|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
|
TIPITAKA Volume 21 : PALI ROMAN Sutta Pitaka Vol 13 : Sutta. Aṅ. (2): catukkanipāto
|
|
[115] Cattarimani bhikkhave thanani katamani cattari atthi bhikkhave thanam amanapam katum tanca kayiramanam anatthaya samvattati atthi bhikkhave thanam amanapam katum tanca kayiramanam atthaya samvattati atthi bhikkhave thanam manapam katum tanca kayiramanam anatthaya samvattati atthi bhikkhave thanam manapam katum tanca kayiramanam atthaya samvattati. {115.1} Tatra bhikkhave yadidam 1- thanam amanapam katum tanca kayiramanam anatthaya samvattati idam bhikkhave thanam ubhayeneva na kattabbam mannati yampidam thanam amanapam katum iminapi [2]- na kattabbam mannati yampidam thanam kayiramanam anatthaya samvattati iminapi [3]- na kattabbam mannati idam bhikkhave thanam ubhayeneva na kattabbam mannati. {115.2} Tatra bhikkhave yadidam thanam amanapam katum tanca kayiramanam atthaya samvattati imasmim bhikkhave thane balo ca pandito ca veditabbo purisatthame purisaviriye purisaparakkame na bhikkhave balo iti patisancikkhati kincapi kho idam thanam amanapam katum athacarahidam thanam kayiramanam atthaya samvattatiti so tam thanam na karoti tassa tam thanam akayiramanam anatthaya samvattati pandito ca kho bhikkhave iti patisancikkhati kincapi kho idam thanam amanapam katum @Footnote: 1 Po. Ma. yamidam. 2-3 Ma. nam.--------------------------------------------------------------------------------------------- page160.
Athacarahidam thanam kayiramanam atthaya samvattatiti so tam thanam karoti tassa tam thanam kayiramanam atthaya samvattati. {115.3} Tatra bhikkhave yadidam thanam manapam katum tanca kayiramanam anatthaya samvattati imasmimpi bhikkhave thane balo ca pandito ca veditabbo purisatthame purisaviriye purisaparakkame na bhikkhave balo iti patisancikkhati kincapi kho idam thanam manapam katum athacarahidam thanam kayiramanam anatthaya samvattatiti so tam thanam karoti tassa tam thanam kayiramanam anatthaya samvattati pandito ca kho bhikkhave iti patisancikkhati kincapi kho idam thanam manapam katum athacarahidam thanam kayiramanam anatthaya samvattatiti so tam thanam na karoti tassa tam thanam akayiramanam atthaya samvattati. {115.4} Tatra bhikkhave yadidam thanam manapam katum tanca kayiramanam atthaya samvattati idam bhikkhave thanam ubhayeneva kattabbam mannati yampidam thanam manapam katum iminapi kattabbam mannati yampidam thanam kayiramanam atthaya samvattati iminapi kattabbam mannati idam bhikkhave thanam ubhayeneva kattabbam mannati. Imani kho bhikkhave cattari thananiti.The Pali Tipitaka in Roman Character Volume 21 page 159-160. http://84000.org/tipitaka/read/roman_item_s.php?book=21&item=115&items=1&pagebreak=1&modeTY=2 Classified by [Item Number] :- http://84000.org/tipitaka/read/roman_item_s.php?book=21&item=115&items=1&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=21&item=115&items=1&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=21&item=115&items=1&pagebreak=1&modeTY=2 Study Atthakatha :- http://84000.org/tipitaka/attha/attha.php?b=21&i=115 The Pali Atthakatha in Thai :- http://84000.org/tipitaka/atthapali/read_th.php?B=15&A=8575 The Pali Atthakatha in Roman :- http://84000.org/tipitaka/atthapali/read_rm.php?B=15&A=8575 Contents of The Tipitaka Volume 21 http://84000.org/tipitaka/read/?index_21
       |
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]