paliTIPITAKA Volume 2 - Vinaya Pitaka 2

page514.

Patidesaniyakandam ime kho panayasmanto cattaro patidesaniya dhamma uddesam agacchanti. Pathamasikkhapadam [781] Tena samayena buddho bhagava savatthiyam viharati jetavane anathapindikassa arame . tena kho pana samayena annatara bhikkhuni savatthiyam pindaya caritva patikkamanakale annataram bhikkhum passitva etadavoca handayya bhikkham patigganhati . sutthu bhaginiti sabbe va aggahesi . sa upakatthe kale nasakkhi pindaya caritum chinnabhatta ahosi . athakho sa bhikkhuni dutiyampi divasam .pe. Tatiyampi divasam savatthiyam pindaya caritva patikkamanakale tam bhikkhum passitva etadavoca handayya bhikkham patigganhati . Sutthu bhaginiti sabbe va aggahesi . sa upakatthe kale nasakkhi pindaya caritum chinnabhatta ahosi . athakho sa bhikkhuni catutthe divase rathiyaya pavedhanti ^1- gacchati . setthi gahapati rathena patipatham agacchanto tam bhikkhunim etadavoca apehayyeti . sa okkamanti tattheva paripati . setthi gahapati tam bhikkhunim khamapesi khamahayye mayasi patitati . naham gahapati taya patita apica ahameva dubbalati . kissa pana tvam ayye dubbalati . athakho @Footnote: ¹ Ma. rathikaya pavedhenti.

--------------------------------------------------------------------------------------------- page515.

Sa bhikkhuni setthissa gahapatissa etamattham arocesi . setthi gahapati tam bhikkhunim gharam netva bhojetva ujjhayati khiyati vipaceti katham hi nama bhaddanta bhikkhuniya hatthato amisam patiggahessanti kicchalabho matugamoti. {781.1} Assosum kho bhikkhu setthissa gahapatissa ujjhayantassa khiyantassa vipacentassa . ye te bhikkhu appiccha .pe. te ujjhayanti khiyanti vipacenti katham hi nama bhikkhu bhikkhuniya hatthato amisam patiggahessatiti .pe. saccam kira tvam bhikkhu bhikkhuniya hatthato amisam patiggahesiti . saccam bhagavati . Natika te bhikkhu annatikati . annatika bhagavati . Annatako moghapurisa annatikaya na janati patirupam va appatirupam va santam va asantam va katham hi nama tvam moghapurisa annatikaya bhikkhuniya hatthato amisam patiggahessasi netam moghapurisa appasannanam va pasadaya pasannanam va bhiyyobhavaya .pe. Evanca pana bhikkhave imam sikkhapadam uddiseyyatha {781.2} yo pana bhikkhu annatikaya bhikkhuniya antaragharam pavitthaya hatthato khadaniyam va bhojaniyam va sahattha patiggahetva khadeyya va bhunjeyya va patidesetabbam tena bhikkhuna garayham avuso dhammam apajjim asappayam patidesaniyam tam patidesemiti. [782] Yo panati yo yadiso .pe. bhikkhuti .pe. ayam imasmim atthe adhippeto bhikkhuti . annatika nama matito

--------------------------------------------------------------------------------------------- page516.

Va pitito va yava sattama pitamahayuga asambaddha . bhikkhuni nama ubhatosanghe upasampanna . antaragharam nama rathiya ^1- byuham singhatakam gharam . khadaniyam nama panca bhojanani yamakalikam sattahakalikam yavajivikam thapetva avasesam khadaniyam nama . bhojaniyam nama panca bhojanani odano kummaso sattu maccho mamsam . Khadissami bhunjissamiti patigganhati apatti dukkatassa . Ajjhohare ajjhohare apatti patidesaniyassa. {782.1} Annatikaya annatikasanni antaragharam pavitthaya hatthato khadaniyam va bhojaniyam va sahattha patiggahetva khadati va bhunjati va apatti patidesaniyassa . annatikaya vematiko antaragharam pavitthaya hatthato khadaniyam va bhojaniyam va sahattha patiggahetva khadati va bhunjati va apatti patidesaniyassa . annatikaya natikasanni antaragharam pavitthaya hatthato khadaniyam va bhojaniyam va sahattha patiggahetva khadati va bhunjati va apatti patidesaniyassa. {782.2} Yamakalikam sattahakalikam yavajivikam aharatthaya patigganhati apatti dukkatassa . ajjhohare ajjhohare apatti dukkatassa . ekato upasampannaya hatthato khadissami bhunjissamiti patigganhati apatti dukkatassa . ajjhohare ajjhohare apatti dukkatassa . natikaya annatikasanni apatti dukkatassa . natikaya vematiko apatti dukkatassa . @Footnote: ¹ Ma. rathika.

--------------------------------------------------------------------------------------------- page517.

Natikaya natikasanni anapatti. [783] Anapatti natikaya dapeti na deti upanikkhipitva deti antararame bhikkhunupassaye titthiyaseyyaya patikkamane gamato niharitva deti yamakalikam sattahakalikam yavajivikam sati paccaye paribhunjati deti sikkhamanaya samaneriya ummattakassa adikammikassati. Pathamasikkhapadam nitthitam. -------

The Pali Tipitaka in Roman Character Volume 2 page 514-517. http://84000.org/tipitaka/read/roman_item_s.php?book=2&item=781&items=3&pagebreak=1&modeTY=2 Classified by [Item Number] :- http://84000.org/tipitaka/read/roman_item_s.php?book=2&item=781&items=3&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=2&item=781&items=3&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=2&item=781&items=3&pagebreak=1&modeTY=2 Study Atthakatha :- http://84000.org/tipitaka/attha/attha.php?b=2&i=781 The Pali Atthakatha in Thai :- http://84000.org/tipitaka/atthapali/read_th.php?B=2&A=10284 The Pali Atthakatha in Roman :- http://84000.org/tipitaka/atthapali/read_rm.php?B=2&A=10284 Contents of The Tipitaka Volume 2 http://84000.org/tipitaka/read/?index_2