    katamo   kamavitakko
kamapatisamyutto   takko   vitakko   .pe.   micchasankappo  ayam  vuccati
kamavitakko   .   tattha   katamo   byapadavitakko   byapadapatisamyutto
takko  vitakko  .pe.  micchasankappo  ayam  vuccati  byapadavitakko .
Tattha   katamo   vihimsavitakko   vihimsapatisamyutto  takko  vitakko  .pe.
Micchasankappo ayam vuccati vihimsavitakko. Ime tayo akusalavitakka.
     [928]    Tattha    katama    tisso    akusalasanna   kamasanna
byapadasanna     vihimsasanna     .    tattha    katama    kamasanna
kamapatisamyutta    sanna    sanjanana    sanjanitattam    ayam    vuccati
kamasanna    .    tattha   katama   byapadasanna   byapadapatisamyutta
sanna    sanjanana   sanjanitattam   ayam   vuccati   byapadasanna  .
Tattha    katama    vihimsasanna    vihimsapatisamyutta   sanna   sanjanana
sanjanitattam ayam vuccati vihimsasanna. Ima tisso akusalasanna.
     [929]  Tattha  katama  tisso  akusaladhatuyo kamadhatu byapadadhatu
vihimsadhatu   .   tattha   katama   kamadhatu   kamavitakko  kamadhatu .
Byapadavitakko    byapadadhatu    .   vihimsavitakko   vihimsadhatu  .
Tattha     katamo    kamavitakko    kamapatisamyutto    takko    vitakko
.pe.   micchasankappo   ayam   vuccati   kamavitakko   .  tattha  katamo
Byapadavitakko     byapadapatisamyutto     takko    vitakko    .pe.
Micchasankappo    ayam    vuccati   byapadavitakko   .   tattha   katamo
vihimsavitakko   vihimsapatisamyutto   takko  vitakko  .pe.  micchasankappo
ayam vuccati vihimsavitakko. Ima tisso akusaladhatuyo.
     [930]   Tattha  katamani  tini  duccaritani  kayaduccaritam  vaciduccaritam
manoduccaritam     .     tattha     katamam    kayaduccaritam    panatipato
adinnadanam    kamesumicchacaro    idam    vuccati    kayaduccaritam  .
Tattha   katamam   vaciduccaritam   musavado   pisuna   vaca  pharusa  vaca
samphappalapo   idam   vuccati   vaciduccaritam   .  tattha  katamam  manoduccaritam
abhijjha    byapado    micchaditthi    idam   vuccati   manoduccaritam  .
Tattha   katamam   kayaduccaritam   akusalam   kayakammam  kayaduccaritam  .  akusalam
vacikammam   vaciduccaritam   .   akusalam   manokammam   manoduccaritam   .  tattha
katamam   akusalam   kayakammam  akusala  kayasancetana  akusalam  kayakammam .
Akusala   vacisancetana   akusalam   vacikammam   .  akusala  manosancetana
akusalam manokammam. Imani tini duccaritani.
     [931]   Tattha   katame   tayo   asava   kamasavo  bhavasavo
avijjasavo   .   tattha   katamo  kamasavo  yo  kamesu  kamacchando
.pe.   kamajjhosanam   ayam   vuccati   kamasavo   .   tattha   katamo
bhavasavo   yo   bhavesu   bhavacchando   .pe.  bhavajjhosanam  ayam  vuccati
bhavasavo   .   tattha   katamo   avijjasavo   dukkhe   annanam  .pe.
Avijjalangi   moho   akusalamulam   ayam   vuccati   avijjasavo  .  ime
tayo asava.
     [932]   Tattha  katamani  tini  sannojanani  sakkayaditthi  vicikiccha
silabbataparamaso    .   tattha   katama   sakkayaditthi   idha   assutava
puthujjano    ariyanam    adassavi   ariyadhammassa   akovido   ariyadhamme
avinito      sappurisanam     adassavi     sappurisadhammassa     akovido
sappurisadhamme    avinito    rupam   attato   samanupassati   rupavantam   va
attanam   attani   va  rupam  rupasmim  va  attanam  vedanam  .pe.  sannam
.pe.   sankhare   .pe.   vinnanam   attato  samanupassati  vinnanavantam
va    attanam    attani   va   vinnanam   vinnanasmim   va   attanam
ya   evarupa   ditthi   ditthigatam   .pe.  vipariyesaggaho  ayam  vuccati
sakkayaditthi.
     {932.1}   Tattha   katama   vicikiccha   satthari  kankhati  vicikicchati
dhamme  kankhati  vicikicchati  sanghe kankhati vicikicchati sikkhaya kankhati vicikicchati
pubbante  kankhati  vicikicchati  aparante  kankhati  vicikicchati  pubbantaparante
kankhati       vicikicchati      idappaccayatapaticcasamuppannesu      dhammesu
kankhati  vicikicchati  ya  evarupa  kankha  kankhayana  kankhayitattam  .pe.
Thambhitattam  cittassa  manovilekho  ayam  vuccati  vicikiccha  .  tattha  katamo
silabbataparamaso    ito    bahiddha   samanabrahmananam   silena   suddhi
vatena   suddhi   silabbatena   suddhiti   ya   evarupa   ditthi   ditthigatam
.pe.   vipariyesaggaho   ayam   vuccati   silabbataparamaso   .  imani
Tini sannojanani.
     [933]   Tattha   katama   tisso   tanha   kamatanha  bhavatanha
vibhavatanha  .  tattha  katama  bhavatanha  bhavaditthisahagato  rago  sarago
.pe.   cittassa   sarago   ayam   vuccati  bhavatanha  .  tattha  katama
vibhavatanha    ucchedaditthisahagato   rago   sarago   .pe.   cittassa
sarago   ayam  vuccati  vibhavatanha  .  avasesa  tanha  kamatanha .
Tattha    katama    kamatanha    kamadhatupatisamyutto   rago   sarago
.pe.   cittassa   sarago   ayam   vuccati   kamatanha   .  rupadhatu-
arupadhatupatisamyutto    rago   sarago   .pe.   cittassa   sarago
ayam    vuccati   bhavatanha   .   ucchedaditthisahagato   rago   sarago
.pe.    cittassa    sarago   ayam   vuccati   vibhavatanha   .   ima
tisso tanha.
     [934]   Tattha   katama   aparapi   tisso   tanha   kamatanha
rupatanha    arupatanha    .   tattha   katama   kamatanha   kamadhatu-
patisamyutto   rago   sarago  .pe.  cittassa  sarago  ayam  vuccati
kamatanha   .   tattha   katama   rupatanha   rupadhatupatisamyutto   rago
sarago   .pe.   cittassa   sarago   ayam   vuccati   rupatanha  .
Tattha    katama    arupatanha    arupadhatupatisamyutto   rago   sarago
.pe.    cittassa    sarago   ayam   vuccati   arupatanha   .   ima
tisso tanha.
     [935]    Tattha   katama   aparapi   tisso   tanha   rupatanha
arupatanha   nirodhatanha   .  tattha  katama  rupatanha  rupadhatupatisamyutto
rago   sarago  .pe.  cittassa  sarago  ayam  vuccati  rupatanha .
Tattha    katama    arupatanha    arupadhatupatisamyutto   rago   sarago
.pe.    cittassa    sarago   ayam   vuccati   arupatanha   .   tattha
katama    nirodhatanha   ucchedaditthisahagato   rago   sarago   .pe.
Cittassa sarago ayam vuccati nirodhatanha. Ima tisso tanha.
     [936]   Tattha   katama   tisso   esana  kamesana  bhavesana
brahmacariyesana  .  tattha  katama  kamesana  yo  kamesu  kamacchando
.pe.   kamajjhosanam   ayam   vuccati   kamesana   .   tattha   katama
bhavesana   yo   bhavesu   bhavacchando   .pe.  bhavajjhosanam  ayam  vuccati
bhavesana   .   tattha   katama   brahmacariyesana  sassato  lokoti  va
asassato   lokoti   va   .pe.  neva  hoti  na  na  hoti  tathagato
parammaranati  va  ya  evarupa  ditthi  ditthigatam  .pe.  vipariyesaggaho
ayam   vuccati   brahmacariyesana  .  tattha  katama  kamesana  kamarago
tadekattham    akusalam    kayakammam    vacikammam    manokammam   ayam   vuccati
kamesana   .   tattha   katama   bhavesana  bhavarago  tadekattham  akusalam
kayakammam   vacikammam   manokammam  ayam  vuccati  bhavesana  .  antaggahika
ditthi   tadekattham   akusalam   kayakammam   vacikammam   manokammam  ayam  vuccati
brahmacariyesana. Ima tisso esana.
     [937]   Tattha   katama   tisso   vidha   seyyohamasmiti   vidha
sadisohamasmiti vidha hinohamasmiti vidha ima tisso vidha.
     [938]  Tattha  katamani  tini  bhayani  jatibhayam  jarabhayam  maranabhayam.
Tattha   katamam   jatibhayam  jatim  paticca  bhayam  bhayanakam  chambhitattam  lomahamso
cetaso   utraso   idam   vuccati   jatibhayam   .  tattha  katamam  jarabhayam
jaram   paticca   bhayam   bhayanakam   chambhitattam   lomahamso  cetaso  utraso
idam   vuccati   jarabhayam   .   tattha   katamam  maranabhayam  maranam  paticca  bhayam
bhayanakam    chambhitattam    lomahamso    cetaso   utraso   idam   vuccati
maranabhayam. Imani tini bhayani.
     [939]   Tattha   katamani   tini   tamani  atitam  addhanam  arabbha
kankhati    vicikicchati    nadhimuccati    na   sampasidati   anagatam   addhanam
arabbha    kankhati   vicikicchati   nadhimuccati   na   sampasidati   paccuppannam
addhanam   arabbha   kankhati   vicikicchati  nadhimuccati  na  sampasidati  imani
tini tamani.
     [940]   Tattha   katamani   tini  titthayatanani  idhekacco  samano
va  brahmano  va  evamvadi  hoti  evamditthi  yankincayam  purisapuggalo
patisamvedeti   sukham   va   dukkham   va  adukkhamasukham  va  sabbantam  pubbe
katahetuti   idha   panekacco   samano   va   brahmano  va  evamvadi
hoti   evamditthi   yankincayam  purisapuggalo  patisamvedeti  sukham  va  dukkham
va   adukkhamasukham   va   sabbantam   issaranimmanahetuti   idha  panekacco
Samano   va   brahmano   va   evamvadi  hoti  evamditthi  yankincayam
purisapuggalo  patisamvedeti  sukham  va  dukkham  va  adukkhamasukham  va  sabbantam
ahetuappaccayati imani tini titthayatanani.
     [941]   Tattha   katame   tayo   kincana  rago  kincanam  doso
kincanam moho kincanam ime tayo kincana.
     [942]   Tattha   katamani   tini  anganani  rago  anganam  doso
anganam moho anganam imani tini anganani.
     [943]   Tattha   katamani   tini  malani  rago  malam  doso  malam
moho malam imani tini malani.
     [944]   Tattha   katamani   tini   visamani   rago  visamam  doso
visamam moho visamam imani tini visamani.
     [945]   Tattha   katamani   aparanipi   tini   visamani   kayavisamam
vacivisamam manovisamam imani tini visamani.
     [946]   Tattha   katame   tayo  aggi  ragaggi  dosaggi  mohaggi
ime tayo aggi.
     [947]   Tattha   katame  tayo  kasava  ragakasavo  dosakasavo
mohakasavo ime tayo kasava.
     [948]   Tattha   katame   aparepi   tayo   kasava  kayakasavo
vacikasavo manokasavo ime tayo kasava.
     [949]   Tattha   katama   assadaditthi   idhekacco   samano  va
Brahmano   va   evamvadi   hoti   evamditthi  natthi  kamesu  dosoti
so   kamesu   patabyatam   apajjati   ayam   vuccati   assadaditthi  .
Tattha    katama    attanuditthi    idha   assutava   puthujjano   ariyanam
adassavi    ariyadhammassa   akovido   ariyadhamme   avinito   sappurisanam
adassavi    sappurisadhammassa    akovido   sappurisadhamme   avinito   rupam
attato   samanupassati   rupavantam   va  attanam  attani  va  rupam  rupasmim
va    attanam    vedanam   .pe.   sannam   .pe.   sankhare   .pe.
Vinnanam    attato   samanupassati   vinnanavantam   va   attanam   attani
va    vinnanam    vinnanasmim   va   attanam   ya   evarupa   ditthi
ditthigatam    .pe.    vipariyesaggaho   ayam   vuccati   attanuditthi  .
Tattha   katama   micchaditthi   natthi   dinnam   natthi   yittham   .pe.  ye
imanca   lokam   paranca   lokam   sayam   abhinna  sacchikatva  pavedentiti
ya   evarupa   ditthi   ditthigatam   .pe.  vipariyesaggaho  ayam  vuccati
micchaditthi  .  sassataditthi  assadaditthi  .  sakkayaditthi  attanuditthi .
Ucchedaditthi micchaditthi.
     [950]  Tattha  katama arati pantesu va senasanesu annatarannataresu
va    adhikusalesu    dhammesu    arati   aratika   anabhirati   anabhiramana
ukkanthita   paritasita   ayam   vuccati   arati  .  tattha  katama  vihesa
idhekacco   panina   va   ledduna  va  dandena  va  satthena  va
rajjuya  va  annatarannatarena  satte  vihetheti  ya  evarupa  hethana
Vihethana    himsana    vihimsana   rosana   virosana   parupaghato   ayam
vuccati   vihesa   .   tattha  katama  adhammacariya  kayena  adhammacariya
visamacariya    vacaya   adhammacariya   visamacariya   manasa   adhammacariya
visamacariya ayam vuccati adhammacariya.
     [951]    Tattha   katama   dovacassata   sahadhammike   vuccamane
dovacassayam       dovacassiyam       dovacassata       vippatikulagahita
vipaccanikasatata    anadariyam    anadarata    agaravata   appatissavata
ayam  vuccati  dovacassata  .  tattha  katama  papamittata  ye te puggala
assaddha    dussila    appassuta   maccharino   duppanna   ya   tesam
sevana    nisevana    samsevana   bhajana   sambhajana   bhatti   sambhatti
tamsampavankata   ayam  vuccati  papamittata  .  tattha  katama  nanattasanna
kamasanna      byapadasanna      vihimsasanna      ayam      vuccati
nanattasanna sabbapi akusalasanna nanattasanna.
     [952]   Tattha   katamam   uddhaccam  yam  cittassa  uddhaccam  avupasamo
cetaso   vikkhepo   bhantattam   cittassa  idam  vuccaci  uddhaccam  .  tattha
katamam   kosajjam   kayaduccarite   va   vaciduccarite   va  manoduccarite
va   pancasu   va   kamagunesu  cittassa  vossaggo  vossagganuppadanam
kusalanam   va   dhammanam   bhavanaya   asakkaccakiriyata   asataccakiriyata
anatthitakiriyata      olinavuttita     nikkhittacchandata     nikkhittadhurata
anasevana   abhavana  abahulikammam  anadhitthanam  ananuyogo  pamado  idam
Vuccati    kosajjam   .   tattha   katamo   pamado   kayaduccarite   va
vaciduccarite   va   manoduccarite  va  pancasu  va  kamagunesu  cittassa
vossaggo    vossagganuppadanam    kusalanam   va   dhammanam   bhavanaya
asakkaccakiriyata     asataccakiriyata     anatthitakiriyata    olinavuttita
nikkhittacchandata    nikkhittadhurata    anasevana   abhavana   abahulikammam
anadhitthanam   ananuyogo   pamado   yo   evarupo   pamado  pamajjana
pamajjitattam ayam vuccati pamado.
     [953]   Tattha  katama  asantutthita  itaritaracivarapindapatasenasana-
gilanapaccayabhesajjaparikkharehi   pancahi   va   kamagunehi   asantutthassa
bhiyyokamyata   ya   evarupa   iccha   icchagatam  asantutthita  rago
sarago  .pe.  cittassa  sarago  ayam  vuccati  asantutthita  .  tattha
katama    asampajannata   yam   annanam   adassanam   .pe.   avijjalangi
moho  akusalamulam  ayam  vuccati  asampajannata  .  tattha  katama  mahicchata
itaritaracivarapindapatasenasanagilanapaccayabhesajjaparikkharehi
pancahi   va   kamagunehi   asantutthassa   bhiyyokamyata   ya  evarupa
iccha  icchagatam  mahicchata  rago  sarago  .pe.  cittassa  sarago
ayam vuccati mahicchata.
     [954]   Tattha   katamam   ahirikam   yam  na  hiriyati  hiriyitabbena  na
hiriyati    papakanam    akusalanam   dhammanam   samapattiya   idam   vuccati
ahirikam   .  tattha  katamam  anottappam  yam  na  ottappati  ottappitabbena
Na    ottappati    papakanam   akusalanam   dhammanam   samapattiya   idam
vuccati   anottappam   .   tattha   katamo   pamado   kayaduccarite  va
vaciduccarite   va   manoduccarite  va  pancasu  va  kamagunesu  cittassa
vossaggo    vossagganuppadanam    kusalanam   va   dhammanam   bhavanaya
asakkaccakiriyata     asataccakiriyata     anatthitakiriyata    olinavuttita
nikkhittacchandata    nikkhittadhurata    anasevana   abhavana   abahulikammam
anadhitthanam   ananuyogo   pamado   yo   evarupo   pamado  pamajjana
pamajjitattam ayam vuccati pamado.
     [955]    Tattha   katamam   anadariyam   yam   anadariyam   anadarata
agaravata     appatissavata    anada    anadayana    anadayitattam
asilyam  acitikaro  idam  vuccati  anadariyam  .  tattha  katama  dovacassata
sahadhammike     vuccamane     dovacassayam    dovacassiyam    dovacassata
vippatikulagahita    vipaccanikasatata   anadariyam   anadarata   agaravata
appatissavata   ayam   vuccati  dovacassata  .  tattha  katama  papamittata
ye   te   puggala  assaddha  dussila  appassuta  maccharino  duppanna
ya   tesam   sevana   nisevana   samsevana   bhajana   sambhajana  bhatti
sambhatti tamsampavankata ayam vuccati papamittata.
     [956]   Tattha   katamam   assaddhiyam   idhekacco   assaddho  hoti
na   saddahati   buddham  va  dhammam  va  sangham  va  yam  evarupam  assaddhiyam
assaddahana   anokappana   anabhippasado   idam   vuccati   assaddhiyam .
Tattha     katama    avadannuta    panca    macchariyani    avasamacchariyam
kulamacchariyam    labhamacchariyam    vannamacchariyam    dhammamacchariyam   yam   evarupam
maccheram    maccharayana   maccharayitattam   veviccham   kadariyam   katukancukata
aggahitattam    cittassa    ayam   vuccati   avadannuta   .   tattha   katamam
kosajjam   kayaduccarite   va   vaciduccarite   va   manoduccarite   va
pancasu    va    kamagunesu   cittassa   vossaggo   vossagganuppadanam
kusalanam   va   dhammanam   bhavanaya   asakkaccakiriyata   asataccakiriyata
anatthitakiriyata      olinavuttita     nikkhittacchandata     nikkhittadhurata
anasevana   abhavana   abahulikammam   anadhitthanam   ananuyogo   pamado
idam vuccati kosajjam.
     [957]   Tattha   katamam   uddhaccam  yam  cittassa  uddhaccam  avupasamo
cetaso   vikkhepo   bhantattam   cittassa  idam  vuccati  uddhaccam  .  tattha
katamo    asamvaro    idhekacco   cakkhuna   rupam   disva   nimittaggahi
hoti     anubyanjanaggahi     yatvadhikaranamenam     cakkhundriyam    asamvutam
viharantam   abhijjhadomanassa   papaka   akusala   dhamma  anvassaveyyum
tassa   samvaraya   na   patipajjati  na  rakkhati  cakkhundriyam  cakkhundriye  na
samvaram  apajjati  sotena  saddam  sutva  .pe.  ghanena  gandham  ghayitva
.pe.   jivhaya   rasam   sayitva   .pe.  kayena  photthabbam  phusitva
.pe.   manasa   dhammam   vinnaya   nimittaggahi   hoti  anubyanjanaggahi
yatvadhikaranamenam   manindriyam   asamvutam  viharantam  abhijjhadomanassa  papaka
Akusala   dhamma   anvassaveyyum   tassa   samvaraya   na   patipajjati  na
rakkhati    manindriyam   manindriye   na   samvaram   apajjati   ayam   vuccati
asamvaro   .   tattha   katamam   dussilyam   kayiko   vitikkamo   vacasiko
vitikkamo kayikavacasiko vitikkamo idam vuccati dussilyam.
     [958]   Tattha   katama   ariyanam   adassanakamyata  tattha  katame
ariya  ariya  vuccanti  buddha  ca  buddhasavaka  ca  ya  imesam ariyanam
adassanakamyata     adatthukamyata     asametukamyata    asamagantukamyata
ayam   vuccati   ariyanam   adassanakamyata   .   tattha   katama   saddhammam
asotukamyata    tattha    katamo    saddhammo    cattaro   satipatthana
cattaro     sammappadhana     cattaro    iddhipada    pancindriyani
panca   balani   satta   bojjhanga   ariyo   atthangiko   maggo   ayam
vuccati     saddhammo     ya     imassa    saddhammassa    asotukamyata
assavanakamyata    anuggahetukamyata    adharetukamyata    ayam    vuccati
saddhammam    asotukamyata   .   tattha   katama   uparambhacittata   tattha
katamo    uparambho    yo    uparambho    anuparambho   uparambhana
anuparambhana      anuparambhitattam      unna     avanna     paribhavo
randhagavesita ayam vuccati uparambhacittata.
     [959]    Tattha    katamam    mutthasaccam    ya   assati   anussati
appatissati    assati    asaranata   adharanata   pilapanata   sammusanata
idam   vuccati   mutthasaccam   .   tattha   katamam   asampajannam   yam  annanam
Adassanam    .pe.    avijjalangi    moho    akusalamulam   idam   vuccati
asampajannam   .   tattha  katamo  cetaso  vikkhepo  yam  cittassa  uddhaccam
avupasamo   cetaso   vikkhepo   bhantattam  cittassa  ayam  vuccati  cetaso
vikkhepo.
     [960]   Tattha   katamo   ayoniso  manasikaro  anicce  niccanti
ayoniso   manasikaro   dukkhe   sukhanti   ayoniso  manasikaro  anattani
attati   ayoniso   manasikaro   asubhe   subhanti  ayoniso  manasikaro
saccavippatikulena    va   cittassa   avajjana   anavajjana   abhogo
samannaharo    manasikaro   ayam   vuccati   ayoniso   manasikaro  .
Tattha   katama   kummaggasevana   tattha   katamo   kummaggo   micchaditthi
micchasankappo      micchavaca      micchakammanto      micchaajivo
micchavayamo   micchasati   micchasamadhi   ayam   vuccati   kummaggo  ya
imassa   kummaggassa   sevana   nisevana   samsevana   bhajana  sambhajana
bhatti    sambhatti    tamsampavankata    ayam   vuccati   kummaggasevana  .
Tattha   katamam   cetaso   linattam   ya   cittassa  akalyata  akammannata
oliyana   salliyana   linam   liyana   liyitattam   thinam   thiyana   thiyitattam
cittassa idam vuccati cetaso linattam.
                         Tikam.



             The Pali Tipitaka in Roman Character Volume 35 page 489-504. http://84000.org/tipitaka/read/roman_item_s.php?book=35&item=926&items=35&modeTY=2              Classified by [Item Number] :- http://84000.org/tipitaka/read/roman_item_s.php?book=35&item=926&items=35&modeTY=2&mode=bracket              Compare with The Pali Tipitaka in Thai Character :- http://84000.org/tipitaka/read/pali_item_s.php?book=35&item=926&items=35&modeTY=2              Compare with The Royal Version of Thai Tipitaka :- http://84000.org/tipitaka/read/byitem_s.php?book=35&item=926&items=35&modeTY=2              Study Atthakatha :- http://84000.org/tipitaka/attha/attha.php?b=35&i=926              The Pali Atthakatha in Thai :- http://84000.org/tipitaka/atthapali/read_th.php?B=54&A=12602              The Pali Atthakatha in Roman :- http://84000.org/tipitaka/atthapali/read_rm.php?B=54&A=12602              Contents of The Tipitaka Volume 35 http://84000.org/tipitaka/read/?index_35

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]

Background color :