ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 1 : PALI ROMAN Vinaya Pitaka Vol 1 : Vinaya. Mahāvi (1)
     [281]   Anapatti   adhimanena  anullapanadhippayassa  ummattakassa
khittacittassa vedanattassa adikammikassati.
@Footnote: 1 Ra. paccayapatisamyuttakatha. Yu. Ma. potthakesu pana na kinci dissati.
     [282] Adhimane 1- arannamhi        pindopajjhariyapatho
                 sannojana raho dhamma        viharo paccupatthito
                              na dukkaram viriyamathopi maccuno
                              bhayavuso vippatisari samma
                              viriyena yogena aradhanaya
                              atha vedanaya adhivasana duve
                 brahmane panca vatthuni       annam byakarana tayo
                 agaravarana kama             rati capi apakkami 2-
                              atthi pesi ubho gavaghataka
                              pindo sakuniko nicchavorabbhi
                              asi ca sukariko satti magavi
                              usu ca karaniko suci sarathi
                              yo ca sibbiyati sucako hi so
                              andabhari ahu gamakutako
                              kupe nimuggo hi so paradariko
                              guthakhadi ahu dutthabrahmano
                              nicchavitthi aticarini ahu
                              mangulitthi ahu ikkhanitthika
@Footnote: 1 Yu. adhimanena. 2 Yu. ratiya pana pakkami.
                              Okilini sapattingarokiri
                              sisacchinno ahu coraghatako
                              bhikkhu bhikkhuni sikkhamana
                              samanero atha samanerika
                              kassapassa vinayasmim pabbajja
                              papakammam te akarimsu tavade
                 tapoda rajagahe yuddham           naganogahanena ca
                 sobhito araham bhikkhu                pancakappasatam sareti.
     [283]  Tena  kho  pana  samayena  annataro  bhikkhu adhimanena annam
byakasi   .   tassa   kukkuccam   ahosi   bhagavata   sikkhapadam  pannattam
kacci  nu  kho  aham  parajikam  apattim  apannoti  .  athakho  so bhikkhu
bhagavato etamattham arocesi. Anapatti bhikkhu adhimanenati.
     [284]  Tena  kho  pana  samayena  annataro  bhikkhu panidhaya aranne
viharati  evam  mam  jano  sambhavessatiti  .  tam  jano  sambhavesi. Tassa
kukkuccam   ahosi   .pe.  anapatti  bhikkhu  parajikassa  na  ca  bhikkhave
panidhaya aranne vatthabbam yo vaseyya apatti dukkatassati.
     {284.1}  Tena  kho  pana samayena annataro bhikkhu panidhaya pindaya
carati  evam  mam  jano sambhavessatiti. Tam jano sambhavesi. Tassa kukkuccam
ahosi   .pe.   anapatti  bhikkhu  parajikassa  na  ca  bhikkhave  panidhaya
pindaya caritabbam yo careyya apatti dukkatassati.
     [285]   Tena   kho   pana   samayena   annataro  bhikkhu  annataram
bhikkhum   etadavoca   ye   avuso   amhakam  upajjhayassa  saddhiviharika
sabbe  va  arahantoti  .  tassa  kukkuccam  ahosi  .  bhagavato  etamattham
arocesi  .  kimcitto  tvam  bhikkhuti  .  ullapanadhippayo aham bhagavati.
Anapatti bhikkhu parajikassa apatti thullaccayassati.
     {285.1}   Tena   kho  pana  samayena  annataro  bhikkhu  annataram
bhikkhum   etadavoca   ye   avuso   amhakam  upajjhayassa  antevasika
sabbe   va   mahiddhika   mahanubhavati   .   tassa  kukkuccam  ahosi .
Bhagavato    etamattham    arocesi    .   kimcitto   tvam   bhikkhuti  .
Ullapanadhippayo   aham   bhagavati   .   anapatti   bhikkhu   parajikassa
apatti thullaccayassati.
     [286]   Tena   kho   pana   samayena   annataro  bhikkhu  panidhaya
cankamati  1-  evam  mam  jano  sambhavessatiti  .  tam  jano sambhavesi.
Tassa   kukkuccam  ahosi  .  bhagavato  etamattham  arocesi  .  anapatti
bhikkhu    parajikassa    na   ca   bhikkhave   panidhaya   cankamitabbam   yo
cankameyya apatti dukkatassati.
     {286.1}   Tena   kho   pana  samayena  annataro  bhikkhu  panidhaya
titthati    .pe.    panidhaya   nisidati   2-   .pe.   panidhaya   seyyam
kappeti  3-  evam  mam  jano  sambhavessatiti  .  tam  jano sambhavesi.
@Footnote: 1 Yu. Ma. cankami. 2 Yu. Ma. nisidi. 3 sabbattha kappesiti dissati.
Tassa   kukkuccam  ahosi  .  bhagavato  etamattham  arocesi  .  anapatti
bhikkhu   parajikassa  na  ca  bhikkhave  panidhaya  seyya  kappetabba  1-
yo kappeyya apatti dukkatassati.
     [287]   Tena   kho   pana  samayena  annataro  bhikkhu  annatarassa
bhikkhuno    uttarimanussadhammam    ullapati   .   sopi   evamaha   mayhampi
avuso    sannojana    pahinati    .   tassa   kukkuccam   ahosi  .
Bhagavato   etamattham   arocesi   .   apattim   tvam   bhikkhu  apanno
parajikanti.
     [288]   Tena   kho   pana   samayena  annataro  bhikkhu  rahogato
uttarimanussadhammam   ullapati   .   paracittavidu  bhikkhu  tam  bhikkhum  apasadesi
ma   avuso   evarupam   abhani   nattheso  tuyhanti  .  tassa  kukkuccam
ahosi  .  bhagavato  etamattham  arocesi  .  anapatti bhikkhu parajikassa
apatti dukkatassati.
     {288.1}  Tena  kho  pana samayena annataro bhikkhu rahogato uttari-
manussadhammam  ullapati  .  devata  tam  bhikkhum apasadesi ma bhante evarupam
abhani  nattheso  tuyhanti  .  tassa  kukkuccam  ahosi . Bhagavato etamattham
arocesi. Anapatti bhikkhu parajikassa apatti dukkatassati.
     [289]   Tena   kho   pana   samayena   annataro  bhikkhu  annataram
upasakam   etadavoca   yo   avuso   tuyham  vihare  vasati  so  bhikkhu
@Footnote: 1 sabbattha seyyam kappetabbanti dissati.
Arahati  .  so  ca  bhikkhu  1-  tassa  vihare  vasati  .  tassa kukkuccam
ahosi   .  bhagavato  etamattham  arocesi  .  kimcitto  tvam  bhikkhuti .
Ullapanadhippayo   aham   bhagavati   .   anapatti   bhikkhu   parajikassa
apatti thullaccayassati.
     {289.1}  Tena  kho  pana  samayena annataro bhikkhu annataram upasakam
etadavoca  yam  tvam  avuso  bhikkhum   upatthasi 2- civarapindapatasenasana-
gilanapaccayabhesajjaparikkharena  so  bhikkhu  arahati  .  so  ca  tam bhikkhum
upatthati    3-   civarapindapatasenasanagilanapaccayabhesajjaparikkharena  .
Tassa  kukkuccam  ahosi  .  bhagavato  etamattham  arocesi . Kimcitto tvam
bhikkhuti  .  ullapanadhippayo  aham  bhagavati . Anapatti bhikkhu parajikassa
apatti thullaccayassati.
     [290]   Tena   kho   pana   samayena   annataro  bhikkhu  gilano
hoti   .   tam   bhikkhu  etadavocum  atthayasmato  uttarimanussadhammoti .
Navuso    dukkaram   annam   byakatunti   .   tassa   kukkuccam   ahosi
ye   kho   te   bhagavato   savaka   te   evam   vadeyyum  ahancamhi
na    bhagavato   savako   kacci   nu   kho   aham   parajikam   apattim
apannoti   .   bhagavato   etamattham   arocesi   .   kimcitto   tvam
bhikkhuti   .   anullapanadhippayo   aham   bhagavati   .   anapatti  bhikkhu
@Footnote: 1 Yu. Ma. potthakesu ayam patho na pannayati. 2 Yu. Ma. upatthesi.
@3 Yu. Ma. upattheti.
Anullapanadhippayassati 1-.
     {290.1}   Tena   kho   pana  samayena  annataro  bhikkhu  gilano
hoti   .   tam   bhikkhu  etadavocum  atthayasmato  uttarimanussadhammoti .
Aradhaniyo   kho  avuso  dhammo  araddhaviriyenati  .  tassa  kukkuccam
ahosi .pe. Anapatti bhikkhu anullapanadhippayassati.
     {290.2}  Tena  kho  pana  samayena annataro bhikkhu gilano hoti.
Tam  bhikkhu  etadavocum  ma  kho  avuso  bhayiti . Naham avuso maccuno
bhayamiti    .    tassa   kukkuccam   ahosi   .pe.   anapatti   bhikkhu
anullapanadhippayassati.
     {290.3}  Tena  kho  pana  samayena annataro bhikkhu gilano hoti.
Tam  bhikkhu  etadavocum  ma  kho  avuso bhayiti. Yo nunavuso vippatisari
assa   so   bhayeyyati   .  tassa  kukkuccam  ahosi  .pe.  anapatti
bhikkhu anullapanadhippayassati.
     {290.4}   Tena   kho   pana  samayena  annataro  bhikkhu  gilano
hoti   .   tam   bhikkhu  etadavocum  atthayasmato  uttarimanussadhammoti .
Aradhaniyo    kho    avuso   dhammo   sammapayuttenati   .   tassa
kukkuccam ahosi .pe. Anapatti bhikkhu anullapanadhippayassati.
     {290.5}     Tena     kho     pana     samayena     annataro
@Footnote: 1 ito pure yuropiyapotthake ekam vatthu atirekam hoti. tattha
@hi vuttam tena kho pana samayena annataro bhikkhu gilano hoti. tam
@bhikkhu etadavocum atthayasmato uttarimanussadhammoti. na avuso
@dukkaram aradhetunti. tassa kukkuccam ahosi .pe. anapatti
@bhikkhu anullapanadhippayassati. tam sabbesu potthakesu na dissati.
Bhikkhu    gilano    hoti   .   tam   bhikkhu   etadavocum   atthayasmato
uttarimanussadhammoti     .     aradhaniyo    kho    avuso    dhammo
araddhaviriyenati    .    tassa   kukkuccam   ahosi   .pe.   anapatti
bhikkhu    anullapanadhippayassati    .    tena    kho    pana   samayena
annataro   bhikkhu  gilano  hoti  .  tam  bhikkhu  etadavocum  atthayasmato
uttarimanussadhammoti  .  aradhaniyo  kho  avuso dhammo yuttayogenati.
Tassa kukkuccam ahosi .pe. Anapatti bhikkhu anullapanadhippayassati.
     {290.6}  Tena  kho  pana  samayena annataro bhikkhu gilano hoti.
Tam    bhikkhu   etadavocum   kaccavuso   khamaniyam   kacci   yapaniyanti  .
Navuso  sakka  yena  va  tena  va  adhivasetunti  .  tassa  kukkuccam
ahosi .pe. Anapatti bhikkhu anullapanadhippayassati.
     {290.7}  Tena  kho  pana  samayena annataro bhikkhu gilano hoti.
Tam  bhikkhu  etadavocum  kaccavuso  khamaniyam kacci yapaniyanti. Navuso sakka
puthujjanena   adhivasetunti   .   tassa  kukkuccam  ahosi  .pe.  bhagavato
etamattham  arocesi  .  kimcitto  tvam  bhikkhuti  .  ullapanadhippayo aham
bhagavati. Anapatti bhikkhu parajikassa apatti thullaccayassati.
     [291]   Tena   kho   pana  samayena  annataro  brahmano  bhikkhu
nimantetva    etadavoca   ayantu   bhonto   arahantoti   .   tesam
kukkuccam   ahosi   mayancamha   na   arahanto   1-  ayanca  brahmano
@Footnote: 1 Yu. Ma. anarahanto.
Amhe  arahantavadena  samudacarati  katham  nu  kho amhehi patipajjitabbanti.
Bhagavato etamattham arocesum. Anapatti bhikkhave pasadabhanneti.
     {291.1}   Tena  kho  pana  samayena  annataro  brahmano  bhikkhu
nimantetva    etadavoca    nisidantu    bhonto    arahantoti   .pe.
Bhunjantu   bhonto   arahantoti   .pe.   tappentu  bhonto  arahantoti
.pe.   gacchantu   bhonto   arahantoti   .   tesam   kukkuccam   ahosi
mayancamha   na   arahanto   ayanca   brahmano  amhe  arahantavadena
samudacarati    katham   nu   kho   amhehi   patipajjitabbanti   .   bhagavato
etamattham arocesum. Anapatti bhikkhave pasadabhanneti.
     [292]   Tena   kho   pana  samayena  annataro  bhikkhu  annatarassa
bhikkhuno    uttarimanussadhammam    ullapati   .   sopi   evamaha   mayhampi
avuso    asava    pahinati   .   tassa   kukkuccam   ahosi   .pe.
Apattim tvam bhikkhu apanno parajikanti.
     {292.1}   Tena  kho  pana  samayena  annataro  bhikkhu  annatarassa
bhikkhuno   uttarimanussadhammam  ullapati  .  sopi  evamaha  mayhampi  avuso
ete  dhamma  samvijjantiti  .  tassa  kukkuccam  ahosi. Bhagavato etamattham
arocesi. Apattim tvam bhikkhu apanno parajikanti.
     {292.2}  Tena  kho pana samayena annataro bhikkhu annatarassa bhikkhuno
uttarimanussadhammam  ullapati  .  sopi evamaha ahampi avuso etesu dhammesu
sandissamiti. Tassa kukkuccam ahosi. Bhagavato etamattham arocesi. Apattim
Tvam bhikkhu apanno parajikanti.
     [293]  Tena  kho  pana  samayena  annataram bhikkhum nataka etadavocum
ehi  bhante  agaram  ajjhavasati  .  abhabbo kho avuso madiso agaram
ajjhavasitunti  .  tassa  kukkuccam  ahosi. Bhagavato etamattham arocesi.
Kimcitto  tvam  bhikkhuti  .  anullapanadhippayo  aham  bhagavati  .  anapatti
bhikkhu anullapanadhippayassati.
     {293.1}  Tena  kho  pana samayena annataram bhikkhum nataka etadavocum
ehi  bhante  kame  paribhunjati  .  avata  me  avuso  kamati .
Tassa   kukkuccam   ahosi  .  bhagavato  etamattham  arocesi  .  kimcitto
tvam   bhikkhuti   .   anullapanadhippayo   aham   bhagavati   .   anapatti
bhikkhu anullapanadhippayassati.
     {293.2}  Tena  kho  pana samayena annataram bhikkhum nataka etadavocum
abhiramasi  bhanteti  .  abhirato  aham  avuso  paramaya  abhiratiyati. Tassa
kukkuccam  ahosi  ye  kho  te bhagavato savaka te evam vadeyyum ahancamhi
na  bhagavato  savako  kacci  nu  kho  aham  parajikam apattim apannoti.
Bhagavato  etamattham  arocesi . Kimcitto tvam bhikkhuti. Anullapanadhippayo
aham bhagavati. Anapatti bhikkhu anullapanadhippayassati.
     [294]   Tena  kho  pana  samayena  sambahula  bhikkhu  katikam  katva
annatarasmim    avase    vassam   upagacchimsu   yo   imamha   avasa
pathamam   pakkamissati   tam   mayam   arahati   janissamati   .   annataro
Bhikkhu   mam  arahati  janantuti  tamha  avasa  pathamam  pakkami  1- .
Tassa   kukkuccam   ahosi   kacci   nu   kho   aham   parajikam   apattim
apannoti   .   bhagavato   etamattham   arocesi   .   apattim   tvam
bhikkhu apanno parajikanti.
     [295]  Tena  2-  samayena buddho bhagava rajagahe viharati veluvane
kalandakanivape   .   tena   kho   pana  samayena  ayasma  ca  lakkhano
ayasma    ca   mahamoggallano   gijjhakute   pabbate   viharanti  .
Athakho     ayasma    mahamoggallano    pubbanhasamayam    nivasetva
pattacivaramadaya    yenayasma    lakkhano   tenupasankami   upasankamitva
ayasmantam    lakkhanam    etadavoca    ayamavuso    lakkhana   rajagaham
pindaya   pavisissamati   .   evamavusoti   kho   ayasma   lakkhano
ayasmato    mahamoggallanassa    paccassosi   .   athakho   ayasma
mahamoggallano     gijjhakuta    pabbata    orohanto    annatarasmim
padese   sitam   patvakasi   .  athakho  ayasma  lakkhano  ayasmantam
mahamoggallanam   etadavoca   ko   nu   kho  avuso  mahamoggallana
hetu   ko   paccayo  sitassa  patukammayati  .  akalo  kho  avuso
lakkhana   etassa  panhassa  byakaranaya  3-  bhagavato  mam  santike  etam
panham   pucchati   .   athakho   ayasma   ca   lakkhano   ayasma  ca
@Footnote: 1 Yu. Ma. pakkami. 2 Yu. Ra. tena kho pana. 3 Yu. Ma. potthakesu
@ayam  patho na dissati.
Mahamoggallano     rajagahe     pindaya     caritva     pacchabhattam
pindapatapatikkanta   yena   bhagava  tenupasankamimsu  upasankamitva  bhagavantam
abhivadetva   ekamantam   nisidimsu  .  ekamantam  nisinno  kho  ayasma
lakkhano     ayasmantam     mahamoggallanam    etadavoca    idhayasma
mahamoggallano     gijjhakuta    pabbata    orohanto    annatarasmim
padese  sitam  patvakasi  ko  nu  kho  avuso  moggallana  hetu ko
paccayo    sitassa    patukammayati   .   idhaham   avuso   gijjhakuta
pabbata   orohanto   addasam   atthikasankhalikam  vehasam  gacchantam  tamenam
gijjhapi  kankapi  1-  kulalapi  anupatitva  anupatitva phasulantarikahi 2-
vitudenti  vitacchenti  3-  virajenti  4-  svassudam 5- attassaram karoti
tassa   mayham   avuso  etadahosi  acchariyam  vata  bho  abbhutam  vata  bho
evarupopi   nama   satto   bhavissati  evarupopi  nama  yakkho  bhavissati
evarupopi  nama  peto  bhavissati  6-  evarupopi nama attabhavapatilabho
bhavissatiti   .   bhikkhu   ujjhayanti   khiyanti  vipacenti  uttarimanussadhammam
ayasma    mahamoggallano   ullapatiti   .   athakho   bhagava   bhikkhu
@Footnote: 1 Yu. Ma. kakapi. 2 Ma. phasulantarikadihi. 3-4 Yu. Ma. potthakesu
@idam pathadvayam na dissati. 5 tabbannanayam sasudanti agatam. tattha hi
@vuttam sasudam attassaram karotiti ettha sudanti nipato. sa
@atthikasankhalika attassaram aturassaram karotiti attho. 6 evarupopi
@nama peto bhavissatiti Yu. Ma. potthakesu na dissati.
Amantesi    cakkhubhuta   vata   bhikkhave   savaka   viharanti   nanabhuta
vata   bhikkhave   savaka   viharanti   yatra   hi  nama  savako  evarupam
nassati   va   dakkhati   va   sakkhim  va  karissati  pubbe  va  me  so
bhikkhave   satto   dittho   ahosi   apicaham   na   byakasim  ahancetam
byakareyyam   pare   ca   me  na  saddaheyyum  ye  me  na  saddaheyyum
tesantam   assa   digharattam   ahitaya   dukkhaya   eso  bhikkhave  satto
imasmimyeva   rajagahe  goghatako  ahosi  so  tassa  kammassa  vipakena
bahuni    vassani    bahuni    vassasatani    bahuni   vassasahassani   bahuni
vassasatasahassani   niraye   pacitva   tasseva   kammassa  vipakavasesena
evarupam   attabhavapatilabham   patisamvedeti   saccam   bhikkhave  moggallano
aha anapatti bhikkhave moggallanassati .pe.
     {295.1}  Idhaham  avuso  gijjhakuta  pabbata  orohanto addasam
mamsapesim  vehasam  gacchantam  tamenam  gijjhapi  kankapi  kulalapi  anupatitva
anupatitva  vitudenti  1-  vitacchenti  virajenti  2- svassudam attassaram
karoti .pe. Eso bhikkhave satto imasmimyeva rajagahe goghatako ahosi .pe.
     {295.2}  Idhaham  avuso  gijjhakuta  pabbata  orohanto addasam
mamsapindam  vehasam  gacchantam  tamenam  gijjhapi  kankapi  kulalapi  anupatitva
anupatitva    vitudenti   vitacchenti   virajenti   svassudam   attassaram
@Footnote: 1 Yu. Ma. potthakesu ayam patho natthi. 2 Yu. Ma. vibhajenti. ito
@param pacchimam pathadvayanneva tattha dissati no purimo patho.
Karoti   .pe.  eso  bhikkhave  satto  imasmimyeva  rajagahe  sakuniko
ahosi .pe.
     {295.3}  Idhaham  avuso  gijjhakuta  pabbata  orohanto addasam
nicchavim   purisam   vehasam   gacchantam   tamenam   gijjhapi  kankapi  kulalapi
anupatitva   anupatitva   vitudenti   vitacchenti   virajenti   svassudam
attassaram   karoti  .pe.  eso  bhikkhave  satto  imasmimyeva  rajagahe
orabbhiko ahosi .pe.
     {295.4}  Idhaham  avuso  gijjhakuta  pabbata  orohanto addasam
asilomam  purisam  vehasam  gacchantam  tassa  te  asi  uppatitva  uppatitva
tasseva   kaye   nipatanti   svassudam  attassaram  karoti  .pe.  eso
bhikkhave satto imasmimyeva rajagahe sukariko ahosi .pe.
     {295.5}  Idhaham  avuso  gijjhakuta  pabbata  orohanto addasam
sattilomam  purisam  vehasam  gacchantam  tassa ta sattiyo uppatitva uppatitva
tasseva  kaye  nipatanti  svassudam  attassaram karoti .pe. Eso bhikkhave
satto imasmimyeva rajagahe magaviko ahosi .pe.
     {295.6}  Idhaham  avuso  gijjhakuta  pabbata  orohanto addasam
usulomam  purisam  vehasam  gacchantam  tassa  te  usu  uppatitva  uppatitva
tasseva   kaye   nipatanti   svassudam  attassaram  karoti  .pe.  eso
bhikkhave satto imasmimyeva rajagahe karaniko ahosi .pe.
     {295.7}  Idhaham  avuso  gijjhakuta  pabbata  orohanto addasam
sucilomam  purisam  vehasam  gacchantam  tassa  ta  suciyo uppatitva uppatitva
Tasseva    kaye    nipatanti    svassudam   attassaram   karoti   .pe.
Eso bhikkhave satto imasmimyeva rajagahe sarathi ahosi .pe.
     {295.8}  Idhaham  avuso  gijjhakuta  pabbata  orohanto addasam
sucilomam  purisam  vehasam  gacchantam  tassa  ta  suciyo sise pavisitva mukhato
nikkhamanti   mukhe   pavisitva  urato  nikkhamanti  ure  pavisitva  udarato
nikkhamanti   udare   pavisitva  uruhi  nikkhamanti  urusu  pavisitva  janghahi
nikkhamanti   janghasu   pavisitva   padehi  nikkhamanti  svassudam  attassaram
karoti    .pe.    eso    bhikkhave   satto   imasmimyeva   rajagahe
suciko 1- ahosi .pe.
     {295.9}  Idhaham  avuso  gijjhakuta  pabbata  orohanto addasam
kumbhandam   purisam   vehasam   gacchantam   so   2-   gacchantopi   te  va
ande   khandhe   oropetva   gacchanti  nisidantopi  tesveva  andesu
nisidati   tamenam   gijjhapi   kankapi   kulalapi   anupatitva   anupatitva
vitudenti   vitacchenti   virajenti   svassudam  attassaram  karoti  .pe.
Eso bhikkhave satto imasmimyeva rajagahe gamakuto ahosi .pe.
     {295.10}  Idhaham  avuso  gijjhakuta  pabbata orohanto addasam
purisam  guthakupe  sasisakam  nimuggam  .pe.  eso  bhikkhave  satto imasmimyeva
rajagahe paradariko ahosi .pe.
     {295.11}   Idhaham   avuso   gijjhakuta   pabbata  orohanto
addasam    purisam    guthakupe    sasisakam   nimuggam   ubhohi   hatthehi   gutham
khadantam    .pe.    eso   bhikkhave   satto   imasmimyeva   rajagahe
@Footnote: 1 Yu. Ma. sucako. 2 Yu. sa..
Dutthabrahmano    ahosi   so   kassapassa   sammasambuddhassa   pavacane
bhikkhusangham   bhattena   nimantetva   doniya   guthassa  purapetva  kalam
arocapetva  etadavoca  ito  1-  bhonto  yavadattham  bhunjantu ceva
harantu   cati   so   tassa   kammassa   vipakena  bahuni  vassani  bahuni
vassasatani    bahuni    vassasahassani    bahuni   vassasatasahassani   niraye
pacitva   tasseva   kammassa   vipakavasesena  evarupam  attabhavapatilabham
patisamvedeti   saccam   bhikkhave   moggallano   aha  anapatti  bhikkhave
moggallanassati    .pe.    idhaham    avuso    gijjhakuta   pabbata
orohanto   addasam   nicchavim   itthim  vehasam  gacchantim  tamenam  gijjhapi
kankapi  kulalapi  anupatitva  anupatitva  vitudenti  vitacchenti virajenti
sassudam   attassaram  karoti  esa  bhikkhave  itthi  imasmimyeva  rajagahe
aticarini   ahosi  .pe.  saccam  bhikkhave  moggallano  aha  anapatti
bhikkhave moggallanassati.
     {295.12} Idhaham avuso gijjhakuta pabbata orohanto addasam itthim
duggandham   mangulim   vehasam   gacchantim  tamenam  gijjhapi  kankapi  kulalapi
anupatitva  anupatitva  vitudenti  vitacchenti  virajenti sassudam attassaram
karoti .pe. Esa bhikkhave itthi imasmimyeva rajagahe ikkhanika ahosi .pe.
Idhaham   avuso  gijjhakuta  pabbata  orohanto  addasam  itthim  uppakkam
okilinim  okiranim  vehasam  gacchantim  sassudam attassaram karoti .pe. Esa
@Footnote: 1 Yu. Ma. aho.
Bhikkhave   itthi   kalingassa   ranno   aggamahesi   ahosi   1-   sa
issapakata sapattim angarakatahena okiri .pe.
     {295.13}  Idhaham  avuso  gijjhakuta  pabbata orohanto addasam
asisakabandham  vehasam  gacchantam  tassa  ure akkhini ceva honti mukhanca tamenam
gijjhapi   kankapi  kulalapi  anupatitva  anupatitva  vitudenti  vitacchenti
virajenti svassudam attassaram karoti .pe. Eso bhikkhave satto imasmimyeva
rajagahe damariko 2- nama coraghatako ahosi .pe.
     {295.14}  Idhaham  avuso  gijjhakuta  pabbata orohanto addasam
bhikkhum  vehasam gacchantam tassa sanghatipi aditta sampajjalita sanjotibhuta 3-
pattopi   aditto  sampajjalito  sanjotibhuto  4-  kayabandhanampi  adittam
sampajjalitam  sanjotibhutam  5-  kayopi  aditto  sampajjalito  sanjotibhuto
svassudam   attassaram   karoti   .pe.  eso  bhikkhave  bhikkhu  kassapassa
sammasambuddhassa pavacane papabhikkhu ahosi .pe.
     {295.15}   Idhaham   avuso   gijjhakuta   pabbata  orohanto
addasam   bhikkhunim   .pe.   addasam   sikkhamanam   addasam  samaneram  addasam
samanerim     vehasam     gacchantim     tassa    sanghatipi    aditta
sampajjalita     sanjotibhuta     pattopi     aditto     sampajjalito
sanjotibhuto   kayabandhanampi   adittam   sampajjalitam   sanjotibhutam   kayopi
@Footnote: 1 Yu. Ma. potthakesu ayam patho natthi. 2 Yu. Ma. hariko.
@3-4-5 yamidha sanjotibhuta sanjotibhuto sanjotibhutanti likhiyati
@tam katthaci sajjotibhuta sajjotibhuto sajjotibhutanti.
Aditto    sampajjalito    sanjotibhuto    sassudam   attassaram   karoti
tassa   mayham   avuso  etadahosi  acchariyam  vata  bho  abbhutam  vata  bho
evarupopi   nama   satto   bhavissati  evarupopi  nama  yakkho  bhavissati
evarupopi   nama   peto  bhavissati  evarupopi  nama  attabhavapatilabho
bhavissatiti   .   bhikkhu   ujjhayanti   khiyanti  vipacenti  uttarimanussadhammam
ayasma mahamoggallano ullapatiti.
     {295.16}  Athakho  bhagava  bhikkhu  amantesi cakkhubhuta vata bhikkhave
savaka  viharanti  nanabhuta  vata  bhikkhave  savaka  viharanti yatra hi nama
savako  evarupam  nassati  va  dakkhati  va sakkhim va karissati pubbe va me
sa  bhikkhave  samaneri  dittha  ahosi  apicaham  na  byakasim  ahancetam
byakareyyam  pare  ca  me  na  saddaheyyum  ye me na saddaheyyum tesantam
assa   digharattam   ahitaya  dukkhaya  esa  bhikkhave  samaneri  kassapassa
sammasambuddhassa   pavacane   papasamaneri   ahosi  sa  tassa  kammassa
vipakena   bahuni   vassani  bahuni  vassasatani  bahuni  vassasahassani  bahuni
vassasatasahassani   niraye   pacitva   tasseva   kammassa  vipakavasesena
evarupam   attabhavapatilabham   patisamvedeti   saccam   bhikkhave  moggallano
aha anapatti bhikkhave moggallanassati.
     [296]   Athakho   ayasma   mahamoggallano  bhikkhu  amantesi
yatayam   avuso   tapoda   sandati   so   daho  acchodako  sitodako
satodako   setodako  supatittho  ramaniyo  pahutamacchakacchapo  cakkamattani
Ca   padumani   pupphanti   atha   ca  panayam  tapoda  kuthita  sandatiti .
Bhikkhu    ujjhayanti   khiyanti   vipacenti   katham   hi   nama   ayasma
mahamoggallano   evam   vakkhati   yatayam   avuso   tapoda   sandati
so   daho   acchodako   sitodako   satodako   setodako  supatittho
ramaniyo   pahutamacchakacchapo   cakkamattani   ca   padumani   pupphanti   atha
ca    panayam   tapoda   kuthita   sandatiti   uttarimanussadhammam   ayasma
mahamoggallano   ullapatiti   .   bhagavato   etamattham   arocesum .
Yatayam   bhikkhave   tapoda   sandati   so   daho  acchodako  sitodako
satodako   setodako  supatittho  ramaniyo  pahutamacchakacchapo  cakkamattani
ca   padumani   pupphanti   apicayam  bhikkhave  tapoda  dvinnam  mahanirayanam
antarikaya    agacchati    tenayam    tapoda   kuthita   sandati   saccam
bhikkhave moggallano aha anapatti bhikkhave moggallanassati.
     [297]  Tena  kho  pana  samayena raja magadho seniyo bimbisaro
licchavihi   saddhim   sangamento   pabhaggo  hoti  .  atha  raja  paccha
senam  sankaddhitva  licchaviyo  1-  parajesi  .  sangame  ca nandi carati
ranna  licchaviyo  2-  pabhaggati  .  athakho  ayasma  mahamoggallano
bhikkhu   amantesi   raja   avuso   licchavihi   pabhaggo  sangame  ca
nandi   carati   ranna  licchaviyo  pabhaggati  .  bhikkhu  ujjhayanti  khiyanti
vipacenti   katham   hi   nama  ayasma  mahamoggallano  evam  vakkhati
@Footnote: 1 licchavi va licchavino vati amhakam khanti. 2 Yu. Ma. licchavi.
Raja   avuso   licchavihi   pabhaggo  sangame  ca  nandi  carati  ranna
licchaviyo    pabhaggati    uttarimanussadhammam   ayasma   mahamoggallano
ullapatiti   .  bhagavato  etamattham  arocesum  .  pathamam  bhikkhave  raja
licchavihi   pabhaggo   atha   raja   paccha  senam  sankaddhitva  licchaviyo
parajesi   saccam   bhikkhave   moggallano   aha   anapatti   bhikkhave
moggallanassati.
     [298]   Athakho   ayasma   mahamoggallano  bhikkhu  amantesi
idhaham  avuso  sappinikaya  nadiya  tire  anenjam 1- samadhim samapanno
naganam   ogayha  uttarantanam  koncam  karontanam  saddam  assosinti .
Bhikkhu    ujjhayanti   khiyanti   vipacenti   katham   hi   nama   ayasma
mahamoggallano   evam   vakkhati   idhaham   avuso  sappinikaya  nadiya
tire   anenjam   samadhim   samapanno   naganam   ogayha  uttarantanam
koncam    karontanam    saddam   assosinti   uttarimanussadhammam   ayasma
mahamoggallano   ullapatiti   .   bhagavato   etamattham   arocesum .
Attheso   bhikkhave   samadhi   so   ca  kho  aparisuddho  saccam  bhikkhave
moggallano aha anapatti bhikkhave moggallanassati.
     [299]  Athakho  ayasma  sobhito  bhikkhu  amantesi  aham avuso
panca    kappasatani    anussaramiti    .    bhikkhu   ujjhayanti   khiyanti
vipacenti   katham   hi   nama   ayasma   sobhito   evam  vakkhati  aham
@Footnote: 1 Yu. Ma. ananjam.
Avuso   panca   kappasatani   anussaramiti   uttarimanussadhammam   ayasma
sobhito  ullapatiti  .  bhagavato  etamattham  arocesum. Atthesa bhikkhave
sobhitassa  sa  ca  kho  ekayeva  jati  saccam  bhikkhave  sobhito  aha
anapatti bhikkhave sobhitassati.
                              Catutthaparajikam nitthitam.
                                       -------------



             The Pali Tipitaka in Roman Character Volume 1 page 200-220. http://www.84000.org/tipitaka/read/roman_item_s.php?book=1&item=281&items=19&modeTY=2              Classified by [Item Number] :- http://www.84000.org/tipitaka/read/roman_item_s.php?book=1&item=281&items=19&modeTY=2&mode=bracket              Compare with The Pali Tipitaka in Thai Character :- http://www.84000.org/tipitaka/read/pali_item_s.php?book=1&item=281&items=19&modeTY=2              Compare with The Royal Version of Thai Tipitaka :- http://www.84000.org/tipitaka/read/byitem_s.php?book=1&item=281&items=19&modeTY=2              Study Atthakatha :- http://www.84000.org/tipitaka/attha/attha.php?b=1&i=281              The Pali Atthakatha in Thai :- http://www.84000.org/tipitaka/atthapali/read_th.php?B=1&A=12893              The Pali Atthakatha in Roman :- http://www.84000.org/tipitaka/atthapali/read_rm.php?B=1&A=12893              Contents of The Tipitaka Volume 1 http://www.84000.org/tipitaka/read/?index_1

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com

Background color :