บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
Suttantapitake samyuttanikayassa pancamo bhago ---- mahavaravaggo namo tassa bhagavato arahato sammasambuddhassa. Avijjavaggo pathamo [1] Evamme sutam ekam samayam bhagava savatthiyam viharati jetavane anathapindikassa arame . tatra kho bhagava bhikkhu amantesi bhikkhavoti . bhadanteti te bhikkhu bhagavato paccassosum . bhagava etadavoca. [2] Avijja bhikkhave pubbangama akusalanam dhammanam samapattiya anvadeva 1- ahirikam anottappam . avijjagatassa bhikkhave aviddasuno micchaditthi pahoti micchaditthissa micchasankappo pahoti micchasankappassa micchavaca pahoti micchavacassa micchakammanto pahoti micchakammantassa micchaajivo pahoti micchaajivassa micchavayamo pahoti micchavayamassa micchasati pahoti micchasatissa micchasamadhi pahoti. [3] Vijja ca kho bhikkhave pubbangama kusalanam dhammanam samapattiya anvadeva 2- hirottappam . vijjagatassa bhikkhave viddasuno @Footnote: 1-2 Yu. anudeva. Sammaditthi pahoti sammaditthissa sammasankappo pahoti sammasankappassa sammavaca pahoti sammavacassa sammakammanto pahoti sammakammantassa sammaajivo pahoti sammaajivassa sammavayamo pahoti sammavayamassa sammasati pahoti sammasatissa sammasamadhi pahotiti. [4] Evamme sutam ekam samayam bhagava sakyesu viharati sakkaram nama sakyanam nigamo . atha kho ayasma anando yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho ayasma anando bhagavantam etadavoca upaddhamidam bhante brahmacarayassa 1- yadidam kalyanamittata kalyanasahayata kalyanasampavankatati. [5] Ma hevam ananda avaca 2- ma hevam ananda avaca 3- sakalameva 4- hidam ananda brahmacariyam yadidam kalyanamittata kalyanasahayata kalyanasampavankata . kalyanamittassetam ananda bhikkhuno patikankham kalyanasahayakassa kalyanasampavankassa ariyam atthangikam maggam bhavessati ariyam atthangikam maggam bahulikarissatiti. [6] Kathancananda bhikkhu kalyanamitto kalyanasahayo kalyanasampavanko ariyam atthangikam maggam bhaveti ariyam atthangikam maggam bahulikaroti . idhananda bhikkhu sammaditthim bhaveti vivekanissitam viraganissitam nirodhanissitam vossaggaparinamim sammasankappam bhaveti @Footnote: 1 Ma. brahmacariyam. 2-3 Ma. Yu. ayam patho natthi. 4 Ma. sakamevidam ananda .... Vivekanissitam .pe. sammavacam bhaveti .pe. sammakammantam bhaveti .pe. sammaajivam bhaveti .pe. sammavayamam bhaveti .pe. sammasatim bhaveti .pe. sammasamadhim bhaveti vivekanissitam viraganissitam nirodhanissitam vossaggaparinamim . evam kho ananda bhikkhu kalyanamitto kalyanasahayo kalyanasampavanko ariyam atthangikam maggam bhaveti ariyam atthangikam maggam bahulikaroti. [7] Tadiminapetam 1- ananda pariyayena veditabbam yatha sakalamevidam brahmacariyam yadidam kalyanamittata kalyanasahayata kalyanasampavankatati . mamanhi ananda kalyanamittam agamma jatidhamma satta jatiya parimuccanti jaradhamma satta jaraya parimuccanti maranadhamma satta maranena parimuccanti sokaparideva- dukkhadomanassupayasadhamma satta sokaparidevadukkhadomanassupayasehi parimuccanti . imina kho etam ananda pariyayena veditabbam yatha sakalamevidam brahmacariyam yadidam kalyanamittata kalyanasahayata kalyanasampavankatati. [8] Savatthinidanam . atha kho ayasma sariputto yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho ayasma sariputto bhagavantam etadavoca sakalamidam bhante brahmacariyam yadidam kalyanamittata kalyanasahayata kalyanasampavankatati. @Footnote: 1 Ma. Yu. tadaminapetam. [9] Sadhu sadhu sariputta sakalamidam sariputta brahmacariyam yadidam kalyanamittata kalyanasahayata kalyanasampavankata . Kalyanamittassetam sariputta bhikkhuno patikankham kalyanasahayassa kalyanasampavankassa ariyam atthangikam maggam bhavessati ariyam atthangikam maggam bahulikarissatiti. [10] Kathanca sariputta bhikkhu kalyanamitto kalyanasahayo kalyanasampavanko ariyam atthangikam maggam bhaveti ariyam atthangikam maggam bahulikaroti . idha sariputta bhikkhu sammaditthim bhaveti vivekanissitam viraganissitam nirodhanissitam vossaggaparinamim .pe. Sammasamadhim bhaveti vivekanissitam viraganissitam nirodhanissitam vossaggaparinamim . evam kho sariputta bhikkhu kalyanamitto kalyanasahayo kalyanasampavanko ariyam atthangikam maggam bhaveti ariyam atthangikam maggam bahulikaroti. [11] Tadiminapetam sariputta pariyayena veditabbam yatha sakalamidam brahmacariyam yadidam kalyanamittata kalyanasahayata kalyanasampavankatati . mamanhi sariputta kalyanamittam agamma jatidhamma satta jatiya parimuccanti jaradhamma satta jaraya parimuccanti maranadhamma satta maranena parimuccanti sokaparidevadukkhadomanassupayasadhamma satta sokaparidevadukkha- domanassupayasehi parimuccanti . imina kho etam sariputta pariyayena Veditabbam yatha sakalamidam brahmacariyam yadidam kalyanamittata kalyanasahayata kalyanasampavankatati. [12] Savatthinidanam . atha kho ayasma anando pubbanhasamayam nivasetva pattacivaramadaya savatthim pindaya pavisi . addasa kho ayasma anando janussonim brahmanam sabbasetena valavabhirathena savatthiya niyyayantam seta sudam assa yutta honti setalankara seto ratho setaparivaro seta rasmiyo seta patodalatthi setam chattam setam unhisam setani vatthani seta upahana setaya sudam valavijaniya 1- vijiyyati . tamenam jano disva evamaha brahmam vata bho yanam brahmayanarupam vata bhoti. [13] Atha kho ayasma anando savatthiyam pindaya caritva pacchabhattam pindapatapatikkanto yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho ayasma anando bhagavantam etadavoca idhaham bhante pubbanhasamayam nivasetva pattacivaramadaya savatthim pindaya pavisim addasam khvaham bhante janussonim brahmanam sabbasetena valavabhirathena savatthiya niyyayantam seta sudam assa yutta honti setalankara seto ratho setaparivaro seta rasmiyo seta patodalatthi setam chattam setam unhisam setani vatthani @Footnote: 1 Ma. valabijaniya bijiyyati. evamupari. Seta upahana setaya sudam valavijaniya vijiyyati . tamenam jano disva evamaha brahmam vata bho yanam brahmayanarupam vata bhoti . sakka nu kho bhante imasmim dhammavinaye brahmayanam pannapetunti. [14] Sakka anandati bhagava avoca imasseva kho etam ananda ariyassa atthangikassa maggassa adhivacanam brahmayanam itipi dhammayanam itipi anuttaro sangamavijayo itipi.The Pali Tipitaka in Roman Character Volume 19 page 1-6. https://84000.org/tipitaka/read/roman_item.php?book=19&item=1&items=14 Classified by [Item Number] :- http://84000.org/tipitaka/read/roman_item.php?book=19&item=1&items=14&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=19&item=1&items=14 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=1&items=14 Study Atthakatha :- https://84000.org/tipitaka/attha/attha.php?b=19&i=1 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]