[84] Tena kho pana samayena upajjhaya sammavattantam
panamenti asammavattantam na panamenti . bhagavato etamattham
arocesum . na bhikkhave sammavattanto panametabbo yo
Panameyya apatti dukkatassa na ca bhikkhave asammavattanto
na panametabbo yo na panameyya apatti dukkatassa 1-.
{84.1} Pancahi bhikkhave angehi samannagato saddhivihariko
panametabbo upajjhayamhi nadhimattam pemam hoti nadhimatto
pasado hoti nadhimatta hiri hoti nadhimatto garavo hoti
nadhimatta bhavana hoti imehi kho bhikkhave pancahangehi
samannagato saddhivihariko panametabbo.
{84.2} Pancahi bhikkhave angehi samannagato saddhivihariko
na panametabbo upajjhayamhi adhimattam pemam hoti adhimatto
pasado hoti adhimatta hiri hoti adhimatto garavo hoti adhimatta
bhavana hoti imehi kho bhikkhave pancahangehi samannagato
saddhivihariko na panametabbo.
{84.3} Pancahi bhikkhave angehi samannagato saddhivihariko
alam panametum upajjhayamhi nadhimattam pemam hoti nadhimatto
pasado hoti nadhimatta hiri hoti nadhimatto garavo hoti
nadhimatta bhavana hoti imehi kho bhikkhave pancahangehi
samannagato saddhivihariko alam panametum.
{84.4} Pancahi bhikkhave angehi samannagato saddhivihariko
nalam panametum upajjhayamhi adhimattam pemam hoti adhimatto
pasado hoti adhimatta hiri hoti adhimatto garavo hoti adhimatta
bhavana hoti imehi kho bhikkhave pancahangehi samannagato
saddhivihariko nalam panametum.
@Footnote: 1 Ma. itisaddo dissati.
{84.5} Pancahi bhikkhave angehi samannagatam saddhiviharikam
appanamento upajjhayo satisaro hoti panamento
anatisaro hoti upajjhayamhi nadhimattam pemam hoti nadhimatto
pasado hoti nadhimatta hiri hoti nadhimatto garavo hoti
nadhimatta bhavana hoti imehi kho bhikkhave pancahangehi
samannagatam saddhiviharikam appanamento upajjhayo satisaro
hoti panamento anatisaro hoti.
{84.6} Pancahi bhikkhave angehi samannagatam saddhiviharikam
panamento upajjhayo satisaro hoti appanamento
anatisaro hoti upajjhayamhi adhimattam pemam hoti adhimatto
pasado hoti adhimatta hiri hoti adhimatto garavo hoti
adhimatta bhavana hoti imehi kho bhikkhave pancahangehi
samannagatam saddhiviharikam panamento upajjhayo satisaro
hoti appanamento anatisaro hotiti.
[85] Tena kho pana samayena annataro brahmano 1- bhikkhu
upasankamitva pabbajjam yaci . tam bhikkhu na icchimsu pabbajetum .
So bhikkhusu pabbajjam alabhamano kiso ahosi lukho dubbanno
@Footnote: 1 annataro radho nama brahmanoti amhakam potthake dissati. annataro
@brahmano radho namati sihalapotthake. tabbannanatikayampi tam namam pakatam
@hoti. yasma pana annatarasaddena aniyame kate namam vattabbam na hoti name va
Uppanduppandukajato dhamanisanthatagatto . addasa kho bhagava
tam brahmanam kisam lukham dubbannam uppanduppandukajatam
dhamanisanthatagattam disvana bhikkhu amantesi kinnu kho so bhikkhave
brahmano kiso lukho dubbanno uppanduppandukajato
dhamanisanthatagatto . eso bhante brahmano bhikkhu upasankamitva
pabbajjam yaci tam bhikkhu na icchimsu pabbajetum so bhikkhusu
pabbajjam alabhamano kiso lukho dubbanno uppanduppandukajato
dhamanisanthatagattoti.
{85.1} Athakho bhagava bhikkhu amantesi ko nu kho bhikkhave
tassa brahmanassa adhikaram saratiti . evam vutte ayasma
sariputto bhagavantam etadavoca aham kho bhante tassa brahmanassa
adhikaram saramiti . kim pana tvam sariputta tassa brahmanassa
adhikaram sarasiti . idha me bhante so brahmano rajagahe pindaya
carantassa ekam katacchubhikkham dapesi idam kho aham bhante tassa
brahmanassa adhikaram saramiti . sadhu sadhu sariputta
katannuno hi sariputta sappurisa katavedino tenahi tvam
sariputta tam brahmanam pabbajehi upasampadehiti . kathaham
@Footnote:vutte aniyamo kattabbo na hoti tasma radho namati pathadvayam atirekanti
@datthabbam. itaratha annatarasaddo na bhaveyya addasa kho bhagava radham brahmananti
@ca vattabbam bhaveyya ayampana Yu. Ra. potthake anuvattitva sodhitoti veditabbo.
Bhante tam brahmanam pabbajemi upasampademiti.
{85.2} Athakho bhagava etasmim nidane etasmim pakarane dhammim
katham katva bhikkhu amantesi ya sa bhikkhave maya tihi saranagamanehi
upasampada anunnata taham 1- ajjatagge patikkhipami anujanami
bhikkhave natticatutthena kammena upasampadam 2- evanca pana bhikkhave
upasampadetabbo byattena bhikkhuna patibalena sangho napetabbo
{85.3} sunatu me bhante sangho ayam itthannamo itthannamassa
ayasmato upasampadapekkho 3- . yadi sanghassa pattakallam sangho
itthannamam upasampadeyya itthannamena upajjhayena . esa
natti.
{85.4} Sunatu me bhante sangho ayam itthannamo itthannamassa
ayasmato upasampadapekkho sangho itthannamam upasampadeti
itthannamena upajjhayena yassayasmato khamati itthannamassa
upasampada itthannamena upajjhayena so tunhassa yassa
nakkhamati so bhaseyya.
{85.5} Dutiyampi etamattham vadami . sunatu me bhante sangho
ayam itthannamo itthannamassa ayasmato upasampadapekkho .
Sangho itthannamam upasampadeti itthannamena upajjhayena .
Yassayasmato khamati itthannamassa upasampada itthannamena
upajjhayena so tunhassa yassa nakkhamati so
@Footnote: 1 Ma. tam . 2 Ma. Yu. upasampadetum. Ra. upasampadam datum.
@3 upasampadapekhotipi patho.
Bhaseyya.
{85.6} Tatiyampi etamattham vadami . sunatu me bhante sangho
ayam itthannamo itthannamassa ayasmato upasampadapekkho .
Sangho itthannamam upasampadeti itthannamena upajjhayena .
Yassayasmato khamati itthannamassa upasampada itthannamena
upajjhayena so tunhassa yassa nakkhamati so bhaseyya.
{85.7} Upasampanno sanghena itthannamo itthannamena
upajjhayena. Khamati sanghassa tasma tunhi. Evametam dharayamiti.
[86] Tena kho pana samayena annataro bhikkhu upasampannasamanantara
anacaram acarati . bhikkhu evamahamsu ma avuso evarupam akasi netam
kappatiti . so evamaha nevaham ayasmante yacim upasampadetha
manti kissa mam tumhe ayacita upasampaditthati . bhagavato
etamattham arocesum . na bhikkhave ayacitena upasampadetabbo
yo upasampadeyya apatti dukkatassa . anujanami bhikkhave
yacitena upasampadetum . evanca pana bhikkhave yacitabbo tena
upasampadapekkhena sangham upasankamitva ekamsam uttarasangam
karitva bhikkhunam pade vanditva ukkutikam nisidatva anjalim
paggahetva evamassa vacaniyo sangham bhante upasampadam yacami
ullumpatu mam bhante sangho anukampam upadayati . dutiyampi
yacitabbo tatiyampi yacitabbo . byattena bhikkhuna patibalena
sangho napetabbo.
{86.1} Sunatu me bhante sangho ayam itthannamo itthannamassa
ayasmato upasampadapekkho . itthannamo sangham upasampadam yacati
itthannamena upajjhayena . yadi sanghassa pattakallam sangho itthannamam
upasampadeyya itthannamena upajjhayena. Esa natti.
{86.2} Sunatu me bhante sangho ayam itthannamo itthannamassa
ayasmato upasampadapekkho itthannamo sangham upasampadam yacati
itthannamena upajjhayena . sangho itthannamam upasampadeti
itthannamena upajjhayena . yassayasmato khamati itthannamassa
upasampada itthannamena upajjhayena so tunhassa yassa
nakkhamati so bhaseyya.
{86.3} Dutiyampi etamattham vadami .pe. Tatiyampi etamattham vadami
.pe. upasampanno sanghena itthannamo itthannamena upajjhayena .
Khamati sanghassa tasma tunhi. Evametam dharayamiti.
The Pali Tipitaka in Roman Character Volume 4 page 99-105.
https://84000.org/tipitaka/read/roman_item.php?book=4&item=84&items=3
Classified by [Item Number] :-
http://84000.org/tipitaka/read/roman_item.php?book=4&item=84&items=3&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=4&item=84&items=3
Compare with The Royal Version of Thai Tipitaka :-
https://84000.org/tipitaka/read/byitem.php?book=4&item=84&items=3
Study Atthakatha :-
https://84000.org/tipitaka/attha/attha.php?b=4&i=84
Contents of The Tipitaka Volume 4
https://84000.org/tipitaka/read/?index_4
https://84000.org/tipitaka/english/?index_4
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
