paliTIPITAKA Volume 15 - Sutta Pitaka 7

Dasamam dutiyakokalikasuttam [598] Savatthiyam ... atha kho kokaliko bhikkhu yena bhagava tenupasankami upasankamitva bhagavantam abhivadetva ekamantam nisidi . Ekamantam nisinno kho kokaliko bhikkhu bhagavantam etadavoca papiccha bhante sariputtamoggallana papikanam icchanam vasam gatati. @Footnote: ¹ Ma. Yu. atha kincarahi. ² Ma. Yu. kuthari . ³ Ma. Yu. appamattatho. @⁴ Ma. Yu. yamariyagarahi. [599] Evam vutte bhagava kokalikam bhikkhum etadavoca ma hevam kokalika avaca ma hevam kokalika avaca pasadehi kokalika sariputtamoggallanesu cittam pesala sariputtamoggallanati . Dutiyampi kho kokaliko bhikkhu bhagavantam etadavoca kincapi me bhante ^[1]- saddhayako paccayako atha kho papicchava sariputta- moggallana papakanam icchanam vasam gatati . dutiyampi kho bhagava kokalikam bhikkhum etadavoca ma hevam kokalika avaca ma hevam kokalika avaca pasadehi kokalika sariputtamoggallanesu cittam pesala sariputtamoggallanati . tatiyampi kho kokaliko bhikkhu bhagavantam etadavoca .pe. icchanam vasam gatati . tatiyampi kho bhagava kokalikam bhikkhum etadavoca .pe. pesala sariputtamoggallanati. [600] Atha kho kokaliko bhikkhu utthayasana bhagavantam abhivadetva padakkhinam katva pakkami . acirapakkantassa ca kokalikassa bhikkhuno sasapamattihi pilakahi sabbo kayo phuttho ahosi sasapamattiyo hutva muggamattiyo ahesum muggamattiyo hutva kalayamattiyo ahesum kalayamattiyo hutva kolatthimattiyo ahesum kolatthimattiyo hutva kolamattiyo ahesum kolamattiyo hutva amalakamattiyo ahesum amalakamattiyo hutva veluvasalatukamattiyo ahesum veluvasalatukamattiyo hutva billamattiyo ahesum @Footnote: ¹ Ma. Yu. etthantare bhagava saddhayiko paccayikoti dissanti. Billamattiyo hutva pabhijjimsu pubbanca lohitanca paggharimsu . Atha kho kokaliko bhikkhu teneva abadhena kalamakasi. Kalakato ca kokaliko bhikkhu padumanirayam upapajji sariputtamoggallanesu cittam aghatetva. [601] Atha kho brahma sahampati abhikkantaya rattiya abhikkantavanno kevalakappam jetavanam obhasetva yena bhagava tenupasankami upasankamitva bhagavantam abhivadetva ekamantam atthasi . ekamantam thito kho brahma sahampati bhagavantam etadavoca kokaliko bhante bhikkhu kalakato ^1- kalakato ca bhante kokaliko bhikkhu padumanirayam upapanno sariputtamoggallanesu cittam aghatetvati . idamavoca brahma sahampati idam vatva bhagavantam abhivadetva padakkhinam katva tatthevantaradhayiti. [602] Atha kho bhagava tassa rattiya accayena bhikkhu amantesi imam bhikkhave rattim brahma sahampati abhikkantaya rattiya abhikkantavanno kevalakappam jetavanam obhasetva yenaham tenupasankami upasankamitva mam abhivadetva ekamantam atthasi ekamantam thito kho bhikkhave brahma sahampati mam etadavoca kokaliko bhante bhikkhu kalakato kalakato ca bhante kokaliko bhikkhu padumanirayam upapanno sariputtamoggallanesu cittam aghatetvati idamavoca @Footnote: ¹ kalamakasiti va patho. Bhikkhave brahma sahampati idam vatva mam abhivadetva padakkhinam katva tatthevantaradhayiti. [603] Evam vutte annataro bhikkhu bhagavantam etadavoca kivadigham nu kho bhante padumaniraye ayuppamananti . digham kho bhikkhu padumaniraye ayuppamanam tam na sukaram sankhatum ettakani vassani iti va ettakani vassasatani iti va ettakani vassasahassani iti va ettakani vassasatasahassani iti vati . Sakka pana bhante upama katunti. [604] Sakka bhikkhuti bhagava avoca seyyathapi bhikkhu visatikhariko kosalako tilavaho tato puriso vassasatassa vassasatassa ^1- accayena ekamekam tilam uddhareyya khippataram kho so bhikkhu visatikhariko kosalako tilavaho imina upakkamena parikkhayam pariyadanam gaccheyya na tveva eko abbudo nirayo seyyathapi bhikkhu visati abbuda niraya evameko nirabbudo nirayo seyyathapi bhikkhu visati nirabbuda niraya evameko ababo nirayo seyyathapi bhikkhu visati ababa niraya evameko atato nirayo seyyathapi bhikkhu visati atata niraya evameko ahaho nirayo seyyathapi bhikkhu visati ahaha niraya evameko kumudo nirayo seyyathapi bhikkhu visati kumuda niraya evameko sogandhiko nirayo seyyathapi bhikkhu visati sogandhika niraya evameko uppalako ^2- nirayo @Footnote: ¹ Yu. vassasahassassa. ² Ma. Yu. uppalanirayo. Seyyathapi bhikkhu visati uppalaka niraya evameko pundariko nirayo seyyathapi bhikkhu visati pundarika niraya evameko padumo nirayo padumam kho pana bhikkhu nirayam ^1- kokaliko bhikkhu upapanno sariputtamoggallanesu cittam aghatetvati. [605] Idamavoca bhagava idam vatvana sugato athaparam etadavoca sattha purisassa hi khatassa kudhari jayate mukhe yaya chindati attanam balo dubbhasitam bhanam yo nindiyam pasamsati tam va nindati yo pasamsiyo vicinati mukhena so kalim kalina tena sukham na vindati appamatto ayam kali yo akkhesu dhanaparajayo sabbassapi sahapi attana ayameva mahantataro kali yo sugatesu manam padosaye. Satam sahassana nirabbudanam chattimsati panca ca abbudani yamariye garahi nirayam upeti vacam mananca panidhaya papakanti. Pathamo vaggo. @Footnote: ¹ Ma. padume pana bhikkhu niraye. Yu. padumake .... Tassuddanam ayacanam garavo brahmadevo bako ca brahma apara ca ditthi pamadakokalikatissako ca tudu ca brahma aparo kokalikoti. -------------

The Pali Tipitaka in Roman Character Volume 15 page 219-224. http://84000.org/tipitaka/read/roman_item_s.php?book=15&item=598&items=8&modeTY=2 Classified by [Item Number] :- http://84000.org/tipitaka/read/roman_item_s.php?book=15&item=598&items=8&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=15&item=598&items=8&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=15&item=598&items=8&modeTY=2 Study Atthakatha :- http://84000.org/tipitaka/attha/attha.php?b=15&i=598 The Pali Atthakatha in Thai :- http://84000.org/tipitaka/atthapali/read_th.php?B=11&A=5329 The Pali Atthakatha in Roman :- http://84000.org/tipitaka/atthapali/read_rm.php?B=11&A=5329 Contents of The Tipitaka Volume 15 http://84000.org/tipitaka/read/?index_15