Navamasikkhapadam
[342] Tena samayena buddho bhagava savatthiyam viharati jetavane
anathapindikassa arame . tena kho pana samayena ayasma
upanando sakyaputto chabbaggiyehi bhikkhuhi saddhim bhandanakato
hoti . so sancetanikam sukkavisatthim apattim 1- apajjitva sangham
tassa apattiya parivasam yaci . tassa sangho tassa apattiya
parivasam adasi . tena kho pana samayena savatthiyam annatarassa
pugassa sanghabhattam hoti . so parivasanto bhattagge asanapariyante
nisidi . chabbaggiya bhikkhu te upasake etadavocum eso
avuso ayasma upanando sakyaputto tumhakam sambhavito
kulupako yeneva hatthena saddhadeyyam bhunjati teneva hatthena
upakkamitva asucim moceti so sancetanikam sukkavisatthim apattim
apajjitva sangham tassa apattiya parivasam yaci tassa
sangho tassa apattiya parivasam adasi so parivasanto
asanapariyante nisinnoti . ye te bhikkhu appiccha .pe. te
ujjhayanti khiyanti vipacenti katham hi nama chabbaggiya bhikkhu bhikkhussa
dutthullam apattim anupasampannassa arocessantiti . athakho
te bhikkhu bhagavato etamattham arocesum .pe. saccam kira tumhe
bhikkhave bhikkhussa dutthullam apattim anupasampannassa arocethati .
@Footnote: 1 Yu. sukkavisatthiapattim.
Saccam bhagavati . vigarahi buddho bhagava katham hi nama tumhe moghapurisa
bhikkhussa dutthullam apattim anupasampannassa arocessatha netam
moghapurisa appasannanam va pasadaya .pe. evanca pana bhikkhave
imam sikkhapadam uddiseyyatha
{342.1} yo pana bhikkhu bhikkhussa dutthullam apattim anupasampannassa
aroceyya annatra bhikkhusammatiya pacittiyanti.
[343] Yo panati yo yadiso .pe. Bhikkhuti .pe. Ayam imasmim
atthe adhippeto bhikkhuti . bhikkhussati annassa bhikkhussa . Dutthulla
nama apatti cattari ca parajikani terasa ca sanghadisesa .
Anupasampanno nama bhikkhunca bhikkhuninca thapetva avaseso
anupasampanno nama . aroceyyati aroceti 1- itthiya va
purisassa va gahatthassa va pabbajitassa va . annatra bhikkhusammatiyati
thapetva bhikkhusammatim.
[344] Atthi bhikkhusammati apattipariyanta na kulapariyanta
atthi bhikkhusammati kulapariyanta na apattipariyanta atthi
bhikkhusammati apattipariyanta ca kulapariyanta ca atthi bhikkhusammati
neva apattipariyanta na kulapariyanta . apattipariyanta nama
apattiyo pariggahitayo honti ettakahi apattihi arocetabboti.
Kulapariyanta nama kulani pariggahitani honti ettakesu kulesu
arocetabboti . apattipariyanta ca kulapariyanta ca nama
@Footnote: 1 Ma. aroceyya.
Apattiyo ca pariggahitayo honti kulani ca pariggahitani honti
ettakahi apattihi ettakesu kulesu arocetabboti . neva
apattipariyanta na kulapariyanta nama apattiyo ca apariggahitayo
honti kulani ca apariggahitani honti ettakahi apattihi ettakesu
kulesu arocetabboti.
[345] Apattipariyante ya apattiyo pariggahitayo honti
ta apattiyo thapetva annahi apattihi aroceti apatti
pacittiyassa . kulapariyante yani kulani pariggahitani honti tani
kulani thapetva annesu kulesu aroceti apatti pacittiyassa .
Apattipariyante ca kulapariyante ca ya apattiyo pariggahitayo
honti ta apattiyo thapetva yani kulani pariggahitani honti
tani kulani thapetva annahi apattihi annesu kulesu aroceti
apatti pacittiyassa . neva apattipariyante na kulapariyante
anapatti.
[346] Dutthullaya apattiya dutthullapattisanni anupasampannassa
aroceti annatra bhikkhusammatiya apatti pacittiyassa . dutthullaya
apattiya vematiko anupasampannassa aroceti annatra bhikkhusammatiya
apatti pacittiyassa . dutthullaya apattiya adutthullapattisanni
anupasampannassa aroceti annatra bhikkhusammatiya apatti
pacittiyassa.
[347] Adutthullam apattim aroceti apatti dukkatassa .
Anupasampannassa dutthullam va adutthullam va ajjhacaram aroceti
apatti dukkatassa . adutthullaya apattiya dutthullapattisanni
apatti dukkatassa . adutthullaya apattiya vematiko apatti
dukkatassa . adutthullaya apattiya adutthullapattisanni apatti
dukkatassa.
[348] Anapatti vatthum aroceti no apattim apattim aroceti
no vatthum bhikkhusammatiya ummattakassa adikammikassati.
Navamasikkhapadam nitthitam.
-------
Dasamasikkhapadam
[349] Tena samayena buddho bhagava alaviyam viharati aggalave
cetiye . tena kho pana samayena alavika 1- bhikkhu navakammam karonta
pathavim khanantipi khanapentipi . manussa ujjhayanti khiyanti vipacenti
katham hi nama samana sakyaputtiya pathavim khanissantipi khanapessantipi
ekindriyam samana sakyaputtiya jivam vihethentiti . assosum kho
bhikkhu tesam manussanam ujjhayantanam khiyantanam vipacentanam .
Ye te bhikkhu appiccha .pe. te ujjhayanti khiyanti vipacenti
katham hi nama alavika 2- bhikkhu pathavim khanissantipi khanapessantipiti.
Athakho te bhikkhu bhagavato etamattham arocesum .pe. Saccam kira tumhe
bhikkhave pathavim khanathapi khanapethapiti . saccam bhagavati . vigarahi buddho
bhagava katham hi nama tumhe moghapurisa pathavim khanissathapi khanapessathapi
jivasannino hi moghapurisa manussa pathaviya netam moghapurisa
appasannanam va pasadaya pasannanam va bhiyyobhavaya .pe.
Evanca pana bhikkhave imam sikkhapadam uddiseyyatha
{349.1} yo pana bhikkhu pathavim khaneyya va khanapeyya va
pacittiyanti.
[350] Yo panati yo yadiso .pe. bhikkhuti .pe.
Ayam imasmim atthe adhippeto bhikkhuti . pathavi nama dve
@Footnote: 1-2 Ma. alavaka.
Pathaviyo jata ca pathavi ajata ca pathavi. Jata nama pathavi suddhapamsu
suddhamattika appapasana appasakkhara appakathala appamarumba
appabalika yebhuyyena pamsu 1- yebhuyyena mattika adaddhapi
vuccati jata pathavi . yopi pamsupunjo va mattikapunjo va
atirekacatumasam ovattho ayampi vuccati jata pathavi . ajata
nama pathavi suddhapasana suddhasakkhara suddhakathala suddhamarumba
suddhabalika appapamsu appamattika yebhuyyena pasana yebhuyyena
sakkhara yebhuyyena kathala yebhuyyena marumba yebhuyyena balika 2-
daddhapi vuccati ajata pathavi . yopi pamsupunjo va mattikapunjo
va unakacatumasam 3- ovattho ayampi vuccati ajata pathavi.
[351] Khaneyyati sayam khanati apatti pacittiyassa .
Khanapeyyati annam khanapeti apatti pacittiyassa . sakim
anatto bahukampi khanati apatti pacittiyassa.
[352] Pathaviya pathavisanni khanati va khanapeti va bhindati
va bhedapeti va dahati va dahapeti va apatti pacittiyassa.
Pathaviya vematiko khanati va khanapeti va bhindati va bhedapeti
va dahati va dahapeti va apatti dukkatassa . pathaviya
apathavisanni khanati va khanapeti va bhindati va bhedapeti va
@Footnote: 1 Ma. pamsuka . 2 Ma. valika . 3 Ma. Yu. omakacatumasam.
Dahati va dahapeti va anapatti . apathaviya pathavisanni
apatti dukkatassa . apathaviya vematiko apatti dukkatassa .
Apathaviya apathavisanni anapatti.
[353] Anapatti imam jana imam dehi imam ahara
imina attho imam kappiyam karohiti bhanati asancicca asatiya
ajanantassa ummattakassa adikammikassati.
Dasamasikkhapadam nitthitam 1-.
Musavadavaggo pathamo 2-.
-------
Tassuddanam.
Musaomasapesunnam padaseyyaya ve duve
annatra vinnuna bhuta dutthullapatti khananati.
-------
@Footnote: 1 Ma. pathavikhananasikkhapadam nitthitam dasamam . 2 Ma. musavadavaggo nitthito pathamo.
@Yu. pathamo vaggo.
Bhutagamavaggassa pathamasikkhapadam
[354] Tena samayena buddho bhagava alaviyam viharati aggalave
cetiye . tena kho pana samayena alavika bhikkhu navakammam karonta
rukkham chindantipi chedapentipi . annataropi alaviko bhikkhu rukkham
chindati . tasmim rukkhe adhivattha devata tam bhikkhum etadavoca
ma bhante attano bhavanam kattukamo mayham bhavanam chindati 1-. So
bhikkhu anadiyanto chindiyeva tassa ca devataya darakassa bahum
akotesi . athakho tassa devataya etadahosi yannunaham imam bhikkhum
idheva jivita voropeyyanti . athakho tassa devataya etadahosi na
kho panetam 2- patirupam yaham imam bhikkhum idheva jivita voropeyyam
yannunaham bhagavato etamattham aroceyyanti.
{354.1} Athakho sa devata yena bhagava tenupasankami upasankamitva
bhagavato etamattham arocesi. Sadhu sadhu devate sadhu kho tvam devate tam
bhikkhum na jivita voropesi sacajja tvam devate tam bhikkhum jivita voropeyyasi
bahum ca tvam devate apunnam pasaveyyasi gaccha tvam devate amukasmim
okase rukkho vivitto tasmim upagacchati . manussa ujjhayanti
khiyanti vipacenti katham hi nama samana sakyaputtiya rukkham
chindissantipi chedapessantipi
@Footnote: 1 Ma. Yu. chinditi . 2 Ma. Yu. metam.
Ekindriyam samana sakyaputtiya jivam vihethentiti . assosum kho
bhikkhu tesam manussanam ujjhayantanam khiyantanam vipacentanam .
Ye te bhikkhu appiccha .pe. te ujjhayanti khiyanti vipacenti
katham hi nama alavika bhikkhu rukkham chindissantipi chedapessantipiti.
{354.2} Athakho te bhikkhu bhagavato etamattham arocesum .pe.
Saccam kira tumhe bhikkhave rukkham chindathapi chedapethapiti . saccam
bhagavati . vigarahi buddho bhagava katham hi nama tumhe moghapurisa
rukkham chindissathapi chedapessathapi jivasannino hi moghapurisa
manussa rukkhasmim netam moghapurisa appasannanam va pasadaya
pasannanam va bhiyyobhavaya .pe. evanca pana bhikkhave imam
sikkhapadam uddiseyyatha
{354.3} bhutagamapatabyataya pacittiyanti.
[355] Bhutagamo nama panca bijajatani mulabijam khandhabijam
phalubijam aggabijam bijabijameva 1- pancamam . mulabijam nama haliddam 2-
singaveram vacam 3- vacattham ativisam 4- katukarohini usiram bhaddamuttakam yani
va panannanipi atthi mule jayanti mule sanjayanti etam
mulabijam nama . khandhabijam nama assattho nigrodho pilakkho
udumbaro kacchako kapithano yani va panannanipi atthi khandhe
jayanti khandhe sanjayanti etam khandhabijam nama . phalubijam nama
ucchu velu nalo yani va panannanipi atthi pabbe jayanti
@Footnote: 1 Yu. bijabijanceva . 2 Ma. Yu. baliddi . 3 Ma. singiveram vaca . 4 Ma. ativisa.
Pabbe sanjayanti etam phalubijam nama.
{355.1} Aggabijam nama ajjukam phanijjakam hiriveram yani va
panannanipi atthi agge jayanti agge sanjayanti etam
aggabijam nama . bijabijam nama pubbannam aparannam yani va
panannanipi atthi bije jayanti bije sanjayanti etam bijabijam
nama pancamam.
[356] Bije bijasanni chindati va chedapeti va bhindati va
bhedapeti va pacati va pacapeti va apatti pacittiyassa. Bije
vematiko chindati va chedapeti va bhindati va bhedapeti va pacati
va pacapeti va apatti dukkatassa . bije abijasanni chindati va
chedapeti va bhindati va bhedapeti va pacati va pacapeti va
anapatti . abije bijasanni apatti dukkatassa . abije vematiko
apatti dukkatassa. Abije abijasanni anapatti.
[357] Anapatti imam jana imam dehi imam ahara imina attho
imam kappiyam karohiti bhanati asancicca asatiya ajanantassa
ummattakassa adikammikassati.
Pathamasikkhapadam nitthitam.
-------
Dutiyasikkhapadam
[358] Tena samayena buddho bhagava kosambiyam viharati ghositarame.
Tena kho pana samayena ayasma channo sayam 1- anacaram acaritva
sanghamajjhe apattiya anuyunjiyamano annenannam paticarati ko
apanno kim apanno kismim apanno katham apanno kam bhanatha kim
bhanathati . ye te bhikkhu appiccha .pe. te ujjhayanti khiyanti
vipacenti katham hi nama ayasma channo sanghamajjhe apattiya
anuyunjiyamano annenannam paticarissati ko apanno kim
apanno kismim apanno katham apanno kam bhanatha kim bhanathati .
Athakho te bhikkhu bhagavato etamattham arocesum . athakho bhagava
ayasmantam channam patipucchi saccam kira tvam channa sanghamajjhe
apattiya anuyunjiyamano annenannam paticarasi ko
apanno .pe. kim bhanathati . saccam bhagavati . vigarahi buddho
bhagava katham hi nama tvam moghapurisa sanghamajjhe apattiya
anuyunjiyamano annenannam paticarissasi ko apanno .pe.
Kim bhanathati netam moghapurisa appasannanam va pasadaya .pe.
Vigarahitva dhammim katham katva bhikkhu amantesi tenahi bhikkhave
sangho channassa bhikkhuno 2- annavadakam ropetu . evanca pana
@Footnote: 1 Ma. ayam patho natthi . 2 atirekapathena bhavitabbam.
Bhikkhave ropetabbam byattena bhikkhuna patibalena sangho napetabbo
{358.1} sunatu me bhante sangho ayam channo bhikkhu sanghamajjhe
apattiya anuyunjiyamano annenannam paticarati . yadi sanghassa
pattakallam sangho channassa bhikkhuno annavadakam ropeyya . esa
natti.
{358.2} Sunatu me bhante sangho ayam channo bhikkhu sanghamajjhe
apattiya anuyunjiyamano annenannam paticarati . sangho channassa
bhikkhuno annavadakam ropeti . yassayasmato khamati channassa bhikkhuno
annavadakassa ropana so tunhassa yassa nakkhamati so bhaseyya.
{358.3} Ropitam sanghena channassa bhikkhuno annavadakam . Khamati
sanghassa tasma tunhi. Evametam dharayamiti.
[359] Athakho bhagava ayasmantam channam anekapariyayena vigarahitva
dubbharataya .pe. Evanca pana bhikkhave imam sikkhapadam uddiseyyatha
{359.1} annavadake pacittiyanti . evancidam bhagavata
bhikkhunam sikkhapadam pannattam hoti.
[360] Tena kho pana samayena ayasma channo sanghamajjhe
apattiya anuyunjiyamano annenannam paticaranto apattim
apajjissamiti tunhibhuto sangham viheseti . ye te bhikkhu appiccha
.pe. te ujjhayanti khiyanti vipacenti katham hi nama ayasma
channo sanghamajjhe apattiya anuyunjiyamano tunhibhuto sangham
Vihesessatiti . athakho te bhikkhu bhagavato etamattham arocesum .pe.
Athakho bhagava ayasmantam channam patipucchi saccam kira tvam channa
sanghamajjhe apattiya anuyunjiyamano tunhibhuto sangham vihesesiti .
Saccam bhagavati . vigarahi buddho bhagava katham hi nama tvam moghapurisa
sanghamajjhe apattiya anuyunjiyamano tunhibhuto sangham
vihesessasi netam moghapurisa appasannanam va pasadaya .pe.
Vigarahitva dhammim katham katva bhikkhu amantesi tenahi bhikkhave
sangho channassa bhikkhuno 1- vihesakam ropetu . evanca pana bhikkhave
ropetabbam byattena bhikkhuna patibalena sangho napetabbo
{360.1} sunatu me bhante sangho ayam channo bhikkhu sanghamajjhe
apattiya anuyunjiyamano tunhibhuto sangham viheseti . yadi sanghassa
pattakallam sangho channassa bhikkhuno vihesakam ropeyya. Esa natti.
{360.2} Sunatu me bhante sangho ayam channo bhikkhu sanghamajjhe
apattiya anuyunjiyamano tunhibhuto sangham viheseti . sangho
channassa bhikkhuno vihesakam ropeti . yassayasmato khamati channassa
bhikkhuno vihesakassa ropana so tunhassa yassa nakkhamati so bhaseyya.
{360.3} Ropitam sanghena channassa bhikkhuno vihesakam. Khamati sanghassa
tasma tunhi. Evametam dharayamiti.
[361] Athakho bhagava ayasmantam channam anekapariyayena vigarahitva
@Footnote: 1 atirekapathena bhavitabbam.
Dubbharataya .pe. Evanca pana bhikkhave imam sikkhapadam uddiseyyatha
{361.1} annavadake vihesake pacittiyanti.
[362] Annavadako nama sanghamajjhe vatthusmim va apattiya
va anuyunjiyamano tam na kathetukamo tam na ugghatetukamo
annenannam paticarati ko apanno kim apanno kismim apanno
katham apanno kam bhanatha kim bhanathati eso annavadako nama.
[363] Vihesako nama sanghamajjhe vatthusmim va apattiya
va anuyunjiyamano tam na kathetukamo tam na ugghatetukamo
tunhibhuto sangham viheseti eso vihesako nama.
[364] Aropite annavadake sanghamajjhe vatthusmim va apattiya
va anuyunjiyamano tam na kathetukamo tam na ugghatetukamo
annenannam paticarati ko apanno kim apanno kismim apanno
katham apanno kam bhanatha kim bhanathati apatti dukkatassa .
Aropite vihesake sanghamajjhe vatthusmim va apattiya va
anuyunjiyamano tam na kathetukamo tam na ugghatetukamo tunhibhuto
sangham viheseti apatti dukkatassa.
[365] Ropite annavadake sanghamajjhe vatthusmim va apattiya
va anuyunjiyamano tam na kathetukamo tam na ugghatetukamo
annenannam paticarati ko apanno .pe. kim bhanathati apatti
Pacittiyassa . ropite vihesake sanghamajjhe vatthusmim va apattiya
va anuyunjiyamano tam na kathetukamo tam na ugghatetukamo
tunhibhuto sangham viheseti apatti pacittiyassa.
[366] Dhammakamme dhammakammasanni annavadake vihesake
apatti pacittiyassa . dhammakamme vematiko annavadake
vihesake apatti pacittiyassa . dhammakamme adhammakammasanni
annavadake vihesake apatti pacittiyassa . adhammakamme
dhammakammasanni apatti dukkatassa . adhammakamme vematiko
apatti dukkatassa . adhammakamme adhammakammasanni apatti
dukkatassa.
[367] Anapatti ajananto pucchati gilano [1]- na katheti
sanghassa bhandanam va kalaho va viggaho va vivado va bhavissatiti
na katheti sanghabhedo va sangharaji va bhavissatiti na katheti
adhammena va vaggena va na kammarahassa va kammam karissatiti na
katheti ummattakassa adikammikassati.
Dutiyasikkhapadam nitthitam.
-------
@Footnote: 1 Ma. va.
Tatiyasikkhapadam
[368] Tena samayena buddho bhagava rajagahe viharati veluvane
kalandakanivape . tena kho pana samayena ayasma dabbo mallaputto
sanghassa senasananca pannapeti 1- bhattani ca uddisati . tena
kho pana samayena mettiyabhummajaka bhikkhu navaka ceva honti
appapunna ca yani sanghassa lamakani senasanani tani
tesam papunanti lamakani ca bhattani.
{368.1} Te ayasmantam dabbam mallaputtam bhikkhu ujjhapenti
chandaya dabbo mallaputto senasanam pannapeti chandaya ca
bhattani uddisatiti . ye te bhikkhu appiccha .pe. te ujjhayanti
khiyanti vipacenti katham hi nama mettiyabhummajaka bhikkhu ayasmantam
dabbam mallaputtam bhikkhu ujjhapessantiti . athakho te bhikkhu bhagavato
etamattham arocesum . athakho bhagava .pe. mettiyabhummajake bhikkhu
patipucchi saccam kira tumhe bhikkhave dabbam mallaputtam bhikkhu ujjhapethati.
Saccam bhagavati . vigarahi buddho bhagava katham hi nama tumhe moghapurisa
dabbam mallaputtam bhikkhu ujjhapessatha netam moghapurisa appasannanam
va pasadaya .pe. Evanca pana bhikkhave imam sikkhapadam uddiseyyatha
{368.2} ujjhapanake pacittiyanti.
{368.3} Evancidam bhagavata bhikkhunam sikkhapadam pannattam hoti.
@Footnote: 1 Ma. pannapeti. evamuparipi.
[369] Tena kho pana samayena mettiyabhummajaka bhikkhu bhagavata
ujjhapanakam patikkhittanti ettavata bhikkhu sossantiti bhikkhunam
samanta ayasmantam dabbam mallaputtam khiyanti chandaya dabbo
mallaputto senasanam pannapeti chandaya ca bhattani uddisatiti .
Ye te bhikkhu appiccha .pe. te ujjhayanti khiyanti vipacenti
katham hi nama mettiyabhummajaka bhikkhu ayasmantam dabbam mallaputtam
khiyantiti.
{369.1} Athakho te bhikkhu bhagavato etamattham arocesum. Athakho
bhagava .pe. mettiyabhummajake bhikkhu patipucchi saccam kira tumhe bhikkhave
dabbam mallaputtam khiyathati . saccam bhagavati . vigarahi buddho bhagava katham
hi nama tumhe moghapurisa dabbam mallaputtam khiyissatha netam moghapurisa
appasannanam va pasadaya .pe. evanca pana bhikkhave imam sikkhapadam
uddiseyyatha
{369.2} ujjhapanake khiyanake pacittiyanti.
[370] Ujjhapanakam nama upasampannam sanghena sammatam
senasanapannapakam va bhattuddesakam va yagubhajakam va phalabhajakam
va khajjabhajakam va appamattakavissajjakam va avannam kattukamo
ayasam kattukamo mankukattukamo 1- upasampannam ujjhapeti va
khiyati va apatti pacittiyassa.
[371] Dhammakamme dhammakammasanni ujjhapanake khiyanake
@Footnote: 1 Yu. mankum kattukamo. evamuparipi.
Apatti pacittiyassa . dhammakamme vematiko ujjhapanake
khiyanake apatti pacittiyassa . dhammakamme adhammakammasanni
ujjhapanake khiyanake apatti pacittiyassa.
[372] Anupasampannam ujjhapeti va khiyati va apatti
dukkatassa . upasampannam sanghena asammatam senasanapannapakam va
bhattuddesakam va yagubhajakam va phalabhajakam va khajjabhajakam va
appamattakavissajjakam va avannam kattukamo ayasam kattukamo
mankukattukamo upasampannam va anupasampannam va ujjhapeti va
khiyati va apatti dukkatassa . anupasampannam sanghena sammatam
va asammatam va senasanapannapakam va bhattuddesakam va yagubhajakam
va phalabhajakam va khajjabhajakam va appamattakavissajjakam va avannam
kattukamo ayasam kattukamo mankukattukamo upasampannam va
anupasampannam va ujjhapeti va khiyati va apatti dukkatassa .
Adhammakamme dhammakammasanni apatti dukkatassa . adhammakamme
vematiko apatti dukkatassa . adhammakamme adhammakammasanni
apatti dukkatassa.
[373] Anapatti pakatiya chanda dosa moha bhaya karontam
ujjhapeti va khiyati va ummattakassa adikammikassati.
Tatiyasikkhapadam nitthitam.
-------
Catutthasikkhapadam
[374] Tena samayena buddho bhagava savatthiyam viharati jetavane
anathapindikassa arame . tena kho pana samayena bhikkhu hemantike
kale ajjhokase senasanam pannapetva kayam otapenta kale
arocite tam pakkamanta neva uddharimsu na uddharapesum anapuccha
pakkamimsu . senasanam ovattham hoti . ye te bhikkhu appiccha .pe.
Te ujjhayanti khiyanti vipacenti katham hi nama bhikkhu ajjhokase
senasanam pannapetva tam pakkamanta neva uddharissanti na
uddharapessanti anapuccha pakkamissanti senasanam ovatthanti.
{374.1} Athakho te bhikkhu bhagavato etamattham arocesum. Athakho
bhagava bhikkhu patipucchi saccam kira bhikkhave bhikkhu ajjhokase senasanam
pannapetva tam pakkamanta neva uddharanti na uddharapenti
anapuccha pakkamanti senasanam ovatthanti . saccam bhagavati .
Vigarahi buddho bhagava katham hi nama te bhikkhave moghapurisa ajjhokase
senasanam pannapetva tam pakkamanta neva uddharissanti na
uddharapessanti anapuccha pakkamissanti . senasanam ovattham
netam bhikkhave appasannanam va pasadaya .pe. evanca pana
bhikkhave imam sikkhapadam uddiseyyatha
{374.2} yo pana bhikkhu sanghikam mancam va pitham va bhisim va koccham va
Ajjhokase santharitva va santharapetva va tam pakkamanto neva
uddhareyya na uddharapeyya anapuccham va gaccheyya pacittiyanti.
{374.3} Evancidam bhagavata bhikkhunam sikkhapadam pannattam hoti.
[375] Tena kho pana samayena bhikkhu ajjhokase vasitva kalasseva
senasanam atiharanti 1- . addasa kho bhagava te bhikkhu kalasseva
senasanam atiharante . disvana etasmim nidane etasmim pakarane
dhammim katham katva bhikkhu amantesi anujanami bhikkhave attha mase
avassikasankete mandape va rukkhamule va yattha kaka va kulala
va na uhadanti 2- tattheva 3- senasanam nikkhipitunti.
[376] Yo panati yo yadiso .pe. Bhikkhuti .pe. Ayam imasmim
atthe adhippeto bhikkhuti . sanghikam nama sanghassa dinnam hoti
pariccattam . manco nama cattaro manca masarako bundikabaddho
kulirapadako ahaccapadako . pitham nama cattari pithani masarakam
bundikabaddham kulirapadakam ahaccapadakam . bhisi nama panca bhisiyo
unnabhisi vakabhisi colabhisi tinabhisi pannabhisi . koccham nama
vakamayam va usiramayam va munjamayam va pabbajamayam va anto
samvethetva baddham hoti . santharitvati sayam santharitva .
Santharapetvati annam santharapetva . anupasampannam santharapeti
@Footnote: 1 Ma. abhiharanti. evamuparipi . 2 Ma. uhadanti . 3 Ma. Yu. tattha.
Tassa palibodho . upasampannam santharapeti santharakassa palibodho .
Tam pakkamanto neva uddhareyyati na sayam uddhareyya. Na uddharapeyyati
na annam uddharapeyya . anapuccham va gaccheyyati bhikkhum va samaneram
va aramikam va anapuccha majjhimassa purisassa leddupatam
atikkamantassa apatti pacittiyassa.
[377] Sanghike sanghikasanni ajjhokase santharitva va
santharapetva va tam pakkamanto neva uddhareyya na uddharapeyya
anapuccham va gaccheyya apatti pacittiyassa . sanghike vematiko
ajjhokase santharitva va santharapetva va tam pakkamanto neva
uddhareyya na uddharapeyya anapuccham va gaccheyya apatti
pacittiyassa . sanghike puggalikasanni ajjhokase santharitva va
santharapetva va tam pakkamanto neva uddhareyya na uddharapeyya
anapuccham va gaccheyya apatti pacittiyassa . cimilikam va
uttarattharanam va bhummattharanam va tattikam va cammakhandam va
padapunchanim va phalakapitham va ajjhokase santharitva va
santharapetva va tam pakkamanto neva uddhareyya na uddharapeyya
anapuccham va gaccheyya apatti dukkatassa . puggalike sanghikasanni
apatti dukkatassa . puggalike vematiko apatti dukkatassa .
Puggalike puggalikasanni annassa puggalike apatti dukkatassa .
Attano puggalike anapatti.
[378] Anapatti uddharitva gacchati uddharapetva gacchati
apuccham gacchati otapento gacchati kenaci palibuddham hoti
apadasu ummattakassa adikammikassati.
Catutthasikkhapadam nitthitam.
-------
Pancamasikkhapadam
[379] Tena samayena buddho bhagava savatthiyam viharati jetavane
anathapindikassa arame . tena kho pana samayena sattarasavaggiya
bhikkhu sahayaka honti . te vasantapi ekato va vasanti pakkamantapi
ekato va pakkamanti . te annatarasmim sanghike vihare seyyam
santharitva tam pakkamanta neva uddharimsu na uddharapesum anapuccha
pakkamimsu . senasanam upacikahi khayitam hoti . Ye te bhikkhu appiccha
.pe. te ujjhayanti khiyanti vipacenti katham hi nama sattarasavaggiya
bhikkhu sanghike vihare seyyam santharitva tam pakkamanta neva
uddharissanti na uddharapessanti anapuccha pakkamissanti senasanam
upacikahi khayitanti.
{379.1} Athakho te bhikkhu bhagavato etamattham arocesum. Athakho
bhagava bhikkhu patipucchi saccam kira bhikkhave sattarasavagtiya bhikkhu sanghike
vihare seyyam santharitva tam pakkamanta neva uddharimsu na uddharapesum
anapuccha pakkamimsu senasanam upacikahi khayitanti . saccam bhagavati.
Vigarahi buddho bhagava katham hi nama te bhikkhave moghapurisa sanghike
vihare seyyam santharitva tam pakkamanta neva uddharissanti na
uddharapessanti anapuccha pakkamissanti senasanam upacikahi
khayitam netam bhikkhave appasannanam va pasadaya .pe. evanca
Pana bhikkhave imam sikkhapadam uddiseyyatha
{379.2} yo pana bhikkhu sanghike vihare seyyam santharitva va
santharapetva va tam pakkamanto neva uddhareyya na uddharapeyya
anapuccham va gaccheyya pacittiyanti.
The Pali Tipitaka in Roman Character Volume 2 page 225-248.
https://84000.org/tipitaka/read/roman_item.php?book=2&item=342&items=38
Classified by [Item Number] :-
http://84000.org/tipitaka/read/roman_item.php?book=2&item=342&items=38&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=2&item=342&items=38
Compare with The Royal Version of Thai Tipitaka :-
https://84000.org/tipitaka/read/byitem.php?book=2&item=342&items=38
Study Atthakatha :-
https://84000.org/tipitaka/attha/attha.php?b=2&i=342
Contents of The Tipitaka Volume 2
https://84000.org/tipitaka/read/?index_2
https://84000.org/tipitaka/english/?index_2
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
