ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
                      Sattamasikkhapadam
     [610]  Tena  samayena  buddho  bhagava  rajagahe  viharati veluvane
kalandakanivape  .  tena  kho  pana  samayena  bhikkhu  tapode  nhayanti.
Athakho   1-   raja   magadho  seniyo  bimbisaro  sisam  nhayissamiti
tapodam   gantva   yava   ayya   nhayantiti  ekamantam  patimanesi .
Bhikkhu   yava  samandhakara  nhayimsu  .  athakho  raja  magadho  seniyo
bimbisaro  vikale  sisam  nhayitva  nagaradvare  thakkite  2- bahinagare
vasitva   kalasseva  asambhinnena  vilepanena  yena  bhagava  tenupasankami
upasankamitva bhagavantam abhivadetva ekamantam nisidi.
     {610.1}  Ekamantam  nisinnam  kho  rajanam  magadham seniyam bimbisaram
bhagava  etadavoca  kissa  tvam  maharaja  kalasseva  agato asambhinnena
vilepanenati   .  athakho  raja  magadho  seniyo  bimbisaro  bhagavato
etamattham  arocesi  .  athakho  bhagava  rajanam  magadham seniyam bimbisaram
dhammiya   kathaya   sandassesi   samadapesi   samuttejesi  sampahamsesi .
Athakho   raja   magadho  seniyo  bimbisaro  bhagavata  dhammiya  kathaya
sandassito     samadapito    samuttejito    sampahamsito    utthayasana
bhagavantam   abhivadetva   padakkhinam   katva   pakkami  .  athakho  bhagava
etasmim    nidane    etasmim   pakarane   bhikkhusangham   sannipatapetva
bhikkhu   patipucchi   saccam   kira   bhikkhave   bhikkhu  rajanampi  passitva  na
@Footnote: 1 Ma. Yu. tena kho pana samayena .  2 Ma. thakite.
Mattam   janitva   nhayantiti   .   saccam   bhagavati  .  vigarahi  buddho
bhagava   katham   hi   nama  te  bhikkhave  moghapurisa  rajanampi  passitva
na   mattam   janitva   nhayissanti   netam   bhikkhave  appasannanam  va
pasadaya    pasannanam    va    bhiyyobhavaya   .pe.   evanca   pana
bhikkhave imam sikkhapadam uddiseyyatha
     {610.2}   yo   pana   bhikkhu   orenaddhamasam   1-  nhayeyya
pacittiyanti.
     {610.3} Evancidam bhagavata bhikkhunam sikkhapadam pannattam hoti.
     [611]  Tena  kho  pana  samayena  bhikkhu  unhasamaye  parilahasamaye
kukkuccayanta   na   nhayanti   sedagatena  gattena  sayanti  .  civarampi
senasanampi   dussati   .   bhagavato  etamattham  arocesum  .  anujanami
bhikkhave   unhasamaye   parilahasamaye   orenaddhamasam   nhayitum  evanca
pana bhikkhave imam sikkhapadam uddiseyyatha
     {611.1}   yo   pana  bhikkhu  orenaddhamasam  nhayeyya  annatra
samaya  pacittiyam  .  tatthayam  samayo  diyaddho  maso  seso gimhananti
vassanassa    pathamo   maso   iccete   addhateyyamasa   unhasamayo
parilahasamayo ayam tattha samayoti.
     {611.2} Evancidam bhagavata bhikkhunam sikkhapadam pannattam hoti.
     [612]   Tena   kho   pana   samayena  bhikkhu  gilana  honti .
Gilanapucchaka   bhikkhu   gilane   bhikkhu   etadavocum   kaccavuso  khamaniyam
@Footnote: 1 orenaddhamasantipi patha.
Kacci   yapaniyanti   .   pubbe  mayam  avuso  orenaddhamasam  nhayama
tena    no    phasu    hoti    idani   pana   bhagavata   patikkhittanti
kukkuccayanta   na  nhayama  tena  no  na  phasu  hotiti  .  bhagavato
etamattham   arocesum   .   anujanami   bhikkhave   gilanena   bhikkhuna
orenaddhamasam    nhayitum    evanca   pana   bhikkhave   imam   sikkhapadam
uddiseyyatha
     {612.1}   yo   pana  bhikkhu  orenaddhamasam  nhayeyya  annatra
samaya    pacittiyam   .   tatthayam   samayo   diyaddho   maso   seso
gimhananti    vassanassa   pathamo   maso   iccete   addhateyyamasa
unhasamayo parilahasamayo gilanasamayo ayam tattha samayoti.
     {612.2} Evancidam bhagavata bhikkhunam sikkhapadam pannattam hoti.
     [613]  Tena  kho  pana samayena bhikkhu navakammam katva kukkuccayanta
na  nhayanti  [1]-  sedagatena  gattena  sayanti  .  civarampi  senasanampi
dussati   .   bhagavato   etamattham   arocesum   .  anujanami  bhikkhave
kammasamaye    orenaddhamasam   nhayitum   evanca   pana   bhikkhave   imam
sikkhapadam uddiseyyatha
     {613.1}   yo   pana  bhikkhu  orenaddhamasam  nhayeyya  annatra
samaya    pacittiyam   .   tatthayam   samayo   diyaddho   maso   seso
gimhananti    vassanassa   pathamo   maso   iccete   addhateyyamasa
unhasamayo    parilahasamayo    gilanasamayo    kammasamayo    ayam   tattha
samayoti.
     {613.2} Evancidam bhagavata bhikkhunam sikkhapadam pannattam hoti.
@Footnote: 1 Ma. te.
     [614]   Tena   kho   pana  samayena  bhikkhu  addhanamaggam  gantva
kukkuccayanta  na  nhayanti  [1]-  sedagatena  gattena sayanti. Civarampi
senasanampi   dussati   .   bhagavato  etamattham  arocesum  .  anujanami
bhikkhave    addhanagamanasamaye   orenaddhamasam   nhayitum   evanca   pana
bhikkhave imam sikkhapadam uddiseyyatha
     {614.1}   yo   pana  bhikkhu  orenaddhamasam  nhayeyya  annatra
samaya    pacittiyam   .   tatthayam   samayo   diyaddho   maso   seso
gimhananti    vassanassa   pathamo   maso   iccete   addhateyyamasa
unhasamayo        parilahasamayo        gilanasamayo        kammasamayo
addhanagamanasamayo ayam tattha samayoti.
     {614.2} Evancidam bhagavata bhikkhunam sikkhapadam pannattam hoti.
     [615]   Tena   kho  pana  samayena  sambahula  bhikkhu  ajjhokase
civarakammam   karonta   sarajena   vatena   okinna  honti  devo  ca
thokam  thokam  phussi  2-  .  bhikkhu  kukkuccayanta  na  nhayanti kilinnena
gattena   sayanti   .  civarampi  senasanampi  dussati  .  bhagavato  etamattham
arocesum   .   anujanami   bhikkhave   vatavutthisamaye   orenaddhamasam
nhayitum evanca pana bhikkhave imam sikkhapadam uddiseyyatha
     {615.1}   yo   pana  bhikkhu  orenaddhamasam  nhayeyya  annatra
samaya    pacittiyam   .   tatthayam   samayo   diyaddho   maso   seso
gimhananti    vassanassa   pathamo   maso   iccete   addhateyyamasa
unhasamayo   parilahasamayo   gilanasamayo   kammasamayo   addhanagamanasamayo
@Footnote: 1 Ma. te .  2 Ma. phusayati.
Vatavutthisamayo ayam tattha samayoti.
     [616]  Yo  panati  yo  yadiso  .pe. Bhikkhuti .pe. Ayam imasmim
atthe   adhippeto   bhikkhuti   .   orenaddhamasanti   unakaddhamasam  .
Nhayeyyati   cunnena   va   mattikaya   va   nhayati   .  payoge
dukkatam. Nhanapariyosane apatti pacittiyassa.
     {616.1}   Annatra   samayati   thapetva   samayam  .  unhasamayo
nama   diyaddho   maso   seso   gimhanam   .   parilahasamayo   nama
vassanassa   pathamo   maso   .  iccete  addhateyyamasa  unhasamayo
parilahasamayoti    nhayitabbam    .   gilanasamayo   nama   yassa   vina
nhanena   na  phasu  hoti  .  gilanasamayoti  nhayitabbam  .  kammasamayo
nama antamaso parivenampi sammattham hoti. Kammasamayoti nhayitabbam.
     {616.2}    Addhanagamanasamayo    nama   addhayojanam   gamissamiti
nhayitabbam     gacchantena     nhayitabbam    gatena    nhayitabbam   .
Vatavutthisamayo   nama   bhikkhu  sarajena  vatena  okinna  honti  dve
va  tini  va  udakaphusitani  kaye  patitani  honti  .  vatavutthisamayoti
nhayitabbam.
     [617]    Unakaddhamase   unakasanni   annatra   samaya   nhayati
apatti   pacittiyassa   .   unakaddhamase   vematiko   annatra  samaya
nhayati    apatti    pacittiyassa    .    unakaddhamase   atirekasanni
annatra   samaya   nhayati   apatti   pacittiyassa  .  atirekaddhamase
unakasanni       apatti       dukkatassa      .      atirekaddhamase
Vematiko    apatti    dukkatassa    .   atirekaddhamase   atirekasanni
anapatti.
     [618]   Anapatti   samaye   addhamasam   nhayati  atirekaddhamasam
nhayati    param    gacchanto    nhayati    sabbapaccantimesu   janapadesu
apadasu ummattakassa adikammikassati.
                   Sattamasikkhapadam nitthitam.
                            ---------
                      Atthamasikkhapadam



             The Pali Tipitaka in Roman Character Volume 2 page 398-404. http://84000.org/tipitaka/read/roman_item_s.php?book=2&item=610&items=9&modeTY=2              Classified by [Item Number] :- http://84000.org/tipitaka/read/roman_item_s.php?book=2&item=610&items=9&modeTY=2&mode=bracket              Compare with The Pali Tipitaka in Thai Character :- http://84000.org/tipitaka/read/pali_item_s.php?book=2&item=610&items=9&modeTY=2              Compare with The Royal Version of Thai Tipitaka :- http://84000.org/tipitaka/read/byitem_s.php?book=2&item=610&items=9&modeTY=2              Study Atthakatha :- http://84000.org/tipitaka/attha/attha.php?b=2&i=610              The Pali Atthakatha in Thai :- http://84000.org/tipitaka/atthapali/read_th.php?B=2&A=9599              The Pali Atthakatha in Roman :- http://84000.org/tipitaka/atthapali/read_rm.php?B=2&A=9599              Contents of The Tipitaka Volume 2 http://84000.org/tipitaka/read/?index_2

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]

Background color :