บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
[310] Anapatti sati antaraye pariyesitva na labhati gilanaya apadasu ummattikaya adikammikayati. --------- Cittagaravaggassa chatthasikkhapadam [311] Tena samayena buddho bhagava savatthiyam viharati jetavane anathapindikassa arame . tena kho pana samayena thullananda bhikkhuni natanampi natakanampi langhikanampi sokajjhayikanampi kumbhathunikanampi sahattha khadaniyam bhojaniyam deti mayham parisati vannam bhasathati . natapi natakapi langhikapi sokajjhayikapi kumbhathunikapi thullanandaya bhikkhuniya parisati vannam bhasanti ayya thullananda bahussuta bhanika visarada pattha dhammim katham katum detha ayyaya karotha ayyayati . ya ta bhikkhuniyo appiccha .pe.--------------------------------------------------------------------------------------------- page172.
Ta ujjhayanti khiyanti vipacenti katham hi nama ayya thullananda agarikassa sahattha khadaniyam bhojaniyam dassatiti .pe. saccam kira bhikkhave thullananda bhikkhuni agarikassa sahattha khadaniyam bhojaniyam detiti. Saccam bhagavati. {311.1} Vigarahi buddho bhagava katham hi nama bhikkhave thullananda bhikkhuni agarikassa sahattha khadaniyam bhojaniyam dassati netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {311.2} ya pana bhikkhuni agarikassa va paribbajakassa va paribbajikaya va sahattha khadaniyam va bhojaniyam va dadeyya pacittiyanti. [312] Ya panati ya yadisa .pe. bhikkhuniti .pe. ayam imasmim atthe adhippeta bhikkhuniti . agariko nama yo koci agaram ajjhavasati . paribbajako nama bhikkhunca samaneranca thapetva yo koci paribbajakasamapanno . paribbajika nama bhikkhuninca sikkhamananca samanerinca thapetva ya kaci paribbajikasamapanna . khadaniyam nama panca bhojanani udakadantaponam thapetva avasesam khadaniyam nama . bhojaniyam nama panca bhojanani odano kummaso sattu maccho mamsam . dadeyyati kayena va kayapatibaddhena va nissaggiyena va deti apatti pacittiyassa . Udakadantaponam deti apatti dukkatassa.The Pali Tipitaka in Roman Character Volume 3 page 171-172. https://84000.org/tipitaka/read/roman_item.php?book=3&item=310&items=3&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=3&item=310&items=3&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=3&item=310&items=3&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=310&items=3&pagebreak=1&modeTY=2 Study Atthakatha :- https://84000.org/tipitaka/attha/attha.php?b=3&i=310 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]