ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.
     [601]  Savatthinidanam  .  atha  kho  sagaravo 1- brahmano yena
bhagava     tenupasankami    upasankamitva    bhagavata    saddhim    sammodi
sammodaniyam    katham    saraniyam    vitisaretva   ekamantam   nisidi  .
Ekamantam nisinno kho sagaravo brahmano bhagavantam etadavoca
@Footnote: 1 Ma. Yu. sangaravo. evamupari.
     [602]  Ko  nu  kho  bho  gotama  hetu  ko  paccayo yenekada
digharattam   sajjhayakatapi   manta   nappatibhanti   pageva  asajjhayakata .
Ko   pana   bho   gotama   hetu   ko   paccayo   yenekada  digharattam
asajjhayakatapi manta patibhanti pageva sajjhayakatati.
     [603]  Yasmim  kho  brahmana  samaye  kamaragapariyutthitena cetasa
viharati    kamaragaparetena    uppannassa    ca   kamaragassa   nissaranam
yathabhutam  nappajanati  na  passati  1-  attatthampi  tasmim  samaye  yathabhutam
nappajanati   na   passati  paratthampi  tasmim  samaye  yathabhutam  nappajanati
na   passati   ubhayatthampi  tasmim  samaye  yathabhutam  nappajanati  na  passati
digharattam sajjhayakatapi manta nappatibhanti pageva asajjhayakata.
     [604]   Seyyathapi   brahmana  udapatto  samsattho  lakhaya  va
haliddiya   va   niliya   va   manjitthaya  va  tattha  cakkhuma  puriso
sakam  mukhanimittam  paccavekkhamano  yathabhutam  nappajaneyya  na  passeyya .
Evameva   kho   brahmana  yasmim  samaye  kamaragapariyutthitena   cetasa
viharati    kamaragaparetena    uppannassa    ca   kamaragassa   nissaranam
yathabhutam   nappajanati   na   passati   attatthampi  tasmim  samaye  yathabhutam
nappajanati    na    passati    paratthampi    .pe.   ubhayatthampi   tasmim
samaye    yathabhutam   nappajanati   na   passati   digharattam   sajjhayakatapi
manta nappatibhanti pageva asajjhayakata.
@Footnote: 1 Ma. Yu. na passatiti na dissati. evamupari.
     [605]   Puna  caparam  brahmana  yasmim  samaye  byapadapariyutthitena
cetasa    viharati    byapadaparetena    uppannassa   ca   byapadassa
nissaranam   yathabhutam   nappajanati   na   passati  attatthampi  tasmim  samaye
yathabhutam    nappajanati    na   passati   paratthampi   .pe.   ubhayatthampi
tasmim   samaye   yathabhutam  nappajanati  na  passati  digharattam  sajjhayakatapi
manta nappatibhanti pageva asajjhayakata.
     [606]   Seyyathapi   brahmana   udapatto   aggina   santatto
ukkutthito  1-  usmadakajato  2-  tattha  cakkhuma  puriso sakam mukhanimittam
paccavekkhamano   yathabhutam   nappajaneyya   na   passeyya  .  evameva
kho   brahmana   yasmim   samaye   byapadapariyutthitena   cetasa  viharati
byapadaparetena    uppannassa    ca   byapadassa   nissaranam   yathabhutam
nappajanati    na    passati    attatthampi    tasmim    samaye   yathabhutam
nappajanati     na    passati    paratthampi    tasmim    samaye    .pe.
Ubhayatthampi   tasmim   samaye   yathabhutam   nappajanati  na  passati  digharattam
sajjhayakatapi manta nappatibhanti pageva asajjhayakata.
     [607]   Puna   caparam  brahmana  yasmim  samaye  thinamiddhapariyutthitena
cetasa   viharati   thinamiddhaparetena   uppannassa  ca  thinamiddhassa  nissaranam
yathabhutam   nappajanati   na   passati   attatthampi  tasmim  samaye  yathabhutam
nappajanati    na    passati    paratthampi    .pe.   ubhayatthampi   tasmim
@Footnote: 1 Ma. pakkuthito. Yu. ukkatthito. 2 Ma. Yu. usmudakajato.
Samaye    yathabhutam   nappajanati   na   passati   digharattam   sajjhayakatapi
manta nappatibhanti pageva asajjhayakata.
     [608]   Seyyathapi   brahmana  udapatto  sevalapanakapariyonaddho
tattha    cakkhuma   puriso   sakam   mukhanimittam   paccavekkhamano   yathabhutam
nappajaneyya   na  passeyya  .  evameva  kho  brahmana  yasmim  samaye
thinamiddhapariyutthitena    cetasa    viharati    thinamiddhaparetena   uppannassa
ca    thinamiddhassa    nissaranam    yathabhutam    nappajanati    na    passati
attatthampi    tasmim    samaye    yathabhutam    nappajanati    na   passati
paratthampi   .pe.   ubhayatthampi   tasmim   samaye   yathabhutam   nappajanati
na    passati    digharattam    sajjhayakatapi   manta   nappatibhanti   pageva
asajjhayakata.
     [609]  Puna  caparam  brahmana yasmim samaye uddhaccakukkuccapariyutthitena
cetasa    viharati   uddhaccakukkuccaparetena   uppannassa   ca   uddhacca-
kukkuccassa   nissaranam   yathabhutam   nappajanati   na   passati  attatthampi
tasmim   samaye   yathabhutam   nappajanati   na   passati   paratthampi  .pe.
Ubhayatthampi   tasmim   samaye   yathabhutam   nappajanati  na  passati  digharattam
sajjhayakatapi manta nappatibhanti pageva asajjhayakata.
     [610]  Seyyathapi  brahmana udapatto vaterito calito bhango 1-
umijato   tattha   cakkhuma   puriso   sakam   mukhanimittam   paccavekkhamano
@Footnote: 1 Ma. Yu. bhanto.
Yathabhutam   nappajaneyya   na   passeyya   .   evameva  kho  brahmana
yasmim   samaye   uddhaccakukkuccapariyutthitena   cetasa   viharati   uddhacca-
kukkuccaparetena     uppannassa     ca    uddhaccakukkuccassa    nissaranam
yathabhutam   nappajanati   na   passati   attatthampi  tasmim  samaye  yathabhutam
nappajanati   na   passati   paratthampi   .pe.  ubhayatthampi  tasmim  samaye
yathabhutam    nappajanati   na   passati   digharattam   sajjhayakatapi   manta
nappatibhanti pageva asajjhayakata.
     [611]   Puna  caparam  brahmana  yasmim  samaye  vicikicchapariyutthitena
cetasa   viharati   vicikicchaparetena  uppannaya  ca  vicikicchaya  nissaranam
yathabhutam   nappajanati   na   passati   attatthampi  tasmim  samaye  yathabhutam
nappajanati    na    passati    paratthampi    .pe.   ubhayatthampi   tasmim
samaye    yathabhutam   nappajanati   na   passati   digharattam   sajjhayakatapi
manta nappatibhanti pageva asajjhayakata.
     [612]  Seyyathapi  brahmana  udapatto  avilo  lulito kalalibhuto
andhakare    nikkhitto    tattha    cakkhuma    puriso   sakam   mukhanimittam
paccavekkhamano   yathabhutam   nappajaneyya   na   passeyya  .  evameva
kho   brahmana   yasmim   samaye   vicikicchapariyutthitena   cetasa  viharati
vicikicchaparetena    uppannaya    ca    vicikicchaya   nissaranam   yathabhutam
nappajanati    na    passati    attatthampi    tasmim    samaye   yathabhutam
nappajanati    na    passati    paratthampi    tasmim    samaye    yathabhutam
Nappajanati    na    passati    ubhayatthampi    tasmim    samaye   yathabhutam
nappajanati     na     passati     digharattam     sajjhayakatapi    manta
nappatibhanti pageva asajjhayakata.
     [613]  Ayam  kho  brahmana  hetu  ayam paccayo yenekada digharattam
sajjhayakatapi manta nappatibhanti pageva asajjhayakata.
     [614]   Yasminca  kho  brahmana  samaye  na  kamaragapariyutthitena
cetasa   viharati   na   kamaragaparetena   uppannassa   ca  kamaragassa
nissaranam    yathabhutam    pajanati    passati   attatthampi   tasmim   samaye
yathabhutam    pajanati    passati    paratthampi    tasmim   samaye   yathabhutam
pajanati    passati    ubhayatthampi   tasmim   samaye   yathabhutam   pajanati
passati     digharattam     asajjhayakatapi     manta    patibhanti    pageva
sajjhayakata.
     [615]   Seyyathapi  brahmana  udapatto  asamsattho  lakhaya  va
haliddiya   va   niliya   va   manjitthaya  va  tattha  cakkhuma  puriso
sakam   mukhanimittam   paccavekkhamano   yathabhutam   pajaneyya   passeyya .
Evameva    kho   brahmana   yasmim   samaye   na   kamaragapariyutthitena
cetasa   viharati   na   kamaragaparetena   uppannassa   ca  kamaragassa
nissaranam yathabhutam pajanati passati .pe.
     [616]  Puna  caparam  brahmana  yasmim  samaye na byapadapariyutthitena
cetasa       viharati       na      byapadaparetena      uppannassa
Ca    byapadassa   nissaranam   yathabhutam   pajanati   passati   attatthampi
tasmim   samaye   yathabhutam    pajanati   passati  paratthampi  .  ubhayatthampi
.pe. Digharattam asajjhayakatapi manta patibhanti pageva sajjhayakata.
     [617]   Seyyathapi   brahmana  udapatto  na  aggina  santatto
na    ukkutthito   na   usmadakajato   tattha   cakkhuma   puriso   sakam
mukhanimittam   paccavekkhamano  yathabhutam  pajaneyya  passeyya  .  evameva
kho   brahmana   yasmim  samaye  na  byapadapariyutthitena  cetasa  viharati
na   byapadaparetena   uppannassa   ca   byapadassa  nissaranam  yathabhutam
pajanati    passati    attatthampi   tasmim   samaye   yathabhutam   pajanati
passati   paratthampi   .   ubhayatthampi   .pe.   digharattam   asajjhayakatapi
manta patibhanti pageva sajjhayakata.
     [618]  Puna  caparam  brahmana  yasmim  samaye  na thinamiddhapariyutthitena
cetasa    viharati   na   thinamiddhaparetena   uppannassa   ca   thinamiddhassa
nissaranam    yathabhutam    pajanati    passati   attatthampi   tasmim   samaye
yathabhutam   pajanati   passati   paratthampi  .  ubhayatthampi  .pe.  digharattam
asajjhayakatapi manta patibhanti pageva sajjhayakata
     [619]  Seyyathapi  brahmana  udapatto  na sevalapanakapariyonaddho
tattha     cakkhuma     puriso     sakam     mukhanimittam    paccavekkhamano
Yathabhutam   pajaneyya   passeyya   .   evameva   kho  brahmana  yasmim
samaye   na   thinamiddhapariyutthitena   cetasa   viharati  na  thinamiddhaparetena
uppannassa    ca    thinamiddhassa   nissaranam   yathabhutam   pajanati   passati
attatthampi   tasmim   samaye   yathabhutam   pajanati   passati  paratthampi .
Ubhayatthampi    .pe.    digharattam    asajjhayakatapi    manta    patibhanti
pageva sajjhayakata.
     [620]   Puna  caparam  brahmana  yasmim  samaye  na  uddhaccakukkucca-
pariyutthitena   cetasa   viharati   na  uddhaccakukkuccaparetena  uppannassa
ca     uddhaccakukkuccassa     nissaranam    yathabhutam    pajanati    passati
attatthampi   tasmim   samaye   yathabhutam   pajanati   passati  paratthampi .
Ubhayatthampi    .pe.    digharattam    asajjhayakatapi    manta    patibhanti
pageva sajjhayakata.
     [621]  Seyyathapi  brahmana  udapatto  na  vaterito  na calito
na   bhango   na   umijato   tattha   cakkhuma   puriso   sakam  mukhanimittam
paccavekkhamano   yathabhutam   pajaneyya   passeyya   .   evameva  kho
brahmana    yasmim    samaye    na   uddhaccakukkuccapariyutthitena   cetasa
viharati   na   uddhaccakukkuccaparetena   uppannassa   ca  uddhaccakukkuccassa
nissaranam    yathabhutam    pajanati    passati   attatthampi   tasmim   samaye
yathabhutam    pajanati    passati    paratthampi    .   ubhayatthampi   .pe.
Digharattam asajjhayakatapi manta patibhanti pageva sajjhayakata.
     [622]  Puna  caparam  brahmana  yasmim  samaye na vicikicchapariyutthitena
cetasa   viharati   na   vicikicchaparetena   uppannaya   ca   vicikicchaya
nissaranam    yathabhutam    pajanati    passati   attatthampi   tasmim   samaye
yathabhutam    pajanati    passati    paratthampi    tasmim   samaye   yathabhutam
pajanati    passati    ubhayatthampi   tasmim   samaye   yathabhutam   pajanati
passati .pe.
     [623]   Seyyathapi   brahmana   udapatto   accho   vippasanno
anavilo   aloke   nikkhitto   tattha  cakkhuma  puriso  sakam  mukhanimittam
paccavekkhamano    yathabhutam    pajaneyya    passeyya    .   evameva
kho    brahmana    yasmim   samaye   na   vicikicchapariyutthitena   cetasa
viharati   na   vicikicchaparetena   uppannaya   ca   vicikicchaya   nissaranam
yathabhutam    pajanati    passati    attatthampi   tasmim   samaye   yathabhutam
pajanati    passati    paratthampi    tasmim   samaye   yathabhutam   pajanati
passati    ubhayatthampi    tasmim    samaye    yathabhutam   pajanati   passati
digharattam asajjhayakatapi manta patibhanti pageva sajjhayakata.
     [624]   Ayam   kho   brahmana   hetu  ayam  paccayo  yenekada
digharattam asajjhayakatapi manta patibhanti pageva sajjhayakata.
     [625]   Sattimepi   brahmana   bojjhanga  anavarana  anivarana
cetaso   anupakkilesa   bhavita   bahulikata   vijjavimuttiphalasacchikiriyaya
samvattanti   .   katame   satta   .   satisambojjhango   kho   brahmana
Anavarano    anivarano    cetaso   anupakkileso   bhavito   bahulikato
vijjavimuttiphalasacchikiriyaya     samvattati    .pe.    upekkhasambojjhango
kho   brahmana   anavarano   anivarano  cetaso  anupakkileso  bhavito
bahulikato   vijjavimuttiphalasacchikiriyaya   samvattati  .  ime  kho  brahmana
satta   bojjhanga  anavarana  anivarana  cetaso  anupakkilesa  bhavita
bahulikata vijjavimuttiphalasacchikiriyaya samvattantiti.
     [626]   Evam  vutte  sagaravo  brahmano  bhagavantam  etadavoca
abhikkantam   bho   gotama   .pe.   upasakam   mam  bhavam  gotamo  dharetu
ajjatagge panupetam saranangatanti.



             The Pali Tipitaka in Roman Character Volume 19 page 166-175. http://84000.org/tipitaka/read/roman_item_s.php?book=19&item=601&items=26&modeTY=2&mode=bracket              Classified by content :- http://84000.org/tipitaka/read/roman_item_s.php?book=19&item=601&items=26&modeTY=2              Compare with The Pali Tipitaka in Thai Character :- http://84000.org/tipitaka/read/pali_item_s.php?book=19&item=601&items=26&modeTY=2&mode=bracket              Compare with The Royal Version of Thai Tipitaka :- http://84000.org/tipitaka/read/byitem_s.php?book=19&item=601&items=26&modeTY=2&mode=bracket              Study Atthakatha :- http://84000.org/tipitaka/attha/attha.php?b=19&i=601              The Pali Atthakatha in Thai :- http://84000.org/tipitaka/atthapali/read_th.php?B=13&A=5303              The Pali Atthakatha in Roman :- http://84000.org/tipitaka/atthapali/read_rm.php?B=13&A=5303              Contents of The Tipitaka Volume 19 http://84000.org/tipitaka/read/?index_19

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]

Background color :