Suttanipate pancamassa parayanavaggassa tatiya punnakapanha
[427] |427.1471| 3 Anejam muladassavim (iccayasma punnako)
atthi panhena agamam
kim nissita isayo manuja
khattiya brahmana devatanam
yannamakappimsu 1- puthudha 2- loke
pucchami tam bhagava bruhi me tam.
|427.1472| Ye kecime isayo manuja (punnakati bhagava)
khattiya brahmana devatanam
yannamakappimsu 1- puthudha 2- loke
asimsamana punnaka itthatam 3-
jaram 4- sita yannamakappayimsu.
|427.1473| Ye kecime isayo manuja (iccayasma punnako)
khattiya brahmana devatanam
@Footnote: 1 Po. Yu. sabbattha yannamakappayimsu . 2 Yu. pudu idha . 3 Ma. itthattam.
@Yu. itthabhavam. 4 Po. oram.
Kannamakappimsu puthudha loke
kaccissu te bhagava (yannapathe) appamatta
ataru jatinca jaranca marisa
pucchami tam bhagava bruhi me tam.
|427.1474| Asimsanti 1- thomayanti (abhijappanti) juhanti (punnakati bhagava)
kamabhijappanti paticca labham
te yajayoga bhavaragaratta
natarimsu jatijaranti brumi.
|427.1475| Te ce 2- natarimsu yajayoga (iccayasma punnako)
yannehi jatinca jaranca marisa
atha ko carahi devamanussaloke
atari jatinca jaranca marisa
pucchami tam bhagava bruhi me tam.
|427.1476| Sankhaya lokasmim parovarani 3- (punnakati bhagava)
yassinjitam natthi kuhinci loke
santo vidhumo anigho niraso
atari so jatijaranca brumiti.
Punnakamanavakapanha tatiya.
-------------
@Footnote: 1 Po. Ma. asisanti . 2 Po. te ve natarimsu . 3 Ma. paroparani.
Suttanipate pancamassa parayanavaggassa catutthi mettagupanha
[428] |428.1477| 4 Pucchami tam bhagava bruhi me tam (iccayasma mettagu)
mannami tam vedagum bhavitattam
kuto nu dukkha samupagatame 1-
ye keci lokasmim anekarupa.
|428.1478| Dukkhassa ve 2- mam pabhavam apucchasi (mettaguti bhagava)
tante pavakkhami yatha pajanam
upadhinidana pabhavanti dukkha
ye keci lokasmim anekarupa
|428.1479| yo ve avidva 3- upadhim karoti
punappunam dukkhamupeti mando
tasma pajanam 4- upadhim na kayira
dukkhassa jatippabhavanupassi.
|428.1480| Yantam apucchimha akittayi 5- no
annam 6- pucchama 7- tadingha bruhi
katham nu dhira vitaranti ogham
jatijaram 8- sokapariddavanca
tamme muni sadhu viyakarohi
tatha hi te vidito esa dhammo.
@Footnote: 1 Ma. Yu. samudagana ime. 2 Po. ce. 3 Po. aviddha. 4 Yu. tasma
@hi janam. 5 Ma. Yu. akittayi. 6 Ma. Yu. annam tam. 7 Yu. pucchami.
@8 Ma. jatim jaram.
|428.1481| Kittayissami te dhammam (mettaguti bhagava) ditthe dhamme anitiham
yam viditva sato caram tare loke visattikam.
|428.1482| Tancaham abhinandami mahesi dhammamuttamam
yam viditva sato caram tare loke visattikam.
|428.1483| Yankinci sampajanasi (mettaguti bhagava)
uddham adho tiriyancapi majjhe
etesu nandinca nivesananca
panujja vinnanam bhave na titthe
|428.1484| evamvihari sato appamatto
bhikkhu caram hitva mamayitani
jatijaram sokapariddavanca
idheva vidva pajaheyya dukkham.
|428.1485| Etabhinandami vaco mahesino
sukittitam gotama nupadhikam
addha hi bhagava pahasi dukkham
tatha hi te vidito esa dhammo.
|428.1486| Te capi nuna pajaheyyu dukkham
ye tvam muni atthitam ovadeyya
tam tam namassami samecca naga
appeva mam (bhagava) atthitam ovadeyya.
|428.1487| Yam brahmanam vedagum abhijannam 1-
akincanam kamabhave asattam
addha hi so oghamimam atari
tinno ca param akhilo akankho
|428.1488| vidva ca so 2- vedagu naro idha
bhavabhave sangamimam visajja
so vitatanho anigho niraso
atari so jatijaranti brumiti.
Mettagumanavakapanha catutthi.
----------
Suttanipate pancamassa parayanavaggassa pancami dhotakapanha
[429] |429.1489| 5 Pucchami tam bhagava bruhimetam (iccayasma dhotako)
vacabhikankhami mahesi tuyham
tava sutvana nigghosam sikkhe nibbanamattano.
|429.1490| Tena hatappam karohi (dhotakati bhagava) idhevanipakosato
ito sutvana nigghosam sikkhe nibbanamattano.
|429.1491| Passamaham devamanussaloke
akincanam brahmanam iriyamanam
tam tam namassami samantacakkhu
@Footnote: 1 Ma. vedagumabhijanna. Yu. vedagum abhijanna. 2 Po. vidva va so. Ma.
@vidvava yo.
Pamunca mam sakka kathankathahi.
|429.1492| Naham samissami 1- pamocanaya
kathankathim dhotaka kanci loke
dhammanca settham ajanamano 2-
evam tvam oghamimam taresi.
|429.1493| Anusasa brahme karunayamano
vivekadhammam yamaham vijannam
yathaham akaso ca 3- abyapajjamano
idheva santo asito careyyam.
|429.1494| Kittayissami te santim (dhotakati bhagava) ditthe dhamme anitiham
yam viditva sato caram tare loke visattikam.
|429.1495| Tancaham abhinandami mahesi santimuttamam
yam viditva sato caram tare loke visattikam.
|429.1496| Yankinci sampajanasi (dhotakati bhagava)
uddham adho tiriyancapi majjhe
evam 4- viditva sangoti loke
bhavabhavaya makasi tanhanti.
Dhotakamanavakapanha pancami.
-------------
@Footnote: 1 Ma. sahissami. Yu. gamissami. 2 Ma. abhijanamano. 3 Po. Ma. va.
@4 Ma. Yu. etam.
Suttanipate pancamassa parayanavaggassa chatthi upasivapanha
[430] |430.1497| 6 Eko aham sakka mahantamogham (iccayasma upasivo)
anissito no visahami taritum
arammanam bruhi samantacakkhu
yam nissito oghamimam tareyya.
|430.1498| Akincannam pekkhama no satima (upasivati bhagava)
natthiti nissaya tarassu ogham
kame pahaya virato kathahi
tanhakkhayam rattamahabhipassa.
|430.1499| Sabbesu kamesu yo vitarago (iccayasma upasivo)
akincannam nissito hitvamannam 1-
sannavimokkhe parame vimutto 2-
titthe nu so tattha ananuvayi 3-.
|430.1500| Sabbesu kamesu yo vitarago (upasivati bhagava)
akincannam nissito hitvamannam 1-
sannavimokkhe parame vimutto 2-
tittheyya so tattha ananuvayi 3-
|430.1501| titthe ce so tattha ananuvayi 4-
@Footnote: 1 Po. Ma. hitvamannam. 2 Po. paramedhimutto. 3 Ma. Yu. ananuyayi.
Pugampi vassanam samantacakkhu
tattheva so siti siya vimutto
bhavetha 1- vinnanam tathavidhassa.
|430.1502| Acci yatha vatavegena khittam 2- (upasivati bhagava)
attham paleti na upeti sankham
evam muni namakaya vimutto
attham paleti na upeti sankham.
|430.1503| Atthangato so uda va so natthi 3-
udahu ve sassatiya arogo
tamme muni sadhu viyakarohi
tatha hi te vidito esa dhammo.
|430.1504| Atthangatassa na pamanamatthi (upasivati bhagava)
yena nam vajju 4- tam tassa natthi
sabbesu dhammesu samuhatesu
samuhata vadapathapi sabbeti.
Upasivamanavakapanha chatthi.
---------
Suttanipate pancamassa parayanavaggassa sattama nandapanha.
[431] |431.1505| 7 Santi loke munayo (iccayasma nando)
jana vadanti tayidam katham su
@Footnote: 1 Po. Ma. cavetha. 2 Po. Ma. khitta. Yu. khitto. 3 Po. so na pahanamatthi.
@4 Po. vajja tantassa ... Ma. vajjum.
Nanupapannam muni no 1- vadanti
udahu ve jivitenupapannam.
|431.1506| Na ditthiya na sutiya na nanena (na silabbatena)
munidha nanda kusala vadanti
visenikatva anigha nirasa
vadanti 2- ye te munayoti brumi.
|431.1507| Ye kecime samanabrahmana se (iccayasma nando)
ditthe 3- sutenapi vadanti suddhim
silabbatenapi vadanti suddhim
anekarupena vadanti suddhim.
Kaccissu te (bhagava) tattha yatha caranta
ataru jatinca jaranca marisa
pucchami tam bhagava bruhi me tam.
|431.1508| Ye kecime samanabrahmana se (nandati bhagava)
ditthe 3- sutenapi vadanti suddhim
silabbatenapi vadanti suddhim
anekarupena vadanti suddhim
kincapi te tattha yatha caranti 4-
natarimsu jatijaranti brumi.
@Footnote: 1 Ma. Yu. no munim vadanti. 2 Ma. Yu. caranti. 3 Ma. ditthassu tenapi.
@4 Po. vadanti.
|431.1509| Ye kecime samanabrahmana se (iccayasma nando)
ditthe sutenapi vadanti suddhim
silabbatenapi vadanti suddhim
anekarupena vadanti suddhim
te ce 1- muni brusi anoghatinne
atha ko carahi devamanussaloke
atari jatinca jaranca marisa
pucchami tam bhagava bruhi me tam.
|431.1510| Naham sabbe samanabrahmana se (nandati bhagava)
jatijaraya nivutati brumi
yesidha dittham va sutam mutam va
silabbatam vapi pahaya sabbam
anekarupampi pahaya sabbam
tanham parinnaya anasava ye 2-
te ve nara oghatinnati brumi.
|431.1511| Etabhinandami vaco mahesino
sukittitam gotama nupadhikam
yesidha dittham va sutam mutam va
silabbatam vapi pahaya sabbam
@Footnote: 1 Po. ve. Yu. sace . 2 Po. Ma. Yu. se.
Anekarupampi pahaya sabbam
tanham parinnaya anasava ye
ahampi te oghatinnati brumiti.
Nandamanavakapanha sattama.
------------
Suttanipate pancamassa parayanavaggassa atthama hemakapanha
[432] |432.1512| 8 Yeme pubbe viyakamsu (iccayasma hemako)
(huram gotamasasana)
iccasi iti bhavissati sabbantam itihitiham
sabbantam takkavaddhanam
(naham tattha abhiramim)
|432.1513| tvanca me dhammamakkhahi tanhanigghatanam muni
yam viditva sato caram tare loke visattikam.
|432.1514| Idha ditthasutamutam 1- (vinnatesu) piyarupesu hemaka
chandaragavinodanam nibbanapadamaccutam
|432.1515| etadannaya ye sata ditthadhammabhinibbuta
upasanta ca te sata 2- tinna loke visattikanti.
Hemakamanavakapanha atthama.
---------
@Footnote: 1 Po. dittham sutam mutam. Ma. Yu. ditthasutamutavinnatesu. 2 Ma. Yu. sada.
Suttanipate pancamassa parayanavaggassa navama todeyyapanha
[433] |433.1516| 9 Yasmim kama na vasanti (iccayasma todeyyo)
tanha yassa na vijjati
kathankatha ca yo tinno vimokkho tassa kidiso.
|433.1517| Yasmim kama na vasanti (todeyyati bhagava) tanha yassa na vijjati
kathankatha ca yo tinno vimokkho tassa naparo.
|433.1518| Nirasaso 1- so uda asasano
pannanavaso uda pannakappi
munim aham sakka yatha 2- vijannam
tamme viyacikkha samantacakkhu.
|433.1519| Nirasaso 3- so na ca [4]- asasano
pannanavaso na ca pannakappi
evampi todeyya munim vijana
akincanam kamabhave asattanti.
Todeyyamanavakapanha navama.
---------
@Footnote: 1-3 Po. Yu. nirasayo. 2 Po. katham. 4 Yu. so.
Suttanipate pancamassa parayanavaggassa dasama kappapanha
[434] |434.1520| 10 Majjhe sarasmim titthatam (iccayasma kappo)
oghe jate mahabbhaye
jaramaccuparetanam dipam pabruhi marisa
tvanca me dipamakkhahi yathayidam naparam siya.
|434.1521| Majjhe sarasmim titthatam (kappati bhagava) oghe jate mahabbhaye
jaramaccuparetanam dipam pabrumi kappa te.
|434.1522| Akincanam anadanam etam dipam anaparam
nibbanam iti nam brumi jaramaccuparikkhayam.
|434.1523| Etadannaya ye sata ditthadhammabhinibbuta
na te maravasanuga na te marassa patthaguti 1-.
Kappamanavakapanha dasama.
-----------
Suttanipate pancamassa parayanavaggassa
ekadasama jatukannipanha
[435] |435.1524| 11 Sutvanaham vira akamakamim (iccayasma jatukanni)
oghatigam putthumakamamagamam
santipadam bruhi sahajanetta 2-
@Footnote: 1 Ma. Yu. paddhaguti . 2 Ma. sahajanetta.
Yathataccham bhagava bruhi me tam
|435.1525| bhagava hi kame abhibhuyya iriyati
(adiccova pathavim teji tejasa)
parittapannassa me bhuripanna
acikkha dhammam yamaham vijannam
jatijaraya idha vippahanam.
|435.1526| Kamesu vinaya gedham (jatukanniti bhagava) nekkhammam datthu khemato
uggahitam nirattam va ma te vijjittha kincanam
|435.1527| yam pubbe tam visosehi paccha te mahu kincanam
majjhe ce no gahessasi upasanto carissasi
|435.1528| sabbaso namarupasmim vitagedhassa brahmana
asavassa na vijjanti yehi maccuvasam vajeti.
Jatukannimanavakapanha ekadasama.
-------------
Suttanipate pancamassa parayanavaggassa
dvadasama bhadravudhapanha
[436] |436.1529| 12 Okanjaham tanhacchidam anejam (iccayasma bhadravudho)
nandinjaham oghatinnam vimuttam
kappanjaham abhiyace sumedham
Sutvana nagassa apanamissanti 1- ito
|436.1530| nanajana janapadehi sangata
tava vira vakyam abhikankhamana
tesam tuvam sadhu viyakarohi
tatha hi te vidito esa dhammo.
|436.1531| Adanatanham vinayetha sabbam (bhadravudhati bhagava)
uddham adho tiriyancapi majjhe
yam yanhi lokasmim upadiyanti
teneva maro anveti jantum
|436.1532| tasma pajanam na upadiyetha
bhikkhu sato kincanam sabbaloke
adanasatte iti pekkhamano
pajam imam maccudheyyam visattanti.
Bhadravudhamanavakapanha dvadasama.
------------
Suttanipate pancamassa parayanavaggassa terasama udayapanha
[437] |437.1533| 13 Jhayim virajamasinam (iccayasma udayo) katakiccam anasavam
paragum sabbadhammanam atthi panhena agamam
annam vimokkham pabruhi avijjaya pabhedanam.
@Footnote: 1 Po. apakamissanti.
|437.1534| Pahanam kamachandanam (udayati bhagava) domanassana cubhayam
thinassa ca panudanam 1- kukkuccanam nivaranam
|437.1535| upekkhasatisamsuddham dhammatakkapurejavam
annam vimokkham 2- pabrumi avijjaya pabhedanam.
|437.1536| Kimsu sannojano loko kimsu tassa vicarana
kissassa vippahanena nibbanam iti vuccati.
|437.1537| Nandisannojano loko vitakkassa vicarana
tanhaya vippahanena nibbanam iti vuccati.
|437.1538| Kathamsatassa carato vinnanam uparujjhati
bhavantam putthumagamma tam sujhoma vaco tava.
|437.1539| Ajjhattanca bahiddha ca vedanam nabhinandato
evamsatassa carato vinnanam uparujjhatiti.
Udayamanavakapanha terasama.
-----------
Suttanipate pancamassa parayanavaggassa cuddasama posalapanha
[438] |438.1540| 14 Yo atitam adisati (iccayasma posalo)
anejo chinnasamsayo
paragu 3- sabbadhammanam atthi panhena agamam
@Footnote: 1 Po. Ma. panudanam. 2 Po. Ma. Yu. annavimokkham. 3 Ma. paragum.
|438.1541| Vibhutarupasannissa sabbakayappahayino
ajjhattanca bahiddha ca natthi kinciti passato
nanam sakkanupucchami katham neyyo tathavidho.
|438.1542| Vinnanatthitiyo sabba (posalati bhagava)
abhijanam tathagato
titthantamenam janati vimuttam tapparayanam
|438.1543| akincannasambhavam 1- nandisannojanam iti
evamevam 2- abhinnaya tato tattha vipassati
evam 3- nanam katham 4- tassa brahmanassa vusimatoti.
Posalamanavakapanha cuddasama.
-------------
Suttanipate pancamassa parayanavaggassa
pannarasama mogharajapanha
[439] |439.1544| 15 Dvaham sakka 5- apucchissam (iccayasma mogharaja)
na me byakasi cakkhuma 6-
yavatatiyanca devisi byakarotiti me sutam
|439.1545| ayam loko paro loko brahmaloko sadevako
ditthinte nabhijanami gotamassa yasassino
@Footnote: 1 Ma. akinnasambhavam natva. Yu. --- natva . 2 Po. Ma. evametam.
@3 Ma. etam . 4 Po. tatha . 5 Ma. Yu. sakkam . 6 Po. cakkhuma.
|439.1546| Evam abhikkantadassavim atthi panhena agamam
katham lokam avekkhantam maccuraja na passati.
|439.1547| Sunnato lokam avekkhassu mogharaja sada sato
attanuditthim uhacca evam maccutaro siya
evam lokam avekkhantam maccuraja na passatiti.
Mogharajamanavakapanha pannarasama.
-------------
Suttanipate pancamassa parayanavaggassa
solasama pingiyapanha
[440] |440.1548| 16 Jinnohamasmi abalo vivanno 1- (iccayasma pingiyo)
netta na suddha savanam na phasu
mahampanassam 2- momuho antaraya 3-
acikkha dhammam yamaham vijannam
jatijaraya idha vippahanam.
|440.1549| Disvana rupesu vihannamane (pingiyati bhagava)
ruppanti rupesu jana pamatta
tasma tuvam pingiya appamatto
jahassu rupam apunabbhavaya.
|440.1550| Disa catasso vidisa catasso
@Footnote: 1 Ma. Yu. vitavanno. 2 Po. mahannassa. Ma. Yu. mahamnassam.
@3 Po. Ma. antarava.
Uddham adho dasa disa imayo
na tuyham adittham asutamutam va 1-
atho avinnatam kincimatthi 2- loke
acikkha dhammam yamaham vijannam
jatijaraya idha vippahanam.
|440.1551| Tanhadhipanne manuje pekkhamano (pingiyati bhagava)
santapajate jarasaparete
tasma tuvam pingiya appamatto
jahassu tanham apunabbhavayati.
Pingiyamanavakapanha solasama.
------------
[441] Idamavoca bhagava magadhesu viharanto pasanacetiye 3-
paricarikasolasannam brahmananam ajjhittho panham 4- byakasi .
Ekamekassa cepi panhassa atthamannaya dhammamannaya dhammanudhammam
patipajjeyya gaccheyyeva jaramaranassa param gamaniya ime
dhammati tasma imassa dhammapariyayassa parayanantveva adhivacanam.
[442] |442.1552| Ajito tissametteyyo punnako atha mettagu
dhotako upasivo ca nando ca atha hemako
|442.1553| todeyyakappa dubhayo jatukanni ca pandito
bhadravudho udayo ca posalo capi brahmano
@Footnote: 1 Po. Ma. asutam mutam. Yu. asutam mutam va . 2 Po. kincinamatthi. Ma. Yu.
@kincanamatthi. 3 Ma. Yu. pasanake cetiye. 4 Ma. puttho puttho.
@Yu. puttho puttho panhe.
Mogharaja ca medhavi pingiyo ca maha isi
|442.1554| ete buddhamupaganchum 1- sampannacaranam isim
pucchanta nipune panhe buddhasettham upagamum.
|442.1555| Tesam buddho byakasi panhe putthe 2- yathatatham
panhanam veyyakaranena tosesi brahmane muni.
|442.1556| Te tosita cakkhumata buddhenadiccabandhuna
brahmacariyamacarimsu varapannassa santike.
|442.1557| Ekamekassa panhassa yatha buddhena desitam
tatha yo patipajjeyya gacche param aparato 3-
|442.1558| apara param gaccheyya bhavento maggamuttamam.
Maggo so paragamanaya tasma parayanam iti.
---------------
[443] |443.1559| Parayanamanugayissam (iccayasma pingiyo)
(yatha addakkhi tatha akkhati) 4- vimalo bhurimedhaso
nikkamo 5- nibbuto nago 6- kissa hetu musa bhane.
|443.1560| Pahinamalamohassa manamakkhappahayino
handaham kittayissami giram vannupasanhitam.
|443.1561| Tamonudo buddho samantacakkhu
lokantagu sabbabhavativatto
anasavo sabbadukkhappahano 7-
@Footnote: 1 Po. buddhapagacchum. Ma. buddham upagacchum. Yu. ... upaganchum. 2 Ma. Yu.
@puttho. 3 Po. aparako. 4 Ma. yathaddakkhi tathakkhasi. 5 Po. nikkamo.
@6 Ma. nibbano nago. Yu. nibbano natho. 7 Ma. Yu. --- pahino.
Saccavhayo brahmupasito 1- me.
|443.1562| Dijo yatha kubbanakam pahaya
bahupphalam kananam avaseyya
evampaham appadasse pahaya
mahodadhim hamsarivajjhapatto 2-.
|443.1563| Ye me pubbe viyakamsu (huram gotamasasana)
iccasi iti bhavissati sabbantam itihitiham
sabbantam takkavaddhanam
(naham tattha abhiramim) 3-.
|443.1564| Eko tamanudasino jutima so pabhankaro
gotamo bhuripannano gotamo bhurimedhaso
|443.1565| yo me dhammamadesesi sanditthikamakalikam
tanhakkhayamanitikam yassa natthi upama kvaci.
|443.1566| Kinnu tamha vippavasasi muhuttamapi pingiya
gotama bhuripannana gotama bhurimedhasa
|443.1567| yo te dhammamadesesi sanditthikamakalikam
tanhakkhayamanitikam yassa natthi upama kvaci.
|443.1568| Naham tamha vippavasami muhuttamapi brahmana
gotama bhuripannana gotama bhurimedhasa
|443.1569| yo me dhammamadesesi sanditthikamakalikam
@Footnote: 1 Ma. Yu. brahme upasito. 2 Po. hamsorivajjhuppatto. Ma. hamsoriva ajjhapatto.
@Yu. hamsavo ajjhapatto. 3 Ma. Yu. na ... minti natthi.
Tanhakkhayamanitikam yassa natthi upama kvaci.
|443.1570| Passami nam manasa cakkhunava
rattindivam brahmana appamatto
namassamano vivasami 1- rattim
teneva mannami avippavasam.
|443.1571| Saddha ca piti ca mano sati ca
namenti 2- me gotamasasanamha
yam yam 3- disam vajati bhuripanno
sa tena teneva natohamasmi.
|443.1572| Jinnassa me dubbalathamakassa
teneva kayo na paleti tattha
sankappayantaya vajami niccam
mano hi me brahmana tena yutto.
|443.1573| Panke (sayano) pariphandamano dipa dipam upallavim 4-
athaddasasim sambuddham oghatinnamanasavam
|443.1574| yatha ahu vakkali muttasaddho
bhadravudho alavigotamo ca
evameva tvampi pamuncassu saddham
gamissasi tvam pingiya maccudheyyassa param.
|443.1575| Esa bhiyyo pasidami sutvana munino vaco
@Footnote: 1 Po. Ma. Yu. vivasemi. 2 Po. nameti. Ma. Yu. napentime. 3 Po. yanca.
@4 Ma. Yu. upaplavim.
Vivatacchado sambuddho akhilo patibhanava
|443.1576| adhideve abhinnaya sabbam vedi parovaram 1-
panhanantakaro sattha kankhinam patijanatam
|443.1577| asamhiram asankuppam yassa natthi upama kvaci.
Addha gamissami na mettha kankha
evam mam dharehi adhimuttacittanti.
Parayanavaggo pancamo.
--------
Suttanipate suttuddanam
[444] |444.1578| Urago dhaniyopi ca khaggavisano kasi
cundo bhavo punadeva vasalo ca karaniyanca
hemavato atha yakkho vijayam suttavaram muni 2-.
|444.1579| Settho pathamakatthapavaro vaggo
dvadasasuttadharo suvibhatto
desito cakkhumata vimalena
suyyati vaggavaro uragoti.
|444.1580| Ratanamagandho hirimangalanamo
sucilomakapilo ca brahmanadhammo
nava kimsilautthano ca
@Footnote: 1 Ma. varovaram. 2 Ma. vijayasuttam munisuttavaranti.
Rahulo ca punapi vangiso
|444.1581| sammaparibbajaniyo 1- ca tattha
dhammikasuttavaro suvibhatto
cuddasasuttadharo dutiyamhi
culakavaggavaroti tamahu.
|444.1582| Pabbajjam padhanasubhasitanamo
puralaso punareva 2- magho ca
sabhiyakeniyameva sallanamo
vasetthavaro kokalikopi 3- ca
|444.1583| nalakasuttavaro suvibhatto
tam anupassi tatha punadeva
dvadasasuttadharo tatiyamhi
suyyati vaggavaro mahanamo.
|444.1584| Kamaguhatthakadutthatthakanamo
suddhatthavaro paramatthakanamo
jaramettiyasuttavaro suvibhatto
pasuramagandiyo ca purabhedo 4-
|444.1585| kalahavivado ubho viyuha ca
tuvatakaattadandasariputta ca
solasasuttadharo catutthamhi
@Footnote: 1 Ma. sammaparibbajaniyopicettha. 2 Ma. punadeva. 3 Ma. kalikopica.
@4 Ma. pasuramagandiya purabhedo.
Atthakavaggavaroti tamahu.
|444.1586| Magadhe janapade ramaniye
desavare katapunnanivese
pasanakacetiyavare suvibhatte
vasi bhagava ganasettho
|444.1587| ubhayam va punnasamagatam yamhi
dvadasayojaniya parisaya
solasabrahmananam kira puttho
pucchaya solasapanhakammiya
nippakasayi dhammamadasi
|444.1588| atthapakasakabyanjanapunnam
dhammamadesesi parakhemajaniyam
lokahitaya jino dipadaggo.
Suttavaram bahudhammavicitram
sabbakilesamocanahetum 1-
desayi suttavaram dipadaggo.
|444.1589| Byanjanamatthapadasamayuttam
akkharasannitaopamaggalham
lokavicaranananapabhaggam
desayi suttavaram dipadaggo.
@Footnote: 1 Ma. ... pamocanahetum.
|444.1590| Ragamale amalam vimalaggam
dosamale amalam vimalaggam
mohamale amalam vimalaggam
lokavicaranananapabhaggam
desayi suttavaram dipadaggo.
|444.1591| Klesamale amalam vimalaggam
duccaritamale amalam vimalaggam
lokavicaranananapabhaggam
desayi suttavaram dipadaggo.
|444.1592| Asavabandhanayogakilesam
nivaranani ca tini ca malani
tassa kilesapamocanahetum
desayi suttavaram dipadaggo.
|444.1593| Nimmalasabbakilesapanudanam
ragaviragamanejamasokam
santapanitasududdasadhammam
desayi suttavaram dipadaggo.
|444.1594| Raganca dosanca bhanjitasantam 1-
yoni ca duggatipancavinnanam
tanhatalaratacchedanatanapamokkham 2-
@Footnote: 1 Ma. ... dosakamabhanjitasantam. 2 Ma. tanharatacchadanatanalata ....
Desayi suttavaram dipadaggo.
|444.1595| Gambhiraduddasasanhanipunam
panditavedaniyanipunattham 1-
lokavicaranananapabhaggam
desayi suttavaram dipadaggo.
|444.1596| Navangakusumadhuvalavebharanam 2-
indriyajjhanavimokkhavibhattam
atthangikamaggavaram varayanam
desayi suttavaram dipadaggo.
|444.1597| Somupamam vimalam parisuddham
annavamupama ratanasucittam
pupphasamam ravimupamatejam
desayi suttavaram dipadaggo.
|444.1598| Khemasivam sukhasitalasantam
maccuttanaparamattham
tassa sunibbutadassanahetum
desayi suttavaram dipadaggo.
Suttanipato nitthito.
------------
@Footnote: 1 Ma. -- vedaniyam ---. 2 Ma. ---- malagiveyyam.
The Pali Tipitaka in Roman Character Volume 25 page 532-558.
https://84000.org/tipitaka/read/roman_item.php?book=25&item=427&items=18
Classified by [Item Number] :-
http://84000.org/tipitaka/read/roman_item.php?book=25&item=427&items=18&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=25&item=427&items=18
Compare with The Royal Version of Thai Tipitaka :-
https://84000.org/tipitaka/read/byitem.php?book=25&item=427&items=18
Study Atthakatha :-
https://84000.org/tipitaka/attha/attha.php?b=25&i=427
Contents of The Tipitaka Volume 25
https://84000.org/tipitaka/read/?index_25
https://84000.org/tipitaka/english/?index_25
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
