paliTIPITAKA Volume 21 - Sutta Pitaka 13

[52] Cattarome bhikkhave punnabhisanda kusalabhisanda sukhassahara sovaggika sukhavipaka saggasamvattanika itthaya kantaya manapaya hitaya sukhaya samvattanti katame cattaro idha bhikkhave ariyasavako buddhe aveccappasadena samannagato hoti itipi so bhagava araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagavati ayam bhikkhave pathamo punnabhisando kusalabhisando sukhassaharo sovaggiko sukhavipako saggasamvattaniko itthaya kantaya manapaya hitaya sukhaya samvattati. {52.1} Puna caparam bhikkhave ariyasavako dhamme aveccappasadena samannagato hoti svakkhato bhagavata dhammo sanditthiko akaliko ehipassiko opanayiko paccattam veditabbo vinnuhiti ayam bhikkhave dutiyo punnabhisando kusalabhisando sukhassaharo sovaggiko sukhavipako saggasamvattaniko itthaya kantaya manapaya hitaya sukhaya samvattati. {52.2} Puna caparam bhikkhave ariyasavako sanghe aveccappasadena samannagato hoti supatipanno bhagavato savakasangho ujupatipanno bhagavato savakasangho nayapatipanno bhagavato savakasangho samicipatipanno bhagavato savakasangho yadidam cattari purisayugani attha purisapuggala esa bhagavato savakasangho ahuneyyo pahuneyyo dakkhineyyo anjalikaraniyo anuttaram punnakkhettam lokassati ayam bhikkhave tatiyo punnabhisando kusalabhisando sukhassaharo sovaggiko Sukhavipako saggasamvattaniko itthaya kantaya manapaya hitaya sukhaya samvattati. {52.3} Puna caparam bhikkhave ariyasavako ariyakantehi silehi samannagato hoti akhandehi acchiddehi asabalehi akammasehi bhujissehi vinnupasatthehi aparamatthehi samadhisamvattanikehi ayam bhikkhave catuttho punnabhisando kusalabhisando sukhassaharo sovaggiko sukhavipako saggasamvattaniko itthaya kantaya manapaya hitaya sukhaya samvattati. {52.4} Ime kho bhikkhave cattaro punnabhisanda kusalabhisanda sukhassahara sovaggika sukhavipaka saggasamvattanika itthaya kantaya manapaya hitaya sukhaya samvattantiti. Yassa saddha tathagate acala supatitthita silanca yassa kalyanam ariyakantam pasamsitam sanghe pasado yassatthi ujubhutanca dassanam adaliddoti tam ahu amogham tassa jivitam. Tasma saddhanca silanca pasadam dhammadassanam anuyunjetha medhavi saram buddhanasasananti.

The Pali Tipitaka in Roman Character Volume 21 page 73-74. https://84000.org/tipitaka/read/roman_item.php?book=21&item=52&items=1 Classified by [Item Number] :- http://84000.org/tipitaka/read/roman_item.php?book=21&item=52&items=1&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=21&item=52&items=1 Compare with The Royal Version of Thai Tipitaka :- https://84000.org/tipitaka/read/byitem.php?book=21&item=52&items=1 Study Atthakatha :- https://84000.org/tipitaka/attha/attha.php?b=21&i=52 Contents of The Tipitaka Volume 21 https://84000.org/tipitaka/read/?index_21 https://84000.org/tipitaka/english/?index_21