paliTIPITAKA Volume 14 - Sutta Pitaka 6

page311.

Balapanditasuttam [467] Evamme sutam ekam samayam bhagava savatthiyam viharati jetavane anathapindikassa arame . tatra kho bhagava bhikkhu amantesi bhikkhavoti. Bhadanteti te bhikkhu bhagavato paccassosum. [468] Bhagava etadavoca tinimani bhikkhave balassa balalakkhanani balanimittani balapadanani . katamani tini . idha bhikkhave balo duccintitacinti ca hoti dubbhasitabhasi ca dukkatakammakari ca . no cetam bhikkhave balo duccintitacinti ca abhavissa dubbhasitabhasi ca dukkatakammakari ca . kena nam pandita janeyyum balo ayam bhavam asappurisoti . yasma ca kho bhikkhave balo duccintitacinti ca hoti dubbhasitabhasi ca dukkatakammakari ca tasma nam pandita jananti balo ayam bhavam asappurisoti . Sa kho so bhikkhave balo tividham dittheva dhamme dukkham domanassam patisamvedeti. [469] Sace bhikkhave balo sabhayam va nisinno hoti rathiyaya ^1- va nisinno hoti singhatake va nisinno hoti tatra ^[2]- jano tajjam tassaruppam katham manteti . sace bhikkhave balo panatipati hoti adinnadayi hoti kamesumicchacari hoti musavadi hoti suramerayamajjapamadatthayi hoti tatra bhikkhave balassa evam @Footnote: ¹ Ma. rathikaya . ² Po. Ma. Yu. etthantare cesaddo dissati.

--------------------------------------------------------------------------------------------- page312.

Hoti yam kho jano tajjam tassaruppam katham manteti samvijjante te ca ^1- dhamma mayi ahanca tesu dhammesu sandissamiti . Idam bhikkhave balo pathamam dittheva dhamme dukkham domanassam patisamvedeti. [470] Puna caparam bhikkhave balo passati rajano coram agucarim gahetva vividha kammakarana karente kasahipi talente vettehipi talente addhadandakehipi talente hatthampi chindante padampi chindante hatthapadampi chindante kannampi chindante nasampi chindante kannanasampi chindante bilangathalikampi karonte sankhamundikampi karonte rahumukhampi karonte jotimalikampi karonte hatthapajjotikampi karonte erakavattikampi karonte cirakavasikampi karonte eneyyakampi karonte balisamamsikampi karonte kahapanakampi karonte kharapatacchikampi karonte palighaparivattikampi karonte palalapithakampi karonte tattenapi telena osincante sunakhehipi khadapente jivantampi sule uttasente asinapi sisam chindante . tatra bhikkhave balassa evam hoti yatharupanam kho papakanam kammanam hetu rajano coram agucarim gahetva vividha kammakarana karenti kasahipi talenti .pe. asinapi sisam chindanti . samvijjante te ca dhamma mayi ahanca tesu dhammesu sandissami . mancepi rajano janeyyum mampi rajano gahetva @Footnote: ¹ Po. Ma. casaddo na dissati.

--------------------------------------------------------------------------------------------- page313.

Vividha kammakarana kareyyum kasahipi taleyyum .pe. jivantampi sule uttaseyyum asinapi sisam chindeyyunti . idampi bhikkhave balo dutiyam dittheva dhamme dukkham domanassam patisamvedeti. [471] Puna caparam bhikkhave balam pithasamarulham va mancasamarulham va chamayam va semanam yanissa pubbe papakani kammani katani kayena duccaritani vacaya duccaritani manasa duccaritani tanissa tamhi samaye olambanti ajjholambanti abhippalambanti . Seyyathapi bhikkhave mahatam pabbatakutanam chaya sayanhasamayam pathaviya olambanti ajjholambanti abhippalambanti evameva kho bhikkhave balam pithasamarulham va mancasamarulham va chamayam va semanam yanissa pubbe papakani kammani katani kayena duccaritani vacaya duccaritani manasa duccaritani tanissa tamhi samaye olambanti ajjholambanti abhippalambanti . tatra bhikkhave balassa evam hoti akatam vata me kalyanam akatam kusalam akatam bhiruttanam katam papam katam luddam katam kibbisam yavata hoti akatakalyananam akatakusalanam akatabhiruttananam katapapanam kataluddanam katakibbisanam gati tam gatim pecca gacchamiti . so socati kilamati paridevati urattalim kandati sammoham apajjati . idam kho bhikkhave balo tatiyam dittheva dhamme dukkham domanassam patisamvedeti.

--------------------------------------------------------------------------------------------- page314.

[472] Sa kho so bhikkhave balo kayena duccaritam caritva vacaya duccaritam caritva manasa duccaritam caritva kayassa bheda parammarana apayam duggatim vinipatam nirayam upapajjati . yam kho tam bhikkhave samma vadamano vadeyya ekantam anittham ekantam akantam ekantam amanapanti nirayameva tam samma vadamano vadeyya ekantam anittham ekantam akantam ekantam amanapanti . yavancidam bhikkhave upamapi na sukara yava dukkha nirayati. [473] Evam vutte annataro bhikkhu bhagavantam etadavoca sakka pana bhante upama katunti . sakka bhikkhuti bhagava avoca seyyathapi bhikkhave coram agucarim gahetva ranno dasseyyum ayam te deva coro agucari imassa yam icchasi tam dandam panehiti . Tamenam raja evam vadeyya gacchatha bho imam purisam pubbanhasamayam sattisatena hanathati . tamenam pubbanhasamayam sattisatena haneyyum . Atha raja majjhantikasamayam evam vadeyya ambho katham so purisoti . Tatheva deva jivatiti . tamenam raja evam vadeyya gacchatha bho tam purisam majjhantikasamayam sattisatena hanathati . tamenam majjhantikasamayam sattisatena haneyyum . atha raja sayanhasamayam evam vadeyya ambho katham so purisoti . tatheva deva jivatiti . tamenam raja evam vadeyya gacchatha bho tam purisam sayanhasamayam sattisatena hanathati . tamenam sayanhasamayam sattisatena haneyyum . tam kim

--------------------------------------------------------------------------------------------- page315.

Mannatha bhikkhave api nu so puriso tihi sattisatehi hannamano tatonidanam dukkham domanassam patisamvediyethati . ekissapi bhante sattiya hannamano so puriso tatonidanam dukkham domanassam patisamvediyetha ko pana vado tihi sattisatehiti. [474] Atha kho bhagava parittam panimattam pasanam gahetva bhikkhu amantesi tam kim mannatha bhikkhave katamo nu kho mahantataro yo cayam maya paritto panimatto pasano gahito ^[1]- himava pabbatarajati . appamattako ayam bhante bhagavata paritto panimatto pasano gahito himavantam pabbatarajanam upanidhaya sankhampi na upeti kalabhagampi na upeti upanidhampi na upetiti . Evameva ^2- bhikkhave yam ^3- puriso tihi sattisatehi hannamano tatonidanam dukkham domanassam patisamvedeti . tam nirayassa ^4- dukkham upanidhaya sankhampi na upeti kalabhagampi na upeti upanidhampi na upeti. [475] Tamenam bhikkhave nirayapala pancavidhabandhanam nama karanam karenti . tattam ayokhilam hatthe gamenti tattam ayokhilam dutiye hatthe gamenti tattam ayokhilam pade gamenti tattam ayokhilam dutiye pade gamenti tattam ayokhilam majjhe urasmim gamenti . So tattha dukkha tippa katuka vedana vedeti na ca tava kalam karoti yava na tam papakammam byantihoti . tamenam bhikkhave @Footnote: ¹ Ma. yo ca himava pabbatarajati. ² Ma. Yu. evameva khoti dissati. @³ Ma. Yu. yam so purisoti dissati ⁴ Yu. tam nerayikassa upanidhaya. Ma. tam nirayakassa @dukkhassa upanidhaya.

--------------------------------------------------------------------------------------------- page316.

Nirayapala samvedhetva ^1- kutharihi tacchanti . so tattha dukkha tippa .pe. byantihoti . tamenam bhikkhave nirayapala uddhampadam adhosiram gahetva vasihi tacchanti . so tattha dukkha tippa .pe. byantihoti . tamenam bhikkhave nirayapala rathe yojetva adittaya pathaviya sampajjalitaya sanjotibhutaya sarentipi paccasarentipi . so tattha dukkha tippa .pe. byantihoti . Tamenam bhikkhave nirayapala mahantam angarapabbatam adittam sampajjalitam sanjotibhutam aropentipi oropentipi . so tattha dukkha tippa katuka vedana vedeti na ca tava kalam karoti yava na tam papakammam byantihoti. {475.1} Tamenam bhikkhave nirayapala uddhampadam adhosiram gahetva tattaya lohakumbhiya pakkhipanti adittaya sampajjalitaya sanjotibhutaya . so tattha phenuddehakam paccati . so tattha phenuddehakam paccamano sakimpi uddham gacchati sakimpi adho gacchati sakimpi tiriyam gacchati . so tattha dukkha tippa katuka vedana vedeti na ca tava kalam karoti yava na tam papakammam byantihoti. Tamenam bhikkhave nirayapala mahaniraye pakkhipanti . so kho pana bhikkhave mahanirayo catukkanno catudvaro vibhatto bhagaso mito ayopakarapariyanto ayasa patikkujjito tassa ayomaya bhumi jalita tejasa yutta samanta yojanasatam pharitva @Footnote: ¹ Po. Ma. Yu. samvesetvati dissati.

--------------------------------------------------------------------------------------------- page317.

Titthati sabbada . anekapariyayenapi kho aham bhikkhave nirayakatham katheyyam . yavancidam bhikkhave na sukaram akkhanena papunitum yava dukkha niraya. [476] Santi bhikkhave tiracchanagata pana tinabhakkha . Te allanipi ^1- tinani dantullehakam khadanti . katame ca bhikkhave tiracchanagata pana tinabhakkha assa ^2- gona gadrabha aja miga ye va panannepi keci tiracchanagata pana tinabhakkha . Sa kho so bhikkhave balo idha pubbe rasado idha papani kammani karitva kayassa bheda parammarana tesam sattanam sahabyatam upapajjati ye te satta tinabhakkha. [477] Santi bhikkhave tiracchanagata pana guthabhakkha . te duratova guthagandham ghayitva dhavanti ettha bhunjissama ettha bhunjissamati . seyyathapi nama brahmana ahutigandhena dhavanti ettha bhunjissama ettha bhunjissamati evameva kho santi bhikkhave tiracchanagata pana guthabhakkha . te duratova guthagandham ghayitva dhavanti ettha bhunjissama ettha bhunjissamati . Katame ca bhikkhave tiracchanagata pana guthabhakkha kukkuta sukara sona singala ye va panannepi keci tiracchanagata pana guthabhakkha . sa kho so bhikkhave balo idha pubbe rasado idha papani kammani karitva kayassa bheda parammarana tesam sattanam @Footnote: ¹ Yu. te allanipi tinani sukkhani. Ma. te allanipi tinani sukkhanipi @tinani. ² Ma. hatthi assa ....

--------------------------------------------------------------------------------------------- page318.

Sahabyatam upapajjati ye te satta guthabhakkha. [478] Santi bhikkhave tiracchanagata pana andhakare jayanti andhakare jiyanti andhakare miyanti . katame ca bhikkhave tiracchanagata pana andhakare jayanti andhakare jiyanti andhakare miyanti kita ^[1]- patanga ganduppada ye va panannepi keci tiracchanagata pana andhakare jayanti andhakare jiyanti andhakare miyanti . Sa kho so bhikkhave balo idha pubbe rasado idha papani kammani karitva kayassa bheda parammarana tesam sattanam sahabyatam upapajjati ye te satta andhakare jayanti andhakare jiyanti andhakare miyanti. [479] Santi bhikkhave tiracchanagata pana udakasmim jayanti udakasmim jiyanti udakasmim miyanti . katame ca bhikkhave tiracchanagata pana udakasmim jayanti udakasmim jiyanti udakasmim miyanti maccha kacchapa sumsumara ye va panannepi keci tiracchanagata pana udakasmim jayanti udakasmim jiyanti udakasmim miyanti . Sa kho so bhikkhave balo idha pubbe rasado idha papani kammani karitva kayassa bheda parammarana tesam sattanam sahabyatam upapajjati ye te satta udakasmim jayanti udakasmim jiyanti udakasmim miyanti. [480] Santi bhikkhave tiracchanagata pana asucismim jayanti @Footnote: ¹ Ma. Yu. pulava.

--------------------------------------------------------------------------------------------- page319.

Asucismim jiyanti asucismim miyanti . katame ca bhikkhave tiracchanagata pana asucismim jayanti asucismim jiyanti asucismim miyanti . Ye te bhikkhave satta putimacche va jayanti putimacche va jiyanti putimacche va miyanti putikunape va ... putikummase va ... candanikaya va ... oligalle va jayanti .pe. ye va panannepi keci tiracchanagata pana asucismim jayanti asucismim jiyanti asucismim miyanti . sa kho so bhikkhave balo idha pubbe rasado idha papani kammani karitva kayassa bheda parammarana tesam sattanam sahabyatam upapajjati ye te satta asucismim jayanti asucismim jiyanti asucismim miyanti . Anekapariyayenapi kho aham bhikkhave tiracchanayonikatham katheyyam . Yavancidam bhikkhave na sukaram akkhanena papunitum yava dukkha tiracchanayoni. [481] Seyyathapi bhikkhave puriso ekacchiggalam yugam mahasamudde pakkhipeyya . tamenam puratthimo vato pacchimena samhareyya pacchimo vato puratthimena samhareyya uttaro vato dakkhinena samhareyya dakkhino vato uttarena samhareyya . tatrassa kano kacchapo so vassasatassa ^1- accayena sakim ummujjeyya . tam kim mannatha bhikkhave api nu so kano kacchapo amusmim ekacchiggale yuge givam paveseyyati . no hetam bhante yadi nuna bhante kadaci @Footnote: ¹ Ma. amenditam.

--------------------------------------------------------------------------------------------- page320.

Karahaci dighassa addhuno accayenati . khippataram kho so bhikkhave kano kacchapo amusmim ekacchiggale yuge givam paveseyya . ato dullabhataraham bhikkhave manussattam vadami sakim vinipatagatena balena tam kissa hetu na hettha bhikkhave atthi dhammacariya samacariya kusalakiriya punnakiriya annamannakhadika ettha bhikkhave vattati dubbalamarika ^1-. [482] Sa kho so bhikkhave balo sace kadaci karahaci dighassa addhuno accayena manussattam agacchati yani tani nicakulani candalakulam va nesadakulam va venukulam ^2- va rathakarakulam va pukkusakulam va tatharupe kule paccha jayati dalidde appannapanabhojane kasiravuttike yattha kasirena ghasacchado labbhati . so ca hoti dubbanno duddasiko okotimako bahvabadho kano va kuni va khanjo va pakkhahato va na labhi annassa panassa vatthassa yanassa malagandhavilepanassa seyyavasathapadipeyyassa . So kayena duccaritam carati vacaya duccaritam carati manasa duccaritam carati . so kayena duccaritam caritva vacaya duccaritam caritva manasa duccaritam caritva kayassa bheda parammarana apayam duggatim vinipatam nirayam upapajjati. [483] Seyyathapi bhikkhave akkhadhutto pathameneva kaliggahena puttampi jiyetha darampi jiyetha sabbam sapateyyampi jiyetha uttarimpi @Footnote: ¹ sabbapotthakesu dubbalakhadikati dissati . ² Ma. venakulam. Yu. venakulam.

--------------------------------------------------------------------------------------------- page321.

Addhubandham ^1- nigaccheyya . appamattako so bhikkhave kaliggaho yam so akkhadhutto pathameneva kaliggahena puttampi jiyetha darampi jiyetha sabbam sapateyyampi jiyetha uttarimpi addhubandham nigaccheyya . Atha kho ayameva tato mahantataro kaliggaho yam so balo kayena duccaritam caritva vacaya duccaritam caritva manasa duccaritam caritva kayassa bheda parammarana apayam duggatim vinipatam nirayam upapajjati. Ayam bhikkhave kevala paripura balabhumiti. [484] Tinimani bhikkhave panditassa panditalakkhanani panditanimittani panditapadanani . katamani tini . idha bhikkhave pandito sucintitacinti ca hoti subhasitabhasi ca sukatakammakari ca . No cetam bhikkhave pandito sucintitacinti ca abhavissa subhasitabhasi ca sukatakammakari ca . kena nam pandita janeyyum pandito ayam bhavam sappurisoti . yasma ca kho bhikkhave pandito sucintitacinti ca hoti subhasitabhasi ca sukatakammakari ca tasma tam pandita jananti pandito ayam bhavam sappurisoti . sa kho so bhikkhave pandito tividham dittheva dhamme sukham somanassam patisamvedeti. [485] Sace bhikkhave pandito sabhayam va nisinno hoti rathiyaya va nisinno hoti singhatake va nisinno hoti tatra jano tajjam tassaruppam katham manteti . sace bhikkhave pandito @Footnote: ¹ Yu. anubandhanti dissati.

--------------------------------------------------------------------------------------------- page322.

Panatipata pativirato hoti adinnadana pativirato hoti kamesumicchacara pativirato hoti musavada pativirato hoti suramerayamajjapamadatthana pativirato hoti tatra bhikkhave panditassa evam hoti yam kho jano tajjam tassaruppam katham manteti samvijjante te dhamma mayi ahanca tesu dhammesu sandissamiti . idam bhikkhave pandito pathamam dittheva dhamme sukham somanassam patisamvedeti. [486] Puna caparam bhikkhave pandito passati rajano coram agucarim gahetva vividha kammakarana karente kasahipi talente vettehipi talente addhadandakehipi talente hatthampi chindante padampi chindante hatthapadampi chindante kannampi chindante nasampi chindante kannanasampi chindante bilangathalikampi karonte sankhamundikampi karonte rahumukhampi karonte jotimalikampi karonte hatthapajjotikampi karonte erakavattikampi karonte cirakavasikampi karonte eneyyakampi karonte balisamamsikampi karonte kahapanakampi karonte kharapatacchikampi karonte palighaparivattikampi karonte palalapithakampi karonte tattenapi telena osincante sunakhehipi khadapente jivantampi sule uttasente asinapi sisam chindante. {486.1} Tatra bhikkhave panditassa evam hoti yatharupanam kho papakanam kammanam hetu rajano coram agucarim gahetva vividha kammakarana karenti kasahipi talenti addhadandakehipi talenti hatthampi

--------------------------------------------------------------------------------------------- page323.

Chindanti padampi chindanti hatthapadampi chindanti kannampi chindanti nasampi chindanti kannanasampi chindanti bilangathalikampi karonti sankhamundikampi karonti rahumukhampi karonti jotimalikampi karonti hatthapajjotikampi karonti erakavattikampi karonti cirakavasikampi karonti eneyyakampi karonti balisamamsikampi karonti kharapatacchikampi karonti palighaparivattikampi karonti palalapithakampi karonti tattenapi telena osincanti sunakhehipi khadapenti jivantampi sule uttasenti asinapi sisam chindanti . na te dhamma mayi samvijjanti ahanca na tesu dhammesu sandissamiti . idampi bhikkhave pandito dutiyam dittheva dhamme sukham somanassam patisamvedeti. [487] Puna caparam bhikkhave panditam pithasamarulham va mancasamarulham va chamayam va semanam yanissa pubbe kalyanani kammani katani kayena sucaritani vacaya sucaritani manasa sucaritani tanissa tamhi samaye olambanti ajjholambanti abhippalambanti . Seyyathapi bhikkhave mahatam pabbatakutanam chaya sayanhasamayam pathaviya olambanti ajjholambanti abhippalambanti evameva kho bhikkhave panditam pithasamarulham va mancasamarulham va chamayam va semanam yanissa pubbe kalyanani kammani katani kayena sucaritani vacaya sucaritani manasa sucaritani tanissa tamhi samaye olambanti ajjholambanti abhippalambanti . tatra bhikkhave panditassa evam

--------------------------------------------------------------------------------------------- page324.

Hoti akatam vata me papam akatam luddam akatam kibbisam katam kalyanam katam kusalam katam bhiruttanam yavata hoti akatapapanam akataluddanam akatakibbisanam katakalyananam katakusalanam katabhiruttananam gati tam gatim pecca gacchamiti . so na socati na kilamati na paridevati na urattalim kandati na sammoham apajjati . idampi bhikkhave pandito tatiyam dittheva dhamme sukham somanassam patisamvedeti. [488] Sa kho so bhikkhave pandito kayena sucaritam caritva vacaya sucaritam caritva manasa sucaritam caritva kayassa bheda parammarana sugatim saggam lokam upapajjati . yam kho tam bhikkhave samma vadamano vadeyya ekantam ittham ekantam kantam ekantam manapanti saggameva tam samma vadamano vadeyya ekantam ittham ekantam kantam ekantam manapanti . yavancidam bhikkhave upamapi na sukara yava sukha saggati. [489] Evam vutte annataro bhikkhu bhagavantam etadavoca sakka pana bhante upama katunti . sakka bhikkhuti bhagava avoca seyyathapi bhikkhave raja cakkavatti sattahi ratanehi samannagato catuhi ca iddhihi tatonidanam sukham somanassam patisamvedeti . katamehi sattahi. [490] Idha bhikkhave ranno khattiyassa muddhavasittassa tadahuposathe pannarase sisanhatassa uposathikassa uparipasadavaragatassa

--------------------------------------------------------------------------------------------- page325.

Dibbam cakkaratanam patubhavati sahassaram sanemikam sanabhikam sabbakaraparipuram. Disvana ^1- ranno khattiyassa muddhavasittassa etadahosi sutam kho pana metam yassa ranno muddhavasittassa tadahuposathe pannarase sisanhatassa uposathikassa uparipasadavaragatassa dibbam cakkaratanam patubhavati sahassaram sanemikam sanabhikam sabbakaraparipuram so hoti raja cakkavatti assam nu kho aham raja cakkavattiti . Atha kho bhikkhave raja khattiyo muddhavasitto utthayasana vamena hatthena bhingaram gahetva dakkhinena hatthena cakkaratanam abbhukirati pavattatu bhavam cakkaratanam abhivijinatu bhavam cakkaratananti. {490.1} Atha kho tam bhikkhave cakkaratanam puratthimam disam pavattati anvadeva raja cakkavatti saddhim caturanginiya senaya . Yasmim kho pana bhikkhave padese cakkaratanam patitthati tatra raja cakkavatti vasam upeti saddhim caturanginiya senaya . ye kho pana bhikkhave puratthimaya disaya patirajano te rajanam cakkavattim upasankamitva evamahamsu ehi kho maharaja svagatam maharaja sakante maharaja anusasa maharajati . raja cakkavatti evamaha pano na hantabbo adinnam nadatabbam kamesumiccha na caritabba musa na bhasitabba majjam na patabbam yathabhutanca bhunjathati . ye kho pana bhikkhave puratthimaya disaya patirajano te ranno cakkavattissa anuyutta ^2- ahesum. @Footnote: ¹ Ma. tam disvana . ² Ma. anuyanta bhavanti. Yu. anuyatta bhavanti.

--------------------------------------------------------------------------------------------- page326.

{490.2} Atha kho tam bhikkhave cakkaratanam puratthimam samuddam ajjhogahetva paccuttaritva dakkhinam disam pavattati .pe. Dakkhinam disam samuddam ajjhogahetva paccuttaritva pacchimam disam pavattati .pe. pacchimam disam samuddam ajjhogahetva paccuttaritva uttaram disam pavattati anvadeva raja cakkavatti saddhim caturanginiya senaya . yasmim kho pana bhikkhave padese cakkaratanam patitthati tatra raja cakkavatti vasam upeti saddhim caturanginiya senaya. {490.3} Ye kho pana bhikkhave uttaraya disaya patirajano te rajanam cakkavattim upasankamitva evamahamsu ehi kho maharaja svagatam maharaja sakante maharaja anusasa maharajati . raja cakkavatti evamaha pano na hantabbo adinnam nadatabbam kamesu miccha na caritabba musa na bhasitabba majjam na patabbam yathabhutanca bhunjathati . ye kho pana bhikkhave uttaraya disaya patirajano te ranno cakkavattissa anuyutta ahesum. {490.4} Atha kho tam bhikkhave cakkaratanam samuddapariyantam pathavi abhivijinitva tamenam rajadhanim paccagantva ranno cakkavattissa antepuradvare akkhahatam manne titthati ranno cakkavattissa antepuradvaram upasobhayamanam . ranno bhikkhave cakkavattissa evarupam cakkaratanam patubhavati. [491] Puna caparam bhikkhave ranno cakkavattissa hatthiratanam patubhavati . sabbaseto sattappatittho iddhima vehasangamo

--------------------------------------------------------------------------------------------- page327.

Uposatho nama nagaraja . disvana ranno cakkavattissa cittam pasidati bhaddakam vata bho hatthiyanam sace damatham upeyyati . atha kho tam bhikkhave hatthiratanam seyyathapi nama bhaddo hatthajaniyo digharattam suparidanto evameva damatham upeti . bhutapubbam bhikkhave raja cakkavatti tameva hatthiratanam vimamsamano pubbanhasamayam abhiruhitva samuddapariyantam pathavim anupariyayitva tameva rajadhanim paccagantva patarasamakasi . ranno bhikkhave cakkavattissa evarupam hatthiratanam patubhavati. [492] Puna caparam bhikkhave ranno cakkavattissa assaratanam patubhavati . sabbaseto kakasiso munjakeso iddhima vehasangamo valahako nama assaraja . tam disvana ranno cakkavattissa cittam pasidati bhaddakam vata bho assayanam sace damatham upeyyati . atha kho tam bhikkhave assaratanam seyyathapi nama bhaddo assajaniyo digharattam suparidanto evameva damatham upeti . bhutapubbam bhikkhave raja cakkavatti tameva assaratanam vimamsamano pubbanhasamayam abhiruhitva samuddapariyantam pathavim anupariyayitva tameva rajadhanim paccagantva patarasamakasi . ranno bhikkhave cakkavattissa evarupam assaratanam patubhavati. [493] Puna caparam bhikkhave ranno cakkavattissa maniratanam patubhavati . so hoti mani veluriyo subho jotima ^1- atthamso @Footnote: ¹ Po. Ma. Yu. jatima.

--------------------------------------------------------------------------------------------- page328.

Suparikammakato . tassa kho pana bhikkhave maniratanassa abha samanta yojanam phuta hoti . bhutapubbam bhikkhave raja cakkavatti tameva maniratanam vimamsamano caturanginim senam sannayhitva manim dhajaggam aropetva rattandhakaratimisaya payasi . ye kho pana bhikkhave samanta gama ahesum . te tenobhasena kammante payojesum divati mannamana . ranno bhikkhave cakkavattissa evarupam maniratanam patubhavati. [494] Puna caparam bhikkhave ranno cakkavattissa itthiratanam patubhavati . sa abhirupa dassaniya pasadika paramaya vannapokkharataya samannagata natidigha natirassa natikisa natithula natikalika naccodata atikkanta manusam vannam appatta dibbam vannam . tassa kho pana bhikkhave itthiratanassa evarupo kayasamphasso hoti seyyathapi nama tulapicuno va kappasapicuno va . tassa kho pana bhikkhave itthiratanassa site unhani gattani honti unhe sitani gattani honti . tassa kho pana bhikkhave itthiratanassa kayato candanagandho vayati mukhato uppalagandho vayati . tam kho pana bhikkhave itthiratanam cakkavattissa pubbutthayini hoti pacchanipatini kimkarapatissavini manapacarini piyavadini . tam kho pana bhikkhave itthiratanam rajanam cakkavattim manasapi no aticarati kuto pana kayena . ranno bhikkhave cakkavattissa evarupam

--------------------------------------------------------------------------------------------- page329.

Itthiratanam patubhavati. [495] Puna caparam bhikkhave ranno cakkavattissa gahapatiratanam patubhavati . tassa kammavipakajam dibbam cakkhu patubhavati yena nidhim passati sassamikampi assamikampi . so rajanam cakkavattim upasankamitva evamaha appossukko tvam deva hohi ahante dhanena dhanakaraniyam karissamiti . bhutapubbam bhikkhave cakkavatti ^1- tameva gahapatiratanam vimamsamano navam abhiruhitva majjhe gangaya nadiya sotam ogahitva gahapatiratanam etadavoca attho me gahapati hirannasuvannenati . tenahi maharaja ekam tiram nava upetuti . Idheva me gahapati attho hirannasuvannenati . atha kho tam bhikkhave gahapatiratanam ubhohi hatthehi udake omasitva puram hirannasuvannassa kumbhim uddharitva rajanam cakkavattim etadavoca alamettavata maharaja katamettavata maharaja pujitamettavata maharajati . raja cakkavatti evamaha alamettavata gahapati katamettavata gahapati pujitamettavata gahapatiti . ranno bhikkhave cakkavattissa evarupam gahapatiratanam patubhavati. [496] Puna caparam bhikkhave ranno cakkavattissa parinayakaratanam patubhavati . pandito byatto medhavi patibalo rajanam cakkavattim upatthapetabbam upatthapetum apayapetabbam ^2- apayapetum thapetabbam thapetum . so rajanam cakkavattim upasankamitva evamaha appossukko @Footnote: ¹ Po. Ma. Yu. raja cakkavatti . ² Po. Ma. upayapetabbam upayapetum.

--------------------------------------------------------------------------------------------- page330.

Tvam deva hohi ahamanusasissamiti . ranno bhikkhave cakkavattissa evarupam parinayakaratanam patubhavati . raja bhikkhave cakkavatti imehi ^1- ratanehi samannagato hoti. Katamahi catuhi iddhihi. [497] Idha bhikkhave raja cakkavatti abhirupo hoti dassaniyo pasadiko paramaya vannapokkharataya samannagato ativiya annehi manussehi . raja bhikkhave cakkavatti imaya pathamaya iddhiya samannagato hoti. [498] Puna caparam bhikkhave raja cakkavatti dighayuko hoti ciratthitiko ativiya annehi manussehi . raja bhikkhave cakkavatti imaya dutiyaya iddhiya samannagato hoti. [499] Puna caparam bhikkhave raja cakkavatti appabadho hoti appatanko samavepakiniya gahaniya samannagato natisitaya naccunhaya ativiya annehi manussehi . raja bhikkhave cakkavatti imaya tatiyaya iddhiya samannagato hoti. [500] Puna caparam bhikkhave raja cakkavatti brahmanagahapatikanam piyo hoti manapo . seyyathapi bhikkhave pita puttanam piyo hoti manapo evameva kho bhikkhave raja cakkavatti brahmanagahapatikanam piyo hoti manapo . ranno ^2- bhikkhave cakkavattissa brahmanagahapatika piya honti manapa . seyyathapi bhikkhave pitu putta piya honti manapa evameva kho bhikkhave ranno cakkavattissa @Footnote: ¹ Po. Ma. Yu. imehi sattahi . ² Ma. Yu. rannopi.

--------------------------------------------------------------------------------------------- page331.

Brahmanagahapatika piya honti manapa . bhutapubbam bhikkhave raja cakkavatti caturanginiya senaya uyyanabhumim niyyasi . atha kho bhikkhave brahmanagahapatika rajanam cakkavattim upasankamitva evamahamsu ataramano deva yahi yatha tam mayam cirataram passeyyamati. Rajapi bhikkhave cakkavatti sarathim amantesi ataramano sarathi pesehi yathaham brahmanagahapatike cirataram passeyyanti . raja bhikkhave cakkavatti imaya catutthaya iddhiya samannagato hoti . Raja bhikkhave cakkavatti imahi catuhi iddhihi samannagato hoti. {500.1} Tam kim mannatha bhikkhave api nu kho raja cakkavatti imehi sattahi ratanehi samannagato imahi catuhi ca iddhihi tatonidanam sukham somanassam patisamvediyethati . ekamekenapi bhante ratanena samannagato raja cakkavatti tatonidanam sukham somanassam patisamvediyetha ko pana vado sattahi ratanehi catuhi ca iddhihiti. [501] Atha kho bhagava parittam panimattam pasanam gahetva bhikkhu amantesi tam kim mannatha bhikkhave katamo nu kho mahantataro yo cayam maya paritto panimatto pasano gahito himava ^1- pabbatarajati . appamattako ayam bhante bhagavata paritto panimatto pasano gahito himavantam pabbatarajanam upanidhaya sankhampi na upeti kalabhagampi na upeti upanidhampi na upetiti . Evameva kho bhikkhave ayam raja cakkavatti sattahi ratanehi @Footnote: ¹ Ma. yo himava.

--------------------------------------------------------------------------------------------- page332.

Samannagato catuhi ca iddhihi tatonidanam sukham somanassam patisamvedeti . tam dibbassa sukhassa upanidhaya sankhampi na upeti kalabhagampi na upeti upanidhampi na upeti. [502] Sa kho so bhikkhave pandito sace kadaci karahaci dighassa addhuno accayena manussattam agacchati yani tani uccakulani khattiyamahasalakulam va brahmanamahasalakulam va gahapatimahasalakulam va tatharupe kule paccha jayati addhe mahaddhane mahabhoge pahutajataruparajate pahutavittupakarane pahutadhanadhanne . so ca hoti abhirupo dassaniyo pasadiko paramaya vannapokkharataya samannagato labhi annassa panassa vatthassa yanassa malagandhavilepanassa seyyavasathapadipeyyassa . so kayena sucaritam carati vacaya sucaritam carati manasa sucaritam carati. So kayena sucaritam caritva vacaya sucaritam caritva manasa sucaritam caritva kayassa bheda parammarana sugatim saggam lokam upapajjati. [503] Seyyathapi bhikkhave akkhadhutto pathameneva kataggahena mahantam bhogakkhandham adhigaccheyya . appamattako so bhikkhave kataggaho yam kho so akkhadhutto pathameneva kataggahena mahantam bhogakkhandham adhigaccheyya . atha kho ayameva tato mahantataro kataggaho yam so pandito kayena sucaritam caritva vacaya sucaritam caritva manasa sucaritam caritva kayassa bheda parammarana sugatim

--------------------------------------------------------------------------------------------- page333.

Saggam lokam upapajjati. Ayam bhikkhave kevala paripura panditabhumiti. Idamavoca bhagava attamana te bhikkhu bhagavato bhasitam abhinandunti. Balapanditasuttam nitthitam navamam. ---------