TIPITAKA Volume 15 : PALI ROMAN
Sutta Pitaka Vol 7 : Sutta. Saṃ. Sa.

                              Dutiyaṃ udayasuttaṃ
     [677]    Sāvatthīnidānaṃ   .   atha   kho   bhagavā   pubbaṇhasamayaṃ
nivāsetvā   pattacīvaramādāya   yena   udayassa   brāhmaṇassa   nivesanaṃ
tenupasaṅkami    .    atha   kho   udayo   brāhmaṇo   bhagavato   pattaṃ
odanena pūresi.
     [678]    Dutiyampi    kho    bhagavā   pubbaṇhasamayaṃ   nivāsetvā
pattacīvaramādāya   yena   udayassa  brāhmaṇassa  nivesanaṃ  tenupasaṅkami .
Dutiyampi kho udayo brāhmaṇo bhagavato pattaṃ odanena pūresi.
     [679]    Tatiyampi    kho    bhagavā   pubbaṇhasamayaṃ   nivāsetvā
pattacīvaramādāya   yena   udayassa  brāhmaṇassa  nivesanaṃ  tenupasaṅkami .
Tatiyampi   kho   udayo   brāhmaṇo  bhagavato  pattaṃ  odanena  pūretvā
bhagavantaṃ     etadavoca    pakaṭṭhakvāyaṃ    samaṇo    gotamo    punappunaṃ
āgacchatīti.
     [680] Punappunaṃ ceva vapanti bījaṃ
                punappunaṃ vassati devarājā
                punappunaṃ khettaṃ kasanti kassakā
                punappunaṃ dhaññamupenti raṭṭhaṃ
                punappunaṃ yācakā yācayanti
                punappunaṃ dānapatī dadanti
                punappunaṃ dānapatī daditvā
                punappunaṃ saggamupenti ṭhānaṃ
                punappunaṃ khīraṇikā duhanti
                punappunaṃ vaccho upeti mātaraṃ
                punappunaṃ kilamati phandati ca
                punappunaṃ gabbhamupeti mando
                punappunaṃ jāyati miyyati ca
                punappunaṃ sīvathikaṃ haranti
                maggañca laddhā apunabbhavāya
                punappunaṃ 1- jāyati bhūripaññoti.
     [681]   Evaṃ   vutte   udayo  brāhmaṇo  bhagavantaṃ  etadavoca
abhikkantaṃ   bho   gotama   abhikkantaṃ   bho   gotama  .pe.  upāsakaṃ  maṃ
bhavaṃ gotamo dhāretu ajjatagge pāṇupetaṃ saraṇaṅgatanti.
@Footnote:3 Ma. Yu. nasaddo dissati.


             The Pali Tipitaka in Roman Character Volume 15 page 255-256.
http://84000.org/tipitaka/read/roman_item_s.php?book=15&item=677&items=5
             Classified by [Item Number] :-
http://84000.org/tipitaka/read/roman_item_s.php?book=15&item=677&items=5&mode=bracket
             Compare with The Pali Tipitaka in Thai Character :-
http://84000.org/tipitaka/read/pali_item_s.php?book=15&item=677&items=5
             Compare with The Royal Version of Thai Tipitaka :-
http://84000.org/tipitaka/read/byitem_s.php?book=15&item=677&items=5
             Study Atthakatha :-
http://84000.org/tipitaka/attha/attha.php?b=15&i=677
             The Pali Atthakatha in Thai :-
http://84000.org/tipitaka/atthapali/read_th.php?B=11&A=6338
             The Pali Atthakatha in Roman :-
http://84000.org/tipitaka/atthapali/read_rm.php?B=11&A=6338
             Contents of The Tipitaka Volume 15
http://84000.org/tipitaka/read/?index_15