paliTIPITAKA Volume 4 - Vinaya Pitaka 4

[7] Athakho bhagava sattahassa accayena tamha samadhimha vutthahitva rajayatanamula yena ajapalanigrodho tenupasankami ^3- . Tatra sudam bhagava ajapalanigrodhamule viharati . athakho bhagavato rahogatassa patisallinassa evam cetaso parivitakko udapadi adhigato kho mayayam dhammo gambhiro duddaso duranubodho santo panito atakkavacaro nipuno panditavedaniyo alayarama kho panayam paja alayarata alayasammudita alayaramaya kho pana pajaya alayarataya alayasammuditaya duddasam idam thanam yadidam idappaccayatapaticcasamuppado idampi kho thanam sududdasam yadidam sabbasankharasamatho sabbupadhipatinissaggo tanhakkhayo virago nirodho nibbanam ahanceva kho pana dhammam deseyyam pare ca me na ajaneyyum so mamassa kilamatho sa mamassa vihesati . apissu bhagavantam ima anacchariya gathayo patibhamsu pubbe assutapubba @Footnote: ¹ Yu. te va . ² Si. idam pathadvayam na dissati . ³ ito param yebhuyyena @upasankamitvati patho dissati. so atirekoti datthabbo.

--------------------------------------------------------------------------------------------- page9.

Kicchena me adhigatam halandani pakasitum. Ragadosaparetehi nayam dhammo susambudho. Patisotagamim nipunam gambhiram duddasam anum ragaratta na dakkhanti tamokkhandhena avutati. Itiha bhagavato patisancikkhato appossukkataya cittam namati no dhammadesanaya. [8] Athakho brahmuno sahampatissa ^1- bhagavato cetasa cetoparivitakkamannaya etadahosi nassati vata bho loko vinassati vata bho loko yatra hi nama tathagatassa arahato sammasambuddhassa appossukkataya cittam namati no dhammadesanayati . athakho brahma sahampati seyyathapi nama balava puriso samminjitam va baham pasareyya pasaritam va baham samminjeyya evameva ^2- brahmaloke antarahito bhagavato purato paturahosi. {8.1} Athakho brahma sahampati ekamsam uttarasangam karitva dakkhinajanumandalam ^3- pathaviyam ^4- nihantva yena bhagava tenanjalim panametva bhagavantam etadavoca desetu bhante bhagava dhammam desetu sugato dhammam santi ^5- satta apparajakkhajatika ^6- assavanata dhammassa @Footnote: ¹ sahappatitipi tassa namam . ² Si. evamevam . ³ Yu. dakkhinanjanumandalam. @⁴ Ra. bhumiyam. Si. puthuviyam . ⁵ santidhatipi patho . ⁶ Si. apparajakkhajatiya.

--------------------------------------------------------------------------------------------- page10.

Parihayanti bhavissanti dhammassa annataroti. {8.2} Idamavoca brahma sahampati idam vatva athaparam etadavoca paturahosi magadhesu pubbe dhammo asuddho samalehi cintito. Apapuretam amatassa dvaram sunantu dhammam vimalenanubuddham. Sele yatha pabbatamuddhanitthito yathapi passe janatam samantato tathupamam dhammamayam sumedha pasadamaruyha samantacakkhu sokavatinnam janatam apetasoko avekkhassu ^1- jatijarabhibhutam. Utthehi vira vijitasangama satthavaha anana vicara loke. Desassu ^2- bhagava dhammam annataro bhavissantiti ^3-. @Footnote: ¹ apekkhassutipi patho . ² yebhuyyena desetuti patho dissati . ³ Yu. Ra. @tikkhattum ajjhesana kata. tesu hi evam dissati evam vutte bhagava brahmanam @sahampatim etadavoca mayham kho brahme etadahosi adhigato kho mayayam dhammo .. sa mamassa @vihesati apissu mam brahme ima anacchariya gathayo patibhamsu pubbe me @assutapubba ... avutati itiha me brahme patisancikkhato appossukkataya @cittam namati no dhammadesanayati. dutiyampikho brahma sahampati bhagavantam etadavoca @desetu bhante

--------------------------------------------------------------------------------------------- page11.

[9] Athakho bhagava brahmuno ca ajjhesanam viditva sattesu ca karunnatam paticca buddhacakkhuna lokam volokesi . addasa kho bhagava buddhacakkhuna lokam volokento satte apparajakkhe maharajakkhe tikkhindriye mudindriye svakare dvakare suvinnapaye duvinnapaye appekacce paralokavajjabhayadassavino ^1- viharante. {9.1} Seyyathapi nama uppaliniyam va paduminiyam va pundarikiniyam va appekaccani uppalani va padumani va pundarikani va udake jatani udake samvaddhani udakanuggatani antonimuggaposini appekaccani uppalani va padumani va pundarikani va udake jatani udake samvaddhani samodakam thitani appekaccani uppalani va padumani va pundarikani va udake jatani udake samvaddhani udaka accuggamma titthanti ^2- anupalittani udakena evameva ^3- bhagava buddhacakkhuna lokam volokento addasa satte apparajakkhe maharajakkhe tikkhindriye mudindriye svakare dvakare suvinnapaye duvinnapaye appekacce paralokavajjabhayadassavino viharante @Footnote:bhagava dhammam ... annataro bhavissantiti. dutiyampi kho bhagava brahmanam sahampatim @etadavoca mayham kho brahme etadahosi ... no dhammadesanayati. tatiyampi kho @brahma sahampati bhagavantam etadavoca desetu bhante bhagava dhammam ... annataro @bhavissantiti. @1 Ma. ...dassavine. ito param idisameva . ² Ma. thitani . ³ Ma. evamevam.

--------------------------------------------------------------------------------------------- page12.

Disvana brahmanam sahampatim gathaya ajjhabhasi aparuta te ^1- amatassa dvara ye sotavanto pamuncantu saddham. Vihimsasanni pagunam na bhasim dhammam panitam manujesu brahmeti. Athakho brahma sahampati katavakaso khomhi bhagavata dhammadesanayati bhagavantam abhivadetva padakkhinam katva tatthevantaradhayi. Brahmayacanakatha nitthita ^2-

The Pali Tipitaka in Roman Character Volume 4 page 8-12. https://84000.org/tipitaka/read/roman_item.php?book=4&item=7&items=3&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=4&item=7&items=3&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=4&item=7&items=3&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=4&item=7&items=3&pagebreak=1&modeTY=2 Study Atthakatha :- https://84000.org/tipitaka/attha/attha.php?b=4&i=7 Contents of The Tipitaka Volume 4 https://84000.org/tipitaka/read/?index_4 https://84000.org/tipitaka/english/?index_4