paliTIPITAKA Volume 31 - Sutta Pitaka 23

Mahavagge nanakatha [1] Katham sotavadhane panna sutamaye nanam ime dhamma abhinneyyati sotavadhanam tampajanana panna sutamaye nanam ime dhamma parinneyyati sotavadhanam tampajanana panna sutamaye nanam ime dhamma pahatabbati sotavadhanam tampajanana panna sutamaye nanam ime dhamma bhavetabbati sotavadhanam tampajanana panna sutamaye nanam ime dhamma sacchikatabbati sotavadhanam tampajanana panna sutamaye nanam ime dhamma hanabhagiyati sotavadhanam tampajanana panna sutamaye nanam ime dhamma thitibhagiyati sotavadhanam tampajanana panna sutamaye nanam {1.1} ime dhamma visesabhagiyati sotavadhanam tampajanana panna sutamaye nanam ime dhamma nibbedhabhagiyati sotavadhanam tampajanana panna sutamaye nanam sabbe sankhara aniccati sotavadhanam tampajanana panna sutamaye nanam sabbe sankhara dukkhati sotavadhanam tampajanana panna sutamaye nanam sabbe dhamma anattati sotavadhanam tampajanana panna sutamaye nanam idam dukkham ariyasaccanti sotavadhanam tampajanana panna sutamaye nanam idam Dukkhasamudayo ^1- ariyasaccanti sotavadhanam tampajanana panna sutamaye nanam idam dukkhanirodho ^2- ariyasaccanti sotavadhanam tampajanana panna sutamaye nanam idam dukkhanirodhagamini patipada ariyasaccanti sotavadhanam tampajanana panna sutamaye nanam. [2] Katham ime dhamma abhinneyyati sotavadhanam tampajanana panna sutamaye nanam eko dhammo abhinneyyo sabbe satta aharatthitika dve dhamma abhinneyya dve dhatuyo tayo dhamma abhinneyya tisso dhatuyo cattaro dhamma abhinneyya cattari ariyasaccani panca dhamma abhinneyya panca vimuttayatanani cha dhamma abhinneyya cha anuttariyani satta dhamma abhinneyya satta niddasavatthuni attha dhamma abhinneyya attha abhibhayatanani nava dhamma abhinneyya nava anupubbavihara dasa dhamma abhinneyya dasa nijjaravatthuni. [3] Sabbam bhikkhave abhinneyyam kinca bhikkhave sabbam abhinneyyam cakkhum ^2- bhikkhave abhinneyyam rupa abhinneyya cakkhuvinnanam abhinneyyam cakkhusamphasso abhinneyyo yampidam ^4- cakkhusamphassapaccaya uppajjati vedayitam sukham va dukkham va adukkhamasukham va tampi abhinneyyam sotam abhinneyyam sadda abhinneyya .pe. Ghanam abhinneyyam gandha abhinneyya jivha abhinneyya rasa abhinneyya kayo abhinneyyo photthabba abhinneyya @Footnote: ^1-2 Ma. Yu. sabbattha dukkhasamudayam dukkhanirodham. ³ Ma. cakkhu. evamupari. @⁴ Yu. sabbattha yadidam. Mano abhinneyyo dhamma abhinneyya manovinnanam abhinneyyam manosamphasso abhinneyyo yampidam manosamphassapaccaya uppajjati vedayitam sukham va dukkham va adukkhamasukham va tampi abhinneyyam. [4] Rupam abhinneyyam vedana abhinneyya sanna abhinneyya sankhara abhinneyya vinnanam abhinneyyam cakkhum abhinneyyam sotam abhinneyyam ghanam abhinneyyam jivha abhinneyya kayo abhinneyyo mano abhinneyyo rupa abhinneyya sadda abhinneyya gandha abhinneyya rasa abhinneyya photthabba abhinneyya dhamma abhinneyya cakkhuvinnanam abhinneyyam sotavinnanam abhinneyyam ghanavinnanam abhinneyyam jivhavinnanam abhinneyyam kayavinnanam abhinneyyam manovinnanam abhinneyyam cakkhusamphasso abhinneyyo sotasamphasso abhinneyyo ghanasamphasso abhinneyyo jivhasamphasso abhinneyyo kayasamphasso abhinneyyo manosamphasso abhinneyyo cakkhusamphassaja vedana abhinneyya sotasamphassaja vedana abhinneyya ghanasamphassasaja vedana abhinneyya jivhasamphassaja vedana abhinneyya kayasamphassaja vedana abhinneyya manosamphassaja vedana abhinneyya rupasanna abhinneyya saddasanna abhinneyya gandhasanna Abhinneyya rasasanna abhinneyya photthabbasanna abhinneyya dhammasanna abhinneyya rupasancetana abhinneyya saddasancetana abhinneyya gandhasancetana abhinneyya rasasancetana abhinneyya photthabbasancetana abhinneyya dhammasancetana abhinneyya rupatanha abhinneyya saddatanha abhinneyya gandhatanha abhinneyya rasatanha abhinneyya photthabbatanha abhinneyya dhammatanha abhinneyya rupavitakko abhinneyyo saddavitakko abhinneyyo gandhavitakko abhinneyyo rasavitakko abhinneyyo photthabbavitakko abhinneyyo dhammavitakko abhinneyyo rupavicaro abhinneyyo saddavicaro abhinneyyo gandhavicaro abhinneyyo rasavicaro abhinneyyo photthabbavicaro abhinneyyo dhammavicaro abhinneyyo.

The Pali Tipitaka in Roman Character Volume 31 page 5-8. https://84000.org/tipitaka/read/roman_item.php?book=31&item=1&items=4 Classified by [Item Number] :- http://84000.org/tipitaka/read/roman_item.php?book=31&item=1&items=4&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=31&item=1&items=4 Compare with The Royal Version of Thai Tipitaka :- https://84000.org/tipitaka/read/byitem.php?book=31&item=1&items=4 Study Atthakatha :- https://84000.org/tipitaka/attha/attha.php?b=31&i=1 Contents of The Tipitaka Volume 31 https://84000.org/tipitaka/read/?index_31 https://84000.org/tipitaka/english/?index_31