บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
[401] Katham rassam assasanto rassam assasamiti pajanati rassam passasanto rassam passasamiti pajanati . rassam assasam ittarasankhate assasati rassam passasam ittarasankhate passasati rassam assasapassasam ittarasankhate assasatipi passasatipi rassam assasapassasam ittarasankhate assasatopi passasatopi chando uppajjati chandavasena tato sukhumataram rassam assasam ittarasankhate assasati chandavasena tato sukhumataram rassam passasam ittarasankhate passasati chandavasena tato sukhumataram rassam assasapassasam ittarasankhate assasatipi passasatipi chandavasena tato sukhumataram rassam assasapassasam ittarasankhate assasatopi passasatopi pamujjam uppajjati pamujjavasena tato sukhumataram rassam assasam ittarasankhate assasati pamujjavasena tato sukhumataram rassam passasam ittarasankhate passasati pamujjavasena tato sukhumataram rassam assasapassasam ittarasankhate assasatipi passasatipi pamujjavasena tato sukhumataram rassam assasapassasam ittarasankhate assasatopi passasatopi rassam assasapassasa cittam vivattati upekkha santhati Imehi navahakarehi rassam assasapassasakayo upatthanam sati anupassanananam kayo upatthanam no sati sati upatthanam ceva sati ca taya satiya tena nanena tam kayam anupassatiti tena vuccati kaye kayanupassana satipatthanabhavana. [402] Anupassatiti katham tam kayam anupassati .pe. evantam kayam anupassati. {402.1} Bhavanati catasso bhavana .pe. Asevanatthena bhavana rassam assasapassasavasena cittassa ekaggatam avikkhepam pajanato vidita vedana uppajjanti .pe. rassam assasapassasavasena cittassa ekaggatam avikkhepam pajananto indriyanam samodhaneti .pe. tena vuccati samatthanca pativijjhati. [403] Katham sabbakayapatisamvedi assasissamiti sikkhati sabbakayapatisamvedi passasissamiti sikkhati. {403.1} Kayoti dve kaya namakayo ca rupakayo ca. Katamo namakayo . vedana sanna cetana phasso manasikaro namanca namakayo ca ye ca vuccanti cittasankhara ayam namakayo . Katamo rupakayo . cattaro ca mahabhuta catunnanca mahabhutanam upadayarupam assaso ca passaso ca nimittanca upanibandhana ye ca vuccanti kayasankhara ayam rupakayo. [404] Kathante kaya patividita honti digham assasavasena Cittassa ekaggatam avikkhepam pajanato sati upatthita hoti taya satiya tena nanena te kaya patividita honti digham passasavasena cittassa ekaggatam avikkhepam pajanato sati upatthita hoti taya satiya tena nanena te kaya patividita honti rassam assasavasena cittassa ekaggatam avikkhepam pajanato sati upatthita hoti taya satiya tena nanena te kaya patividita honti rassam passasavasena cittassa ekaggatam avikkhepam pajanato sati upatthita hoti taya satiya tena nanena te kaya patividita honti avajjato te kaya patividita honti {404.1} janato te kaya patividita honti passato te kaya patividita honti paccavekkhato te kaya patividita honti cittam adhitthahato te kaya patividita honti saddhaya adhimuccato te kaya patividita honti viriyam pagganhato te kaya patividita honti satim upatthapayato te kaya patividita honti cittam samadahato te kaya patividita honti pannaya pajanato te kaya patividita honti abhinneyyam abhijanato te kaya patividita honti parinneyyam parijanato te kaya patividita honti pahatabbam pajahato te kaya patividita honti bhavetabbam bhavayato te kaya patividita honti sacchikatabbam sacchikaroto te kaya patividita honti evante kaya patividita Honti sabbakayapatisamvedi assasapassasakayo upatthanam sati anupassanananam kayo upatthanam no sati sati upatthanam ceva sati ca taya satiya tena nanena tam kayam anupassatiti tena vuccati kaye kayanupassana satipatthanabhavana. [405] Anupassatiti .pe. sabbakayapatisamvedi assasapassasa 1- samvaratthena silavisuddhi avikkhepatthena cittavisuddhi dassanatthena ditthivisuddhi yo tattha samvarattho ayam adhisilasikkha yo tattha avikkhepattho ayam adhicittasikkha yo tattha dassanattho ayam adhipannasikkha ima tisso sikkhayo avajjanto sikkhati jananto sikkhati passanto sikkhati paccavekkhanto sikkhati cittam adhitthahanto sikkhati saddhaya adhimuccanto sikakhati viriyam pagganhanto sikkhati satim upatthapento sikkhati cittam samadahanto sikkhati pannaya pajananto sikkhati abhinneyyam abhijananto sikkhati parinneyyam parijananto sikkhati pahatabbam pajahanto sikkhati bhavetabbam bhavento sikkhati sacchikatabbam sacchikaronto sikkhati sabbakayapatisamvedi assasapassasavasena cittassa ekaggatam avikkhepam pajanato vidita vedana uppajjanti .pe. sabbakayapatisamvedi assasa- passasavasena cittassa ekaggatam avikkhepam pajananto indriyani samodhaneti .pe. Tena vuccati samatthanca pativijjhatiti. @Footnote: 1 Ma. Yu. assasapassasanam. [406] Katham passambhayam kayasankharam assasissamiti sikkhati passambhayam kayasankharam passasissamiti sikkhati. {406.1} Katamo kayasankharo . digham assasa kayika ete dhamma kayapatibaddha kayasankhara te kayasankhare passambhento nirodhento vupasamento sikkhati digham passasa kayika ete dhamma kayapatibaddha kayasankhara te kayasankhare passambhento nirodhento vupasamento sikkhati rassam assasa rassam passasa sabbakayapatisamvedi assasa kayika ete dhamma kayapatibaddha kayasankhara te kayasankhare passambhento nirodhento vupasamento sikkhati {406.2} yatharupehi kayasankharehi ya kayassa anamana vinamana sannamana panamana injana phandana calana kampana passambhayam kayasankharam assasissamiti sikkhati passambhayam kayasankharam passasissamiti sikkhati yatharupehi kayasankharehi ya kayassa naanamana navinamana nasannamana nappanamana aninjana naphandana acalana akampana santam sukhumam passambhayam kayasankharam assasissamiti sikkhati passambhayam kayasankharam passasissamiti sikkhati {406.3} iti kira passambhayam kayasankharam assasissamiti sikkhati passambhayam kayasankharam passasissamiti sikkhati evam sante vatupaladdhiya ca pabhavana na hoti assasapassasananca pabhavana na hoti anapanassatiya ca pabhavana na hoti anapanassatisamadhissa Ca pabhavana na hoti na ca tam samapattim pandita samapajjantipi vutthahantipi {406.4} iti kira passambhayam kayasankharam assasissamiti sikkhati passambhayam kayasankharam passasissamiti sikkhati evam sante vatupaladdhiya ca pabhavana hoti assasapassasananca pabhavana hoti anapanassatiya ca pabhavana hoti anapanassatisamadhissa ca pabhavana hoti tanca nam samapattim pandita samapajjantipi vutthahantipi yathakatham viya seyyathapi kamse akotite pathamam olarika sadda pavattanti olarikanam saddanam nimittam suggahitatta sumanasikatatta supadharitatta niruddhepi olarike sadde {406.5} atha paccha sukhumaka sadda pavattanti sukhumakanam saddanam nimittam suggahitatta sumanasikatatta supadharitatta niruddhepi sukhumake sadde atha paccha sukhumanimittarammanattapi cittam pavattati evameva pathamam olarika assasapassasa pavattanti olarikanam assasapassasanam nimittam suggahitatta sumanasikatatta supadharitatta niruddhepi olarike assasapassase atha paccha sukhumaka assasapassasa pavattanti sukhumakanam assasapassasanam nimittam suggahitatta sumanasikatatta supadharitatta niruddhepi sukhumake assasapassase atha paccha sukhumakanam assasapassasanam nimittarammanattapi cittam na vikkhepam gacchati evam sante vatupaladdhiya ca pabhavana hoti assasapassasananca Pabhavana hoti anapanassatiya ca pabhavana hoti anapanassatisamadhissa ca pabhavana hoti tanca nam samapattim pandita samapajjantipi vutthahantipi passambhayam kayasankharam assasapassasakayo upatthanam sati anupassanananam kayo upatthanam no sati sati upatthanam ceva sati ca taya satiya tena nanena tam kayam anupassati tena vuccati kaye kayanupassana satipatthanabhavana. [407] Anupassatiti katham tam kayam anupassati .pe. Evantam kayam anupassati. {407.1} Bhavanati catasso bhavana .pe. Asevanatthena bhavana. Passambhayam kayasankharam assasapassasa 1- samvaratthena silavisuddhi avikkhepatthena cittavisuddhi dassanatthena ditthivisuddhi yo tattha samvarattho ayam adhisilasikkha yo tattha avikkhepattho ayam adhicittasikkha yo tattha dassanattho ayam adhipannasikkha ima tisso sikkhayo avajjanto sikkhati .pe. sacchikatabbam sacchikaronto sikkhati passambhayam kayasankharam assasapassasavasena cittassa ekaggatam avikkhepam pajanato vidita vedana uppajjanti .pe. passambhayam kayasankharam assasapassasavasena cittassa ekaggatam avikkhepam pajanato indriyani samodhaneti .pe. tena vuccati samatthanca pativijjhati 2- attha anupassane nanani attha ca @Footnote: 1 Ma. Yu. assasapassasanam. evamuparipi. 2 Ma. Yu. pativijjhatiti. evamuparipi. Upatthananussatiyo cattari suttantikavatthuni kaye kayanupassanaya. Bhanavaram. [408] Katham pitipatisamvedi assasissamiti sikkhati pitipatisamvedi passasissamiti sikkhati. {408.1} Katama piti . digham assasavasena cittassa ekaggatam avikkhepam pajanato uppajjati pitipamujjam .pe. digham passasavasena cittassa ekaggatam avikkhepam pajanato uppajjati pitipamujjam .pe. Rassam assasavasena rassam passasavasena sabbakayapatisamvedi assasavasena sabbakayapatisamvedi passasavasena passambhayam kayasankharam assasavasena passambhayam kayasankharam passasavasena cittassa ekaggatam avikkhepam pajanato uppajjati pitipamujjam ya pitipamujjam amodana pamodana haso pahaso cittassa odagyam attamanata cittassa ayam piti [1]- patividita hoti digham assasavasena cittassa ekaggatam avikkhepam pajanato sati upatthita hoti {408.2} taya satiya tena nanena sa piti patividita hoti digham passasavasena cittassa ekaggatam avikkhepam pajanato sati upatthita hoti taya satiya tena nanena sa piti patividita hoti rassam assasavasena rassam passasavasena sabbakayapatisamvedi assasavasena passambhayam kayasankharam assasavasena passambhayam @Footnote: 1 Ma. Yu. ayam piti. katham sa piti .... Kayasankharam passasavasena cittassa ekaggatam avikkhepam pajanato sati upatthita hoti taya satiya tena nanena sa piti patividita hoti avajjato sa piti patividita hoti janato ... passato paccavekkhato cittam adhitthahato saddhaya adhimuccato viriyam pagganhato satim upatthapayato cittam samadahato pannaya pajanato abhinneyyam abhijanato parinneyyam parijanato pahatabbam pajahato bhavetabbam bhavayato sacchikatabbam sacchikaroto sa piti patividita hoti evam sa [1]- pitipatisamvedi assasapassasavasena vedana upatthanam sati anupassanananam vedana upatthanam no sati sati upatthanam ceva sati ca taya satiya tena nanena tam vedanam anupassatiti tena vuccati vedanasu vedananupassana satipatthanabhavana 2-. {408.3} Anupassatiti katham tam vedanam anupassati .pe. Evantam vedanam anupassati. {408.4} Bhavanati catasso bhavana .pe. asevanatthena bhavana . pitipatisamvedi assasapassasa samvaratthena silavisuddhi .pe. pitipatisamvedi assasapassasavasena cittassa ekaggatam avikkhepam pajanato .pe. pajananto indriyani samodhaneti tena vuccati samatthanca pativijjhati. [409] Katham sukhapatisamvedi passasissamiti sikkhati. @Footnote: 1 Ma. Yu. piti patividita hoti. 2 Ma. Yu. ... bhavanati. evamuparipi. {409.1} Sukhanti dve sukhani kayikanca sukham cetasikanca sukham. {409.2} Katamam kayikam sukham. Yam kayikam satam kayikam sukham vedayitam 1- kayasamphassaja sata sukha vedana idam kayikam sukham . katamam cetasikam sukham . yam [2]- cetasikam sukham cetosamphassajam satam sukham vedayitam cetosamphassaja sata sukha vedana idam cetasikam sukham. {409.3} Katham te sukha patividita honti . Digham assasavasena cittassa ekaggatam avikkhepam pajanato sati upatthita hoti taya satiya tena nanena te sukha patividita honti digham passasavasena cittassa ekaggatam avikkhepam pajanato sati upatthita hoti taya satiya tena nanena te sukha patividita honti .pe. sacchikatabbam sacchikaroto te sukha patividita honti evante sukha patividita honti sukhapatisamvedi assasapassasavasena vedana upatthanam sati anupassanananam vedana upatthanam no sati sati upatthanam ceva sati ca taya satiya tena nanena tam vedanam anupassatiti tena vuccati vedanasu vedananupassana satipatthanabhavana. {409.4} Anupassatiti katham vedanam anupassati . aniccato anupassati .pe. Evantam vedanam anupassati. {409.5} Bhavanati catasso bhavana .pe. Asevanatthena bhavana. Sukhapatisamvedi assasapassasa samvaratthena silavisuddhi .pe. sukhapatisamvedi @Footnote: 1 Ma. Yu. ayam patho natthi. 2 Ma. Yu. cetasikam satam ... Assasapassasavasena cittassa ekaggatam avikkhepam pajanato .pe. pajananto indriyani samodhaneti tena vuccati samatthanca pativijjhati. [410] Katham cittasankharapatisamvedi assasissamiti sikkhati cittasankharapatisamvedi passasissamiti sikkhati. {410.1} Katamo cittasankharo . digham assasavasena sanna ca vedana ca cetasika ete dhamma cittapatibaddha cittasankhara digham passasavasena sanna ca vedana ca cetasika ete dhamma cittapatibaddha cittasankhara .pe. sukhapatisamvedi assasavasena sukhapatisamvedi passasavasena sanna ca vedana ca cetasika ete dhamma cittapatibaddha cittasankhara ayam cittasankharo. {410.2} Katham te cittasankhara patividita honti . digham assasavasena cittassa ekaggatam avikkhepam pajanato sati upatthita hoti taya satiya tena nanena te cittasankhara patividita honti digham passasavasena cittassa ekaggatam avikkhepam pajanato sati upatthita hoti taya satiya tena nanena te cittasankhara patividita honti .pe. sacchikatabbam sacchikaroto te cittasankhara patividita honti evante cittasankhara patividita honti cittasankharapatisamvedi assasapassasavasena vedana upatthanam sati anupassanananam vedana upatthanam no sati sati upatthanam ceva Sati ca taya satiya tena nanena tam vedanam anupassatiti tena vuccati vedanasu vedananupassana satipatthanabhavana. {410.3} Anupassatiti katham tam vedanam anupassati . aniccato anupassati .pe. Evantam vedanam anupassati. {410.4} Bhavanati catasso bhavana .pe. asevanatthena bhavana . cittasankharapatisamvedi assasapassasa samvaratthena silavisuddhi .pe. cittasankharapatisamvedi assasapassasavasena cittassa ekaggatam avikkhepam pajanato .pe. pajananto indriyani samodhaneti tena vuccati samatthanca pativijjhati. [411] Katham passambhayam cittasankharam assasissamiti sikkhati passambhayam cittasankharam passasissamiti sikkhati. {411.1} Katamo cittasankharo . digham assasavasena sanna ca vedana ca cetasika ete dhamma cittapatibaddha cittasankhara te cittasankhare passambhento nirodhento vupasamento sikkhati digham passasavasena sanna ca vedana ca cetasika ete dhamma cittapatibaddha cittasankhara te cittasankhare passambhento nirodhento vupasamento sikkhati cittasankharapatisamvedi assasavasena cittasankharapatisamvedi passasavasena sanna ca vedana ca cetasika ete dhamma cittapatibaddha cittasankhara te cittasankhare passambhento nirodhento vupasamento sikkhati passambhayam cittasankharam Assasapassasavasena vedana upatthanam sati anupassanananam vedana upatthanam no sati sati upatthanam ceva sati ca taya satiya tena nanena tam vedanam anupassatiti tena vuccati vedanasu vedananupassana satipatthanabhavana. {411.2} Anupassatiti katham tam vedanam anupassati .pe. Evantam vedanam anupassati. {411.3} Bhavanati catasso bhavana .pe. asevanatthena bhavana . passambhayam cittasankharam assasapassasa samvaratthena silavisuddhi .pe. passambhayam cittasankharam assasapassasavasena cittassa ekaggatam avikkhepam pajanato .pe. pajananto indriyani samodhaneti tena vuccati samatthanca pativijjhati attha anupassane nanani attha ca upatthananussatiyo cattari suttantikavatthuni vedanasu vedananupassanaya. Bhanavaram. [412] Katham cittapatisamvedi assasissamiti sikkhati cittapatisamvedi passasissamiti sikkhati. {412.1} Katamam tam cittam . digham assasavasena vinnanacittam yam cittam mano manasam hadayam pandaram [1]- manayatanam manindriyam vinnanam vinnanakkhandho tajja manovinnanadhatu digham passasavasena @Footnote: 1 Ma. Yu. mano. evamuparipi. 2 Si. Yu. tajjamano. evamuparipi. .pe. Passambhayam cittasankharam assasavasena vinnanacittam yam cittam mano manasam hadayam pandaram manayatanam manindriyam vinnanam vinnanakkhandho tajja manovinnanadhatu idam cittam. {412.2} Katham cittam patividitam hoti . Digham assasavasena cittassa ekaggatam avikkhepam pajanato sati upatthita hoti taya satiya tena nanena tam cittam patividitam hoti digham passasavasena cittassa ekaggatam avikkhepam pajanato sati upatthita hoti taya satiya tena nanena cittam patividitam hoti .pe. sacchikatabbam sacchikaroto tam cittam patividitam hoti evantam cittam patividitam hoti cittapatisamvedi assasavasena vinnanacittam upatthanam sati anupassanananam cittam upatthanam no sati sati upatthanam ceva sati ca taya satiya tena nanena tam cittam anupassatiti tena vuccati citte cittanupassana satipatthanabhavana. {412.3} Anupassatiti katham tam cittam anupassati .pe. evantam cittam anupassati. {412.4} Bhavanati catasso bhavana .pe. Asevanatthena bhavana. Cittapatisamvedi assasapassasa samvaratthena silavisuddhi .pe. Cittapatisamvedi assasapassasavasena cittassa ekaggatam avikkhepam pajanato .pe. pajananto indriyani samodhaneti tena vuccati samatthanca pativijjhati. [413] Katham abhippamodayam cittam assasissamiti sikkhati abhippamodayam cittam passasissamiti sikkhati. {413.1} Katamo ca 1- cittassa abhippamodo. Digham assasavasena cittassa ekaggatam avikkhepam pajanato uppajjati cittassa abhippamodo ya cittassa amodana pamodana haso pahaso cittassa odagyam attamanata cittassa digham passasavasena cittassa ekaggatam avikkhepam pajanato uppajjati cittassa abhippamodo ya cittassa amodana pamodana haso pahaso cittassa 2- odagyam attamanata cittassa .pe. cittapatisamvedi assasavasena cittapatisamvedi passasavasena cittassa ekaggatam avikkhepam pajanato uppajjati cittassa abhippamodo ya cittassa amodana pamodana haso pahaso cittassa odagyam attamanata cittassa ayam cittassa abhippamodo . abhippamodayam cittam assasapassasavasena vinnanacittam upatthanam sati anupassanananam cittam upatthanam no sati sati upatthanam ceva sati ca taya satiya tena nanena tam cittam anupassatiti tena vuccati citte cittanupassana satipatthanabhavana. {413.2} Anupassatiti katham tam cittam anupassati .pe. Evantam cittam anupassati. {413.3} Bhavanati catasso bhavana .pe. Asevanatthena bhavana. @Footnote: 1 Ma. Yu. casaddo natthi. 2 Ma. Yu. vitti. evamuparipi. Abhippamodayam cittam assasapassasa samvaratthena silavisuddhi .pe. Abhippamodayam cittam assasapassasavasena cittassa ekaggatam avikkhepam pajanato .pe. pajananto indriyani samodhaneti tena vuccati samatthanca pativijjhati. [414] Katham samadaham cittam assasissamiti sikkhati samadaham cittam passasissamiti sikkhati. {414.1} Katamanca samadhindriyam 1-. Digham assasavasena cittassa ekaggata avikkhepo samadhi [2]- digham passasavasena cittassa ekaggata avikkhepo samadhi [2]- samadaham cittam assasavasena [3]- cittassa ekaggata avikkhepo samadhi ya cittassa thiti santhiti adhitthiti 4- avisaharo avikkhepo ca 5- avisahatamanasata samatho samadhindriyam samadhibalam sammasamadhi ayam [6]- samadaham cittam assasavasena 7- vinnanacittam upatthanam sati anupassanananam cittam upatthanam no sati sati upatthanam ceva sati ca taya satiya tena nanena tam cittam anupassatiti tena vuccati citte cittanupassana satipatthanabhavana. {414.2} Anupassatiti katham tam cittam anupassati .pe. Evantam cittam anupassati. {414.3} Bhavanati catasso bhavana .pe. Asevanatthena bhavana. Samadaham cittam assasapassasa samvaratthena silavisuddhi .pe. @Footnote: 1 Ma. Yu. katamo samadhi. 2 Ma. ya cittassa thiti .pe. samadhibalam sammasamadhi. @3 Ma. samadaham cittam passasavasena .... 4 Ma. Yu. avatthiti. 5 Ma. Yu. casaddo @natthi. 6 Ma. samadhi. 7 Ma. assasapassasavasena. Samadaham cittam assasavasena 1- cittassa ekaggatam avikkhepam pajanato .pe. pajananto indriyani samodhaneti tena vuccati samatthanca pativijjhati. [415] Katham vimocayam cittam assasissamiti sikkhati vimocayam cittam passasissamiti sikkhati . ragato vimocayam cittam assasissamiti sikkhati ragato vimocayam cittam passasissamiti sikkhati dosato vimocayam cittam assasissamiti sikkhati dosato vimocayam cittam passasissamiti sikkhati mohato vimocayam cittam assasissamiti sikkhati mohato vimocayam cittam passasissamiti sikkhati .pe. manato vimocayam cittam ditthiya vimocayam cittam vicikicchaya vimocayam cittam thinamiddhato vimocayam cittam uddhaccato vimocayam cittam ahirikato vimocayam cittam anottappato vimocayam cittam assasissamiti sikkhati anottappato vimocayam cittam passasissamiti sikkhati vimocayam cittam assasapassasavasena vinnanacittam upatthanam sati .pe.. {415.1} Anupassatiti katham tam cittam anupassati .pe. evantam cittam anupassati. {415.2} Bhavanati catasso bhavana .pe. asevanatthena bhavana . vimocayam cittam assasapassasa samvaratthena silavisuddhi .pe. Vimocayam cittam assasapassasavasena cittassa ekaggatam avikkhepam @Footnote: 1 Ma. assasapassasavasena. Pajanato .pe. pajananto indriyani samodhaneti tena vuccati samatthanca pativijjhati . attha anupassane nanani attha ca upatthananussatiyo cattari sutantikavatthuni citte cittanupassanaya. [416] Katham aniccanupassi assasissamiti sikkhati aniccanupassi passasissamiti sikkhati. {416.1} Aniccanti kim aniccam. Pancakkhandha anicca. Kenatthena anicca . uppadavayatthena anicca . pancannam khandhanam udayam passanto kati lakkhanani passati vayam passanto kati lakkhanani passati udayabbayam passanto kati lakkhanani passati . pancannam khandhanam udayam passanto pancavisati lakkhanani passati .pe. Pancannam khandhanam udayabbayam passanto imani pannasam lakkhanani passati rupe aniccanupassi assasissamiti sikkhati rupe aniccanupassi passasissamiti sikkhati vedanaya sannaya sankharesu vinnane cakkhusmim .pe. jaramarane aniccanupassi assasissamiti sikkhati jaramarane aniccanupassi passasissamiti sikkhati aniccanupassi assasapassasavasena dhamma upatthanam sati anupassanananam dhamma upatthanam no sati sati upatthanam ceva sati ca taya satiya tena nanena te dhamme anupassatiti tena vuccati dhammesu dhammanupassana satipatthanabhavana. {416.2} Anupassatiti katham te dhamme anupassati .pe. Evante dhamme anupassati. {416.3} Bhavanati catasso bhavana .pe. Asevanatthena bhavana. Aniccanupassi assasapassasa samvaratthena silavisuddhi .pe. Aniccanupassi assasapassasavasena cittassa ekaggatam avikkhepam pajanato .pe. pajananto indriyani samodhaneti tena vuccati samatthanca pativijjhati. [417] Katham viraganupassi assasissamiti sikkhati viraganupassi passasissamiti sikkhati . rupe adinavam disva rupavirage chandajato hoti saddhadhimutto cittam cassa svadhitthitam rupe viraganupassi assasissamiti sikkhati rupe viraganupassi passasissamiti sikkhati vedanaya sannaya sankharesu vinnane cakkhusmim .pe. jaramarane adinavam disva jaramaranavirage chandajato hoti saddhadhimutto cittam cassa svadhitthitam jaramarane viraganupassi assasissamiti sikkhati jaramarane viraganupassi passasissamiti sikkhati viraganupassi assasapassasavasena dhamma upatthanam sati anupassanananam dhamma upatthanam no sati sati upatthanam ceva sati ca taya satiya tena nanena te dhamme anupassatiti tena vuccati dhammesu dhammanupassana satipatthanabhavana. {417.1} Anupassatiti katham te dhamme anupassati .pe. Evante dhamme anupassati. {417.2} Bhavanati catasso bhavana .pe. Asevanatthena bhavana. Viraganupassi assasapassasa samvaratthena silavisuddhi .pe. Viraganupassi assasapassasavasena cittassa ekaggatam avikkhepam pajanato .pe. pajananto indriyani samodhaneti tena vuccati samatthanca pativijjhati. [418] Katham nirodhanupassi assasissamiti sikkhati nirodhanupassi passasissamiti sikkhati . rupe adinavam disva rupanirodhe chandajato hoti saddhadhimutto cittam cassa svadhitthitam rupe nirodhanupassi assasissamiti sikkhati rupe nirodhanupassi passasissamiti sikkhati vedanaya sannaya sankharesu vinnane cakkhusmim .pe. jaramarane adinavam disva jaramarananirodhe chandajato hoti saddhadhimutto cittam cassa svadhitthitam jaramarane nirodhanupassi assasissamiti sikkhati jaramarane nirodhanupassi passasissamiti sikkhati. [419] Katihakarehi avijjaya adinavo hoti katihakarehi avijja nirujjhati . pancahakarehi avijjaya adinavo hoti atthahakarehi avijja nirujjhati. {419.1} Katamehi pancahakarehi avijjaya adinavo hoti. Aniccatthena Avijjaya adinavo hoti dukkhatthena avijjaya adinavo hoti anattatthena avijjaya adinavo hoti santapatthena avijjaya adinavo hoti viparinamatthena avijjaya adinavo hoti imehi pancahakarehi avijjaya adinavo hoti. {419.2} Katamehi atthahakarehi avijja nirujjhati. Nidananirodhena avijja nirujjhati samudayanirodhena avijja nirujjhati jatinirodhena avijja nirujjhati aharanirodhena 1- avijja nirujjhati hetunirodhena avijja nirujjhati paccayanirodhena avijja nirujjhati nanuppadena avijja nirujjhati nirodhupatthanena avijja nirujjhati imehi atthahakarehi avijja nirujjhati imehi pancahakarehi avijjaya adinavam disva imehi atthahakarehi avijjanirodhena chandajato hoti saddhadhimutto cittam cassa svadhitthitam avijjaya nirodhanupassi assasissamiti sikkhati avijjaya nirodhanupassi passasissamiti sikkhati. [420] Katihakarehi sankharesu adinavo hoti katihakarehi sankhara nirujjhanti .pe. katihakarehi vinnane adinavo hoti katihakarehi vinnanam nirujjhati katihakarehi namarupe adinavo hoti katihakarehi namarupam nirujjhati katihakarehi salayatane adinavo hoti katihakarehi salayatanam nirujjhati katihakarehi phasse adinavo hoti katihakarehi phasso nirujjhati katihakarehi @Footnote: 1 Ma. Yu. bhavanirodhena. Vedanaya adinavo hoti katihakarehi vedana nirujjhati katihakarehi tanhaya adinavo hoti katihakarehi tanha nirujjhati katihakarehi upadane adinavo hoti katihakarehi upadanam nirujjhati katihakarehi bhave adinavo hoti katihakarehi bhavo nirujjhati katihakarehi jatiya adinavo hoti katihakarehi jati nirujjhati katihakarehi jaramarane adinavo hoti katihakarehi jaramaranam nirujjhati . pancahakarehi jaramarane adinavo hoti atthahakarehi jaramaranam nirujjhati. {420.1} Katamehi pancahakarehi jaramarane adinavo hoti. Aniccatthena jaramarane adinavo hoti dukkhatthena anattatthena santapatthena viparinamatthena jaramarane adinavo hoti imehi pancahakarehi jaramarane adinavo hoti. {420.2} Katamehi atthahakarehi jaramaranam nirujjhati . Nidananirodhena jaramaranam nirujjhati samudayanirodhena jatinirodhena bhavanirodhena 1- hetunirodhena paccayanirodhena nanuppadena nirodhupatthanena jaramaranam nirujjhati imehi atthahakarehi jaramaranam nirujjhati imehi pancahakarehi jaramarane adinavam disva imehi atthahakarehi jaramarananirodhe chandajato hoti saddhadhimutto cittam cassa svadhitthitam jaramarane nirodhanupassi assasissamiti sikkhati jaramarane nirodhanupassi passasissamiti sikkhati nirodhanupassi @Footnote: 1 Ma. Yu. pabhavanirodhena. Assasapassasavasena dhamma upatthanam sati anupassanananam dhamma upatthanam no sati sati upatthanam ceva sati ca taya satiya tena nanena te dhamme anupassatiti tena vuccati dhammesu dhammanupassana satipatthanabhavana. {420.3} Anupassatiti kathante dhamme anupassati .pe. Evante dhamme anupassati. {420.4} Bhavanati catasso bhavana .pe. Asevanatthena bhavana. Nirodhanupassi assasapassasa samvaratthena silavisuddhi .pe. Nirodhanupassi assasapassasavasena cittassa ekaggatam avikkhepam pajanato .pe. pajananto indriyani samodhaneti tena vuccati samatthanca pativijjhati. [421] Katham patinissagganupassi assasissamiti sikkhati patinissagganupassi passasissamiti sikkhati . dve patinissagga pariccagapatinissaggo ca pakkhandanapatinissaggo ca . rupam pariccajatiti paticcagapatinissaggo rupanirodhe nibbane cittam pakkhandatiti pakkhandanapatinissaggo . rupe patinissagganupassi assasissamiti sikkhati rupe patinissagganupassi passasissamiti sikkhati vedanam sannam sankhare vinnanam cakkhum .pe. jaramaranam pariccajatiti pariccagapatinissaggo jaramarananirodhe nibbane cittam pakkhandatiti pakkhandanapatinissaggo . jaramarane patinissagganupassi Assasissamiti sikkhati jaramarane patinissagganupassi passasissamiti sikkhati patinissagganupassi assasapassasavasena dhamma upatthanam sati anupassanananam dhamma upatthanam no sati sati upatthanam ceva sati ca taya satiya tena nanena te dhamme anupassatiti tena vuccati dhammesu dhammanupassana satipatthanabhavana. {421.1} Anupassatiti kathante dhamme anupassati . aniccato anupassati no niccato .pe. patinissajjati no adiyati aniccato anupassanto niccasannam pajahati .pe. patinissajjanto adanam pajahati evante dhamme anupassati. {421.2} Bhavanati catasso bhavana tattha jatanam dhammanam anativattanatthena bhavana .pe. asevanatthena bhavana . Patinissagganupassi assasapassasa samvaratthena silavisuddhi avikkhepatthena cittavisuddhi dassanatthena ditthivisuddhi yo tattha samvarattho ayam adhisilasikkha yo tattha avikkhepattho ayam adhicittasikkha yo tattha dassanattho ayam adhipannasikkha ima tisso sikkhayo avajjanto sikkhati jananto sikkhati .pe. sacchikatabbam sacchikaronto sikkhati patinissagganupassi assasapassasavasena cittassa ekaggatam avikkhepam pajanato vidita vedana uppajjanti vidita upatthahanti [1]- abbhattham gacchanti .pe. @Footnote: 1 Ma. Yu. vidita. Patinissagganupassi assasapassasavasena cittassa ekaggatam avikkhepam pajanato .pe. pajananto indriyani samodhaneti gocaranca pajanati samatthanca pativijjhati balani samodhaneti bojjhange samodhaneti maggam samodhaneti dhamme samodhaneti gocaranca pajanati samatthanca pativijjhati. {421.3} Indriyani samodhanetiti katham indriyani samodhaneti. Adhimokkhatthena saddhindriyam samodhaneti .pe. tena vuccati samatthanca pativijjhati attha anupassane nanani attha ca upatthananussatiyo cattari suttantikavatthuni dhammesu dhammanupassanaya imani battimsam satokarisu nanani. [422] Katamani catuvisati samadhivasena nanani . digham assasavasena cittassa ekaggata avikkhepo samadhi digham passasavasena cittassa ekaggata avikkhepo samadhi .pe. Vimocayam cittam assasavasena cittassa ekaggata avikkhepo samadhi imani catuvisati samadhivasena nanani. {422.1} Katamani dvesattati vipassanavasena nanani . digham assasam aniccato anupassanatthena vipassana dukkhato anupassanatthena vipassana anattato anupassanatthena vipassana digham passasam aniccato anupassanatthena vipassana dukkhato anupassanatthena vipassana anattato anupassanatthena vipassana .pe. vimocayam Cittam assasam vimocayam cittam passasam aniccato anupassanatthena vipassana dukkhato anupassanatthena vipassana anattato anupassanatthena vipassana imani dvesattati vipassanavasena nanani. {422.2} Katamani attha nibbidananani. Aniccanupassi assasam yathabhutam janati passatiti nibbidananam aniccanupassi passasam yathabhutam janati passatiti nibbidananam .pe. patinissagganupassi assasam yathabhutam janati passatiti nibbidananam patinissagganupassi passasam yathabhutam janati passatiti nibbidananam imani attha nibbidananani. {422.3} Katamani attha nibbidanulome nanani. Aniccanupassi assasam bhayatupatthane panna nibbidanulome nanam aniccanupassi passasam bhayatupatthane panna nibbidanulome nanam .pe. Patinissagganupassi assasam bhayatupatthane panna nibbidanulome nanam patinissagganupassi passasam bhayatupatthane panna nibbidanulome nanam imani attha nibbidanulome nanani. {422.4} Katamani attha nibbidapatippassaddhinanani . Aniccanupassi assasam patisankha santitthana panna nibbida- patippassaddhinanam aniccanupassi passasam patisankha santitthana panna nibbidapatippassaddhinanam .pe. imani attha nibbida- patippassaddhinanani. {422.5} Katamani ekavisati vimuttisukhe nanani. Sotapattimaggena Sakkayaditthiya pahinatta samucchinnatta uppajjati vimuttisukhe nanam vicikicchaya pahinatta samucchinnatta uppajjati vimuttisukhe nanam silabbataparamasassa ditthanusayassa vicikicchanusayassa pahinatta samucchinnatta uppajjati vimuttisukhe nanam sakadagamimaggena olarikassa kamaragasannojanassa patighasannojanassa olarikassa kamaraganusayassa patighanusayassa pahinatta samucchinnatta uppajjati vimuttisukhe nanam anagamimaggena anusahagatassa kamaragasannojanassa patighasannojanassa anusahagatassa kamaraganusayassa patighanusayassa pahinatta samucchinnatta uppajjati vimuttisukhe nanam arahattamaggena ruparagassa aruparagassa manassa uddhaccassa avijjaya mananusayassa ca bhavaraganusayassa avijjanusayassa pahinatta samucchinnatta uppajjati vimuttisukhe nanam imani ekavisati vimuttisukhe nanani solasavatthukam anapanassatisamadhim bhavayato samadhikani imani dve nanasatani uppajjanti. Anapanakatha samatta 1-. ----------The Pali Tipitaka in Roman Character Volume 31 page 274-300. https://84000.org/tipitaka/read/roman_item.php?book=31&item=401&items=22 Classified by [Item Number] :- http://84000.org/tipitaka/read/roman_item.php?book=31&item=401&items=22&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=31&item=401&items=22 Compare with The Royal Version of Thai Tipitaka :- https://84000.org/tipitaka/read/byitem.php?book=31&item=401&items=22 Study Atthakatha :- https://84000.org/tipitaka/attha/attha.php?b=31&i=401 Contents of The Tipitaka Volume 31 https://84000.org/tipitaka/read/?index_31 https://84000.org/tipitaka/english/?index_31
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]