paliTIPITAKA Volume 14 - Sutta Pitaka 6

Vibhangavaggo ------ bhaddekarattasuttam [526] Evamme sutam ekam samayam bhagava savatthiyam viharati jetavane anathapindikassa arame . tatra kho bhagava bhikkhu amantesi bhikkhavoti . bhadanteti te bhikkhu bhagavato paccassosum . Bhagava etadavoca bhaddekarattassa vo bhikkhave uddesanca vibhanganca desissami tam sunatha sadhukam manasikarotha bhasissamiti . evam bhanteti kho te bhikkhu bhagavato paccassosum. [527] Bhagava etadavoca atitam nanvagameyya nappatikankhe anagatam yadatitampahinantam appattanca anagatam paccuppannanca yo dhammam tattha tattha vipassati asamhiram asankuppam tam viddha manubruhaye ajjeva kiccamatappam ko janna maranam suve na hi no sangarantena mahasenena maccuna evamviharimatapim ahorattamatanditam tam ve bhaddekarattoti santo acikkhate muniti. [528] Kathanca bhikkhave atitam anvagameti . evamrupo ahosim Atitamaddhananti tattha nandim samanvaneti evamvedano ahosim atitamaddhananti tattha nandim samanvaneti evamsanno ahosim atitamaddhananti tattha nandim samanvaneti evamsankharo ahosim atitamaddhananti tattha nandim samanvaneti evamvinnano ahosim atitamaddhananti tattha nandim samanvaneti . evam kho bhikkhave atitam anvagameti. [529] Kathanca bhikkhave atitam nanvagameti . evamrupo ahosim atitamaddhananti tattha nandim na samanvaneti evamvedano ahosim atitamaddhananti tattha nandim na samanvaneti evamsanno ahosim atitamaddhananti tattha nandim na samanvaneti evamsankharo ahosim atitamaddhananti tattha nandim na samanvaneti evamvinnano ahosim atitamaddhananti tattha nandim na samanvaneti . evam kho bhikkhave atitam nanvagameti. [530] Kathanca bhikkhave anagatam patikankhati . evamrupo siyam anagatamaddhananti tattha nandim samanvaneti evamvedano siyam .pe. evamsanno siyam .pe. evamsankharo siyam .pe. evam vinnano siyam anagatamaddhananti tattha nandim samanvaneti . Evam kho bhikkhave anagatam patikankhati. [531] Kathanca bhikkhave anagatam nappatikankhati . evamrupo siyam anagatamaddhananti tattha nandim na samanvaneti evamvedano siyam .pe. Evamsanno siyam .pe. evamsankharo siyam .pe. evam vinnano siyam anagatamaddhananti tattha nandim na samanvaneti . Evam kho bhikkhave anagatam nappatikankhati. [532] Kathanca bhikkhave paccuppannesu dhammesu samhirati . idha bhikkhave assutava puthujjano ariyanam adassavi ariyadhammassa akovido ariyadhamme avinito sappurisanam adassavi sappurisadhammassa akovido sappurisadhamme avinito rupam attato samanupassati rupavantam va attanam attani va rupam rupasmim va attanam vedanam .pe. Sannam .pe. sankhare .pe. vinnanam attato samanupassati vinnanavantam va attanam attani va vinnanam vinnanasmim va attanam. Evam kho bhikkhave paccuppannesu dhammesu samhirati. [533] Kathanca bhikkhave paccuppannesu dhammesu na samhirati . Idha bhikkhave sutava ariyasavako ariyanam dassavi ariyadhammassa kovido ariyadhamme suvinito sappurisanam dassavi sappurisadhammassa kovido sappurisadhamme suvinito ^1- na rupam attato samanupassati na rupavantam va attanam na attani va rupam na rupasmim va attanam na vedanam .pe. na sannam .pe. na sankhare .pe. na vinnanam attato samanupassati na vinnanavantam va attanam na attani va vinnanam na vinnanasmim va attanam . evam kho bhikkhave paccuppannesu dhammesu na samhirati. @Footnote: ¹ Yu. vinito. [534] Atitam nanvagameyya nappatikankhe anagatam yadatitampahinantam appattanca anagatam paccuppannanca yo dhammam tattha tattha vipassati asamhiram asankuppam tam viddha manubruhaye ajjeva kiccamatappam *- ko janna maranam suve na hi no sangarantena mahasenena maccuna evamviharimatapim ahorattamatanditam tam ve bhaddekarattoti santo acikkhate muniti bhaddekarattassa vo bhikkhave uddesanca vibhanganca desissamiti . Iti yantam vuttam idametam paticca vuttanti. Idamavoca bhagava attamana te bhikkhu bhagavato bhasitam abhinandunti. Bhaddekarattasuttam nitthitam pathamam. ---------- @Footnote:* mikar—kr khagoe kicmatappam peDna kiccamatappam

The Pali Tipitaka in Roman Character Volume 14 page 348-351. http://www.84000.org/tipitaka/read/roman_item_s.php?book=14&item=526&items=9&modeTY=2 Classified by [Item Number] :- http://www.84000.org/tipitaka/read/roman_item_s.php?book=14&item=526&items=9&modeTY=2&mode=bracket Compare with The Pali Tipitaka in Thai Character :- http://www.84000.org/tipitaka/read/pali_item_s.php?book=14&item=526&items=9&modeTY=2 Compare with The Royal Version of Thai Tipitaka :- http://www.84000.org/tipitaka/read/byitem_s.php?book=14&item=526&items=9&modeTY=2 Study Atthakatha :- http://www.84000.org/tipitaka/attha/attha.php?b=14&i=526 The Pali Atthakatha in Thai :- http://www.84000.org/tipitaka/atthapali/read_th.php?B=10&A=4421 The Pali Atthakatha in Roman :- http://www.84000.org/tipitaka/atthapali/read_rm.php?B=10&A=4421 Contents of The Tipitaka Volume 14 http://www.84000.org/tipitaka/read/?index_14