Upasakavaggo tatiyo
[171] [1]- Ekam samayam bhagava savatthiyam viharati jetavane
anathapindikassa arame . tatra kho bhagava bhikkhu amantesi bhikkhavoti.
@Footnote: 1 Ma. evam me sutam.
Bhadanteti te bhikkhu bhagavato paccassosum . bhagava etadavoca pancahi
bhikkhave dhammehi samannagato upasako sarajjam okkanto hoti
katamehi pancahi panatipati hoti adinnadayi hoti kamesu
micchacari hoti musavadi hoti suramerayamajjapamadatthayi hoti
imehi kho bhikkhave pancahi dhammehi samannagato upasako sarajjam
okkanto hoti . pancahi bhikkhave dhammehi samannagato upasako
visarado hoti katamehi pancahi panatipata pativirato hoti
adinnadana pativirato hoti kamesu micchacara pativirato hoti
musavada pativirato hoti suramerayamajjapamadatthana pativirato
hoti imehi kho bhikkhave pancahi dhammehi samannagato upasako
visarado hotiti.
[172] Pancahi bhikkhave dhammehi samannagato upasako avisarado
agaram ajjhavasati katamehi pancahi panatipati hoti .pe.
Suramerayamajjapamadatthayi hoti imehi kho bhikkhave pancahi dhammehi
samannagato upasako avisarado agaram ajjhavasati . pancahi bhikkhave
dhammehi samannagato upasako visarado agaram ajjhavasati katamehi
pancahi panatipata pativirato hoti .pe. suramerayamajjapamadatthana
pativirato hoti imehi kho bhikkhave pancahi dhammehi samannagato
upasako visarado agaram ajjhavasatiti.
[173] Pancahi bhikkhave dhammehi samannagato upasako yathabhatam
Nikkhitto evam niraye katamehi pancahi panatipati hoti .pe.
Suramerayamajjapamadatthayi hoti imehi kho bhikkhave pancahi dhammehi
samannagato upasako yathabhatam nikkhitto evam niraye . pancahi
bhikkhave dhammehi samannagato upasako yathabhatam nikkhitto evam sagge
katamehi pancahi panatipata pativirato hoti .pe. surameraya-
majjapamadatthana pativirato hoti imehi kho bhikkhave pancahi dhammehi
samannagato upasako yathabhatam nikkhitto evam saggeti.
[174] Athakho anathapindiko gahapati yena bhagava tenupasankami
upasankamitva bhagavantam abhivadetva ekamantam nisidi ekamantam
nisinnam kho anathapindikam gahapatim bhagava etadavoca panca
gahapati bhayani verani appahaya dussilo iti vuccati nirayanca
upapajjati katamani panca panatipatam adinnadanam kamesu
micchacaram musavadam suramerayamajjapamadatthanam imani kho gahapati
panca bhayani verani appahaya dussilo iti vuccati nirayanca
upapajjati.
{174.1} Panca gahapati bhayani verani pahaya silava iti
vuccati sugatinca upapajjati katamana panca panatipatam adinnadanam
kamesu micchacaram musavadam suramerayamajjapamadatthanam imani
kho gahapati panca bhayani verani pahaya silava iti vuccati
sugatinca upapajjati . yam gahapati panatipati 1- panatipatapaccaya
ditthadhammikampi bhayam veram pasavati samparayikampi bhayam veram pasavati
@Footnote: 1 Yu. ayam patho natthi.
Cetasikampi dukkham domanassam patisamvedeti panatipata pativirato
neva ditthadhammikam bhayam veram pasavati na samparayikam bhayam veram pasavati
na cetasikam dukkham domanassam patisamvedeti panatipata pativiratassa
evantam bhayam veram vupasantam hoti . yam gahapati adinnadayi ... Yam
gahapati kamesu micchacari ... yam gahapati musavadi ... yam gahapati
suramerayamajjapamadatthayi suramerayamajjapamadatthanapaccaya ditthadhammikampi
bhayam veram pasavati samparayikampi bhayam veram pasavati cetasikampi
dukkham domanassam patisamvedeti suramerayamajjapamadatthana pativirato
neva ditthadhammikam bhayam veram pasavati na samparayikam bhayam veram pasavati
na cetasikam dukkham domanassam patisamvedeti . suramerayamajjapamadatthana
pativiratassa evantam bhayam veram vupasantam hotiti.
Yo panamatipateti 1- musavadanca bhasati
loke adinnam adiyati paradaranca gacchati
suramerayapananca yo naro anuyunjati
appahaya panca verani dussilo iti vuccati
kayassa bheda duppanno nirayam sopapajjati 2-.
Yo panam natipateti musavadam na bhasati
loke adinnam nadiyati paradaram na gacchati
suramerayapananca yo naro nanuyunjati
pahaya panca verani silava iti vuccati
@Footnote: 1 Yu. panamatimateti . 2 Po. Yu. so upapajjati.
Kayassa bheda sappanno sugatim sopapajjatiti 1-.
[175] Pancahi bhikkhave dhammehi samannagato upasako
upasakacandalo ca hoti upasakamalanca upasakapatikittho 2- ca katamehi
pancahi assaddho hoti dussilo hoti kotuhalamangaliko 3- hoti
mangalam pacceti no kammam ito ca bahiddha dakkhineyyam gavesati
tattha ca pubbakaram karoti imehi kho bhikkhave pancahi dhammehi
samannagato upasako upasakacandalo ca hoti upasakamalanca
upasakapatikittho ca . pancahi bhikkhave dhammehi samannagato upasako
upasakaratananca hoti upasakapadumanca upasakapundarikanca 4-
katamehi pancahi saddho hoti silava hoti akotuhalamangaliko 3-
hoti kammam pacceti no mangalam na ito bahiddha dakkhineyyam gavesati
idha ca pubbakaram karoti imehi kho bhikkhave pancahi dhammehi
samannagato upasako upasakaratananca hoti upasakapadumanca
upasakapundarikancati.
[176] Athakho anathapindiko gahapati pancamattehi upasakasatehi
parivuto yena bhagava tenupasankami upasankamitva bhagavantam
abhivadetva ekamantam nisidi ekamantam nisinnam kho anathapindikam
gahapatim bhagava etadavoca tumhe kho gahapati bhikkhusangham paccupatthita
civarapindapatasenasanagilanapaccayabhesajjaparikkharena na kho
gahapati tavatakeneva tutthi karaniya mayam bhikkhusangham paccupatthita
@Footnote: 1 Po. Yu. so upapajjatiti . 2 Ma. upasakapatikuttho . 3 Ma. kotuhala ....
@4 Po. Yu. upasakapundariko ca.
Civarapindapatasenasanagilanapaccayabhesajjaparikkharenati tasma tiha
gahapati evam sikkhitabbam kinti mayam kalena kalam pavivekam pitim upasampajja
vihareyyamati evam hi vo gahapati sikkhitabbanti.
{176.1} Evam vutte ayasma sariputto bhagavantam etadavoca
acchariyam bhante abbhutam bhante yava subhasitancidam bhante bhagavata tumhe
kho gahapati bhikkhusangham paccupatthita civarapindapatasenasanagilanapaccaya-
bhesajjaparikkharena na kho gahapati tavatakeneva tutthi karaniya mayam bhikkhusangham
paccupatthita civarapindapatasenasanagilanapaccayabhesajjaparikkharenati
tasma tiha gahapati evam sikkhitabbam kinti mayam kalena kalam pavivekam pitim
upasampajja vihareyyamati evam hi vo gahapati sikkhitabbanti.
{176.2} Yasmim bhante samaye ariyasavako pavivekam pitim upasampajja
viharati pancassa thanani tasmim samaye na honti yampissa kamupasanhitam
dukkham domanassam tampissa tasmim samaye na hoti yampissa
kamupasanhitam sukham somanassam tampissa tasmim samaye na hoti yampissa
akusalupasanhitam dukkham domanassam tampissa tasmim samaye na
hoti yampissa akusalupasanhitam sukham somanassam tampissa tasmim samaye
na hoti yampissa kusalupasanhitam dukkham domanassam tampissa
tasmim samaye na hoti yasmim bhante samaye ariyasavako pavivekam pitim
upasampajja viharati imani 1- pancassa thanani tasmim samaye na
hontiti . sadhu sadhu sariputta yasmim sariputta samaye ariyasavako
@Footnote: 1 Ma. Yu. imanissa panca.
Pavivekam pitim upasampajja viharati pancassa thanani tasmim samaye na
honti yampissa kamupasanhitam dukkham domanassam tampissa tasmim
samaye na hoti yampissa kamupasanhitam sukham somanassam tampissa
tasmim samaye na hoti yampissa akusalupasanhitam dukkham domanassam
tampissa tasmim samaye na hoti yampissa akusalupasanhitam sukham
somanassam tampissa tasmim samaye na hoti yampissa kusalupasanhitam
dukkham domanassam tampissa tasmim samaye na hoti yasmim sariputta
samaye ariyasavako pavivekam pitim upasampajja viharati imani pancassa
thanani tasmim samaye na hontiti.
[177] Pancima bhikkhave vanijja upasakena akaraniya katama
panca satthavanijja sattavanijja mamsavanijja majjavanijja visavanijja
ima kho bhikkhave panca vanijja upasakena akaraniyati.
[178] Tam kim mannatha bhikkhave apinu tumhehi dittham va
sutam va ayam puriso panatipatam pahaya panatipata pativirato
hoti 1- tamenam rajano gahetva panatipataveramanihetu hananti
va bandhanti va pabbajenti va yathapaccayam va karontiti. No hetam
bhante.
{178.1} Sadhu bhikkhave mayapi kho etam bhikkhave neva dittham na
sutam ayam puriso panatipatam pahaya panatipata pativirato hoti 1-
tamenam rajano gahetva panatipataveramanihetu hananti va bandhanti
va pabbajenti va yathapaccayam va karontiti apicakhvassa 2- tadeva 3-
@Footnote: 1 Ma. pativiratoti . 2 Ma. Yu. apicakhvassa . 3 Ma. Yu. tameva.
Papakammam pavedeti 1- ayam puriso itthim va purisam va jivita voropetiti 2-
tamenam rajano gahetva panatipatahetu hananti va bandhanti
va pabbajenti va yathapaccayam va karonti apinu tumhehi evarupam
dittham va sutam vati ditthanca no bhante sutanca suyyissati cati.
{178.2} Tam kim mannatha bhikkhave apinu tumhehi dittham va sutam va ayam
puriso adinnadanam pahaya adinnadana pativirato hoti tamenam
rajano gahetva adinnadanaveramanihetu hananti va bandhanti va
pabbajenti va yathapaccayam va karontiti. No hetam bhante.
{178.3} Sadhu bhikkhave mayapi kho etam bhikkhave neva dittham na sutam
ayam puriso adinnadanam pahaya adinnadana pativirato hoti tamenam rajano
gahetva adinnadanaveramanihetu hananti va bandhanti va pabbajenti
va yathapaccayam va karontiti apicakhvassa tadeva papakammam pavedeti
ayam puriso gama va aranna va adinnam theyyasankhatam adiyati 3-
tamenam rajano gahetva adinnadanahetu hananti va bandhanti va
pabbajenti va yathapaccayam va karonti apinu tumhehi evarupam
dittham va sutam vati ditthanca no bhante sutanca suyyissati
cati . tam kim mannatha bhikkhave apinu tumhehi dittham va sutam va
ayam puriso kamesu micchacaram pahaya kamesu micchacara pativirato
hoti tamenam rajano gahetva kamesu micchacaraveramanihetu hananti
va bandhanti va pabbajenti va yathapaccayam va karontiti . no
@Footnote: 1 Ma. Yu. pavedenti . 2 Ma. Yu. voropesiti . 3 Ma. Yu. adiyiti.
Hetam bhante.
{178.4} Sadhu bhikkhave mayapi kho etam bhikkhave neva dittham
na sutam ayam puriso kamesu micchacaram pahaya kamesu micchacara
pativirato hoti tamenam rajano gahetva kamesu micchacaraveramanihetu
hananti va bandhanti va pabbajenti va yathapaccayam va karontiti
apicakhvassa tadeva papakammam pavedeti ayam puriso paritthisu parakumarisu
carittam apajjati 1- tamenam rajano gahetva kamesu micchacarahetu
hananti va bandhanti va pabbajenti va yathapaccayam va karonti
apinu tumhehi evarupam dittham va sutam vati ditthanca no bhante
sutanca suyyissati cati.
{178.5} Tam kim mannatha bhikkhave apinu tumhehi dittham va sutam va
ayam puriso musavadam pahaya musavada pativirato hoti tamenam rajano
gahetva musavadaveramanihetu hananti va bandhanti va pabbajenti
va yathapaccayam va karontiti . no hetam
bhante.
{178.6} Sadhu bhikkhave mayapi kho etam bhikkhave neva dittham na
sutam ayam puriso musavadam pahaya musavada pativirato hoti tamenam
rajano gahetva musavadaveramanihetu hananti va bandhanti va
pabbajenti va yathapaccayam va karontiti apicakhvassa tadeva papakammam
pavedeti ayam puriso gahapatissa va gahapatiputtassa va musavadena
attham bhanjati 2- tamenam rajano gahetva musavadahetu hananti va
bandhanti va pabbajenti va yathapaccayam va karonti apinu tumhehi
evarupam dittham va sutam vati ditthanca no bhante sutanca suyyissati
@Footnote: 1 Po. apajjatiti. Ma. Yu. apajjiti. aparampi idisameva.
@2 Po. Yu. bhanjiti. Ma. pabhanjiti. ito param evam natabbam.
Cati.
{178.7} Tam kim mannatha bhikkhave apinu tumhehi dittham va sutam va
ayam puriso suramerayamajjapamadatthanam pahaya suramerayamajjapamadatthana
pativirato hoti tamenam rajano gahetva suramerayamajjapama-
datthanaveramanihetu hananti va bandhanti va pabbajenti va
yathapaccayam va karontiti. No hetam bhante.
{178.8} Sadhu bhikkhave mayapi kho etam bhikkhave neva dittham na sutam
ayam puriso suramerayamajjapamadatthanam pahaya suramerayamajjapamadatthana
pativirato hoti tamenam rajano gahetva suramerayamajjapamadatthanaveramanihetu
hananti va bandhanti va pabbajenti va yathapaccayam va karontiti apicakhvassa
tadeva papakammam pavedeti ayam puriso suramerayamajjapamadatthanam anuyutto
itthim va purisam va jivita voropeti 1- ayam puriso suramerayamajja-
pamadatthanam anuyutto gama va aranna va adinnam theyyasankhatam
adiyati 2- ayam puriso suramerayamajjapamadatthanam anuyutto paritthisu
parakumarisu carittam apajjati ayam puriso suramerayamajjapamadatthanam
anuyutto gahapatissa va gahapatiputtassa va musavadena attham bhanjati
tamenam rajano gahetva suramerayamajjapamadatthanahetu hananti va
bandhanti va pabbajenti va yathapaccayam va karonti apinu tumhehi
evarupam dittham va sutam vati ditthanca no bhante sutanca suyyissati
cati.
@Footnote: 1 Ma. Yu. voropesi . 2 Ma. Yu. adiyi.
The Pali Tipitaka in Roman Character Volume 22 page 226-235.
https://84000.org/tipitaka/read/roman_item.php?book=22&item=171&items=8
Classified by [Item Number] :-
http://84000.org/tipitaka/read/roman_item.php?book=22&item=171&items=8&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=22&item=171&items=8
Compare with The Royal Version of Thai Tipitaka :-
https://84000.org/tipitaka/read/byitem.php?book=22&item=171&items=8
Study Atthakatha :-
https://84000.org/tipitaka/attha/attha.php?b=22&i=171
Contents of The Tipitaka Volume 22
https://84000.org/tipitaka/read/?index_22
https://84000.org/tipitaka/english/?index_22
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
