paliTIPITAKA Volume 25 - Sutta Pitaka 17

[135] ³ Evamme sutaṃ . ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme . tena kho pana samayena bhagavā attano aneke pāpake akusale dhamme pahīne paccavekkhamāno nisinno hoti aneke ca kusale dhamme bhāvanāya ^5- pāripūrigate. Atha kho bhagavā attano aneke pāpake akusale dhamme pahīne viditvā aneke ca kusale dhamme bhāvanāya pāripūrigate tāyaṃ velāyaṃ imaṃ udānaṃ udānesi ahu pubbe tadā nāhu nāhu pubbe tadā ahu na cāhu na ca bhavissati na cetarahi vijjatīti. Tatiyaṃ. [136] ⁴ Evamme sutaṃ . ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme . tena kho pana samayena @Footnote: ¹ Ma. gacchanti . ² Po. oyāyissāmi. Ma. osārissāmi . ³ Po. @pariharissantīti. Yu. paricārissantīti. Ma. paricāressantīti . ⁴ Po. @Ma. vaṇiṃ. ⁵ Ma. bhāvanāpāripūrīgate. Yu. pāripurikate. Sambahulā nānātitthiyā samaṇabrāhmaṇā paribbājakā sāvatthiyaṃ ^1- paṭivasanti nānādiṭṭhikā nānākhantikā nānārucikā nānādiṭṭhinissayanissitā . santeke samaṇabrāhmaṇā evaṃvādino evaṃdiṭṭhino 1 sassato loko idameva saccaṃ moghamaññanti . santi paneke samaṇabrāhmaṇā evaṃvādino evaṃdiṭṭhino ² asassato loko idameva saccaṃ moghamaññanti . santeke samaṇabrāhmaṇā evaṃvādino evaṃdiṭṭhino ³ antavā loko idameva saccaṃ moghamaññanti . Santi paneke samaṇabrāhmaṇā evaṃvādino evaṃdiṭṭhino 4 anantavā loko idameva saccaṃ moghamaññanti. {136.1} Santeke samaṇabrāhmaṇā evaṃvādino evaṃdiṭṭhino 5 taṃ jīvaṃ taṃ sarīraṃ idameva saccaṃ moghamaññanti . santi paneke samaṇabrāhmaṇā evaṃvādino evaṃdiṭṭhino ⁶ aññaṃ jīvaṃ aññaṃ sarīraṃ idameva saccaṃ moghamaññanti . santeke samaṇabrāhmaṇā evaṃvādino evaṃdiṭṭhino ⁷ hoti tathāgato parammaraṇā idameva saccaṃ moghamaññanti . santi paneke samaṇabrāhmaṇā evaṃvādino evaṃdiṭṭhino 8 na hoti tathāgato parammaraṇā idameva saccaṃ moghamaññanti . Santeke samaṇabrāhmaṇā evaṃvādino evaṃdiṭṭhino ⁹ hoti ca na ca hoti tathāgato parammaraṇā idameva saccaṃ moghamaññanti . santi paneke samaṇabrāhmaṇā evaṃvādino evaṃdiṭṭhino ¹⁰ neva hoti na na hoti tathāgato parammaraṇā idameva saccaṃ moghamaññanti . te @Footnote: ¹ Yu. sāvatthiṃ piṇḍāya pavisanti. Bhaṇḍanajātā kalahajātā vivādāpannā aññamaññaṃ mukhasattīhi vitudantā viharanti ediso dhammo nediso dhammo nediso dhammo ediso dhammoti. [137] Atha kho sambahulā bhikkhū pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisiṃsu . sāvatthiyaṃ piṇḍāya caritvā pacchābhattaṃ piṇḍapātapaṭikkantā yena bhagavā tenupasaṅkamiṃsu upasaṅkamitvā bhagavantaṃ abhivādetvā ekamantaṃ nisīdiṃsu. {137.1} Ekamantaṃ nisinnā kho te bhikkhū bhagavantaṃ etadavocuṃ idha bhante sambahulā nānātitthiyā samaṇabrāhmaṇā paribbājakā sāvatthiyaṃ paṭivasanti nānādiṭṭhikā nānākhantikā nānārucikā nānādiṭṭhinissayanissitā santeke samaṇabrāhmaṇā evaṃvādino evaṃdiṭṭhino sassato loko idameva saccaṃ moghamaññanti santi paneke samaṇabrāhmaṇā evaṃvādino evaṃdiṭṭhino asassato loko idameva saccaṃ moghamaññanti santeke samaṇabrāhmaṇā evaṃvādino evaṃdiṭṭhino antavā loko idameva saccaṃ moghamaññanti santi paneke samaṇabrāhmaṇā evaṃvādino evaṃdiṭṭhino anantavā loko idameva saccaṃ moghamaññanti santeke samaṇabrāhmaṇā evaṃvādino evaṃdiṭṭhino taṃ jīvaṃ taṃ sarīraṃ idameva saccaṃ moghamaññanti santi paneke samaṇabrāhmaṇā evaṃvādino evaṃdiṭṭhino aññaṃ jīvaṃ aññaṃ sarīraṃ idameva saccaṃ moghamaññanti santeke samaṇabrāhmaṇā Evaṃvādino evaṃdiṭṭhino hoti tathāgato parammaraṇā idameva saccaṃ moghamaññanti santi paneke samaṇabrāhmaṇā evaṃvādino evaṃdiṭṭhino na hoti tathāgato parammaraṇā idameva saccaṃ moghamaññanti santeke samaṇabrāhmaṇā evaṃvādino evaṃdiṭṭhino hoti ca na ca hoti tathāgato parammaraṇā idameva saccaṃ moghamaññanti santi paneke samaṇabrāhmaṇā evaṃvādino evaṃdiṭṭhino neva hoti na na hoti tathāgato parammaraṇā idameva saccaṃ moghamaññanti te bhaṇḍanajātā kalahajātā vivādāpannā aññamaññaṃ mukhasattīhi vitudantā viharanti ediso dhammo nediso dhammo nediso dhammo ediso dhammoti. {137.2} Aññatitthiyā bhikkhave paribbājakā andhā acakkhukā atthaṃ na jānanti anatthaṃ na jānanti dhammaṃ na jānanti adhammaṃ na jānanti te atthaṃ ajānantā anatthaṃ ajānantā dhammaṃ ajānantā adhammaṃ ajānantā bhaṇḍanajātā kalahajātā vivādāpannā aññamaññaṃ mukhasattīhi vitudantā viharanti ediso dhammo nediso dhammo nediso dhammo ediso dhammoti.

The Pali Tipitaka in Roman Character Volume 25 page 179-182. https://84000.org/tipitaka/read/roman_item.php?book=25&item=135&items=3 Classified by [Item Number] :- http://84000.org/tipitaka/read/roman_item.php?book=25&item=135&items=3&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=25&item=135&items=3 Compare with The Royal Version of Thai Tipitaka :- https://84000.org/tipitaka/read/byitem.php?book=25&item=135&items=3 Study Atthakatha :- https://84000.org/tipitaka/attha/attha.php?b=25&i=135 Contents of The Tipitaka Volume 25 https://84000.org/tipitaka/read/?index_25 https://84000.org/tipitaka/english/?index_25