ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.
     [129]  Savatthinidanam. Suriyassa 1- bhikkhave udayato etam pubbangamam
etam   pubbanimittam   yadidam  arunuggam  .  evameva  kho  bhikkhave  bhikkhuno
ariyassa   atthangikassa   maggassa   uppadaya   etam   pubbangamam   etam
pubbanimittam    yadidam    kalyanamittata   .   kalyanamittassetam   bhikkhave
bhikkhuno   patikankham   ariyam  atthangikam  maggam  bhavessati  ariyam  atthangikam
maggam bahulikarissatiti 2-.
     [130]   Kathanca   bhikkhave   bhikkhu  kalyanamitto  ariyam  atthangikam
maggam   bhaveti   ariyam   atthangikam   maggam  bahulikaroti  .  idha  bhikkhave
bhikkhu    sammaditthim   bhaveti   vivekanissitam   viraganissitam   nirodhanissitam
vossaggaparinamim     .pe.     sammasamadhim     bhaveti    vivekanissitam
viraganissitam   nirodhanissitam   vossaggaparinamim   .   evam   kho  bhikkhave
bhikkhu   kalyanamitto   ariyam   atthangikam  maggam  bhaveti  ariyam  atthangikam
maggam bahulikarotiti.
     [131]  Savatthinidanam  .  suriyassa  bhikkhave udayato etam pubbangamam
etam   pubbanimittam   yadidam  arunuggam  .  evameva  kho  bhikkhave  bhikkhuno
ariyassa   atthangikassa   maggassa   uppadaya   etam   pubbangamam   etam
pubbanimittam   yadidam   silasampada   .   silasampannassetam  bhikkhave  bhikkhuno
patikankham .pe.
@Footnote: 1 Ma. suriyassa. evamupari. 2 Ma. Yu. itisaddo natthi. evamupari.
     [132] Yadidam chandasampada .pe.
     [133] Yadidam attasampada .pe.
     [134] Yadidam ditthisampada .pe.
     [135] Yadidam appamadasampada .pe.
     [136]  Savatthinidanam  .  suriyassa  bhikkhave udayato etam pubbangamam
etam   pubbanimittam   yadidam  arunuggam  .  evameva  kho  bhikkhave  bhikkhuno
ariyassa   atthangikassa   maggassa   uppadaya   etam   pubbangamam   etam
pubbanimittam    yadidam    yonisomanasikarasampada    .    yonisomanasikara-
sampannassetam   bhikkhave   bhikkhuno   patikankham   ariyam   atthangikam  maggam
bhavessati ariyam atthangikam maggam bahulikarissatiti.
     [137]   Kathanca   bhikkhave   bhikkhu  yonisomanasikarasampanno  ariyam
atthangikam   maggam   bhaveti   ariyam   atthangikam   maggam   bahulikaroti  .
Idha   bhikkhave   bhikkhu   sammaditthim   bhaveti   vivekanissitam  viraganissitam
nirodhanissitam     vossaggaparinamim     .pe.     sammasamadhim    bhaveti
vivekanissitam     viraganissitam     nirodhanissitam     vossaggaparinamim   .
Evam   kho   bhikkhave   bhikkhu   yonisomanasikarasampanno  ariyam  atthangikam
maggam bhaveti ariyam atthangikam maggam bahulikarotiti.
     [138]  Savatthinidanam  .  suriyassa  bhikkhave udayato etam pubbangamam
etam   pubbanimittam   yadidam  arunuggam  .  evameva  kho  bhikkhave  bhikkhuno
ariyassa   atthangikassa   maggassa   uppadaya   etam   pubbangamam   etam
Pubbanimittam      yadidam      kalyanamittata     .     kalyanamittassetam
bhikkhave    bhikkhuno    patikankham   ariyam   atthangikam   maggam   bhavessati
ariyam atthangikam maggam bahulikarissatiti.
     [139]   Kathanca   bhikkhave   bhikkhu  kalyanamitto  ariyam  atthangikam
maggam   bhaveti   ariyam   atthangikam   maggam  bahulikaroti  .  idha  bhikkhave
bhikkhu    sammaditthim    bhaveti   ragavinayapariyosanam   dosavinayapariyosanam
mohavinayapariyosanam   .pe.   sammasamadhim   bhaveti   ragavinayapariyosanam
dosavinayapariyosanam   mohavinayapariyosanam   .   evam  kho  bhikkhave  bhikkhu
kalyanamitto    ariyam    atthangikam   maggam   bhaveti   ariyam   atthangikam
maggam bahulikarotiti.
     [140]  Savatthinidanam  .  suriyassa  bhikkhave udayato etam pubbangamam
etam   pubbanimittam   yadidam  arunuggam  .  evameva  kho  bhikkhave  bhikkhuno
ariyassa   atthangikassa   maggassa   uppadaya   etam   pubbangamam   etam
pubbanimittam yadidam silasampada .pe.
     [141] Yadidam chandasampada .pe.
     [142] Yadidam attasampada .pe.
     [143] Yadidam ditthisampada .pe.
     [144] Yadidam appamadasampada .pe.
     [145]   Savatthinidanam   .   yadidam   yonisomanasikarasampada  .
Yonisomanasikarasampannassetam    bhikkhave    bhikkhuno    patikankham    ariyam
Atthangikam maggam bhavessati ariyam atthangikam maggam bahulikarissatiti.
     [146]   Kathanca   bhikkhave   bhikkhu  yonisomanasikarasampanno  ariyam
atthangikam  maggam  bhaveti  ariyam  atthangikam  maggam bahulikaroti. Idha bhikkhave
bhikkhu    sammaditthim    bhaveti   ragavinayapariyosanam   dosavinayapariyosanam
mohavinayapariyosanam   .pe.   sammasamadhim   bhaveti   ragavinayapariyosanam
dosavinayapariyosanam   mohavinayapariyosanam   .   evam  kho  bhikkhave  bhikkhu
yonisomanasikarasampanno    ariyam    atthangikam    maggam   bhaveti   ariyam
atthangikam maggam bahulikarotiti.
                    Suriyapeyyalo samatto.
                        Tassuddanam
         kalyanamittam silanca         chando ca attasampada
         ditthi ca appamado ca        yoniso bhavati sattamam.
                        -------
                  Ekadhammapeyyalo sattamo



             The Pali Tipitaka in Roman Character Volume 19 page 36-40. http://www.84000.org/tipitaka/read/roman_item_s.php?book=19&item=129&items=18&modeTY=2&mode=bracket              Classified by content :- http://www.84000.org/tipitaka/read/roman_item_s.php?book=19&item=129&items=18&modeTY=2              Compare with The Pali Tipitaka in Thai Character :- http://www.84000.org/tipitaka/read/pali_item_s.php?book=19&item=129&items=18&modeTY=2&mode=bracket              Compare with The Royal Version of Thai Tipitaka :- http://www.84000.org/tipitaka/read/byitem_s.php?book=19&item=129&items=18&modeTY=2&mode=bracket              Study Atthakatha :- http://www.84000.org/tipitaka/attha/attha.php?b=19&i=129              The Pali Atthakatha in Thai :- http://www.84000.org/tipitaka/atthapali/read_th.php?B=13&A=4294              The Pali Atthakatha in Roman :- http://www.84000.org/tipitaka/atthapali/read_rm.php?B=13&A=4294              Contents of The Tipitaka Volume 19 http://www.84000.org/tipitaka/read/?index_19

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com

Background color :