paliTIPITAKA Volume 17 - Sutta Pitaka 9

[247] Phenapindupamam rupam vedana pubbulupama maricikupama sanna sankhara kadalupama mayupamanca vinnanam desitadiccabandhuna ^1-. Yatha ^2- yatha nijjhayati yoniso upaparikkhati rittakam tucchakam hoti yo nam passati yoniso. Imanca kayam arabbha bhuripannena desitam pahanam ^3- tinnam dhammanam rupam passatha chadditam. Ayu usma ca vinnanam yada kayam jahantimam apavittho tada seti parabhattam acetanam. Etadisayam santano mayayam balalapini vadhako eko ^4- akkhato saro ettha na vijjati. Evam khandhe avekkheyya bhikkhu araddhaviriyo diva va yadi va ratti ^5- sampajano patissato. Pajahe ^6- sabbasamyogam kareyya saranattano careyyadittasisova patthayam accutam padanti. @Footnote: ¹ Yu. dipitadiccabandhuna . ² Po. yatha nam nijjhati . ³ Po. pahasi. Ma. pahana. @⁴ Ma. esa. Yu. eso . ⁵ Ma. Yu. rattim . ⁶ Ma. Yu. jaheyya. [248] Savatthi . atha kho annataro bhikkhu .pe. ekamantam nisinno kho so bhikkhu bhagavantam etadavoca atthi nu kho bhante kinci rupam yam rupam niccam dhuvam sassatam aviparinamadhammam sassatisamam tatheva thassati . atthi nu kho bhante kaci vedana ya vedana nicca dhuva sassata aviparinamadhamma sassatisamam tatheva thassati . Atthi nu kho bhante kaci sanna ya sanna .pe. atthi nu kho bhante keci sankhara ye sankhara nicca dhuva sassata aviparinamadhamma sassatisamam tatheva thassanti . atthi nu kho bhante kinci vinnanam yam vinnanam niccam dhuvam sassatam aviparinamadhammam sassatisamam tatheva thassatiti . natthi kho bhikkhu kinci rupam yam rupam niccam dhuvam sassatam aviparinamadhammam sassatisamam tatheva thassati . Natthi kho bhikkhu kaci vedana . kaci sanna . keci sankhara. Kinci vinnanam yam vinnanam niccam dhuvam sassatam aviparinamadhammam sassatisamam tatheva thassati ^1-. [249] Atha kho bhagava parittam gomayapindam panina gahetva tam bhikkhum etadavoca ettakopi kho bhikkhu attabhavapatilabho natthi nicco dhuvo sassato aviparinamadhammo sassatisamam tatheva thassati . Ettako cepi bhikkhu attabhavapatilabho abhavissa nicco dhuvo sassato aviparinamadhammo na yidam brahmacariyavaso pannayetha sammadukkhakkhayaya . yasma ca kho bhikkhu ettakopi @Footnote: ¹ Ma. Yu. thassatiti. Attabhavapatilabho natthi nicco dhuvo sassato aviparinamadhammo tasma brahmacariyavaso pannayati sammadukkhakkhayaya. [250] Bhutapubbaham bhikkhu raja ahosim khattiyo muddhavasitto. Tassa mayham bhikkhu ranno sato khattiyassa muddhavasittassa caturasiti nagarasahassani ahesum kusavatirajadhanippamukhani ^1- . Tassa mayham bhikkhu ranno sato khattiyassa muddhavasittassa caturasiti pasadasahassani ahesum dhammapasadappamukhani . tassa mayham bhikkhu ranno sato khattiyassa muddhavasittassa caturasiti kutagarasahassani ahesum mahabyuhakutagarappamukhani . tassa mayham bhikkhu ranno sato khattiyassa muddhavasittassa caturasiti pallankasahassani ahesum dantamayani saramayani sovannamayani rupiyamayani gonakatthatani patikatthatani patalikatthatani kadalimigapavarapaccattharanani ^2- sauttaracchadani ubhatolohitakupadhanani . tassa mayham bhikkhu ranno sato khattiyassa muddhavasittassa caturasiti nagasahassani ahesum sovannalankarani sovannadhajani hemajalapaticchannani uposathanagarajappamukhani. {250.1} Tassa mayham bhikkhu ranno sato khattiyassa muddhavasittassa caturasiti assasahassani ahesum sovannalankarani sovannadhajani hemajalapaticchannani valahakaassarajappamukhani . tassa mayham bhikkhu ranno sato khattiyassa muddhavasittassa caturasiti rathasahassani ahesum sovannalankarani sovannadhajani hemajalapaticchannani @Footnote: ¹ Yu. kusavatinama . ² Po. kadalipittapaccattharanani. Paticchannani vejayantarathappamukhani . tassa mayham bhikkhu ranno sato khattiyassa muddhavasittassa caturasiti manisahassani ahesum maniratanappamukhani . tassa mayham bhikkhu ranno sato khattiyassa muddhavasittassa caturasiti itthisahassani ahesum bhaddadevippamukhani ^1-. Tassa mayham bhikkhu .pe. caturasiti khattiyasahassani ahesum anuyantani parinayakaratanappamukhani . tassa mayham bhikkhu .pe. Caturasiti dhenusahassani ahesum dukulasandanani kamsupadharanani ^2- . Tassa mayham bhikkhu .pe. caturasiti vatthakotisahassani ahesum khomasukhumani koseyyasukhumani kambalasukhumani kappasikasukhumani . Tassa mayham bhikkhu .pe. caturasiti thalipakasahassani ahesum sayam patam bhattabhiharo abhihariyittha.

The Pali Tipitaka in Roman Character Volume 17 page 174-177. https://84000.org/tipitaka/read/roman_item.php?book=17&item=247&items=4 Classified by [Item Number] :- http://84000.org/tipitaka/read/roman_item.php?book=17&item=247&items=4&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=17&item=247&items=4 Compare with The Royal Version of Thai Tipitaka :- https://84000.org/tipitaka/read/byitem.php?book=17&item=247&items=4 Study Atthakatha :- https://84000.org/tipitaka/attha/attha.php?b=17&i=247 Contents of The Tipitaka Volume 17 https://84000.org/tipitaka/read/?index_17 https://84000.org/tipitaka/english/?index_17