[1188] Katihi nu kho bhante angehi samannagato bhikkhu
adhikaranajatanam bhikkhunam bahupakaro 2- hotiti . pancahupali angehi
samannagato bhikkhu adhikaranajatanam bhikkhunam bahupakaro hoti . katamehi
pancahi . silava hoti patimokkhasamvarasamvuto viharati acaragocarasampanno
anumattesu vajjesu bhayadassavi samadaya sikkhati sikkhapadesu
bahussuto hoti sutadharo sutasannicayo ye te dhamma adikalyana
majjhekalyana pariyosanakalyana sattham sabyanjanam
kevalaparipunnam parisuddham brahmacariyam abhivadanti tatharupassa 3-
dhamma bahussuta honti dhata 4- vacasa paricita manasanupekkhita
ditthiya suppatividdha ubhayani kho panassa patimokkhani vittharena
svagatani honti suvibhattani suppavattini suvinicchitani suttaso
anubyanjanaso vinaye kho pana thito hoti asamhiro patibalo
@Footnote: 1 Ma. tam adatabbam upali ... . 2 Po. bahukaro . 3 Ma. tatharupassa.
@4 Ma. Yu. dhata.
Hoti ubho atthapaccatthike assasetum sannapetum nijjhapetum
pekkhetum 1- pasadetum . imehi kho upali pancahangehi samannagato
bhikkhu adhikaranajatanam bhikkhunam bahupakaro hoti.
{1188.1} Aparehipi upali pancahangehi samannagato bhikkhu
adhikaranajatanam bhikkhunam bahupakaro hoti . katamehi pancahi .
Parisuddhakayasamacaro hoti parisuddhavacisamacaro hoti parisuddhajivo
hoti pandito hoti byatto patibalo anuyunjiyamano anuyogam
datum . imehi kho upali pancahangehi samannagato bhikkhu
adhikaranajatanam bhikkhunam bahupakaro hoti . aparehipi upali
pancahangehi samannagato bhikkhu adhikaranajatanam bhikkhunam
bahupakaro hoti . katamehi pancahi . vatthum janati nidanam
janati pannattim janati padapacchabhattham janati anusandhivacanapatham
janati . imehi kho upali pancahangehi samannagato bhikkhu
adhikaranajatanam bhikkhunam bahupakaro hotiti.
[1189] Katihi nu kho bhante angehi samannagatena bhikkhuna
nanuyunjitabbanti.
{1189.1} Pancahupali angehi samannagatena bhikkhuna
nanuyunjitabbam . katamehi pancahi . suttam na janati suttanulomam
na janati vinayam na janati vinayanulomam na janati na ca
thanathanakusalo hoti . imehi kho upali pancahangehi
samannagatena bhikkhuna nanuyunjitabbam . pancahupali angehi
@Footnote: 1 Po. pekkhapetum.
Samannagatena bhikkhuna anuyunjitabbam . katamehi pancahi . suttam
janati suttanulomam janati vinayam janati vinayanulomam janati
thanathanakusalo ca hoti . imehi kho upali pancahangehi
samannagatena bhikkhuna anuyunjitabbam.
{1189.2} Aparehipi upali pancahangehi samannagatena
bhikkhuna nanuyunjitabbam . katamehi pancahi . dhammam na janati
dhammanulomam na janati vinayam na janati vinayanulomam na janati
na ca pubbaparakusalo hoti . imehi kho upali pancahangehi
samannagatena bhikkhuna nanuyunjitabbam . pancahupali angehi
samannagatena bhikkhuna anuyunjitabbam . katamehi pancahi .
Dhammam janati dhammanulomam janati vinayam janati vinayanulomam
janati pubbaparakusalo ca hoti . imehi kho upali pancahangehi
samannagatena bhikkhuna anuyunjitabbam.
{1189.3} Aparehipi upali pancahangehi samannagatena bhikkhuna
nanuyunjitabbam . katamehi pancahi . vatthum na janati nidanam na janati
pannattim na janati padapacchabhattham na janati anusandhivacanapatham
na janati . imehi kho upali pancahangehi samannagatena bhikkhuna
nanuyunjitabbam . pancahupali angehi samannagatena bhikkhuna
anuyunjitabbam . katamehi pancahi . vatthum janati nidanam janati
pannattim janati padapacchabhattham janati anusandhivacanapatham
janati . imehi kho upali pancahangehi samannagatena
Bhikkhuna anuyunjitabbam.
{1189.4} Aparehipi upali pancahangehi samannagatena
bhikkhuna nanuyunjitabbam . katamehi pancahi . apattim na janati
apattisamutthanam na janati apattiya payogam na janati
apattiya vupasamam na janati na apattiya vinicchayakusalo
hoti . imehi kho upali pancahangehi samannagatena bhikkhuna
nanuyunjitabbam . pancahupali angehi samannagatena bhikkhuna
anuyunjitabbam . katamehi pancahi . apattim janati apattisamutthanam
janati apattiya payogam janati apattiya vupasamam
janati apattiya vinicchayakusalo hoti . imehi kho upali
pancahangehi samannagatena bhikkhuna anuyunjitabbam.
{1189.5} Aparehipi upali pancahangehi samannagatena
bhikkhuna nanuyunjitabbam . katamehi pancahi . adhikaranam na janati
adhikaranasamutthanam na janati adhikaranassa payogam na janati
adhikaranassa vupasamam na janati na adhikaranassa vinicchayakusalo 1-
hoti . imehi kho upali pancahangehi samannagatena bhikkhuna
nanuyunjitabbam . pancahupali angehi samannagatena bhikkhuna
anuyunjitabbam . katamehi pancahi . adhikaranam janati
adhikaranasamutthanam janati adhikaranassa payogam janati
adhikaranassa vupasamam janati adhikaranassa vinicchayakusalo hoti .
Imehi kho upali pancahangehi samannagatena bhikkhuna anuyunjitabbam.
@Footnote: 1 Ma. adhikaranassa na vinic ....
Attadanavaggo pancamo.
Tassuddanam
[1190] Parisuddhanca kalena karunne 1- okasena ca
attadanam adhikaranam aparehipi vatthunca
suttam dhammam puna vatthunca apatti adhikaranena cati.
The Pali Tipitaka in Roman Character Volume 8 page 471-475.
https://84000.org/tipitaka/read/roman_item.php?book=8&item=1188&items=3
Classified by [Item Number] :-
http://84000.org/tipitaka/read/roman_item.php?book=8&item=1188&items=3&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=8&item=1188&items=3
Compare with The Royal Version of Thai Tipitaka :-
https://84000.org/tipitaka/read/byitem.php?book=8&item=1188&items=3
Study Atthakatha :-
https://84000.org/tipitaka/attha/attha.php?b=8&i=1188
Contents of The Tipitaka Volume 8
https://84000.org/tipitaka/read/?index_8
https://84000.org/tipitaka/english/?index_8
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
