บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
Tatiyasikkhapadam [535] Tena samayena buddho bhagava savatthiyam viharati jetavane anathapindikassa arame . tena kho pana samayena ayasma upanando sakyaputto sahayakassa gharam gantva tassa pajapatiya saddhim sayanighare 1- nisajjam kappesi . athakho so puriso yenayasma upanando sakyaputto tenupasankami upasankamitva ayasmantam upanandam sakyaputtam abhivadetva ekamantam nisidi . ekamantam nisinno kho so puriso pajapatim etadavoca dehayyassa bhikkhanti . Athakho sa itthi ayasmato upanandassa sakyaputtassa bhikkham adasi . athakho so puriso ayasmantam upanandam sakyaputtam etadavoca gacchatha bhante yato ayyassa bhikkha dinnati. {535.1} Athakho sa itthi sallakkhetva pariyutthito ayam purisoti ayasmantam upanandam sakyaputtam etadavoca nisidatha bhante ma agamitthati . dutiyampi kho so puriso .pe. tatiyampi kho so puriso ayasmantam upanandam sakyaputtam etadavoca gacchatha bhante yato ayyassa bhikkha dinnati . tatiyampi kho sa itthi ayasmantam upanandam sakyaputtam etadavoca nisidatha bhante ma agamitthati . Athakho so puriso nikkhamitva bhikkhu ujjhapesi ayam bhante ayyo upanando mayham pajapatiya saddhim sayanighare nisinno so @Footnote: 1 Ma. Yu. sayanighare. evamuparipi . 2 Ma. dadehayyassa. Maya uyyojiyamano na icchati gantum bahukicca mayam bahukaraniyati . Ye te bhikkhu appiccha .pe. te ujjhayanti khiyanti vipacenti katham hi nama ayasma upanando sakyaputto sabhojane kule anupakhajja nisajjam kappessatiti .pe. saccam kira tvam upananda sabhojane kule anupakhajja nisajjam kappesiti . saccam bhagavati . Vigarahi buddho bhagava katham hi nama tvam moghapurisa sabhojane kule anupakhajja nisajjam kappessasi netam moghapurisa appasannanam va pasadaya pasannanam va bhiyyobhavaya .pe. evanca pana bhikkhave imam sikkhapadam uddiseyyatha {535.2} yo pana bhikkhu sabhojane kule anupakhajja nisajjam kappeyya pacittiyanti. [536] Yo panati yo yadiso .pe. Bhikkhuti .pe. Ayam imasmim atthe adhippeto bhikkhuti. Sabhojanam nama kulam itthi ceva hoti puriso ca. Ubho anikkhanta honti ubho avitaraga . Anupakhajjati anupavisitva. Nisajjam kappeyyati mahallake ghare pitthisanghatassa 1- hatthapasam vijahitva nisidati apatti pacittiyassa . khuddake ghare pitthivamsam atikkamitva nisidati apatti pacittiyassa. [537] Sayanighare sayanigharasanni sabhojane kule anupakhajja nisajjam kappeti apatti pacittiyassa . sayanighare vematiko sabhojane kule anupakhajja nisajjam kappeti apatti pacittiyassa . sayanighare @Footnote: 1 Ma. pitthasanghatassa. evamuparipi. Nasayanigharasanni sabhojane kule anupakhajja nisajjam kappeti apatti pacittiyassa . nasayanighare sayanigharasanni apatti dukkatassa . Nasayanighare vematiko apatti dukkatassa . nasayanighare nasayanigharasanni anapatti. [538] Anapatti mahallake ghare pitthisanghatassa hatthapasam avijahitva nisidati khuddake ghare pitthivamsam anatikkamitva nisidati bhikkhu dutiyo hoti ubho nikkhanta honti ubho vitaraga nasayanighare ummattakassa adikammikassati. Tatiyasikkhapadam nitthitam. --------The Pali Tipitaka in Roman Character Volume 2 page 353-355. http://84000.org/tipitaka/read/roman_item_s.php?book=2&item=535&items=4&modeTY=2 Classified by [Item Number] :- http://84000.org/tipitaka/read/roman_item_s.php?book=2&item=535&items=4&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=2&item=535&items=4&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=2&item=535&items=4&modeTY=2 Study Atthakatha :- http://84000.org/tipitaka/attha/attha.php?b=2&i=535 The Pali Atthakatha in Thai :- http://84000.org/tipitaka/atthapali/read_th.php?B=2&A=9410 The Pali Atthakatha in Roman :- http://84000.org/tipitaka/atthapali/read_rm.php?B=2&A=9410 Contents of The Tipitaka Volume 2 http://84000.org/tipitaka/read/?index_2
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]