paliTIPITAKA Volume 6 - Vinaya Pitaka 6

[412] So cinnamanatto bhikkhunam arocesi aham avuso ekam apattim apajjim sancetanikam sukkavisatthim pancahapaticchannam .pe. Soham cinnamanatto katham nu kho maya patipajjitabbanti . Te bhikkhu ^1- bhagavato etamattham arocesum . tenahi bhikkhave sangho udayim bhikkhum abbhetu. [413] Evanca pana bhikkhave abbhetabbo . tena bhikkhave Udayina bhikkhuna sangham upasankamitva ekamsam uttarasangam karitva vuddhanam bhikkhunam pade vanditva ukkutikam nisiditva anjalim paggahetva evamassa vacaniyo aham bhante ekam apattim apajjim sancetanikam sukkavisatthim pancahapaticchannam soham sangham ekissa apattiya sancetanikaya sukkavisatthiya pancahapaticchannaya pancahaparivasam yacim . Tassa me sangho ekissa apattiya sancetanikaya sukkavisatthiya pancahapaticchannaya pancahaparivasam adasi . Soham parivasanto antara ekam apattim apajjim sancetanikam sukkavisatthim appaticchannam soham sangham antara ekissa apattiya sancetanikaya sukkavisatthiya appaticchannaya mulaya patikassanam yacim . tam mam sangho antara ekissa apattiya sancetanikaya sukkavisatthiya appaticchannaya mulaya patikassi. {413.1} Soham parivutthaparivaso manattaraho antara ekam apattim apajjim sancetanikam sukkavisatthim appaticchannam soham sangham antara ekissa apattiya sancetanikaya sukkavisatthiya appaticchannaya mulaya patikassanam yacim . tam mam sangho antara ekissa apattiya sancetanikaya sukkavisatthiya appaticchannaya mulaya patikassi. {413.2} Soham parivutthaparivaso sangham tissannam apattinam charattam manattam yacim . tassa me sangho tissannam apattinam charattam manattam adasi . soham manattam caranto antara ekam apattim apajjim sancetanikam Sukkavisatthim appaticchannam soham sangham antara ekissa apattiya sancetanikaya sukkavisatthiya appaticchannaya mulaya patikassanam yacim . tam mam sangho antara ekissa apattiya sancetanikaya sukkavisatthiya appaticchannaya mulaya patikassi . soham sangham antara ekissa apattiya sancetanikaya sukkavisatthiya appaticchannaya charattam manattam yacim . tassa me sangho antara ekissa apattiya sancetanikaya sukkavisatthiya appaticchannaya charattam manattam adasi. {413.3} Soham cinnamanatto abbhanaraho antara ekam apattim apajjim sancetanikam sukkavisatthim appaticchannam soham sangham antara ekissa apattiya sancetanikaya sukkavisatthiya appaticchannaya mulaya patikassanam yacim . tam mam sangho antara ekissa apattiya sancetanikaya sukkavisatthiya appaticchannaya mulaya patikassi . soham sangham antara ekissa apattiya sancetanikaya sukkavisatthiya appaticchannaya charattam manattam yacim . tassa me sangho antara ekissa apattiya sancetanikaya sukkavisatthiya appaticchannaya charattam manattam adasi . soham bhante cinnamanatto sangham abbhanam yacamiti . Dutiyampi yacitabbam tatiyampi yacitabbam. [414] Byattena bhikkhuna patibalena sangho napetabbo {414.1} sunatu me bhante sangho ayam udayi bhikkhu ekam apattim apajji Sancetanikam sukkavisatthim pancahapaticchannam so sangham ekissa apattiya sancetanikaya sukkavisatthiya pancahapaticchannaya pancahaparivasam yaci . sangho udayissa bhikkhuno ekissa apattiya sancetanikaya sukkavisatthiya pancahapaticchannaya pancahaparivasam adasi. {414.2} So parivasanto antara ekam apattim apajji sancetanikam sukkavisatthim appaticchannam so sangham antara ekissa apattiya sancetanikaya sukkavisatthiya appaticchannaya mulaya patikassanam yaci . sangho udayim bhikkhum antara ekissa apattiya sancetanikaya sukkavisatthiya appaticchannaya mulaya patikassi. {414.3} So parivutthaparivaso manattaraho antara ekam apattim apajji sancetanikam sukkavisatthim appaticchannam so sangham antara ekissa apattiya sancetanikaya sukkavisatthiya appaticchannaya mulaya patikassanam yaci . sangho udayim bhikkhum antara ekissa apattiya sancetanikaya sukkavisatthiya appaticchannaya mulaya patikassi . so parivutthaparivaso sangham tissannam apattinam charattam manattam yaci . sangho udayissa bhikkhuno tissannam apattinam charattam manattam adasi . so manattam caranto antara ekam apattim apajji sancetanikam sukkavisatthim appaticchannam so sangham antara ekissa apattiya sancetanikaya sukkavisatthiya appaticchannaya mulaya patikassanam yaci . sangho udayim bhikkhum antara ekissa Apattiya sancetanikaya sukkavisatthiya appaticchannaya mulaya patikassi . so sangham antara ekissa apattiya sancetanikaya sukkavisatthiya appaticchannaya charattam manattam yaci . sangho udayissa bhikkhuno antara ekissa apattiya sancetanikaya sukkavisatthiya appaticchannaya charattam manattam adasi. {414.4} So cinnamanatto abbhanaraho antara ekam apattim apajji sancetanikam sukkavisatthim appaticchannam so sangham antara ekissa apattiya sancetanikaya sukkavisatthiya appaticchannaya mulaya patikassanam yaci . sangho udayim bhikkhum antara ekissa apattiya sancetanikaya sukkavisatthiya appaticchannaya mulaya patikassi . so sangham antara ekissa apattiya sancetanikaya sukkavisatthiya appaticchannaya charattam manattam yaci . sangho udayissa bhikkhuno antara ekissa apattiya sancetanikaya sukkavisatthiya appaticchannaya charattam manattam adasi . so cinnamanatto sangham abbhanam yacati . yadi sanghassa pattakallam sangho udayim bhikkhum abbheyya. Esa natti. {414.5} Sunatu me bhante sangho ayam udayi bhikkhu ekam apattim apajji sancetanikam sukkavisatthim pancahapaticchannam .pe. so cinnamanatto sangham abbhanam yacati . sangho udayim bhikkhum abbheti. Yassayasmato khamati udayissa bhikkhuno abbhanam so tunhassa yassa nakkhamati so bhaseyya. {414.6} Dutiyampi etamattham vadami .pe. tatiyampi etamattham vadami .pe. abbhito sanghena udayi bhikkhu khamati sanghassa tasma tunhi. Evametam dharayamiti. [415] Tena kho pana samayena ayasma udayi ekam apattim apanno hoti sancetanikam sukkavisatthim pakkhapaticchannam . so bhikkhunam arocesi aham avuso ekam apattim apajjim sancetanikam sukkavisatthim pakkhapaticchannam katham nu kho maya patipajjitabbanti . Te bhikkhu bhagavato etamattham arocesum . tenahi bhikkhave sangho udayissa bhikkhuno ekissa apattiya sancetanikaya sukkavisatthiya pakkhapaticchannaya pakkhaparivasam detu. [416] Evanca pana bhikkhave databbo. Tena bhikkhave udayina bhikkhuna sangham upasankamitva ekamsam uttarasangam karitva vuddhanam bhikkhunam pade vanditva ukkutikam nisiditva anjalim paggahetva evamassa vacaniyo aham bhante ekam apattim apajjim sancetanikam sukkavisatthim pakkhapaticchannam soham bhante sangham ekissa apattiya sancetanikaya sukkavisatthiya pakkhapaticchannaya pakkhaparivasam yacamiti. Dutiyampi yacitabbo tatiyampi yacitabbo. [417] Byattena bhikkhuna patibalena sangho napetabbo {417.1} sunatu me bhante sangho ayam udayi bhikkhu ekam apattim apajji sancetanikam sukkavisatthim pakkhapaticchannam so sangham ekissa Apattiya sancetanikaya sukkavisatthiya pakkhapaticchannaya pakkhaparivasam yacati . yadi sanghassa pattakallam sangho udayissa bhikkhuno ekissa apattiya sancetanikaya sukkavisatthiya pakkhapaticchannaya pakkhaparivasam dadeyya. Esa natti. {417.2} Sunatu me bhante sangho ayam udayi bhikkhu ekam apattim apajji sancetanikam sukkavisatthim pakkhapaticchannam so sangham ekissa apattiya sancetanikaya sukkavisatthiya pakkhapaticchannaya pakkhaparivasam yacati . sangho udayissa bhikkhuno ekissa apattiya sancetanikaya sukkavisatthiya pakkhapaticchannaya pakkhaparivasam deti . yassayasmato khamati udayissa bhikkhuno ekissa apattiya sancetanikaya sukkavisatthiya pakkhapaticchannaya pakkhaparivasassa danam so tunhassa yassa nakkhamati so bhaseyya. {417.3} Dutiyampi etamattham vadami .pe. tatiyampi etamattham vadami .pe. dinno sanghena udayissa bhikkhuno ekissa apattiya sancetanikaya sukkavisatthiya pakkhapaticchannaya pakkhaparivaso khamati sanghassa tasma tunhi. Evametam dharayamiti. [418] So parivasanto antara ekam apattim apajji sancetanikam sukkavisatthim pancahapaticchannam . so bhikkhunam arocesi aham avuso ekam apattim apajjim sancetanikam sukkavisatthim pakkhapaticchannam soham sangham ekissa apattiya sancetanikaya sukkavisatthiya pakkhapaticchannaya pakkhaparivasam yacim tassa me sangho Ekissa apattiya sancetanikaya sukkavisatthiya pakkhapaticchannaya pakkhaparivasam adasi soham parivasanto antara ekam apattim apajjim sancetanikam sukkavisatthim pancahapaticchannam katham nu kho maya patipajjitabbanti . te bhikkhu bhagavato etamattham arocesum . Tenahi bhikkhave sangho udayim bhikkhum antara ekissa apattiya sancetanikaya sukkavisatthiya pancahapaticchannaya mulaya patikassitva purimaya apattiya samodhanaparivasam detu. [419] Evanca pana bhikkhave mulaya patikassitabbo. Tena bhikkhave udayina bhikkhuna sangham upasankamitva ekamsam uttarasangam karitva vuddhanam bhikkhunam pade vanditva ukkutikam nisiditva anjalim paggahetva evamassa vacaniyo aham bhante ekam apattim apajjim sancetanikam sukkavisatthim pakkhapaticchannam soham sangham ekissa apattiya sancetanikaya sukkavisatthiya pakkhapaticchannaya pakkhaparivasam yacim tassa me sangho ekissa apattiya sancetanikaya sukkavisatthiya pakkhapaticchannaya pakkhaparivasam adasi soham parivasanto antara ekam apattim apajjim sancetanikam sukkavisatthim pancahapaticchannam soham bhante sangham antara ekissa apattiya sancetanikaya sukkavisatthiya pancahapaticchannaya mulaya patikassanam yacamiti. Dutiyampi yacitabba tatiyampi yacitabba.

The Pali Tipitaka in Roman Character Volume 6 page 196-203. https://84000.org/tipitaka/read/roman_item.php?book=6&item=412&items=8 Classified by [Item Number] :- http://84000.org/tipitaka/read/roman_item.php?book=6&item=412&items=8&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=6&item=412&items=8 Compare with The Royal Version of Thai Tipitaka :- https://84000.org/tipitaka/read/byitem.php?book=6&item=412&items=8 Study Atthakatha :- https://84000.org/tipitaka/attha/attha.php?b=6&i=412 Contents of The Tipitaka Volume 6 https://84000.org/tipitaka/read/?index_6 https://84000.org/tipitaka/english/?index_6