บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
Khandhasamyuttassa majjhimapannasake theravaggo catuttho [193] Savatthiyam viharati . arame . tatra kho ayasma anando bhikkhu amantesi avuso bhikkhaveti 1- . avusoti kho te bhikkhu ayasmato anandassa paccassosum . ayasma anando etadavoca punno nama avuso ayasma mantaniputto amhakam navakanam satam bahupakaro hoti so amhe imina ovadena ovadati upadaya avuso ananda asmiti hoti no anupadaya . kinca upadaya asmiti hoti no anupadaya . rupam upadaya asmiti hoti no anupadaya . vedanam . sannam . sankhare . vinnanam upadaya asmiti hoti no anupadaya. {193.1} Seyyathapi avuso ananda itthi va puriso va daharo 2- yuva mandanakajatiko adase va parisuddhe pariyodate acche va udakapatte sakam mukhanimittam paccavekkhamano upadaya passeyya no anupadaya . evameva kho avuso ananda rupam upadaya asmiti hoti no anupadaya . vedanam . Sannam. Sankhare. Vinnanam upadaya asmiti hoti no anupadaya. {193.2} Tam kim mannasi avuso ananda rupam niccam va aniccam vati . aniccam avuso . vedana . sanna . Sankhara . vinnanam niccam va aniccam vati . aniccam avuso .pe. tasma tiha . evam passam .pe. naparam @Footnote: 1 Yu. bhikkhavo . 2 Po. daharo va yuva va. Itthattayati pajanati 1- . punno nama avuso ayasma mantaniputto amhakam navakanam satam bahupakaro hoti so amhe imina ovadena ovadati imam 2- pana me ayasmato punnassa mantaniputtassa dhammadesanam sutva dhammo abhisamitoti 3-.. [194] Savatthiyam viharati . arame . tena kho pana samayena ayasma tisso bhagavato pitucchaputto sambahulanam bhikkhunam evamaroceti api me avuso madhurakajato viya kayo disapi me na pakkhayanti dhammapi mam 4- nappatibhanti thinamiddhanca me cittam pariyadaya titthati anabhirato ca 5- brahmacariyam carami hoti ca me dhammesu vicikicchati. [195] Atha kho sambahula bhikkhu yena bhagava tenupasankamimsu upasankamitva bhagavantam abhivadetva ekamantam nisidimsu . ekamantam nisinna kho te bhikkhu bhagavantam etadavocum ayasma bhante tisso bhagavato pitucchaputto sambahulanam bhikkhunam evamaroceti api me avuso madhurakajato viya kayo disapi me na pakkhayanti dhammapi mam nappatibhanti thinamiddhanca me cittam pariyadaya titthati anabhirato ca brahmacariyam carami hoti ca me dhammesu vicikicchati. {195.1} Atha kho bhagava annataram bhikkhum amantesi ehi tvam bhikkhu mama vacanena tissam bhikkhum amantehi sattha tam avuso tissa amantetiti. Evam bhanteti kho so bhikkhu bhagavato patissutva yenayasma tisso @Footnote: 1 Ma. Yu. pajanatiti . 2 Ma. Yu. idanca pana . 3 Yu. abhisametoti. @4 Po. me nappatilabhanti . 5 Po. va. Tenupasankami upasankamitva ayasmantam tissam etadavoca sattha tam avuso tissa amantetiti . evam avusoti kho ayasma tisso tassa bhikkhuno patissutva yena bhagava tenupasankami upasankamitva bhagavantam abhivadetva ekamantam nisidi . ekamantam nisinnam kho ayasmantam tissam bhagava etadavoca saccam kira tvam tissa sambahulanam bhikkhunam evamarocesi api me avuso madhurakajato viya kayo .pe. hoti ca me dhammesu vicikicchati. Evam bhante. Tam kim mannasi tissa rupe avitaragassa 1- avitatacchandassa avitapemassa avitapipasassa avitaparilahassa avitatanhassa tassa rupassa viparinamannathabhava uppajjanti sokaparidevadukkha- domanassupayasati. Evam bhante. {195.2} Sadhu sadhu tissa evam hetam tissa hoti yathatam rupe avitaragassa . vedanaya . sannaya . sankharesu avitaragassa .pe. Tesam sankharanam viparinamannathabhava uppajjanti sokaparidevadukkha- domanassupayasati . evam bhante . Sadhu sadhu tissa evam hetam tissa hoti yathatam sankharesu avitaragassa . vinnane avitaragassa avitacchandassa avitapemassa avitapipasassa avitaparilahassa avitatanhassa tassa vinnanassa parinamannathabhava uppajjanti sokaparidevadukkhadomanassupayasati . evam bhante . sadhu sadhu tissa evam hetam tissa hoti yathatam vinnane avitaragassa. @Footnote: 1 Po. Ma. Yu. avigataragassa ... avigatatanhassa . 2 Po. yathabhutam. [196] Tam kim mannasi tissa rupe vitaragassa vitacchandassa vitapemassa vitapipasassa vitaparilahassa vitatanhassa tassa rupassa viparinamannathabhava uppajjanti sokaparidevadukkhadomanassupayasati . No hetam bhante . sadhu sadhu tissa evam hetam tissa hoti yathatam rupe vitaragassa . vedanaya . sannaya . sankharesu . Vinnane vitaragassa vitacchandassa vitapemassa vitapipasassa vitaparilahassa vitatanhassa tassa vinnanassa viparinamannathabhava uppajjanti sokaparidevadukkhadomanassupayasati . no hetam bhante . sadhu sadhu tissa evam hetam tissa hoti yathatam vinnane vitaragassa . tam kim mannasi tissa rupam niccam va aniccam vati . Aniccam bhante .pe. vedana . sanna . sankhara . vinnanam niccam va aniccam vati . aniccam bhante .pe. tasma tiha . Evam passam .pe. Naparam itthattayati pajanati.The Pali Tipitaka in Roman Character Volume 17 page 128-131. https://84000.org/tipitaka/read/roman_item.php?book=17&item=193&items=4 Classified by [Item Number] :- http://84000.org/tipitaka/read/roman_item.php?book=17&item=193&items=4&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=17&item=193&items=4 Compare with The Royal Version of Thai Tipitaka :- https://84000.org/tipitaka/read/byitem.php?book=17&item=193&items=4 Study Atthakatha :- https://84000.org/tipitaka/attha/attha.php?b=17&i=193 Contents of The Tipitaka Volume 17 https://84000.org/tipitaka/read/?index_17 https://84000.org/tipitaka/english/?index_17
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]